NeNe Chicken (新都會廣場) (已結業)

韓國炸雞嘅餐廳開得越嚟越多，去到邊都會有一間喺左近。今次去咗葵芳，而葵芳嘅代表就係NENE CHICKEN。雖然話嚟到炸雞店應該食炸雞，但奈何兩個人食半份炸雞又太熱氣，跟住見到menu有個叫金大人串燒拼盤，賣相都好得喎，所以就叫咗過嚟試下。上菜嘅時候個滿足感真係爆燈，睇起上嚟感覺好豐富。佢有好多唔同嘅串燒燒雞，雞翼等等，同時都有少量炸雞。啱曬我哋呢啲唔想太熱氣嘅人。而拼盤中間嘅芝士留心菜包亦都係好好食，芝士份量十足。韓國紫菜卷。我唔太記得佢全名係乜嘢，不過我覺得呢個卷物就太過肥膩喇。因為佢拎咗成個卷物去炸，仲加咗好多沙律醬，食咗一半都冇食咯青提子梳打。PINK LEAMON TEA檸檬茶賣相就幾特別嘅，有少女嘅粉紅色，不過味道就冇乜特別。提子梳打就係梳打加糖水嘅味道，不過不失啦。成餐飯嘅敗筆就係紫菜卷，我相信揀過第二樣應該會好食啲嘅。