Oggi (已結業)

Chicken and poached egg pizza 即叫即焗，個皮仲係熱既，poached egg係凍既(如果係暖就更好)，啲蛋漿用黎點pizza食好味道，芝士好多好濃郁，所以就算係簿皮pizza 都夠一人食服務就一般，唔夠人serve，餐湯同甜點都一般，得個Main course ok, 所以午市黎講算係小貴，不過都值一試👍🏻

平安夜同朋友去試依間新餐廳⋯其實佢既位置在天后與砲台山交界，間餐廳都好full. 坐滿哂，好彩有訂位。個環境都唔錯，又有聖誕佈置，都好有氣氛。樓上果層原來係洗手間，個感覺都幾特別。叫左兩個set lunch, 朋友就加$25飲龍蝦湯，幾好玩。我就飲甘荀湯，好好飲。個份量都幾多，我地兩個食唔哂。朋友就叫左個魚，我就食海鮮意大利飯。味道都唔錯既⋯但條魚就麻麻地，有d咸。有甜品，好好食，好清新既味道。又有餐飲。都幾抵食既。

星期日，心想吃清一點，原本計劃步行到天后吃粥，沿途經過Oggi，被他又Green 又文青的感覺吸引過去。Menu Set 的選擇都很多，我就想試一下 Carbonara，簡簡單單試一下。餐湯跟麵包：雖然係跟湯麵包，但一點都唔 hea，麵包紮實有嚼勁，愈吃越香，看似手工穀麥包，很欣賞。餐湯係南瓜湯，南瓜料足，清清甜甜，不錯。Carbonara：雖然唔知麵條係唔係手造，不過入口煙韌有麵香，醬汁夠濃，而且芝士味夠重。加入溫泉蛋，入口質感更滑更香。跟餐飲檸檬菜，實在抵食，都係$118。

今日同朋友食飯，假日去到天后水星街，人流唔多，額外多一份寧靜。平靜街道上有間Oggi，西式cafe的餐廳，門口綠意濃濃，郊外feel非常濃厚，好似去左森林食飯咁。餐廳環境好平靜舒適。假日都有lunch set，價錢好抵食啊！我叫左salad，金柚沙律好特別，香甜金柚配上酸酸甜甜芒果醬汁，好清新開胃。沙律菜翠綠新鮮！main course我叫左藍青口忌廉意大利飯，飯粒有咬口，唔會煮到過淋身，保持飯粒煙煙韌韌，飯粒剛好熟透，忌廉濃香份量剛剛好。藍青口香甜新鮮，入口好鮮嫩！甜品有柚子蒟蒻，香甜清清地，好岩飯後食呀！甜度適中唔會太甜太膩！凍檸茶糖漿分開上，夠哂細心。

「oggi」一間充滿綠色植物的餐廳，類似cafe既feel，入到餐廳非常寧靜舒適，人客即使滿哂，但係都有一份平靜既感覺。假日黎到餐廳，都有lunch set供應，價錢都好抵食架。set lunch包括餐湯/salad+main course+dessert+drink。我叫左香煎立魚配辣蕃茄銀魚柳汁，賣相好有高級西餐廳style啊！我叫左daily soup，大蒜薯仔湯，湯汁香濃夠杰身，忌廉味香濃得宜，配上自家製香草紅椒包，好滋味！麵包必食！因為香脆夠軟熟，加上紅椒粒味道好特別！立魚即叫即煎，香脆香口，魚肉非常滑溜，簡單鹽和黑胡椒調味，魚肉完全無雪藏味道！配上烤薯仔和露筍粟米芯，味道夠豐富！甜品是柚子蒟蒻，清新清甜，好滿足！

在炮台山站附近開會後找地方吃晚飯, 看到這餐廳裝修得充滿田園色彩, 有多款晚餐選擇, 有比較heavy的, 亦有清淡的素菜, 很吸引我點了一份紅菜頭意大利飯伴牛油果及堅果$128, 配有是日餐湯以及餐茶首先來個餐湯及餐包, 是日餐湯是薯蓉湯, 非常香濃, 餐包有紅莓粒, 麵包外皮卜卜脆, 內裡軟棉棉😋, 極想吃多件😅主菜的賣相非常精美, 綠悠悠的牛油果粒加上腰果粒, 鋪在被紅菜頭染得深粉紅色的意大利飯上, 襯托得非常出色, 食物配搭亦健康美味.這餐廳環境舒適, 玻璃水樽及餐碟等亦非常講究, 這餐完全是味覺及視覺的享受

