影片
以上資料只供參考, 請與餐廳確認詳情
龍年第一 K ﹗細房都好骨子，乾乾淨淨，還可以啦。除左卡拉 ok 外，仲多部電視可以睇 Now 寬頻添喎 ﹗雖然整個場地細細，但每次走出房都迷路，條條路都一模一樣囉 ﹗風沙墨魚咀，點解鋪滿辣椒乾碎既？風沙唔係炸蒜蓉咩？廚房新黎定係專登玩野架？我自問好食得辣都覺得辣到跳舞呢，堅係滴晒汗 ﹗炸得香脆乾爽，墨魚咀夠爽彈，鮮味濃濃。勁辣非常刺激，越食越興奮，好食喎。菜膽上湯雲吞，細細杯？似層相識小杯雲吞。一啖全部倒晒落口，幾種唔同食材、味道、口感混和一齊，豐富得黎又幾好食，估您唔到。蒜蓉蒸開邊蝦，失敗 ﹗強烈雪藏味道，而且蒸到過晒火，乾硬鞋合體。蠔油菜芯，新鮮翠綠又爽口多汁，雖不夠甜但都無草青味，正 ﹗清蒸烏頭，蒸過晒龍，乾爭爭又鞋烚烚，散發微弱魚腥味及泥味。蝦米節瓜炒粉絲，好好好喎 ﹗粉絲爽滑，不杰不漿，唔會腍劈劈，吸晒所有精華，豉油味清香美味 ﹗水蟹粥，真大膽 ﹗居然出海鮮，就試您一試。嘩，味道唔錯，食得下 ﹗好難得係我口中話 Neway 食物不太差。水蟹細細仔無咩肉食，但勝在非常鮮甜。熱辣辣粥底棉滑，亦好有蟹味，讚。青紅蘿蔔瘦肉湯，不過不失，比想像中好，濃郁香甜有肉味。菜膽上湯雲吞、蒜蓉蒸開邊蝦、蠔油菜芯、清蒸乾鞋烏頭、蝦米節瓜炒粉絲，唔難食。凍蝦，爽口勁彈，但完全無味，比醬我點下好喎。凍愛爾蘭藍青口，又粉又霉，唔新鮮。翡翠螺，硬實唔新鮮。生蠔，腍劈劈，好可怕。避風塘椒鹽蝦，蝦殼腍劈劈十分油膩，食左一隻唔想再食喇，都係好重雪藏味囉，算罷啦。芝士薯仔煙肉卷，還以為煙肉卷住既係玉子，點知食落係乾爭爭既薯仔，劣 ﹗豉油紅腸墨魚，紅腸夠隱陣，點都唔會難食掛，墨魚都 ok 啦，白烚過火有點韌。芝士蜜桃汁火腿，夠簡單，味道同口感都唔錯。肉鬆炒豆角，炒得好好喎，豆角軟硬適中索索聲，配埋肉鬆同吃味道剛好。滷水雞中翼，真係夠驚典，嗅雞翼呀﹗到底有無 check 清楚先出貨架 ﹗我最初都無留意，但當我咬左兩啖就發覺係嗅雞，其實單用鼻索一索都可以發現有異味。辣酒煮花螺，好有辣味，但無酒味 ﹗從未試過花螺口感腍劈劈又黏黏的，好嘔心，試左幾舊，我投降了。咖哩魚蛋豬皮，好鬼油 ﹗豬皮都免強入得口，但魚蛋硬實又腥又有怪味 ﹗三文魚刺生，全晚最好味，免強都叫新鮮既，味道鮮甜，滿意 ﹗冬菇火腿帶子豆腐，最初遠望時我還以為係鵝肝伴法包，行近一點，原來我實在諗多左 ﹗豆腐黎架乍？厚厚的豆腐扒，整個配搭都好淡，帶子又無味，鮮冬菇味道最濃。成舊塞入口，唔難食。醬燒牛柳粒，點解味道似足齋鴨腎既？超級油淋淋呀。鹽燒鯖魚，從來未食過燒鯖魚可以似油浸架，而且濕淋淋，仲好鬼酸添，落錯左醋黎燒咩？我的第一次係大埔 Neway K buffet ﹗買一送一，HKD28 兩個人，抵到爛，但價錢係其次，最緊要食物質數 ﹗其實我最討厭自助餐呀，包括什麼放題呀、任飲任食呀。食物大多數質量勁差，而且又要快、又要搶先有得食，仲要自己招乎自己 ﹗Neway 快餐比 buffet 更差，唯有侷住加錢食 buffet，好過地獄級超驚嚇快餐啦 ﹗
