NUTTEA (大明里) (已結業)

最近我嚐到了一款非常特別的飲品，抹茶堅果奶蓋，這款飲品給我留下了深刻的印象。首先，這款飲品的外觀非常漂亮，深綠色的抹茶和堅果碎片在奶蓋上形成了一個獨特的圖案，非常吸引人。喝下第一口，我感受到了抹茶的濃郁和堅果的香甜，非常美味。奶蓋口感柔滑，加入堅果碎片後，讓整杯飲品更加豐富多樣。抹茶的苦澀和堅果的甜蜜融合在一起，讓味蕾感受到了不同的層次和深度。飲品的甜度適中，不會太甜，讓人喝下去非常舒適。整體而言，這款抹茶堅果奶蓋非常美味，口感豐富，外觀精美，是一款非常值得一試的飲品。如果你喜歡抹茶和堅果，這款飲品絕對能夠滿足你的味蕾，讓你享受到美味的滋味。

蘋果脆脆楓糖堅果奶蓋茶 ($40)呢排天氣咁熱，想飲果味茶之如又想飲奶蓋，NUTTEA簡直一杯滿足曬兩個願望！用5種堅果整成既奶蓋好firm，送到黎都仲未溶曬，用羹慢慢食咸咸既奶蓋同甜既蘋果茶好夾，夏日必試

今日同埋同事叫左杯葡萄堅果奶蓋茶，超好飲呀！酸酸甜甜茶底，加埋上面的奶蓋，真係好好飲奶蓋食落去好似食緊雪糕一樣有三種飲法👍🏻先食幾口奶蓋，再飲幾啖葡萄茶底，之後一齊攪拌再飲夏日推介 ☀️

好耐冇嚟過大埔，作為一個鍾意飲飲食食嘅小編，習慣咗茶不離手，雖然落住雨，都想買杯嘢飲吓，今次就叫咗佢四季香，我就叫咗少甜！由於雨勢都開始大啦！我就行咗去街市，搵個有蓋嘅地方慢慢享受呢杯嘢飲！一杯好嘅純茶，茶底係要清！呢杯茶嘅茶睇得好清！叫咗少甜啦，咁就唔會話好甜嘅！而且都算夠凍，即使小編叫咗走冰！都感受到少少茶香嘅味道！而且都幾大杯下！另外啲茶都算濃既，飲完個人都精神左嘅！重點係可以突顯個茶香。店員服務態度良好，有禮貌！

個🦦朋友一直話呢間好好飲呀，好好飲呀😋 連佢咁挑剔都鍾意喎，快啲去飲啦🤩 然後一個月冇奶蓋落肚嘅我，咁啱食飯附近有，所以即刻買翻杯嚟飲下🥤💛椰子水堅果奶蓋 ($45)奶蓋好厚！我最鍾意飲厚奶蓋😍 而且呢個堅果奶蓋又冇平時飲嘅芝士奶蓋咁有厚重感，冇咁膩😙 奶蓋入面嘅堅果好似食緊金莎粒粒咁🤣 椰子水好清，唔會太甜，食完嘢飲翻杯幾正🥳🐡：椰子水撈唔埋啲奶蓋，兩樣嘢嘅感覺比較似分開飲咁。但椰子水本身都好飲，奶蓋都好食🥥

之前一直聽同事推介NUTTEA，但因為個人本身不愛吃芝麻糊﹑合桃露﹑杏仁茶等等的堅果糊類，所以一直不太敢試NUTTEA的招牌堅果奶。剛巧是次經過NUTTEA時，有細妹在旁！我不愛喝的話，可以將整杯飲品交給她，所以她就陪我買一杯分享啊季節限定的有黑糖薑薑堅果奶﹑黑芝芝堅果奶及紫米堅果奶，本想揀我愛吃的紫米，但當天沒供應，就轉為選擇黑芝芝堅果奶啊！黑芝芝堅果奶，就是黑芝麻與堅果奶的配搭組合。嚐一口，充滿芝麻的香氣，味道濃郁而不甜膩堅果奶的奶味不會偏重，帶淡淡堅果香氣，芝麻與堅果的味道溫和，容易入口。一杯熱的黑芝芝堅果奶更是讓人感覺溫暖！同時令我對堅果奶的印象改觀啊～～～是好喝的堅果奶！

最近天氣開始熱 行行下就想搵凍野飲但普遍都係珍珠奶茶或者奶蓋茶今日踩完單車係大埔墟還車之後 行左入陳漢記條橫街度 (大明里)最常排隊就係豆腐花 發現隔離開左Nuttea但門面真係唔起眼 所以有心搵要認真睇Nuttea係旺角中心見過但無試到今次見到又無人排隊就即刻望下有咩飲其實有太多款式揀 花多眼亂唯有揀星星個啲落單時店員好有禮貌問需唔需要少糖之類蘋果脆脆楓糖堅果奶 $40首先依個size 唔錯 都係劃一無分大杯標準個啲奶蓋係側邊睇好厚身 店員話要用剷啲奶蓋食剷左啖食真係好重堅果味 打得好滑身比起用芝士少左份膩又健康奶蓋上面既蘋果脆脆有少少甜味 雖然話沾左啲奶蓋但都照脆 而最底既茶係烏龍茶 唔澀口好清 所以整體層次好好 由濃味到清

