Ocio (積存街) (已結業)

最近又有事去了大圍，一於再去一試這家ocio。從外觀察，這家大圍店空間也不算大，在外一眼就看清楚內部環境了，典型Cafe的簡約設計，柔和的燈光作點綴，和上次相比，變化也不大。餐牌的選擇頗多，從意粉飯類扒餐特飲應有盡有，價錢和一年前相比，沒有太大變化。主餐牌套餐有湯，我們叫了漢堡包和意大利飯。Ocio芝士和牛漢堡配薯條 ($118) Ocio Wagyu Beef Cheese Burger with Fries (HKD118) 經典的漢堡，有juicy漢堡扒外，還有芝士，半融的芝士漢堡扒味道非常好，鬆化味美，肉汁和油感尚好，肉質也不錯，肥瘦比例剛剛好，厚度不錯，值得一食！黑松露軟殼蟹意大利飯 ($128) Soft-Shelled Crab Risotto with Black Truffle (HKD128) 意大利飯口感豐富，有嚼勁，煙煙韌韌，而且有一陣香滑的口感，加上一大隻既香又脆的軟殼蟹，吸引。飲品則是咖啡和檸茶，不贅。兩款食物兩款特飲都相當吸引味美，實在滿足，一年後到來水準依舊。

成日搭車經過都見倒呢間cafe 好多人排隊，今日番工忙完決定去食獎勵自己😎晚餐都有好多選擇，意粉、扒類同漢堡包都有，包埋餐湯同餐飲。蕃茄大蝦野菌扁意粉醬汁帶有香濃蕃茄味，甜甜地😋大蝦份量都唔小，超爽口，意粉烹調時間亦岩岩好！野莓窩夫賣相超靚🤩🤩🤩窩夫有牛油香同蛋香，鬆軟而且內層保持濕潤，好耐無食過咁有質素既窩夫😭每個格仔都有生果喺裡面，配埋士多啤梨醬同朱古力醬，係完美既配搭⭐️仲有好多甜品都好吸引😍😍😍要再食了！

2021年8月9日 星期一今晚同老婆嚟到呢間好耐都冇食過既cafe，之前食過一次覺得水準唔錯，不過當時係食下午茶，而今次就嚟試佢嘅晚餐晚市套餐都有幾多選擇，而且價錢唔算太貴，包埋餐湯同餐飲，甚至仲可以叫all day breakfast食添！！另外仲留意到可以叫刨冰，相信好少Cafe會提供，但係可惜老婆有咗身孕唔食得，所以最後我哋叫咗兩個晚餐set先來嘅係餐湯，粟米忌廉湯，一啲都唔稀，有好濃郁嘅粟米味，熱辣辣味道啱啱好至於餐飲就要左蘋果汁，飲落去都幾大杯，而且就算冇加冰都好夠凍，飲落去甜甜地幾清新主菜方面有奧斯芝士和牛漢堡配薯菜，完全足夠一個人食，因為有好多沙律菜同薯條，沙律菜仲要加上我老婆最鍾意食嘅麻醬添，新鮮又夠爽口，而薯條都幾脆口，可以另外加茄汁點黎食成碟主菜既和牛漢堡好厚身，一切落去肉汁即刻流晒出嚟，煮得岩岩好，唔會過熟之餘又夠肉味，配埋溶溶地既芝士簡直冇得彈至於另一款主菜就係牛肝菌雜菌意大利飯，黎到嘅時候已經有好香既菌味，配料好豐富，每一啖都食到唔同嘅菌類，意大利飯幾有咬口，唔算太生埋單加左一每人都係百幾蚊左右，cafe黎講都幾高質素

係大圍踩完單車搵野食💥見到有間都多好評既Cafe同價錢非常抵完全吾貴🤩重點係有大隻仔鐘意既Burger🍔所以決定試下！點知！性價比真高喎⭐️⭐️⭐️係大圍諗吾到食咩推介大家可以試下💥❐ 安格斯牛柳🥩配鵝肝薯菜 $148配餐湯同飲品⟰呢個價錢可以有厚切牛柳🥩加埋鵝肝絕對抵食⭐️⭐️⭐️⟰鵝肝煎到外脆裏面入口即溶超驚喜💥⟰ 安格斯牛柳叫咗七成熟，煎到岩岩好，厚切之餘肉嫩又多汁💦⟰粗薯條新鮮炸起脆卜卜唔油膩🔥加埋新鮮沙律菜配芝麻醬食哂成個餐冇咁罪惡同好滿足✨⟰餐湯屬於比較稀嘅忌廉湯減少濟感食唔落其他嘢，食得出有打溶左嘅粟米🌽係入邊幾清甜❐ 奧思芝士和牛漢堡配薯菜🍔🍟 $108配餐湯同飲品⟰和牛漢堡好厚好香牛肉味勁多汁💦⟰配料有菜同蕃茄新鮮清甜🥬🍅✨融左既芝士係牛肉上面芝味十分🧀食得出有茄汁沙律醬味道好夾❗️⟰麵包有先處理過外脆內軟🥯✨⟰ 粗薯條曲樣新鮮炸起脆卜卜，超讚‼️❐ 蜜糖蒜香炸雞翼5隻 $39⟰雞翼新鮮炸起脆卜卜💥有啲似脆香雞翼好酥脆又吾厚粉⟰一咬落去肉質鮮嫩又多汁💦加埋個面啲蜜糖🍯香蒜好開胃

