NUTTEA (海光街) (已結業)

今日突然間想飲宇治飲品，就走到呢間新開飲品店，好得意佢會配個小工具鏟，用黎食奶蓋，奶蓋上有果仁，食落有少少果仁香味，點餐員好好，佢會建議我微甜少冰，微甜後宇治綠茶帶有少少甘苦，好好飲

平時奶蓋茶都係芝士奶蓋茶，但呢間就主打堅果奶蓋茶，聽落好吸引，終於有機會試啦！四季春堅果冷蓋茶 $34比錢個時主動問我係咪微甜少冰，好貼心，知道宜家大家都中意飲少d甜既*據說堅果奶蓋係由五種果仁磨成，包括合桃，腰果，夏威夷果仁，榛子，杏仁……堅果奶蓋既份量好多，一飲第一啖，四季春清新微甜，濃稠又滑又creamy既堅果奶蓋有小小咸味同有好突出既榛子味，好好味*茶同堅果奶蓋都幾夾* 仲有小小果仁碎增加口感*因為堅果奶蓋太濃稠，所以每杯堅果奶蓋茶都配備一隻小鏟子，比你可以鏟起d堅果奶蓋黎食* 大滿足*不過其實飲曬成杯堅果奶蓋茶都幾飽架*

其實一早就有留意佢位於新蒲崗既店舖，但始終找不到時間去試，一知道鰂魚涌開咗NUTTEA，莫名嘅興奮（但也是待了一段日子先試到）！第一次就試限定的伯爵朱古力堅果奶蓋茶（點了走冰無糖）。點單後，等了數分鐘就有，非常有效率！一開蓋，見到一層朱古力奶蓋，然後用店舖提供的小摌子摌落去，像是mousse般質地，厚厚但軟滑地，非常美味！我還用了數分鐘品賞奶蓋（以為食緊甜品）先記起下面還有伯爵茶等著我😝因為朱古力奶蓋是甜甜的，當喝一下無糖伯爵茶頓覺中和奶蓋的甜，恰到好處！整杯飲品水準很高，少有在香港可見的台灣飲品店，很期待試其他奶蓋飲品！

堅果奶蓋點解會咁好味架T^T。 點左 四季春堅果奶蓋 $34 ，微糖少冰。堅果味奶蓋厚厚的，淡淡的果仁味，口感非常的rich，忍唔住要大口大口咁飲。 茶呢， 淡淡淡然的茶味，明天再飲^^。

呢間舖係新開的，不過之前有試飲活動嘅時候已經聽過同事話好飲，再加上每逢lunch hour都大排長龍，今日食完lunch之後就決定行過去買一杯試下😛Menu嘅選擇都幾多...最後我同朋友都係揀咗呢到主打嘅堅果奶蓋茶😆我揀嘅係烏龍堅果奶蓋茶☺️呢到嘅奶蓋同出面食到嘅完全唔同，因為佢係由五種唔同嘅堅果🌰打成，口感比較稠，但係同時都好細滑😋而且仔細品嘗的話仲會食到一粒粒堅果😆店舖仲會送一個細細嘅剷仔俾顧客，等佢哋可以拔起啲奶蓋嚟食🤓我覺得配撘烏龍茶真係好唔錯，混合埋一齊飲完全唔會覺得滯👍🏼朋友揀嘅係伯爵朱古力堅果奶蓋茶😛奶蓋除咗有堅果味，仲有朱古力味添🍫朋友comment都係話唔錯🙌🏼但係未必適合食完lunch之後飲，因為會比較滯🙈

提起奶蓋，大家都是想起牛奶，芝士，而對於素食份子或對奶類敏感人仕就只能呆看。難得有老闆願意為素食開一間真正純素的台式飲品店。。。。但也是開在北角區-素食集中🤣🤣🤣。左起奶蓋🔥火龍果$38，中間是🍵奶蓋抹茶$38，最右是☕烏龍奶茶$33。奶茶就不說了(外觀冇野好影🤢)，和出面的杏仁奶茶燕麥奶茶堅果奶茶，味道也不算是最特別，唯一賣點是比Cafe價錢平一半，味道也比同價位的星巴克/麥當勞好飲，麥記的豆奶淡而無味。將個重點放回奶蓋，奶蓋附上🚂小玩具，一個鏟子，吃後可拎回家玩，鏟子是拿來給打開杯蓋後，直接當匙用來吃堅果奶蓋，雖說是奶，但其實是cream狀，好結身，口感似雪糕多d。當可樂雪糕新地來看待會好d。由於奶蓋太結，配淡味的水果，比如火龍果做底會好d,和抹茶相加的口感感覺太濃太heavy。

