Ocio (已結業)

還未到盛夏，天氣已經熱到令人抖不過氣，今日決定來一個冰凍嘅消暑甜品做午餐，食完暑氣全消。👍餐廳門面頗有格調，午餐價錢實惠，最重要是餐牌展示的甜品賣相很靚，所以決定試試。朋友點了一份午餐，香草三文魚粒茄木魚湯意粉$78，包餐湯和飲品，十分抵食😋。份量適中，意粉面的紫菜很香，蕃茄粒和三文魚粒味道好夾，意粉略硬，跟餐粟米湯和咖啡，就是一般西餐廳水準。我點了蜜瓜雪山梳乎厘班戟$98，空氣感十足，口感鬆軟，仲有脆脆嘅蜜糖星星，蜜瓜冰凍清甜，加埋雪糕，味道和賣相都超正😍。

今日去葵芳行街見到呢間餐廳環境幾靚咁就入去試下，晚市套餐選擇都幾多，客人可以自己搭配，分別有$216同$256兩個選擇，2個主菜加1個小食，我地點左黑松露軟殼蟹意大利飯同埋香燒紐西蘭羊架，兩個都好好味，飯方面黑松露味夠香濃，個醬亦都夠creamy好中意佢每一啖都有忌廉黑松露醬好正，軟殼蟹原隻上炸得頗香脆而且好多肉，明顯即叫即炸因為仲熱辣辣。羊架佢兩件連住上配薯蓉同燒汁，原價168都幾大件，職員特別推介7成熟或全熟，個人認為7成熟最好，羊架不羶肉質嫩稔易咬，小食芝士薯條都幾好食👍

五一黃金週 , 當然就是要撐「黃店」~今日去 葵芳-新都會廣場 的 Ocio 吃午餐 ~Lunch Menu ~雜菌忌廉湯 : 質感偏稀不夠濃稠稠 , 味道普普通通 , 沒什麼好陳述 ~黑松露野菌意大利飯 : risotto 是煮得八成半熟 , 粒粒煙韌Q彈 , 黑松露忌廉汁夠 rich 亦夠 creamy, 菇菌味道濃郁 , 口感豐富 , 味道清而不寡 , 非常適合素食者 , 或是守齋期的人士食用 ~Iced Americano : 啡味偏淡 , 水準一般 ~ (因為餐廳的燈光偏黃 , 所以影出來的相片都黃咁咁) 果然夠黃！！#五一黃金週 #黃色經濟圈 #黃店 #良心小店 #撐黃店 #撐手足 本篇完 ~

清新小cafe, 靚環境，好服務🥰窩夫本身跟雪糕同cream,因為我唔食cream 同雲尼拿雪糕，細細同朋友講： 如果多d 朱古力醬就好喇，轉頭服務員主動拎來一杯朱古力醬，好窩心👍👍👍環境以白色為主，很清新，其中一幅牆有仿草和花，帶入少許綠色元素，坐得舒服，最岩朋友閑聊傾下計&hea 下午茶有咸有甜，包飲品。焦糖香蕉朱古力窩夫，焦糖香蕉外脆，香蕉軟甜，yummy,窩夫剛好，不會太硬，蛋味濃，好香😻

由於今日太晏食lunch未好肚餓，所以夜晚就去咗Ocio食甜品當正餐算，甜品款式以窩夫同梳乎厘為主，原來佢地晚餐menu都有好多款西餐選擇，留待下次吧-蜜瓜雪山梳乎厘班戟($98)賣相靚到不得了，啱晒女仔打卡影相，半個蜜瓜鋪上近期大熱嘅梳乎厘班戟，仲有雲喱拿雪糕同蜜糖星星，梳乎厘班戟好鬆軟，又有蛋香，口感綿滑，蜜瓜都好鮮甜，十分推薦抹茶心太軟($68)即叫即整，所以要等大約15分鐘，外層蛋糕都幾鬆化，抹茶流心嘅流漿度都好好，入口好香濃幼滑，味道又唔會太甜，配埋冰凍嘅抹茶雪糕同cream，一冷一熱，雙重口感好豐富呀

「食」對為食妹👧🏻 係非常非常重要😍我地Order左兩個Lunch Set 🤪個Set仲包埋餐湯同飲品。抵❤️是日餐湯🥣粟米忌廉湯🥣。攪兩攪發現個湯入面有好多粟米架。😛黑松露野菌飯～為食妹👧🏻情有獨鍾risotto。口感in in un un 有嚼口。👍🏻濕潤嘅risotto配埋🍄真係perfect match 。💯芝士牛肉漢堡配薯條～個🍔有哄熱。一咬外脆入面好juicy 。美中不足芝士唔係半溶狀態。餐飲唔只🍋茶🍋水甘簡單。用上Twinings茶包。好Grand牙💫

