Odelice! (海之戀商場)

營業中

休息中

有時lunch見好多人排隊 一直想搵機會試下 襯老婆生日就去左食晚餐當晚叫了4個餸菜 基本上味道都很鹹 太濃味 有個好似叫紅酒牛肉意粉 個牛又靭又(鞋) 食左啖就放棄唔想再食 個麥乜乜薄餅 有苦味 太濃味 鹹黑青口 配薯條 青口是無問題的 但薯條一黎到就係淋既 太鹹 （小朋友是很喜歡食薯條的 但我個囝 食左一條就唔再食第二條）還有個拼盤 可以接受 不見出色最後付款時 有個帶眼鏡小肥既男職員 態度差 西口西面 同佢講多句 個樣都好似殺左佢父母咁 很不友善 建議不要同佢有接觸 避免影響當劇刻心情 （其餘職員的態度都是不錯的）

無服務openrice 一早book左位一去到無人係門口就自己scan曬code 先等左一陣終於有人理我地安排入座 放低menu就走果日好多食物都無 但入座之前完全無提過1）無生蠔2）專登去試佢哋招牌個鴨肉薄餅 話無鴨 姐係所有包含鴨肉ge食物都無3）見d人話個梨蛋糕好食 都無雖然幾乎想食ge都無 但坐低左都要order 當試下其他嘢廚師拼盤 可能係食過最難食ge 酸種麵包 好乾 凍ge 其他都係現成嘢 煙三文魚 火腿之類 巴馬臣火腿蕎麥餅唔特別 普通可麗餅個漿換左蕎麥 食唔出有咩特別鴨肝配牛柳全晚味道最正常 不過明明叫5成熟變左7成熟cocktail 叫左杯martini叫正常另一倍mojito 甜到漏…. 可能係飲過最差ge 係一路擺到d冰融左一半先正常d 都係難飲總之餐飯ge體驗就係好差！完

今日去海之戀商場逛街，順道和朋友一起吃個晚餐，見到odelice餐廳裝修特別，開放式又有露台，無窗無牆，挺特別的，便選擇這裡共進晚餐。我們吃了個二人晚餐，味道尚算不錯，前菜有雜錦凍肉拼盤，上面鋪滿各種風乾肉腸，最喜歡就是吃那片酸種麵包搽上鴨肝醬,沒有鵝肝油膩，好似吞拿魚的口感，適合講究低脂低卡飲食的朋友。第二道菜就是香橙烤豬腩，肉質燒到很嫩滑，無論切或咬都滲透油脂，皮就不夠脆，這裡可以再加強火候，配上香橙汁味道鹹中帶清甜。接著，我們吃了一個龍蝦海鮮鍋，湯汁是我喜愛的番茄湯，鍋中除了有半隻的彈牙的龍蝦(可以加簽吃一隻)，青口，魷魚， 一塊盲曹魚，更有大量的蜆，配上兩片酸種麵包，吃時沾上番茄湯汁，味道鮮美極了。最後上的火焰橙酒可麗餅配一球雲呢拿雪糕很特別，可麗餅夠薄，服務員在我們面前點燃橙酒然後淋上餅上，火焰熄滅後便可以吃了，暖暖的餅皮配上橙皮和冰凍的雪糕，口感幾重奏，為晚餐畫上完美的句號。

🌸荃灣美食🌸Odelice!🍽想到一間精緻而又不失食物質素的餐廳品嚐法國菜？今天特意到一間位於荃灣的一間人氣法國餐廳-「Odelice!」品嚐是日晚餐，Chill住享受是日晚餐❗餐廳裝修非常精美，環境寬敞，有精緻的復古歐美吊燈柔裝飾，還有海景室外用餐區，非常適合喜愛打卡的朋友仔📸座位寬敞舒適❗食物全是即叫即製，相當新鮮惹味！店員殷勤有禮，非常用心為客人下單及介紹餐點，還不時替客人添加水❗我們一行2人惠顧了以菜式：1️⃣🌟紅點三文魚他他 $145這是一款非常豐富滋味的前菜，這款三文魚他他含有新鮮熟成牛油果、清甜香橙、爽口青瓜、開胃酸豆、爽口乾蔥、脆綠蒔蘿及開胃健怡乾蔥油醋汁，還有香脆法式麵包配搭一起食用，味道清新開胃，配搭豐盛惹味。2️⃣🌟馬賽龍蝦海鮮鍋 $368這是一款配料非常豐富的海鮮鍋，海鮮鍋內有半隻嚴選上盛惹味的龍蝦、鮮甜黑青口、鮮味大蜆、香滑肉嫩的盲槽魚及爽牙魷魚，還有香脆法式麵包配搭秘製海鮮汁一起品嚐，海鮮配料非常新鮮而且多元化，一次就能過品嚐多款新鮮滋味的海鮮，非常滿足，十分滋味。3️⃣🌟香橙烤豬腩 $218這款烤豬腩肉配合香橙叫即烤，外皮烤得非常香脆，豬腩肉肉質鬆軟肥美，脂肪分佈適中