做人都總不錯太過自私，成日叫隔離嗰個人去打邊爐食大排檔嘅，所以今日就搵到間西餐，同太太浪漫一下。Dinner Set 都好多嘢揀，pizza/pasta/Risotto羊架/牛扒/黑毛豬鞍...都應有盡有。餐廳地方雖然唔算太大，但係坐得都舒服，唔會密質質，傾計都舒服。肥仔今次就叫咗個，用龍蝦做主題嘅Set。呢個麵包勁好食，焗到個皮脆卜卜，食落口好實在，唔會好似食緊空氣咁。頭盆係海膽配日式醬油，呢道菜最特別嘅地方係廚房將豉油做成啫喱咁，夾埋海膽食又啱啱好，啫喱醬油唔會太喊，啫喱仲夾雜咗一種鮮味。呢個龍蝦湯，好特別。廚師首先將湯放咗落去一個保溫玻璃杯，飲嘅時間先倒落個碗，欣賞佢咁細心，考慮埋天氣問題。飲湯之餘仲好似自己都有份煮咁主菜嚟喇~原隻龍蝦Risotto，唔單止啖啖肉就連龍蝦鉗都拆埋，唔洗攪到成手污蔑曬。Risotto係正宗意大利嘅煮法，米嘅硬度啱啱好，加埋濃濃嘅龍蝦味最後就係蘋果果凍，食完濃味嘅嘢，食返杯唔會太甜味道清新嘅甜味，簡直係完美。

今日約朋友去天后食飯，沿路都沒發現什麼新店，直到近跑台山水星街被綠色招牌吸引。Oggi 在意大利意思是今天，很有意思，今天就讓我們來吃吧！2點鐘沒有太多人得2枱有客，地方很寬闊兩邊卡座位設計實際，牆上一邊全是綠葉子，一邊全是圖畫，很漂亮！每張枱上有一支玻璃水，杯，自助形式。餐牌仍然午餐：是日餐湯/ 煙三文魚沙律配意大利油醋汁A.卡邦尼長通粉 B. 西班牙藏紅花雞肉意大利飯C.Margherita PizzaD.香煎龍脷柳配香檳忌廉汁E. 香烤豬鞍配紅酒汁F. 燒法式羊架配燒汁G. 燒美國頂級US Prime西冷配紅酒汁餐飲一杯 和是日甜品服務員都很有禮貌，還介紹菜式，服務不錯。豬鞍份量不錯，又厚又大件。切開中間微微有粉紅色，保存肉汁，不乾身味道出色。烤架格仔紋非常吸引，一見傾心。沒有選錯非常滿意。露筍翠綠，有BBQ香氣，薯蓉滑滑牛油味道。堅讚凍檸茶原來糖水另上，夠細心！茶味有點像立頓， 茶味不錯。甜品比較驚喜柚子味道的蒟蒻，甜甜的不錯。

完全沒留意水星街有一間西式餐廳。剛好街市經過才發現，所以和媽媽進去吃。裝潢有點大自然綠油油，和圖畫像外國感覺，卡位位舒適。桌上有冷水和杯，感覺很舒服。午餐有A-G 價錢約78-150內。豐儉由人本人選了香煎龍利柳配香檳忌廉汁小食:煙三文魚沙律配黑醋油，酸酸醬很開胃魚柳很巨大龍利柳超大塊，面嫩底脆很出色， 香檳忌廉汁酸酸地滑滑地，配魚很夾，露筍，BB薯仔都有牛油香味不錯。泡沫咖啡香滑很不錯，另加$10媽媽選了香烤豬朳鞍配紅酒汁。豬扒比想像中巨大，價錢118。外表已經覺得很有水準，厚身咬下完全不韌，帶有肉汁像慢煮感覺，再最後加工烤。豬味亦很清純，底有薯蓉和露筍，真的這價錢是超值的。甘筍湯很濃，像直接打蓉味道很甜，不錯有營!面有忌廉，令湯口感滑一些。另外餐後有甜品，甜品很特別第1次吃。柚子蒟蒻，味道清新，韓國柚子味道，很健康甜品。媽媽和我都超喜歡，會常來的

今個星期日睡到自然醒已經中午了，獨自在天后附近游走覓食，走走平時少行的水星街，發現了這家”Oggi”西餐廳。門面都幾精緻吸睛，門口落地玻璃，見裏面左右两排都幾乎滿座，應該挺不錯，一於內進一試。看看餐牌Set Lunch，都幾多選擇，有意粉、意大利飯、Pizza、煎魚、燒雞、羊架和牛西冷等。桌上有漂亮玻璃樽自助添水點餐後店員隨即送上熱辣辣的餐前麵包，皮脆鬆軟，配上牛油更香。跟餐金梨沙律配檸檬油醋汁金梨好清甜，配上新鮮爽脆沙律菜，拌上微酸檸檬油醋，好開胃。海鮮蕃茄忌廉汁意大利飯 $88飯好夠熱，醬汁濃稠度剛好，不會過稀或過杰，蕃茄汁香濃，飯有質感，每口都伴有濃汁，海鮮有彈牙的魷魚；清甜青口和两隻大蝦，整體做得不錯。跟餐咖啡 - 咖啡味香濃幼滑。精選甜品 - 柚子蒟蒻，好清新，入口膩感一下子就沒有了。