是夜老公過嚟接放工，呢排好忙唔想返屋企煮飯😂🙈乘機要求落葵芳新都會食埋晚飯先返屋企✌🏻經過Ocio發現有個二人晚餐，價錢$216加一，除開每人都係百零蚊，就可以有兩個主菜，一個小食，都幾抵食！✨精選二人晚市套餐 ($216)兩款主菜+1個小食主菜1 - 刺身帶子明太子意粉 (原價$148)主菜2 - 安格斯肉眼扒8oz配燒汁 (原價$168)小食 - 小食拼盤 (原價$46)(是日餐湯，是日沙律，咖啡或茶可以優惠價加配。)如果散叫要$362，而家叫餐平咗差唔多$150👍🏻刺身帶子明太子意粉 帶子大大隻，肉質彈牙，外層焦香，不過內裡就熟咗少少。意粉煙韌彈牙，醬汁Creamy。安格斯肉眼扒8oz配燒汁安格斯肉質鮮嫩，牛味香濃，表層焦香，入口肉汁豐富，點埋店家自製嘅芥末更正！伴碟薯菜都唔少，仲幾好味。小食拼盤：雞塊、薯角、炸魚、炸蝦全部都炸得金黃香脆，上枱時熱辣辣，入口脆卜卜，而且份量都唔少，食得好盡興！

這天假日來到女人購物熱點葵芳葵涌廣場，行到有點攰，就到位於葵芳新都會廣場ocio坐下吃點東西，輕鬆一番。店內環境佈置有種讓人放鬆的感覺，點了蜜糖蒜香雞翼 $38 、士多啤梨雪山梳乎里班戟 $78，仲有一杯冰抹茶鮮奶 $39。蜜糖蒜香雞翼一碟5隻，每隻雞翼都有香甜蜜糖和蒜香，脆脆甜甜的特別好吃。我特別喜歡吃班戟，而這個士多啤梨雪山梳乎里班戟實在太有驚喜，推介！熱熱的煎pan上滿是香甜大量的士多啤梨醬，軟棉棉的班戟蛋香又鬆軟，上面仲有雪糕球，冰與熱之間，特別過癮。飲品是抹茶鮮奶，抹茶香配上濃味鮮奶，抹茶鮮奶迷的我大讚，有種很滿足又放鬆的心情。

小肥週三在葵芳🐷😋🙇🏻‍♂️難得放假接隻豬放工順便拍拖拖😚👫一於黎返尋OCIO獎勵下自己同隻豬啦☺️😋先有遠聞陣香既安格斯肉眼打頭陣😆🥩大大塊肉眼牛扒肉味濃郁🥩🤩五成熟既牛扒係剛剛好☺️🐮原塊煎香能鎖住肉汁肉質滑嫩Juicy之餘唔起根🤤以黑椒及薄鹽更帶出扒香鮮味之餘😋🥩配合濃郁燒汁更為惹味😋而隻豬叫既帶子明太子忌廉意粉🍝一流既賣相已經流晒口水🍝🤤以忌廉汁慢煮既意粉更為濃香Creamy😋🍝有埋明太子拌煮更添不少鮮味鹹香之餘🤤配合滑嫩口感既帶子肉🤤灑上滿滿既紫菜絲增添多重口感及味覺😆令人大舉拇指🤩👍🏻🍝仲有口痕另外叫既焗肉醬薯蓉🤤🤤🤤🥔即焗熱辣滑香鐵窩薯蓉每口芝味邪惡入心😋

葵涌新都會廣場其實食肆都頗多選擇吃厭了葵涌廣場的小食想正正常常坐下來晚飯選了這家西式餐廳記得幾個月前經過時感覺不太好在店外都聞得到油煙味今次再訪就沒有了疫情之下 店員都先為你量體溫看到每張檯之間都用透明膠板圍住食客也吃得安心疫情期間很多餐廳的生意都很差這一家反而人流還是有的證明食物不錯吧餐廳看上去都很乾淨衛生食物跟飲品都很多選擇看到旁邊很多食客點了豬肋骨好吸引可惜同行不吃豬只好作罷2人晚餐價錢很實惠兩份主菜加一份小食才$216(兩份扒類主菜是另一價錢)加上沙律，飲料或湯再另加不過價格算合理我們點了蜆肉木魚蕃茄湯意粉另外點了medium well的安格斯肉眼扒飲料太多選擇還是點了普通凍奶茶及凍咖啡小食點了芝士焗蠔蜆肉木魚蕃茄湯意粉先上大概今天沒有木魚變成了紫菜?蕃茄湯底是真正蕃茄煮出來沒有味精味 這個非常欣賞感覺比較清爽 很適合潮濕的日子肉眼扒的肉質很不錯吃過太多組合肉 令人難以下嚥5成熟的牛也掌握得很好中間是粉嫩的粉紅色美中不足是下面薯菜薯角太多 翠玉瓜只有3件芝士焗蠔上芝士也是漂亮的顏色蠔肉不會收縮很多感覺蠔不是急凍的(我不會看啦)值得一提侍應們都很有禮貌很細心說明是日餐湯及沙律內容

