Nun Desserts Cafe (已結業)

是晚八點已食完晚飯，信步走在福厚街尋覓甜食，就發現類似在韓國食過的大碗士多啤梨奶雪，當然馬上入店打算回味一番。一上檯已失望，看相片以為是跟韓國一樣是大過臉幾倍的份量，誰知竟然只有一個細蓉麵碗般大。不過士多啤梨尚算甜，但就不算大粒。而上層的奶雪是有淡淡的奶味的，但食到最後三分一就只剩下雪味，而且整個變成一大塊的冰，跟韓國的甜品真的不可同日而語，形神皆不似！！這個棉花糖吐司還真的不知想怎樣！！一開始沒有留心看，以為表面的黑色是朱古力醬溶在棉花糖上，食入口才知道原來是棉花糖表面整個烤燶了，難怪一直聞到少少燶味。這樣的出品也好意思上檯給人食，真的無語了……後來跟店員反映了問題，也有即時再造新吐司給我們，這點來說服務還是可以接受的。但是吐司的出品還是很一般，這次棉花糖沒有烤燶了，但吐司卻只是普通的白吐司，沒有外脆內軟，也不是熱辣辣，而只是溫的。感覺吐司跟棉花糖就像不太熟悉的朋友，你還你，我還我的，甚至帶點兒尬尷……

早食完晚飯，見呢間平時多人等位嘅韓式甜品無咩人，便走入去試下。可能係尖沙咀區地舖關係，地方少，又要放滿枱櫈，所以坐得唔係咁舒服。叫咗朱古力多士焦糖芝士窩夫 士多啤梨沙冰味道一般不過不失， 但完全食唔出 感受唔到 韓式風味， 反而覺得好港式。 價錢50至70蚊， 一般甜品店價錢。 冇咩特別， 唔會特登再返去食多次。

路過厚福街呢間甜品舖，見到個menu吐司好吸引我咁吸引！即刻走咗入去試！入到去店員介紹有甜品放題餐78蚊60分鐘任食要食咗一份超過一半先可以再點第二份。可惜吐司賣哂無貨超想試佢個吐司。。。。於是我簡咗另一樣。Tiramisu 雪奶上面個軟雪糕好軟滑，好正！加埋個練奶好好食不過有樣美中不足，佢個底啲冰打得唔夠碎，仲有少少冰塊喺入面。整體成個都好好食食完之後再點咗個蕉糖香蕉朱古力waffle，waffle 比起稍微遜息，但係都唔錯。香蕉個面燒哂蕉糖好食如果唔係雲呢拿雪糕，係朱古力雪糕應該仲正

係餐牌見到依個抹茶丸子🍡韓式軟雪糕🍦時，見到張相咁靚🍴, 就即刻想食依個甜品😏！抹茶🍡丸子韓式牛奶軟雪糕🍦($45)餐牌張圖與真實嘅甜品😢賣相有d唔同😢賣相唔算話靚😅, 雪糕是牛奶雪糕🍦,再鋪上少量抹茶粉，抹茶味完全唔夠😪, 比例太少了, 牛奶味很重❤。而雪糕溶得好快😢, 配料有2粒白玉, 一些杏仁, 紅豆和一條蛋捲, 味道一般,沒太特別,與我想像中的甜品不相同, 唔算好食😪只會光顧一次😢

凍天食冰都火滾！甜品界明將！真係約仇人先好去😤😤😤本身自己食過銅鑼灣本店,所以對個品牌有D信心,點知呢個信心經過呢次之後蕩然無存.螢光綠抹茶粉！完全無抹茶味！死甜藥水奶味雪糕！成杯放棄！最恐怖係呢個紅色的士多啤梨冰,雪糕藥水味勁重，雀巢三色都有人鍾意食，哩個完全食唔到！難食到四個人無人頂得住，立刻掉埋落嗰個加錢叫，但都係無人食到嘅麻糬。到個caramel cheesecake waffle,Cream 吱得樣衰，算個碟爛，黑邊有菌，算🤬🤬🤬個Waffle 未熟，淋嘅個cheesecake 噏嘅,有無搞錯?!到最後一碟,焗棉花糖多士,竟然，個面啲杏仁片全生嘅！係生㗎！生㗎！生㗎！多士唔熱都算，但連個朱古力醬都無朱古力味，只係甜嘅透啡色糖漿😤