星期日回到娘家幫忙照顧兩隻毛孩，首先帶牠們到附近的寵物店洗澡和美容，在這大約一小時的等候中，我走到了水星街的”Oggi”吃個午餐。原來在這條寧靜的小街中，Oggi內裡十分熱鬧。Lunch Menu有pasta、Risotto、Pizza、魚、羊架、牛排，都幾全面。我點D餐配餐湯（或可配沙律)和餐飲。餐湯《南瓜忌廉湯》南瓜湯濃稠度剛好，有南瓜和甘筍味，配上忌廉增添滑溜感，如果可以多點熱度會更好。餐包香脆，配有牛油。《香煎立魚配檸檬牛油汁 $108》魚大塊並煎香，再灑上了鹽和加入了檸檬汁提味，魚肉出加奇地比預期中鮮嫩，並沒有煎得過火的問題。伴碟還有切片的細薯、細粟米和蘆荀。薯仔很嫩和清甜，薯皮亦香口煙韌。餐茶點了熱檸茶。最後有《柚子蒟蒻》甜品 ，加入了橙皮很有橙香，感覺很減膩又清新。

豬仔今日同朋友遊車河為食嘅我哋兩個周圍兜 一齊搵好嘢食咁啱經過依間Oggi 設計好清新適合過一個下晝 慢慢食下野傾下計就走左入去試吓啦Lunch set豬仔揀左Set B前菜金梨沙律配檸檬油醋汁金梨兩大舊好甜 沙律清新好新鮮牛油麵包外層香脆 麵包軟綿 味道好特別 豬仔好欣賞個包主菜海鮮蕃茄忌廉汁意大利飯海鮮有青口、蝦同魷魚粒粒飯都沾滿蕃茄忌廉汁甜品姜汁糕淡淡姜味 質感似大菜糕 幾特別一個價錢就包晒咁多野食由頭食到落尾 好飽好滿足啊估唔到咁都可以搵到一間咁唔錯嘅餐廳大家都嚟試吓啦

難得星期六放假，咁就梗係要搵個地方好好咁樣食返一餐～過返一個休閒嘅下午！比自己放鬆一下啦～～今日朋友車我港島遊，周圍兜咁岩經過左依間Oggi～感覺好舒適慢慢抖下食一餐～～於是就入左去試下⋯⋯裏面係田園風嘅設計，牆上掛左一啲油畫～坐得舒服又唔侷促，岩曬同朋友傾下計～～下就就有Lunch Set一個價錢包晒前菜/餐湯、主菜、甜品同飲品金梨沙律配檸檬油醋汁甜甜既金梨配上沙律菜 好特別牛油麵包麵包香軟 外皮脆脆地烘得好好 味道十分之唔錯香煎立魚配檸檬牛油汁魚好新鮮 大大塊煎過既邊脆脆地 好香好味道～底部仲有薯塊、蘆荀、粟米仔⋯⋯姜汁糕甜甜帶清淡姜汁味 好特別！坐坐下傾下計食埋野咁就過咗個幾鐘啦～～室內環境令人放鬆，食物又好味！推薦大家黎過一個休閒嘅下午！！

今日又係要貢獻午餐時間比公司嘅一日。附近嘅外賣已經食到厭，好在外賣app 推出咗跨區餐廳嘅菜單，令我啲電腦飯唔洗千篇一律。見到$65 有北角Oggi 嘅意大利飯食，平時出街外賣自取都多數做唔到呢個價位，即刻落單。物流一如以往地有效率，外賣到手仲係熱到出煙。今日我仲自備埋餐具，連佢啲袋都慳返。Blue mussel Saffron Risotto，藍青口係靚貨，鮮味比半殼嘅綠青口好太多。意大利飯有好濃厚嘅芝士味同海鮮湯味，飯粒保持咬口，值得一試。

相對於雞肉、牛肉以及豬肉，海鮮水產其實都屬於我個人平日經常會食的食材，最主要的原因，其實是因為受阿媽的背景，和飲食習慣有直接的關係。阿媽本身是鶴佬漁民出身，所以間接養成了我，平日食海鮮跟水產的習慣。當然，現在的我其實不是什麼海鮮水產都可以隨便食，例如蝦肉、蟹肉這些海鮮，我平日就想食都食不到，因為阿媽以我個人的皮膚問題，平日不容許我食蝦肉蟹肉。我平日跟隨阿媽出席婚宴或壽宴的時候，望着蝦肉、蟹肉、牛肉都只能變成「蜑家雞見水」，有得睇無得食。我只能在脫離阿媽視線監管之下，才能找到寶貴的機會，一個人盡情享受牛肉、蝦肉跟蟹肉的滋味。後來我在星期日，由於我星期日對我來說，家中的傭工放假休息，所以我經常獲得外出用膳的機會（不過我其實平日都經常一個人自由外出食飯），今次我就選擇了，位於香港島「東區」天后「水星街」的意大利菜餐廳「Oggi」。「Oggi」其實都只是歷史比較新的意大利菜餐廳，因為我在光顧「Oggi」完畢，付款結賬過後取回收據一看，才發現「Oggi」食店的前身，其實本來也是一間意大利菜餐廳「Longhorns」。我就不知道究竟「Longhorns」是結業關門，遺下店舖給「Oggi」接手，還是