輕工業風風格，隨性感覺，餐廳樓底高，沒有局束感最近減肥，但約了朋友出外吃晚飯，所以避免點碳水，吃一個燒春雞晚餐餐湯 薯仔味濃，胃口細的我吃幾口已有點飽肚感香草燒春雞 $138春雞烤起來要點時間，皮香脆可口，雞肉的部份嫩嫩的，而且份量較大，我們兩人都吃不完小食拼盤 $49多種小食匯聚，金黃的脆外皮，炸得恰到好處密桃冰茶 $15很怕飲品太甜，有時叫了少甜都很甜，甜到喝完要狂喝水，今次在這裡特意提醒侍應要少甜，慶幸來到的冰茶如我所料，欣賞餐廳有照顧客人的需要

Ocio (積存街) (大圍)大圍積存街74-76號地下A舖👍抵食西餐💯用料足原隻墨魚龍蝦汁意大利飯$118✔️成條墨魚上🦑✔️賣相新奇～墨魚裏面係意大利飯✔️粒粒飯都吸晒鹹香嘅龍蝦🦞汁✔️墨魚好彈牙❤️爽口安格斯牛柳鵝肝$148✔️五成熟嘅牛柳非常juicy✔️鵝肝都好香口肥美✔️牛柳無煎過火，啱啱好❤️😪可惜薯條有啲淋😍個餐包嘢飲同餐湯，十分之抵！Overall: 性價比高⚡️平價西餐🌟 質素對得住價錢Igable:8/10Taste:7.8/10Worth revisiting:8/10

約咗朋友食飯，就諗起ocio, 食物質素okay, 價錢又合理，值得聚會就嚟食返餐～～同樣地係order dinner set menu, 今次我揀咗黑松露risotto配煙肉帶子串，一上枱香噴噴，充滿黑松露香味，risotto不太硬不太冧，岩口味，煙肉帶子串配搭正，煎得香口，帶子爽口彈牙又juicy~~另外，朋友就俾牛柳配芝士龍蝦吸引到，牛柳7成熟，切開仲可睇到粉嫩嘅顏色，肉質唔鞋有濃厚牛味～芝士龍蝦啖啖肉～跟餐有兩杯餐飲，幾抵食～

大圍開咗好多間新cafe，今次我哋就試吓呢間啦，我哋大約8:00左右到， 由大圍站行過嚟都好近今次我哋就叫咗2個set dinner ,Set dinner 都好多選擇,我哋最終叫咗個黑松露燴意大利飯配煙肉帶子串同埋奧斯芝士和牛漢堡，嘢飲呢我哋就跳咗士多啤梨奶昔同埋青檸梳打是日餐湯係蘑菇湯，食得出佢係用一粒粒蘑菇打碎佢放喺個湯裏面煮，味道都濃，不過就唔會話好杰😂至於主菜，黑松露燴意大利飯份量都好多，而且都食到有黑松露味嘅，重點就係煙肉帶子竟然有六粒🤩🤩🤩，仲要帶子都算係大粒，煙肉唔會好油膩，好少肥膏，所以食落去都唔會油膩嘅感覺，同朋友一人一串剛剛好😜另外，和牛芝士漢堡份量都不小，嗰塊漢堡都係好厚，而且咬落去果下都唔係咁容易散，同埋漢堡食落去唔會太乾爭爭，咬出來有肉汁，真心好好味，漢堡包仲有配上薯條同埋沙律🥗,兩個人食其實都好飽😙青檸梳打：青檸味適中啦，唔會話太酸，都係容易入口嘅，感覺好fresh🍹士多啤梨奶昔：士多啤梨味淡淡地，都係好飲嘅🍼P.S:嗰度唔係好多座位，如果有興趣食嘅，都要早啲去啦

環境嚟講都ok，因為燈光偏暗， 即使餐廳唔算太寬躺，但 樓底幾高幾有空間感。🍝●「刁草汁煎挪威三文魚排」($68)●塊三文魚排好厚身！68蚊黎講真係好抵！不過小心三文魚有骨呀～～刁草汁絕對係精髓！酸酸地調出魚嘅鮮味+解咗魚油嘅膩😍撈埋意粉食都得！.🍴●「黑松露蟹肉飯」($58)●首先要讚一讚意大利飯個汁， 唔會太澀亦都唔會太稀，所以個飯食落去口感好好。忌廉汁味道較為濃和重😋較適合一眾重口味朋友🤣 味道方面，黑松露嘅味唔萛太出，但係就煮得好夠味， 蟹肉都算厚，一啖飯一啖軟殼蟹都食得好享受。💭💭💭好味(6.5/⑩)抵食 (9/⑩)💭💭💭

