Oasis Cafe & Party House (已易手) 新餐廳

我地叫左芝士海鮮焗飯、咖喱炸豬扒飯、水蜜桃綠茶同黑加倫子花茶花茶淡到水咁雖然同佢反映完有換過新嘅花茶俾我哋但都係冇咩分別 依舊激淡🙄🙄🙄炸豬排好厚粉又油唔夠脆 咖喱汁又冇咩味道水蜜桃綠茶同芝士海鮮焗飯就normal 水蜜桃綠茶只不過係水蜜桃糖漿加綠茶完全冇特別🤷🏻‍♀️🤷🏻‍♀️🤷🏻‍♀️芝士海鮮焗飯就係我朋友食既，睇佢食完個樣就麻麻啦 我諗應該幾伏下唔值得再試🤦🏻‍♀️我同朋友去到既時候初時冇咩人既，但一到3點到就突然好多人 搞到好嘈 如果係黎搵地方坐下傾計既就麻麻喇🤔🤔🤔最伏既係黎到既野食同圖片真係不符同食物收費就真係唔多值🤷🏻‍♀️

樓上舖既餐廳好靠口碑， 呢一間樓上自家餐廳 ，正正就是友人品嚐過後覺得質素唔錯所以推薦畀我呢度並沒有金碧輝煌嘅千萬豪裝但類似家庭式既佈置反而自自在在份外覺得有親切感雖然呢度 規模唔算好大, 但食物嘅選擇又唔少喎價錢方面有平有貴 豐儉由人餐具也幾有特色意式肉丸意大利粉， 意大利粉好爽口唔會太淋亦唔會太硬， 醬汁酸中帶甜味道唔錯，肉丸無雪藏味處理得幾好呢個煙三文魚牛肝菌意大利飯，賣相相當唔錯，醬汁和飯調配得啱啱好，濃味得黎又唔會太咸， 煙三文魚放置到好似一朵玫瑰 咁靚幾乎唔捨得拆散嚟食，食落煙燻三文魚嘅味道幾重幾好味， 食呢個飯好有西方食物嘅感覺至於呢一碟薯條，真係好重薯仔味， 炸到金黃鬆脆， 據我所知係冇落鹽但已經係好夠味， 熱辣辣脆卜卜好好食呢度除咗出品幾好之外， 就連飲品都非常有水準， 幾款唔同嘅水果沙冰水果味好重好濃咁熱既天氣飲一啖真係透心涼又好味！總結呢一餐水準相當唔錯，怪不得口碑咁好， 我都會將呢間餐廳 推介俾我的親友. 分享咁好嘅美食畀佢哋！

食物，飲品味道一般，我哋叫咗七樣嘢食，一碟海鮮拼盤，但係我哋都食唔晒因為覺得味道唔好，個海鮮拼盤就有好多炸粉，啲海鮮都唔新鮮，仲有啲枱同埋凳唔係坐得好舒服。我地book左五點，但係訂位嘅時候佢有冇話比我知七點要交枱，我哋坐低佢先至講，所以好快我哋又要轉場，變咗冇咗去cafe可以坐好耐嘅意義。我哋有個朋友遲咗嚟，但係好快就要交場，入面嘅員工就係咁催促我哋，搞到我個朋友都要食得好趕急，成餐飯都食得冇乜意思傾得冇乜意思。

相聚於oasis cafe 今日約咗好耐冇見嘅朋友出來傾計,要搵個坐得耐嘅地方所以就搵咗oasis cafe，我叫咗一個三文魚牛肝菌燴飯，啲芝士味好濃而且又好creamy，牛肝菌又好香，食到我哋好飽，值得推介👍另外我又叫咗一壺花茶，叫做小天使，入邊有玫瑰花，茉莉花，仲有啲圓肉同桂花，對我呢啲唔夠瞓嘅人最適合架啦😍而且味道好清新，加埋佢哋俾埋蜜糖我哋同埋可以不停加水，呢個真係一個好啱吹水時飲，下次一定encore 😊