知道呢間舖頭開左一排，而lunch hour亦長期大排長龍，就知佢有一定嘅知名度NUTTEA sell嘅堅果奶蓋有別於平時我地飲開嘅芝士奶蓋，係用五種堅果打成嘅奶蓋，所以令我呢個奶蓋愛好者好有興趣想試果然冇令我失望，第一次飲就叫左佢地最受歡迎嘅台灣紅玉堅果奶蓋茶（無糖少冰）店員好細心教我地點樣飲先最好，幾貼心，值得一讚👍🏻堅果奶蓋好香榛子味，食落都好重堅果味同好特別，面頭仲有少少nuts增加口感，最重要嘅係冇平時啲芝士奶蓋咁膩，堅果雖然高脂，不過都係健康嘅油脂，絕對值得一試！無糖紅茶都好好飲，不過平時少飲開茶，就講唔出有咩特別啦🙊但總括而言兩者好夾，絕對好飲同抵飲過喜茶！

我本身對牛奶敏感，又有好多食物敏感，今日做完運動之後就去試吓呢間，叫咗呢一杯每日限量100杯，貴就貴啲，但係真係好好飲！一啲都唔甜，有朱古力但係唔溜，仲好香earl grey 味！真心推介！

好多乳糖不耐症或者素食嘅都可能飲唔到牛奶😋咁nuttea呢間只係用堅果奶嘅茶飲店就最適合你地啦🙌🏻🍴火龍果堅果奶蓋茶 $38極力推薦佢地嘅奶蓋，係用左幾種堅果嘅cream打成，飲落好大陣榛子味😍😍超好味🙌🏻同普通奶蓋完全唔同，我甚至覺得好味過普通奶蓋好多～而火龍果茶用左新鮮火龍果打成，我叫左無糖，幾fresh，但係我覺得同奶蓋唔係幾夾～不過都可以中和下奶蓋嘅膩都唔錯嘅🤣其實我係台灣試完之後就一直心思思想係香港飲返！好驚喜嘅係，佢keep到同台灣店一樣水準😋大家記得有機會就試下啦～

🍴四季春堅果奶蓋茶 $34.剛開業位於鰂魚涌的一間茶飲店，主打一系列健康堅果奶蓋茶🌰飲品均以堅果奶取代牛奶，吃素或有乳糖不耐症的朋友終於可以一嚐奶蓋滋味😉.四季春堅果奶蓋茶是店內熱賣之一，奶蓋由多種堅果磨漿而成，飲落有陣陣的榛子味，果仁味頗突出的☺️入口先嚐到少少鹹味，伴隨著香濃的堅果味，好似食緊金沙朱古力😆奶蓋質感稠結軟滑，要直接品嚐的話要用一個迷你鏟將奶蓋鏟起，好特別😂.講到四季春茶低，茶味較易入口，即使點了微糖都不覺苦澀😛不過個人較喜歡更濃郁回甘的茶味，所以茶低對於我來說就不算驚喜了👀.整體來說，這間茶飲店的奶蓋做得非常出色，絕對比其他的奶蓋茶更健康，減肥中的你都可以偶然一試☺️

糖廠街油站對面開左依間勁邪惡嘅台式飲品，每次lunch經過都勁多人排，對於我依啲得一個中食飯嘅人黎講，都未必花時間排。。😭依家佢買滿$100可送太古坊附近大廈😋😋😋死啦，減肥無望啦😖.🥤四季春堅果奶蓋茶$34 (4.5/5)繽紛火龍果堅果奶蓋茶$38 (5/5).好好好得意，佢送埋個剷仔俾你食面頭堅果奶！有別於平日食個啲奶蓋，依副比較厚實，有好香嘅堅果味🥜反而少啲芝士味，無咁漏，好正！😍.要睇翻唔係每杯有得揀熱定凍同冰多少。四季春同奶蓋好夾，茶🍵香減輕左肥胖嘅罪惡感，正！而唔太甜嘅火龍果令整杯貌相好靚，又有果肉食下，飲落口有啲似smoothies😍😍啱晒夏天飲啊！大推

公司附近開咗新飲品店，店員喺門口俾我哋試飲堅果奶蓋，試完覺得幾好味，就入去買嘢飲。佢個奶蓋係無奶嘅，用果仁打成，好幼滑，同cream一樣口感。我飲宇治抹茶堅果奶蓋茶，少冰少糖，抹茶味濃，個奶蓋可以用佢個鏟筆黎食，但太漏，無食曬。