以前得幾間Nuttea分店時真係要專登搭車去飲 純素奶蓋濃郁嘅榛子味真係搞到我成日心掛掛,依家分店多左咁多,總有一間係左近真係一件開心事今日入左大埔行街,知道依家大埔都有Nuttea緊係要黎撐下場有備而黎嘅我今日自備杯減左$1其實奶蓋茶已經全部試均曬,唯獨係未試粉紅莓好好靚嘅粉紅色奶蓋,食落有淡淡嘅士多啤梨味茶係用士多啤梨打成,超足料,又香濃,真係無得輸,而且店員都幾nice有禮希望快啲有得買成杯粉紅奶蓋,真係好正

雖然nuttea單價較貴，可是他們主打堅果奶本來成本已經較高一點，所以也是可以理解的，而且飲品非常大杯足料😎自從一試就冇回頭了！堅果奶蓋杰身，當慕絲甜品食都一樣可以，加埋上面蘋果脆片，超級滿足！🍎下面的蘋果茶都好好飲，有蘋果的香甜味，又有茶香味🍎通常我都會先食少系上面嘅奶蓋同蘋果脆片，然後再將奶蓋混合入茶裡面一次過飲，一杯飲品多種飲法🤤🅣🅘🅟🅢 我們一般也會選擇無糖，就算無糖都會有足夠的甜甜蘋果味呢🍎

唔知幾時好似有人推介過呢間，今日順路經過試下。選了滿杯菠蘿，半糖少冰。等左一陣有了，點解係呢款杯？還以為係透明膠杯，因為無唸住即時飲，所以呢款杯好唔方便，唯有加$1要個紙盒裝。行左幾步都係覺得唔方便，唯有飲左先，第一啖感覺似沙冰，可能少左冰，又唔似全沙冰，不過好淡好淡，唔知係咪因為少甜，但味道淡到好難飲得出係菠蘿⋯完全無菠蘿粒，整體而言，呢杯應該係菠蘿沙冰，價值$39。雖然店員態度親切，但係性價比方面，好低，好失望，應該無下次

Nuttea係今個暑假終於係大埔開咗分店，身為手搖飲品愛好者嘅我當然要飲啦。今次係OpenRice到有優惠，呢杯📌粉紅莓好堅果奶蓋只需$28🙈 真係好平 之前其實都飲過其他味道，例如火龍果同埋茶味。我自己就最鍾意飲有生果嘅味道，感覺上健康啲🤓🤓

路過見到開咗間新嘅，地理位置來講唔算特別好，舖頭有少少唔走眼，見冇乜人應該唔駛等咁耐，買咗杯牛油果堅果奶，都好快5分鐘左右，落單姐姐呀好有禮貌好斯文。拎返屋企半個鐘頭之後先飲，幾好飲好健康，牛油果味唔算突出，主要都係堅果味重，首先係堅果味，之後係淡淡的奶香，然後會食到好細粒嘅牛油果🥑。本身鍾意食牛油果嘅應該好鍾意！個人覺得幾好飲，不過價錢偏貴$46，OpenRice落單減左$10 ，飲品來講係算偏貴，不過健康飲品來講算係咁上下啦，值得飲，尤其是平咗$10就覺得好抵！下次會再想試吓奶蓋～

Nuttea奶蓋同手搖查一向俾人高糖、高脂肪嘅感覺，飲過nuttea好多次，都係咁好飲。一開始比佢嘅nut屎吸引左😛佢哋門口裝修會放咗好多果仁喺出面。奶蓋都有得健康啲，原來真係有~繽紛火龍果奶蓋茶$39佢哋嘅奶蓋係用純素、堅果打成，飲落去香滑之餘仲好香果仁味，適合素食人士。濃郁奶蓋，配上淡淡清香火龍果茶，感覺好新鮮，一啲都唔肥，自己覺得杯嘢飲走甜已經足夠甜味，唔需要額外加糖。好好飲，一定會再幫襯！

堅果奶🌰-用堅果打成奶既飲品，完全冇奶既成份👍依家下載💛拎得lingduck💛，指定飲品半價添呀！仲有好多吾同茶飲店都係半價！指定餐廳自取仲有9折優惠，仲可以用apps叫定飲品，製作完成先再落去攞仲得！太方便啦😆👍👍-佢地既奶蓋好厚實，厚到似cream好滿足！又吾會太甜喎，奶蓋上面仲有榛子粒多重享受😍而且本身係主打健康飲食， 怕肥嘅人都可以放心飲！

好少接受到奶蓋茶飲，NUTTEA是唯一在List的選擇。認識此店始於太古，感覺清新，口味健康，選擇也不少。今次在大埔開業，一定支持。最喜愛仍然是您：粉紅莓堅果奶蓋茶，莓味新鮮，堅果奶蓋細膩，真推介。店員接單準確，亦會為客人取單前細心存放於雪櫃內，細心安全