見openrice有post介紹呢間餐廳，仲主打話係法國人打理，就決定同媽咪試下，結果係大失所望！唯一似法國餐既，可能係食物等好耐呢一點。牛肝菌蝴蝶粉冇牛肝菌味，溫度只能夠講係暖，味道係非常一般白汁既味道……件扒我叫3成熟 medium rare, 上到枱目測已經係5成吾只，咬落係"鞋”過白烚雞胸肉，溫度係叫做吾係凍la成餐叫最好食係個沙律，正正常常，不過不失呢件蛋糕係甜到食吾到，直接放棄我已經係閒日去，吾係母親節正日，食物都係甘差，真係吾會再幫襯。仲有個青口冇影到，d青口係同我d指甲甘上下size,食左好似冇食過。

晚市開返終於唔使煮飯，所以諗住去屋企附近食法國菜，浪漫一下。初初都驚法國餐廳會好拘謹，嚟到見到個環境就放心晒。因為第一次嚟，唔知食乜好，就麻煩咗職員推介一下，我都就㨂咗幾款試下。兩個人食，就叫咗一個頭盤，兩個主食同一個甜品share 食。朋友仲叫咗杯有汽酒，我就飲花草茶。呢個份量啱啱好，唔多唔少，好滿足。頭盤 - 生牛肉薄切： 原來生牛肉唔係血淋淋，又唔腥，廚師用生槍燒過牛肉薄片的邊位，再加上巴馬臣芝士、黑松露醬汁，再配埋火箭菜沙律。成個配搭對我嚟講好新鮮，未食過生牛肉的可以一試。主食 - 牛脊肉配法國鴨肝和北極紅點三文魚：個牛脊肉叫咗五成熟，估唔到廚師火候同時間掌握得好好，個牛脊肉切開個肉仲係紅紅地色，塊牛脊肉同鴨肝都好嫩口。而個三文魚同個配菜食落好清新，同個牛係完全唔同style.甜品 - 椰香蕉糖烤布蕾：其實係椰子味的cream burlee. 本身鐘意食cream burlee 的我，就好鐘意呢個椰子味版本，個椰香好香濃，味道好出，最最最鐘意係佢唔甜，大推❤️呢間餐廳d 食物高質之外，個環境仲好好，職員好細心，服務好好。

今天又有姐妹幫我慶生🎉， 因為大家都係荃灣人所以我地揀左海之戀嘅Odelice!。由於我在今年一月份曾經來過這裏午餐， 試過這裏的火腿蘑菇意粉及火腿芝士雞蛋蕎麥薄餅，覺得很不錯，說過很想試這間餐廳其他的食物，估計應該會有一定水準，會再來的。 所以決定今日再來光顧，今日三個人可以叫多一啲嘢食。😁今日我哋三個人被安排坐在一張卡位，雖然不算太寬鬆，但也挺舒服而且也有一定私隱度。 本來一心想來吃這裏的生蠔，還未點餐餐廳職員已經告訴我們當天沒有生蠔，真 有點失望，我們點了一個二人套餐($588)再另加了一個煙三文魚法式蕎麥薄餅($125)和一支法國.勃根地的紅酒🍷($328)， 有位姊妹不喝酒所以點了另一杯特飲，三個人慢慢嘆。煙三文魚法式蕎麥薄餅($125)很大的一個蕎麥薄餅，跟午市套餐的份量相若，伴有一些很新鮮的沙律蔬菜，三邊圍上煙三文魚，中間放了一隻半熟煎蛋🍳，下面以綠色蔬菜🥬墊底，煎過的蕎麥餅的香氣與煙三文魚味道也非常配合， 兩位姊妹第一次吃也認同很美味。晚市雙人套餐 ($588)包括頭盤(五選二)，主菜(六選二)，甜品(三選一)頭盤選了:~ 燒茄子🍆哈羅米芝士拼盤這是一道沙律菜🥗，哈羅米

