Nun Desserts Cafe (已結業)

我哋四個人去食，一坐低成張枱面污糟邋遢嗰啲侍應就咁搵四張紙鋪上面就算，全部侍應都喺度游魂！叫野都要叫幾聲先應，個個好似扮聽唔到想做少啲！如果咁唔想做應該辭職返屋企吖嘛落單時又唔用紙寫低，問咗三四次！最後都要落漏單叫咗個冰食等咗差不多半個幾鐘先到，講真，食物係唔難食但唔可以叫好食！侍應d態度、語氣差咗無講粗口，最令我嘅係，我哋成張檯都係嘢食佢哋夠膽死喺隔離無人嗰d檯噴清潔劑抺檯，即刻成間嘢都係清潔劑味！身為一間食肆點可以咁樣？就算係講收工都冇可能咁樣做！希望多啲人睇到，等佢可以快啲改善或者直情執笠啦⋯⋯留返個舖位俾有需要嘅人啦！