話說今日係happy Friday，經歷咗忙碌嘅一個星期，同同事放工食餐好嘅先♥️💕餐廳好有文青feel，我好中意有塊刻板呢個concept♥️<芝士薯條>係超級邪惡，落咗超多嘅芝士醬😳😳😳而且份量偏多😳😳😳<特選全日早餐>窩夫超香牛油味，讚呀♥️雞扒煎得好香脆，咬落夠juicy，炒蛋亦好滑👌🏻茄汁豆配窩夫食一流！下次要試佢個窩夫甜品先得。<牛肝菌雜菌意大利飯>係有好多好多好多牛肝菌同雜菌喺個飯度，意大利飯軟硬適中，夠哂多配料，有我最中意嘅三色椒！每一啖都充滿住濃厚嘅牛肝菌味，好正。<蜜桃沙冰><朱古力奶昔>蜜桃沙冰好解暑！夠哂refreshing!朱古力奶昔亦好正，好似食緊雪糕咁♥️餐湯

公司附近其實好多嘢食，不過成日食嚟食去都係嗰幾間，食到有啲悶悶地，放工約朋友去附近試吓西餐，Dinner Set大約百幾蚊左右，唔算太貴。 入到去見到樓底都幾高，空間感足，侍應安排帶入座並遞上晚餐餐牌，我地2個人叫咗黑松露燴意大利飯配煙肉帶子串、安格斯牛柳配鵝肝（六成熟），餐湯係粟米忌廉湯，再配餐飲2杯。 黑松露燴意大利飯配煙肉帶子串有兩串煙肉帶子串，煎得香，食落煙肉脆口，帶子軟身，口感不錯！意大利飯不會有骨，黑松露帶出層次感。 安格斯牛柳配鵝肝（六成熟）牛柳生熟度剛剛好，有牛味又唔會太鞋；鵝肝煎得內脆外軟，如果能夠配上法包更好，不會顯得太油膩。

之前經過呢間餐廳食過午餐覺得唔錯，今次特登嚟食下午茶🤣🤣🤣朱古力榛子窩夫 $65終於有得試甜品🥳 除咗雪糕同朱古力醬，仲有綿花糖喺上面好吸引☺️☺️ 窩夫好香榛子味，食落好充實，兩個人分食完勁飽勁滿足🤣🤣如果可以多一球雪糕無咁快融哂就好喇🤣🤣凍榛子咖啡 $43加咗榛子醬飲落偏甜，上面加咗cream好滑，咖啡味都ok凍玫瑰咖啡 $43好濃玫瑰味不過都係偏甜嘅😛飲落不過不失啦🤣今次終於可以食到呢個窩夫，實在太滿足喇❤️🥳

咁啱朝早喺大圍附近行完山，之後搵到呢間好似都幾多人食嘅餐廳，我哋兩個人叫咗一個卡邦尼扁意粉同埋龍蝦汁炸軟殼蟹燴意大利飯。卡邦尼扁意粉食落有啲滯，味道有啲單調，有小小洋蔥同煙肉。龍蝦汁炸軟殼蟹燴意大利飯，意大利飯充滿晒龍蝦汁，味道足夠，但可惜嘅係上碟嘅時候望落軟殼蟹嘅外皮已經淋咗，但係係一隻幾大嘅軟殼蟹，如果仲係脆皮的話會好加分。我哋仲叫咗一個雜莓窩夫，都唔錯，即叫即整，上碟嘅時候仲係熱辣辣又脆，仲有一球雪糕。

Ocio喺大圍都算係受歡迎+CP值高嘅小店之一😋蜂蜜雪山熱香餅$79 🥞Ocio熱香餅嘅口感並唔係老麥早餐嗰種熱香餅，而係比較似gram嘅梳乎厘班㦸😇熱香餅夠熱，切開之後仲見到出晒煙架🥰蛋香味突出，入口有空氣感得嚟仲保持到彈性😋夾埋冰凍嘅雪糕，絕對係一種會令人口味嘅美味😚朱古力布朗尼窩夫$65🧇係一款由頭到尾都係朱古力嘅甜品🍫朱古力雪糕+brownie+朱古力味窩夫🧇鍾意朱古力嘅叫呢款甜品就一定啱胃口😚

身為一個大西北人，對大圍真係非常陌生。如果唔係朋友推介，都唔知有間咁正嘅西餐廳！！雖然位置唔起眼(需要由大圍站行5-10分鐘), 但非常值得一試~入到去第一時間當然睇睇menu先，入面大約有20款晚餐選擇，最後我地兩個人點左1份煙三文魚卡邦尼意粉、1份香烤羊架配薯菜、兩個湯同埋2杯特飲。先講羊架(因為第一份上菜)XD。羊架望落已經非常大份，點知食落驚喜仲大! 肉質又滑又嫩，羊羶味不會太重，肉味清香且肉汁豐富。讚！而卡邦尼意粉亦都唔錯，醬汁濃稠度適中，食落又creamy。