一千元內的法國菜🤎還記得若干年前到過位於尖沙咀主打法國菜的odelice！，當時超愛他們的crepe，真的好出色。這次經過位於荃灣的分店，再試究竟。-晚市雙人套餐 $778餐湯是日餐湯為雜菜湯，感覺非常足料除了有大量的雜菜外，還有肉碎呢。-雜錦凍肉拼盤 分別有西班牙伊比利亞黑毛豬火腿、salami和吞拿魚蓉，配上酸種包一起享用，不錯哦。-馬賽龍蝦海鮮鍋海鮮控必點，有青口、龍蝦、蜆肉、魷魚等超豐富的海鮮，番茄醬汁也是非常之香濃。-香橙烤豬腩咬下去是豬腩脆脆的皮，和軟嫩的肉，烤得不錯，味道稍微有點咸。超喜歡香橙醬汁甜甜的呢。-火焰橙酒可麗餅🔥超igable啊！橙酒味相當濃郁，而且酸酸的香橙恰巧中和了可麗餅的甜膩。

Lunch set 約$150，但外觀上、味道上，食唔出法國菜既精緻，可能cafe比呢間出品更好。🍴蕎麥薄餅（法式火腿、埃文達芝士、雞蛋）：薄餅有燶味同苦味，加上顏色焦黑，唔知係蕎麥特色定燶左。塊餅好粗糙，芝士亦唔夠香。🍴油封鴨腿：鴨腿都係粗糙，反而配菜（炒羽衣甘藍🥬）幾香口。🍴肉眼牛扒配薯條：7成熟牛扒夠肉味，亦好juicy。味道：🔅🔅新鮮：🔅🔅🔅分量：🔅🔅🔅衛生：🔅🔅🔅🔅速度：🔅🔅🔅（5🔅為滿分）

食物一般，價錢略貴。由於疫情關係，3個人要分兩張枱坐。坐低咗幾分鐘都冇人招呼舉哂手叫哂唔該先有待應埋嚟。点知呢個本地肥材四眼短髮女待應服務態度極差劣，語速快又冇尾音，叫佢比水又冇下文(仲要反白眼)，食餐晏比幾百蚊，仲要比氣你受。反而其他幾位待應(包括外籍1女1男及一位本地男待應)均好有禮貌。俗語有云：一粒老鼠屎壞了一鍋粥！管理層再唔正視呢位員工態度問題，我相信陸續有客都好似我咁唔會返轉頭再幫襯。始終四百蚊食晏有更多選擇。

趁住星期六草根2姊妹去咗荃灣海之戀@o.delice食brunch，試咗佢新出嘅ᴡᴇᴇᴋᴇɴᴅ ʙʀᴜɴᴄʜ ᴍᴇɴᴜ。餐廳環境好chill，仲要對住海景🌊，未食已經加晒分。主菜會配有餐湯/嘢飲，當日嘅雞肉周打湯飲落溫和，又有煮腍咗嘅蔬菜粒，味道都唔錯。.📍班尼迪克碗（$160）ʙᴇɴᴇᴅɪᴄᴛ ʙᴏᴡʟ大家可能都知家姐對Egg Benedict有種迷戀🤣，見襯都一定要食🤘🏻，而呢間真係有驚喜🔥。配料可以揀三文魚/芝士/Pamara ham，煙三文魚肥美油潤🧡，有食新鮮三文魚嘅錯覺。63°温泉蛋流心🥚，荷蘭醬顏色同口感都做到perfect 💛 ，配上布里歐修麵包入口就化開🥯真係好正。另外仲有燒茄子🍆、煙燻茄子蓉、牛油果🥑同車厘茄🍅做配料，豐富過平日嘅Egg Benedict好多，食完勁滿足‼️.📍 法國油封鴨腿（$168 ）ᴀᴘᴘʟᴇ ᴄɪᴅᴇʀ ɢʟᴀᴢᴇᴅ ꜰʀᴇɴᴄʜ ᴅᴜᴄᴋ ᴄᴏɴꜰɪᴛ油封鴨腿都幾大隻🦆，肉質軟腍不過未夠嫰，而且鴨肉唔夠入味。鴨皮油份豐富，煎得幾香。仲有羽衣甘藍🥬、焗新薯同蘋果🍎做配菜，個蘋果絕對係亮點，帶微甜之餘又解膩，羽衣甘藍都好嫰不過就油咗啲，整體冇想像