跟老朋友晚飯後，總覺得沒有甜品的晚餐是欠缺了些什麼似的？但發覺晚飯餐廳可選擇的甜品並不多，所以想找一間比較像樣的，行著行著看到單張貌似不錯的就選了這一間 Nun Desserts Cafe！沒有什麼心水，就點喜歡的芝士款甜品試一試！芝士草莓雪奶 $68這款樣子是確實比較精美的，但所提及的芝士就是頂部的那一小方磚芝士蛋糕，把它拿走後整個甜品就跟芝士扯不上關係了...然後是堆得很高的忌廉跟切成一片片佈滿四週的士多啤梨，底部是雪奶冰底。味道來說可以接受但不算得突出，草莓醬跟煉奶還好，可以把沒有什麼味道的士多啤梨渲染出一點甜味。忌廉是有點太多了，而且沒有做得很輕的感覺 (是現成唧唧忌廉的關係嗎？)，因此很容易就會吃得很膩，吃到中部都開始吃不消了。焦糖芝士窩夫 $62又是那相同的小方磚芝士蛋糕，不過這次有四塊...一樣把它拿走後整個甜品又跟芝士扯不上關係了...作為芝士的小粉絲是有點小失望，如果可以再把芝士再融入一點就好了，大不了做成醬汁澆到整個窩夫也可以吧？又是一堆忌廉，原來的膩變得更膩...窩夫尚算香跟鬆化，把這個窩夫改名為焦糖窩夫併雲尼拿雪糕 (附帶不相關的芝士蛋糕碎粒)，形容得更加貼切吧

同朋友食完飯好開心咁諗住去食甜品，行過見到呢間韓國甜品好似幾正就入去食啦叫完野食先知中伏，幾個年輕人係廚房入面玩啤牌 大聲講粗口 原本諗住取消張單 點知食物好快送到 真係想講粗口 個樣勁垃圾 食落十分難食奶係臭既 冰有怪味 哈蜜瓜好似就變壞咁樣 難食到嘔 五個人叫三樣野都可以食淨好多 人生第一次食咁難食既甜品 永遠不會再去 希望唔好有人再中伏！

芒果雪奶冰🍧 煉奶才是刨冰的精粹 😋 $58 。厚福街逛來逛去來決定走到這家店，大概是被湃澎的牛奶刨冰吸引了😂。芒果不算新鮮和甜，芒果雪糕也是經典三色雪糕的那股人造芒果味😂 吃起來的時候，常常會覺得，實在太可惜，如果配上味道更好的雪糕，應該會不錯。（三色雪糕實在太沒有誠意了🙈🙈🙈）勝在牛奶刨冰味道不俗，配上煉乳算是把上述問題掩蓋了一半✨ （果然重口味的煉乳真的可以解決許多問題，至少煉乳的味道永不出錯不錯😎）

同同四個女仔,厚福街食完超滿足日本野,諗住黎個甜品總結,門口見都ok 多人又咩韓式冰咪試下囉。嘩... 黎到個密瓜D 色水幾肉酸, 好似用幾個唔同時候的密瓜切成咁,又生又熟,又岩慚,又厚又簿。跟住食落有水味，又唔甜，又有啲林又有硬。個冰又係超奇怪,有啲啲奶味，但有D 臭嘅奶味。完全唔知自己食緊咩味道, 好難受😭😭成件事係一個笑話... 唔知自己食咩... 我地決定由得佢自己溶左佢😐總括, 又貴又難食, 貼錢買難受!