繼續閱讀
海鮮主提自助餐，冇諗過卡拉OK都會有咁多款式可以選擇。各類海鮮、日式和中式都有，仲有生蠔焗蠔抄蜆蝦蟹等等，魚生三文魚壽司手卷等等都不停供應。自助式打邊爐款式都可以接受。還有甜品&湯都OK, 一提大家慶祝生日除蛋糕香檳外，還有壽包奉送。滿500蚊另有公仔贈送，哄得小朋友很開心。
繼續閱讀
上個星期六,唔知食咩好,去左唱k , 唸住都有刺身食啦,$98+10%, 都唔係話貴,其實之前已經去過好多次,每次d 刺身都係片到薄一薄好似塊紙咁,今次終於忍唔住,打去服務台片佢,好似唔洗比人食咁,片刺身條油仲要黑口黑面,好在最後有個經理(o靚仔咁款嘅) 來同我地講唔好意思,會改善...都順返氣d.不過間野都係差.....仲有全港咁多間分店,大埔果間真係差到極啊,buffet bar d 食物簡直係垃圾食物(獅子狗啊,番茄薯茸,魚蛋,白切雞,蛋炒飯,蒸燒賣,燒芝士腸...全部cheap 野(全部都唔健康高卡路里食物),刺身每次限取2片(薄片),,,得果幾款壽司,仲要d飯勁醋味....$1xx 食埋d咁嘅野...5個人,唱2個半鐘,講明冇人等可以繼續唱,但每次都好準時cut你,冇人等都係照cut你,最多都係試過冇人等唱多1個鐘,,,,呃鬼嘅,
繼續閱讀
朋友生日咁啱中秋，所以大家BOOK定位。生日果位FREE，仲送左一個CAKE、一籠壽包同一支香檳。個CAKE都好靚，因為FREE，所以唔好要求咁多，再且我哋又買左一個CAKE去，多啲CAKE，睇起嚟開心啲。個FREE CAKE味道不差。另外一籠壽包就好好味，雖然係超市貨，但因為熱辣辣，所以受歡迎。服務亦都唔錯，由拎CAKE，分CAKE，分香檳同幫我哋影相嘅個位服務員，抵讚！但另外有啲服務員就麻麻地，要改善，要出聲囉，搞到原本ORDER兩位FRUIT PUNCH，嚟左五杯，把鬼！中秋夜$168加一六人只能唱三個鐘！
繼續閱讀
昨日23/11/2007我地一行十人去大埔neway唱k﹐由十點開始﹐咁有朋生日梗係飲下酒啦﹐咁就叫左個酒餐﹐包2支black label加半打啤酒﹐再加七個小食﹐點知原來無得轉酒不特止(諗住轉芝華士)﹐居然個肥經理話大埔依間要轉就要加每支100﹐再者又話大埔neway係全港最貴一間既neway﹐跟住仲話鬼叫我地獨市生意﹐所以係收貴啲咖啦!!!好似老憑咁仲話如果唔滿意咪出去九龍o固啲neway囉分分鐘有得簽酒俾你!!!真係俾佢吹脹﹐話晒都唔係第一日出黎玩呀﹐點解同一個集團收費唔一樣不特止仲有啲咁樣既服務。你話下次點去!!!仲話留港消費!!!真係俾佢吹到一肚氣!!!
繼續閱讀