平時一諗到食法國菜，都係一啲好貴嘅餐廳，不過今日就比我搵到一間抵食嘅選擇啦去到呢一度嘅時候望到呢一度嘅餐牌都非常之抵食，我自己好鍾意食呢一度嘅risotto😍於是今次就叫咗呢個波士頓龍蝦燴飯！就咁睇個賣相就已經非常之吸引，大大隻嘅龍蝦，而且呢度嘅番茄味道非常之香濃，配合埋龍蝦嘅味道真係絕配！龍蝦亦都好新鮮，好彈！係一個好高質嘅燴飯

Odelice (OP Mall) 餐廳主打現代法式料理，係將軍澳、尖沙咀同灣仔都有分店，之前經過海之戀呢間分店已經覺得好靚好想試。-🍽叫左兩個lunch set，分別係ribeye steak with fries 同紅酒燉牛肉pasta再加小食黑松露蘑菇球。每碟份量都好多，而且擺碟都好靚。味道偏淡但好香，食得到牛肉同herb 既味但唔會好重口味，食得到食材本身既味道。炸黑松露蘑菇球好香好脆，入面又好juicy。🥣 食lunch set好推薦飲佢地既湯，好好～飲😍當日係周打湯（Chowder soup)，一啖飲到薯仔粒洋蔥同蘿蔔粒，好香好好飲！食物絕對唔求祈。-服務同環境都唔錯，唔怕曬可以坐室外有海景影相位，坐近商場走廊會嘈小小。💰Lunch set價錢小貴但放假食好d可以接受既範圍。

Luckily got some time off on Friday afternoon✌🏻with bf, the mall wasn’t super crowded. Between the next door and this restaurant we chose this restaurant since they had various options✨✨I chose Tuna steak as a starter and French duck as main. Tuna steak was fresh and I rarely can find that in Hong Kong not as sashimi🤙🏽🤙🏽The Duck was well cooked not too dry, with cinnamon apple as side dish and salad was fresh with sour dressing. End with a latte with extra $18. I would say it’s worth the cost si

Bruch set $90🥦西蘭花忌廉湯🥦筆上嚟都見到唔係好杰身，忌廉味唔會好重，唔係好似嗰啲落咗好多cream嘅忌廉湯🥣偏清淡，菜味都幾出，啱一啲鍾意清淡嘅人飲😚🍕Omni新膳肉丸蕎麥薄餅🍕味道都係平時西餐會食到嘅黑椒青瓜洋蔥混合嘅味道🥒有少少似清新類Pizza嘅嗰種味，但係個底就係淋嘅🗞但係去到側邊嘅位見到佢看到有少少啡啡地色嘅，都係好脆嘅邊，幾有趣🤣食落去真係第一下蕎麥味幾出，之後食慣咗就冇乜特別感覺😳植物肉丸炸得比較乾身，味道唔係好出🧆芝士同埋青瓜洋蔥夾埋蛋一齊幾好食🧀成件事夾埋係OK嘅，不過好夾又稱唔上😗不過對未食過蕎麥薄餅嘅我來講，係幾新鮮嘅體驗！🤩整體8/101️⃣食物唔錯！而且菜式特別，有平時食西餐風味🍴Menu仲有好多選擇，有健康嘅，有素食嘅，CP值中等！2️⃣佢比嘅水係有薄荷嘅水😂再加埋有外國人嘅面孔做侍應，感覺到就算喺海之戀呢啲咁商場入邊嗰度有一絲嘅法國餐廳氣氛🥳3️⃣佢嘅裝修幾靚，同埋有啲位係有透自然光，所以都坐得幾舒適，見到唔少人都係食完飯之後就坐喺度傾足一個鐘以上💬所以都幾晏聚餐，個氣氛幾chill🎉4️⃣但比較唔好嘅係，在之間嘅間隔唔多，可能聽到隔離枱好嘈，就係因為咁待應