Nuke'em Wings (已結業)

住系附近~今晚唔想食太full~ 買左10隻mild wings 每一隻都好大隻~D sauce 好惹味~~~~因為有分‧BBQ‧mild‧medium hot‧hot‧extreme‧you must be mental‧take your own risk之前食過BBQ味道~好好食~今次食mild ~~ 雖然話係有少少辣~但食唔出~下次會再向下一個level出發~~

I bought 20 chicken wings to go on fri nite... i found out they gave me 20 chicken legs when i got home...I tried to call back n complained to the staff... one the of staff explained that they might be lack of wings by the time i bought. I complained to them that at least I should have been informed @ the cashier by the time i made my order.later they just cut off my call n none of any apologies was made by the staff.just remind all customers to check their food b4 leaving...I didnt expect that

去左bar飲野, 朋友話有點肚餓, 出左黎買chicken wings食買了10隻BBQ wings ($50), 好大隻呢...! 好多肉又唔實, D醬汁介要好好味! Very nice!!!

行經呢間可愛的店~見到佢只係獨沽一味~只賣雞翼~咁有性格~即係佢d雞翼要好好味先唔會執笠啦~當然要一試!!!叫了一個中辣~25蚊5隻~佢有5至20隻都有~價錢唔同~好快~加左d辣汁~就俾你啦~更有性格係...佢冇膠叉提供~一定要用手!男友一食~佢話~你衝定去7-11買嘢飲啦~好辣~佢算食得辣的~都話估唔到中辣係咁辣~我一食.....好麻~但好香~好脆~好辣~佢係辣到唇有少少麻的感覺~但又帶丁點兒的甜~下一次...要食小辣或唔辣~我先可以真係食得到~今次只係食到冇太多汁的部份呢~但係食完呢一隻雞翼~mc記同埋kfc...當堂唔係一回事~

叫第一份 BBQ味.$25/5隻非常新鮮熱辣. bbq汁好濃味好正!!吃完了五隻大大的炸雞翼.....未夠喉....打算買份小辣的試下..印巴籍店員用不容易聽的英文問: you sure? 言下之意...小辣已經幾辣..之後佢用枝牙籤點左d汁比我試味..WOW. 真係幾辣..(可能我真係唔太食得辣...)於是!! 再encore一份原味小貼士: 帶濕紙巾. 會整到隻手好多汁. 店是沒有叉的.食得辣的人一定要試!!!

同Babe 食完熱狗, 唔飽... 再加上Babe 鐘意食雞翼,之後過黎再食過!由於第一次試又想食辣, 所以Order 左5隻Medium Hot 既 Wings,等左成10分鐘先有得食!D雞翼一拎出黎 我即刻拎左一隻 大大啖咬落去好熱好辣好好食 但係我同Babe 都辣到流眼淚...好過癮! 好特別! 我地會返黎再食過架!

和女友路經附近，也上來吃一客想吃很久的雞翼，因為本人非常嗜辣。辣的等級由唔辣到最辣，分成七級，最辣的店定形容為 at your own risk，可惜今天是沽清了，唯有退而求其次，選了第二級的You must be mental，雖然女友怕辣，但由於本人實在太想吃了，所以也吃了，因為主打都是我吃，但也多謝女友體諒。點了雞翼後，見店員不是炸雞翼，而是從一個保溫爐中取出預先炸好的雞翼，然後淋上辣汁，再拌勻就成了，真的似在吃即食麵般的簡易。所以不久，也有得吃了，問店員有沒有叉，原來是沒有的，當然徒手吃辣雞翼也另有一番風味，雞翼一拿上手也是熱騰騰的，咬下也是脆口及香辣，也看得出辣汁中充滿了辣椒的核，所以女友是辣得冒汗，但我個人來說，真的覺得不太辣，只是一點點刺激而已，不是不辣，但跟雲貴川及聯記的大辣是差上很多級呢，吃到最後，確實是越來越辣的，但對我來說，還是未有喝凍飲的需要，但怎麼說也是香辣惹味，雞皮脆口，雞肉是一貫雞翼應有的嫩滑，所以也當然不會難吃。吃過雞翼，到隔店為女友救火。

自知食辣能力有限，只選了三極的HOT。雞翼淋滿辣醬，外皮早無酥脆可言；然其吃頭并不在雞翼本身，而是酸辣醒胃、稠密香辛的醃汁，滯滯猴受不起，我就頗為喜歡。只不過，這辣醬落得也太過于“洶涌澎湃”了吧…吃到淚眼迷離，“不得不”去到隔離來一杯清爽甜美的香蕉奶昔（兩家店鋪是不是partnership呢~），重拾暫別軀殼的甜蜜。