朋友相聚之地今日約咗班舊同學食飯，聚下舊，係open rice 搵咗呢間Cafe，雖然佢個地點有啲難搵，但係入到去都好舒服而且有好多board games玩，最啱我哋依啲好得閒嘅朋友hea下，嘢食方面我哋揀咗意式肉丸意粉，啲肉丸幾彈牙，有啲似Pizza Hut肉丸嗰種，意粉酸酸美美，夏天最開胃，而我朋友就叫咗黑松露意大利飯，啲飯軟硬適中而且仲好有芝士同忌廉味，如果鍾意食黑松露味嘅嘢就一定鍾意😍另外我哋個餐加＄25有埋cheese cake 或雪糕窩夫做甜品，我哋揀咗個朱古力mousse 蛋糕，個蛋糕有啲次雪糕，又唔係好甜，都幾好味，下次可以試埋個藍莓cheese cake或者窩夫👍

Look 👀 up open rice For a place secret Most important Silence Silence is golden a little girl introduced to the Oasis Upstairs on Argyle stA little not easy to find But still I came just like snacks in the lazy hot afternoon unexpectedly nice drinks 🍹 Taurus 🌹 rose,yogurt +Lemon 🍋 Coolest friendly Very delicious 😋 and iced cold for afternoon I have a smoked beef Risotto The beef is cold and black pepper The rice so special Sweet Cheese 🧀 inside Some mushrooms 🍄 Boletus edulisTaste good Go togeth

星期日下午出到旺角，想同男朋友食返個悠閒 brunch (其實都下午茶時間了)，見呢間評價幾好，就諗住試吓。。。餐牌上有lunch set同tea set可以揀，算幾多選擇，價錢都算相宜。我哋叫咗一個忌廉煙三文魚天使麵，一個卡邦尼意粉，一杯凍榛子mocha同一杯凍薄荷咖啡。兩杯嘢飲真係好難飲。。。飲咗1/3放棄了。。。好似明明叫凍嘅，但感覺好似沖完好耐啲冰溶哂咁嘅味。。。呢度仲有board game玩，我哋玩波子棋，但啲波子又唔齊又痴笠笠。。。店舖環境有點殘舊，門口有兩隻兔仔幾可愛嘅，不過就有少少味。試過一次足夠了。

朋友book左呢間食lunch,原來喺大廈入面,上到去4樓,有D似觀塘D工廈入到去好似去左另一個世界餐廳有兩張大枱,其他係細枱,坐滿左一半,有D game提供俾客人玩野食方面叫左B餐,卡幫尼煙肉意大利粉D汁好多,好creamy,包住每一條意粉,好濃厚既味度份量頗多,慢慢食就食得哂芒果乳酪,水蜜桃乳酪唔會太甜,夏天熱辣辣,飲呢個好透心涼,上面有枝星星棒好可愛D餐黑椒鴨胸意大利飯意大利飯好有咬口, 有口感, 個汁好惹味, 黑椒味唔太辣好多鴨胸加$18有特脆薯條薯條要做到咁脆,油溫好緊要,薯條真係好脆卜卜,鐘意食薯條既我點可以錯過加$25要左個朱古力窩夫,窩夫又係好脆,細細個, 再飽都食到,朱古力雪糕好大球,仲有D朱古力醬,成餐飯好滿足

今日放半日假約埋好朋友去旺角行下街shopping 下，行到好攰開始覺得有D肚餓，望一望錶原來唔經唔覺時間已經是6點鐘，我朋友突然醒起有人同佢講過先施大厦4楼有間叫做oasis cafe的食物質素好好，於是我地嗱嗱臨一齊行過去！搭完上到去好快就有個侍應好有禮貌帶我地坐低喇！望一望個餐牌……不但價錢合理，而且仲有好多選擇添，真是樣樣都好吸引好想食呀！鰻魚炒飯……超濃味超好食，個鰻魚汁非常濃郁，每一啖飯都食到鳗魚的香味，真是從未食過甘好味的鰻魚炒飯架，好食到停唔到口，正到不得了！ 忌廉蘑菇焗吞拿魚長通粉……味道非常好， 芝士香濃惹味，通粉煮得剛剛好，食落 煙煙靭靭，口感一流，好味到爆！二朱古力雪糕窩夫……呢個甜品又是超級好食，朱古力雪糕非常香濃，至於個窩夫就更加正，食落非常鬆脆，香甜可口！呢杯是十二星座特飲(雙子座)…… 士多啤梨+ 乳酸+橙汁……調較得非常好飲……酸酸甜甜 恰到好處，飲完好舒服，冰涼透心！荔枝沙冰……荔枝味超濃，香甜好飲，大熱天時飲呢杯沙冰真是爽到不得了！

