November+

營業中

休息中

今日中午放飯黎左呢間位於上環永樂街既新餐廳食。個名叫November+，唔知係咪因爲餐廳11月開張呢？餐牌有烏冬，意粉，全日早餐，沙律，牛柳，飲品，小食，同甜品。主菜可以加錢升級套餐，加$30可以加迷你雜菜湯，沙律，或者是日餐包，同埋一杯精選飲品。亦可加$30要是日蛋糕或者是日甜品。紐西蘭牛柳配薯仔，西蘭花，蒔蘿蒜蓉牛油法包 $168紐西蘭牛柳配薯仔，西蘭花，蒔蘿蒜蓉牛油法包以長碟上枱。紐西蘭牛柳喺中間，份量唔細。牛柳外皮有少少脆，肉質就要咬下，上面加左香草，旁邊灑左少少鹽花，伴有類似菇醬。自己調下味道會好食d。餐牌上嘅西蘭花轉左做沙律菜加車厘茄。碟嘅另一邊有兩大件蒜蓉牛油法包，非常脆口，仲有飽肚嘅烤薯一大個切開4件。薑汁撞奶精選飲品幾特別吓，居然見到有薑汁撞奶，即刻試吓先。薑汁撞奶可以揀熱或者凍，我揀左熱。賣相唔馬虎，熱鮮奶加左適量薑汁，面頭用朱古力粉整左餐廳個名。飲落香滑少辣帶微微朱古力味，飲完成身暖哂。食哂成個餐都好飽肚。裝修以淺色木為主，餐廳放滿小盆栽，感覺好舒服。

上環隱世清新小cafe🥰1. 椰子雞湯烏冬 $78個雞湯好清甜 甜得黎又唔會好假 飲完唔會好口渴 就知佢用心製作 唔係落味精個啲 烏冬係讚歧個隻 咬落彈牙 正常份量 雞肉都嫩 最出色係隻日本溫泉蛋 煮得好啱火喉 一咬 金黃色嘅蛋汁湧出黎 蛋香十足 推介2. 慢煮雞胸茄汁意粉 $98呢個意粉一樣係用心製作 慢煮雞胸冇呃你 一啲都唔會嚡口 好易咬開 表面應該俾火槍輕輕燒香左 有少少焦香 個意粉茄汁好足 均勻咁撈哂成個意粉先上俾你 絕對唔似其他個啲咁一pat上hea你 同樣驚喜滿分3. 熱情orange +$30酸酸甜甜 有椰果同熱情果籽 有咬口 橙汁味都出 好fresh4. 薑母桂圓茶 +$30養生之選 唔飲凍嘢可以揀 入口有黑糖嘅甜味 之後有啲薑味後勁 冬天暖身一流…………………………………..🌝 嘢食小店黎講算高水準 環境坐落舒服 仲有少少海景睇 係附近番工食lunch好選擇🌚小店係樓上鋪 唔顯眼 唔算好大…………………………………..