二月初六‧陰陰天 赴約前，先吃點東西打打底。這裡的兩間相連舖，也是同一個集團經營，一邊賣熱狗，一邊賣辣雞翼。個人習慣，如果喝飽了啤酒，多會吃熱狗，澱粉質可以令胃部舒服一點。而喝酒的話，吃辣雞翼也好。 25蚊5隻，50蚊10隻，沒有volume discount的。辣度都有好幾級，而這裡的辣雞翼，非用辣汁去煮，而只是炸雞翼淋上辣汁，有點取巧的。不過雞翼是熱辣辣的剛炸起，算了吧。而這裡的辣醬汁，也是相當之夠辣勁的。吃了兩隻，是咀唇也熱得滾燙的，再吃兩隻，已開始冒汗，香口冶味。 這裡沒有餐具，吃辣雞翼也要徒手的吃才夠地道，而亦有大量的紙巾供應抺手。 香口輕食，一試無妨的。

不太熱衷buffalo wings, 因為太乾, 有些又會太酸, 但這間小店的雞翼絕對值得一試!!首先雞翼不太乾, 且有多種辛辣度選擇, 極之過癮! 初選了一隻辣, 對我來說一點都不辣, 其後叫店員加三隻辣(hot)的汁, 立刻感覺到那股辛辣的興奮! 那種帶甜的辣, 更令人不能停口! 唯一不足的是, 店舖既然沒有安排膠叉又沒有濕紙巾, 實在有欠體貼!

是日茶點, order 如下: Wings 5 隻 (Hot) - 好脆脆, 食落 ok 辣, 好刺激~ 味道唔錯~o個度 gei 缺點係 d 醬太多, but 冇叉供應, 又冇 tissue paper, 又要企o係度食, 有 d 狼狽~

某次看見路人拎住呢兜雞翼, bb又想知中環邊度有得食所以呢日等b放工我就買埋比佢la!!!!!買o既時候我企o係出面等左好耐, 因為我發覺外賣o既雞翼連蓋都冇...唯有等bb差唔多放先買...過左陣, 買la, 講英文架wor, okay~ bbq sauce~~ 我以為係即刻燒即刻加bbq sauce啦, 點知係將d熱熱地o既bbq sauce倒落個盤微暖o既雞翼...= =搖一搖個盤...上碟=o=我仍然一心諗住佢好食ge...我地去左大家樂食呢兜雞翼~~ 結束bb食o既時候已經凍晒= = 完全係連個雞皮都lum晒...個味甜甜地ge, 好多醬, 你一啖我一啖咁勁sweet但唔衛生...hhahahabb話個味okay, 但係我就覺得鹹味雞翼好味d 肋~~~~

漢堡後的目標就是這小店的辣雞。我倆選了二五隻雞翼都是hot的辣度。不清一會就拿到一個盛著五隻雞翼的小桶。雞翼不是即叫即炸，而是收到order後蘸上辣汁就完成了。雞不脆，味道比我想像中辣，很刺激，我就很辛苦才能完成兩隻。如果想挑戰辣的朋友可以一試，我想我是不是應該點bbq比較好呢？

某一日抽起條筋唔想食飯, 又難得有一班同事陪我癲就齊齊去左試雞翼同熱狗...熱狗我無食呀...因為我一心食雞翼同埋龜苓膏...叫左hot...d 汁好似酸酸地...有d 似tobasco...至於d 雞翼滑係滑, 但係一d 雞味都無囉...其實莫講話雞味, 連基本既肉味都無, 唔係有兩條骨真係唔知自己食緊雞翼所以無下次lu...得個辣字...把鬼...同埋無檯又無得洗手...食到成手都係醬...d 醬又辣, 最怕"high"到眼...如果有濕紙巾 或者 有個sink 盤仔比人洗下手就好...突然間好掛住K記既巴辣香雞翼 或者 蜜蜜燒雞翼...

在中環返工, 見到有一間新既小食雞翼店, 當然唔會錯過幫襯下同同事買左一桶share, 我地一向都鐘意食"上校雞", 心諗叫一級 (MILD) 辣試下啦... 唔知係佢攪錯定點... 我覺得唔止係一級辣... 因為我都叫做食到下辣... 見到有食家叫左四級都話唔係好辣... 我真係懷疑係咪佢攪錯...其實我未食過美國地道既辣雞翼, 辣唔辣亦係見人見智, 我俾喊既原因係, 點解我叫既雞翼唔係即炸既? 見到其他食家係即炸架喎? 點解我見佢係搵d雞翼撈下辣汁就俾我既? 雖然我唔係即場食, 係拎番公司食的, 不過我由此鋪步行返office只係五分鐘, 但我拎到返去係凍的...唔知係咪我唔好彩... 總之... 我唔會再幫襯...