同朋友係尖沙咀食完飯，就想揾間甜品舖，可以俾我地繼續傾計。厚福街有幾間甜品店，我地最後揀左呢間專飯食韓冰既。同朋友都中意綠茶，所在嗌左個抹茶紅豆牛奶冰食落都幾好，經過可以一試😎

剛剛在海港城和朋友食完飯，行下街先，中途又遇到一位舊同學，佢就無食晚餐，而我們剛食完晚飯，為由搵間兩全其美店鋪好吸引，好想食，芝士讓雞翅，咬落去，散發濃郁芝士味，麵條較彈牙爽口奶油好肥啊，但好香，底層系甜甜的紅豆，周邊被淡淡香的抺茶包圍，好想大啖大啖飲晒它薯仔炸到好香脆，雞翼內包蘆筍，好特別菜式設計抺茶雪糕加紅豆，涂上吐司上面一起食，有種又冷又熱的口感，味道配合得非常好👍淡淡巨峰提子味，好清爽跟食物一起叫餐，只需要6元這間甜品店做好款菜式：有麵，有小食，有甜品雪糕🍦，好多選擇

舉手落單舉左半分鐘大嗌唔該嗌左3次先有人過黎，落單果位傾住電話同我落單。廚房又𣎴停傳出笑聲尖叫，成個環境根本食唔落野。。食物方面麻麻地，旺角分店各方面都好過尖沙咀呢間。

星期六放工就在附近食晚餐，由於食川菜的原故，口腔一直處於熱辣辣狀態，很想飯後食一些冰凍甜品經過厚福街時，看到店舖門口的廣告都是滿滿的水果刨冰，感覺立刻清涼！士多啤梨，芒果和蜜瓜，真的不知道選擇那個好，士多啤梨怕太酸，還是蜜瓜比較安全，於是就叫了蜜瓜味的刨冰，可以店員説蜜瓜賣完了，只可哈蜜瓜代替，最後我改了芒果口味。沒有想到送上枱的差別這麼大！明明圖片是滿滿的芒果肉，送來的一半芒果肉也沒有，我問店員為什麼和圖片相差這麼遠，他竟說圖片只供參考太過份了！我說你們這樣做生意不可，是騙人，他竟然說一向是這樣的！P.s加$10的麻糬十分難食！

我哋四個人去食，一坐低成張枱面污糟邋遢嗰啲侍應就咁搵四張紙鋪上面就算，全部侍應都喺度游魂！叫野都要叫幾聲先應，個個好似扮聽唔到想做少啲！如果咁唔想做應該辭職返屋企吖嘛落單時又唔用紙寫低，問咗三四次！最後都要落漏單叫咗個冰食等咗差不多半個幾鐘先到，講真，食物係唔難食但唔可以叫好食！侍應d態度、語氣差咗無講粗口，最令我嘅係，我哋成張檯都係嘢食佢哋夠膽死喺隔離無人嗰d檯噴清潔劑抺檯，即刻成間嘢都係清潔劑味！身為一間食肆點可以咁樣？就算係講收工都冇可能咁樣做！希望多啲人睇到，等佢可以快啲改善或者直情執笠啦⋯⋯留返個舖位俾有需要嘅人啦！

一早食完晚餐, 走去厚福街搵甜品食~厚福街周圍都係食肆, 好多選擇, 路過見到呢間韓國甜品店餐牌幾吸引8點幾都坐滿人, 幸運是等了10分鐘就有位, 見到佢寫明限時45分鐘雪奶即係雪花冰士多啤梨有D酸, 上面原來是cream而不是雪糕- -有練奶可以加, 不過就係甜甜地, 我麻麻窩夫鬆軟幾好食, 不過唔多覺得是tiramisu味, 反而似是朱古力味, 可能是因為有朱古力醬, 有一粒仔朱古力蛋糕物體藍莓紅莓味雪奶明顯比練奶味好食, 仲要係有雪糕, 正正常常平時食的雪花冰因為我後來見店內有張紙仔寫5人最少要點250的食物(入座時職員完全無提過) 所以之後叫了一個棉花糖多士(廢事埋單突然比人收多錢)(棉花糖多士個樣同張相唔同(忘記影樣)食落有D硬, 窩夫好食好多)但佢地好耐都未送過來, 我們都只可以等, 整段時間職員走來問食完未又急收碟了5,6次, 我知你們外邊有客等, 但我們一來沒有坐多過45分鐘, 二來係你們上甜品慢.....成餐感覺好壓迫....好似阻住人地咁, 勁辛苦!!!! 我唔會再來食囉!