如果想坐得舒服啲又平平哋食個brunch我會選擇呢間舖頭呢間西餐餐廳主打輕食同埋窩夫甜品裝修格局都幾靚我覺得最好嘅就係冇最低消費點解我會咁講是關佢嘅份量其實偏大一個女仔可能食唔晒一個餐今日我哋兩個人就揀咗個燒豬肋骨太陽蛋窩夫呢個餐加埋一係$90包左主菜飲品同餐湯主菜份量多到嚇死人除咗有燒豬肋骨太陽蛋窩夫之外仲有沙律同埋薯條兩個人食完大概7分飽燒豬肋骨脂肪分布唔錯，燒得唔會太乾身，燒烤醬味道亦都唔錯薯條都炸得脆口窩夫口感亦都整得幾鬆化而我覺得呢個餐最得意嘅就係燒豬肋骨係鹹個個窩夫陪嘅蜜糖係甜感覺就好似一個餐滿足晒食甜食同鹹食嘅慾望用一個價錢食到兩樣嘢如果餐湯亦都係每日唔同飲品水準亦都係中上咁嘅價錢係新都會食到一個brunch,又坐得幾舒服CP值真係高但有少少美中不足嘅就係原來食唔過$100唔可以碌卡下次有機會都會試吓佢其他甜品

今天在葵芳新都會路過OCIO。嘗試了全日早餐，可惜質素與價錢未能成正比，相差太遠！雞扒硬骨骨，吃了一啖而放棄！ 即時想起美心的雞扒早餐$37，東海堂的全日早餐$65、 真的是美味很多！ 心想為何$95的全日早餐為何那麼的差？ 茄汁豆半口就冇、格仔餅太硬、煙三文魚看了顏色也放棄了。還好， 薯條是唯一可讚的！。還有Ki餐湯份量太少， 幾口而渴完😅其實味道也不見得出🤔太太叫了一個黑松露意大利飯，味道還可以，份量就太少了！

蜜瓜雪山梳乎厘班戟很吸睛，女友無限拍照打卡。半個鮮甜蜜瓜鋪上梳乎厘再加星星脆脆，先吃軟滑的梳乎厘，配合脆脆令口感大增。再慢慢地用小匙羹挖香甜的蜜瓜肉，多汁又甜美是享受下午美好時光的良伴。每口梳乎厘都好鬆軟至於 L 則來一客午餐，青豆蓉湯入口稀度適中，豆蓉亦令口感更佳。主食為香煎香草汁鯛魚意粉鯛魚外層煎得香口內裏魚肉嫩滑，意粉軟硬度適中。醬汁亦配搭得不錯。配上沙律菜就有一個不錯的平衡。為女友準一杯熱焦糖鮮奶餐飲，香甜而且很滑。

嚟過呢間餐廳幾次 通常都係單叫或者食甜品可能而家疫情關係見到佢有二人套餐（$216）即刻抵食左勁多套餐包兩個主菜同一個小食 可以加錢要湯/沙律/飲品-😋茄汁野菌虎蝦意大利粉 （$128）虎蝦大隻肉質鮮嫩 意粉嘅口感亦都控制得好好唔會太硬太軟茄汁嘅份量夠多 每條意粉都比大大量汁包圍除咗菇之外仲有蘆筍 整體感覺更加清新-😋醬燒豬肋骨配薯角（$168）豬肋骨配燒烤醬係冇得輸嘅組合大大塊豬肋骨燒得好入味 不過肉質比較鞋口下低仲有大量薯角 擺咗一陣先食都保持香脆 值得一讚-😋小食拼盤（$46）有齊雞塊 薯角 炸魚 炸蝦 係就係熱氣咗啲不過用來做小食一路食一路等個主菜真係一流

今晚約咗朋友係呢一間餐廳到食飯， 因為受到疫情影響，所以出少咗街食飯，因為以前呢間餐廳都要等，今日唔使等位真係幾幸運。 都唔算係減得太多人流，都有好多人去呢間餐廳度食飯。 可能因為今日假期。 咁我哋叫咗以下:黑松露軟殼蟹意大利飯： 呢個黑松露意大利飯其實我自己都幾Like，因為佢有濃厚嘅黑松露香味，再加上隻軟殼蟹都算幾大隻，所以零舍滋味，佢個意大利飯都幾creamy 所以我同我朋友都幾鍾意呢個意大利飯。安格斯肉眼扒配燒汁: 呢個肉眼扒我就絕對十分喜歡，因為呢個塊扒啱曬我哋呢啲食肉獸，同埋佢呢塊厚肉，我覺得幾新鮮同埋佢煎起上嚟都恰到好處，我叫七成熟佢真係畀到七成我，所以如果大家鍾意食扒嘅朋友可以試下呢塊肉眼扒。蜜糖蒜香雞翼： 呢個蒜香雞翼，我覺得作為餐前小食都幾好食，因為佢塊雞皮脆脆地又甜甜地，整得啱啱好，所以作為餐前小食 大家可以試下order呢一個。 我自己覺得佢有少少似韓國嗰啲雞翼。最後我朋友飲埋個菠蘿士多啤梨沙冰， 食得飽飽就走，我試咗呢杯沙冰我覺得都幾好飲，佢唔算太甜幾適合香港人口味，所以如果大家嚟開新都會廣場，大家可以試下呢一間餐廳。