點了個意粉，味道可以，只係一入去就有一陣味，原來佢响門口養左啲寵物，有幾個籠，希望店主可以留意一下，食市地方養寵物好似唔係咁好……………………，始終都怕衞生上有問題

Set lunch嘅饅魚炒飯唔錯 好夠味 而且份量都多 作為午餐$68 都算抵 仲有一杯野飲 不過野飲方面就麻麻 我叫左杯草莓乳酪 冇乜乳酪味 反而似奶昔 不過佢嘅蛋糕窩夫丶黑松露薯條、蜂蜜雞翼同炸蠔都唔錯 值得一試！

旺角是香港最集中的朝流飲食地方，今晚教會朋友為我選擇的外出吃飯慶祝生日，雖然大家對地方選擇不一，我提議去Oasis Cafe & Party House，我們七個人預訂了七點入座。一打開門就見到兩隻小寵物-天竺鼠和垂耳兔。正當我被這兩隻小家伙吸引視線之際，店員很快地為我地安排座位。朋友在翻閲餐牌時我不停打量著四周，裝修不太豪華、感覺好像回到家的感覺…Cafe遊戲種類不多，但全場座位幾乎都爆滿，我看看手上餐牌決定點了芝士拿破倫鴨胸意大利燴飯和小天使花茶，燴飯不太䶢、上菜時候是熱的，花茶很清淡、比較適合吃完飯後清清喉嚨。店員態度很細心，知道朋友感覺熱就為我們開行冷氣，語氣友善給我印象深刻，場內氣氛因為客人玩遊戲而變得更加熱鬧，結果我們玩到十一時許才結算離開。

推介：黑松露忌廉意大利飯睇open rice 食評推介黑松露忌廉意大利飯，以我一向係黑松露fans ，即管book 位一試喇！果然冇介紹錯，黑松露香氣撲鼻，而且意大利米唔大軟，少少硬身，合我口味個餐包$38內飲品，我加左10 蚊轉芒果沙冰，唔太甜，有少少檸檬味，好大杯，可飲成晚！約朋友傾偈唔錯，因為有單邊窗囗位！因為本身約朋友傾去旅行行程，想要插頭位，預約時講左，黎到又真係記得，值得一贊服務！真心會再次幫襯

約咗好耐冇見嘅朋友吹水，上樓上cafe 就最好不過，呢間餐廳其實都有十幾款set dinner ，但因為我地已經食咗飯，所以只叫了飲品和小食！薯條跟飲品只加$18 ，好抵又好食，唔似出面又乾又林，可encore 👍呢到d花茶有好幾款，朋友揀咗小天使，有玫瑰，檸檬草，茉莉花同元肉，好香花味我自己都㨂咗杯玫瑰特飲（金牛座)，酸酸地，上面有d玫瑰花瓣🌹，值得一讚😍

係openrice 搵到呢間，食評都吾差，就決定去呢間。叫左個日式餃子，呢個炸左之後最好即刻食，凍食好硬身，但餃子味道無乜特別我叫左個黑松露醬忌廉珍珠帶子天使面，呢個果然好味！網評無介紹錯！值得推介。份量適中。朋友叫左個日式鰻魚炒飯，我見啲鰻魚大大粒。朋友都話好好食，食到咁上下，個waiter 突然過黎話幫我朋友收野，問題係，都未食完...朋友叫左杯水蜜桃，因為太甜，叫侍應倒半杯走，再加啲水入去，個侍應話不如我比冰你....🙄⋯⋯最終都倒左一半再溝水...我就叫左青蘋果綠茶。個味道一般..但個杯幾得意。當晚同朋友傾到11:30先走.. 得反我地呢一台，佢地又無趕到我地走，傾計聚腳都👌🏻既！