OK德海南雞專門店 (新都城中心) (已結業)

呢間餐廳嘅無骨海南雞飯真係超水準咁好食。雞肉滑嫩，啖啖肉，入口食到雞有雞味。再配上三種不同嘅醬汁，非常好味。當中最喜歡酸辣醬，岩哂中意食辣既我呀！黃油飯有一個飯碗的份量，即使男生吃到一定都夠晒飽。黃油飯非常香口，但不是太油膩，而且食到有椰子嘅香味，非常惹味！越式蔗蝦湯河同樣好味吸引！蝦隻打成蝦膠製成蔗蝦，入口爽彈。再配上甘蔗令蝦膠吸收了甘蔗的清甜，非常滋味！麻辣口水雞絕對能錯過！係繼海南雞飯必點之後的另一個出色之作。雞隻肥美，肉質香滑。加上麻辣醬，入口先麻後辣，味道層次豐富，每啖都刺激味蕾！令人愈食愈愛呀！法式蒜香牛油雞翼上枱時已經散發濃烈嘅牛油蒜香味。雞翼外層炸得香脆，而內裡仍然能夠保持肉汁。入口蒜香味比牛油味更突出，很香口惹味！

住左將軍澳好一段時間，成日都想試ok海南雞，但成日見要排隊就未食住，今曰難得同媽咪行完街晏左少少食lunch, 就特登黎試下喇。我地揀左個近窗位卡位坐，d 坐位坐得好舒服，陽光透入黎！先叫個粉先媽咪叫左個香煎扎肉湯檬粉而我就叫越式正宗手撕雞湯檬粉我地兩個都好中意食檬粉，哈哈！！兩碗麵嘅粉量都算多，再加埋酸汁一齊食更加惹味呀我地再叫左兩碟小食越式鳳尾蝦春卷同埋雞湯浸郊外時蔬鳳尾蝦春卷十分之出色，即炸外層脆卜卜，d 蝦都好鮮甜。連比較食野 刁鑽嘅媽媽都讚口不絕，推介。後上熱飲熱雪梨蘋果蜜同熱奶茶熱奶茶都要讚一讚，平時喺餐廳飲嘅奶茶都唔會抱太太期望，但呢間竟然令我地好驚喜呀，香濃細滑，媽咪話拍住茶記添。

今日冇出街喺屋企，就到附近樓下商場搵嘢食 ，見到有間叫ok德專食海南雞飯專門店，見價錢唔係好貴，就入去試下啦，餐廳都幾大唔使等位，啲位都好寬鬆坐得好舒服， 坐咗一陣就叫嘢食,當然要點招牌去骨海南雞飯,朋友鍾意食辣，就點了四川麻辣口水雞飯，小食就叫咗泰式無骨鳳爪,越式鳳尾蝦春捲,飲品方面叫咗杯一見鍾情和熱紅棗龍眼蜜。呢個海南雞飯果然名不虛傳，雞肉嫩滑新鮮啖啖肉，醬汁都很配合帶出鮮味，飯和雞油剛剛好混在一起唔肥膩，四川麻辣口水雞飯夠曬辣，鍾意辣嘅朋友一定喜歡，另外兩款小食都很美味，飲品清熱下火夠大杯，認真抵死下次會再來。

其實呢間海南雞飯專門店，喺我屋企附近，所以都經常幫襯，今日去咗食午餐，因為佢哋嘅午餐又真係幾抵食招牌去骨海南雞飯🍚🍚鍾意佢個油飯，唔會太多油，而海南雞更加係嫩而滑，而且唔會有一大塊油喺雞皮下面，所以呢個招牌菜會係我嘅首選越式香茅豬扒飯🐖🐖豬扒邊煎燶燶地，個飯加咗啲甜豉油，特別惹味泰燒黃金豬頸肉😍😍豬頸肉好爽口，呢度個醬汁同其他有啲唔同，呢度個醬汁杰杰地，甜甜地，好特別越式拼盤👍🏼👍🏼呢個拼盤有香茅雞中翼，香煎札肉，越式鳳尾蝦春卷，粵式蔗蝦，個人特別鍾意佢個鳳尾蝦春卷，咬落口蝦肉依然爽而鮮，個春卷炸得非常脆口，配搭得非常好

住寶林 夜晚唔想食大快活美心個啲飯 就好似較少選擇 自從開左海南雞之後 晚飯少左個煩惱平時黎食開都係海南雞後 不過佢間唔時有個新menu 搞搞新意思無咁悶呢到既海南雞 好白好滑 油飯一睇隻色就知超入味！性價比高之選！今次仲試左口水雞 同平時印象既口水雞有啲唔同 就係唔係紅油浸住啲雞！見到雞上面既辣醬 啲口水已經係咁流 好吸引！辣醬係麻味重啲既辣 唔係豆瓣醬個啲 好味！小心思係啲飯撈左甜豉油 覺得辣既時候就食啖飯安撫下味蕾😆小食 麻辣肺片 肺片超厚身😆撈得好入味！泰式鳳爪 啖啖爽脆肉通菜唔老 炒得好惹味蒜香牛油雞翼 大讚 上枱時超級夠熱 令到牛油同蒜味極香！雞翼仲要大大隻 好厚肉！抵食！總結 無論自己食定同屋企人去食都十分方便同埋抵食！住寶林既朋友仔又多一個選擇！

今晚同家人出街食飯海南雞水準穩當，所以都好常會黎食今晚要左海南雞飯，口水雞飯同豬頸肉河粉另外兩款小食麻辣腎片同牛油蒜香雞翼海南雞一貫水準嫩滑無骨口水雞醬汁似乎改左唔係紅油浸住雞件而家係辣醬蓋喺雞件上香而麻，微辣正！豬頸肉河份量好大豬頸肉有好多片肉質軟滑，略煎香，不錯！麻辣腎片我覺得特別好味腎片入味，而且沙律菜也混了麻辣汁醬惹味香辛！最後的蒜香牛油雞翼肉汁滿溢，香甜美味即使上枱一段時間，內裏都是熱辣辣好味道！

今日到寶琳剪頭髮， 剪完頭髮之後剛剛遇著下雨， 便順便到OK得海南雞專門店吃午餐。餐牌上的食物、小食和飲品選擇也有很多。之前都來這裏吃過，今日當然說叫他的招牌去骨海南雞飯，再加多一個泰燒黃金豬頸肉，因為太肚餓，要吃得滿足一點。我很喜歡他的海南雞，又滑又嫩又有雞味，加上去骨，方便伴著油飯一起吃，果然是招牌推介。它的醬汁有黑豉油、薑蓉、蒜蓉辣椒醬三小碟，仲有一小碟酸菜附送，拌雞和飯，更提升它的美味。豬頸肉燒得金黃，切件上桌，肉質燒得很好，夠入味，加埋醬汁一起吃，頂呱呱！見到都流口水，真好味道!這裏環境坐得舒服，店員招呼殷勤，食物來得又快，價錢經濟又實惠，所以好多時經過寶琳都會在這裏吃東西。就算兩三知己，吃飯聊天，這裏也是一個好選擇。

朋友住附近，夜晚就喺樓下隨便食啦估唔到就食中呢間超越 OK 嘅好食餐廳價錢唔貴，而且泰越西菜都有唔同菜式都有食到，樣樣都好味！【泰式無骨鳳爪】我哋叫咗幾個小食 share泰式無骨鳳爪份量都算多酸酸辣辣啖啖肉，就連洋蔥絲都好入味呢個冷盤小食超開胃 💓【香茅雞中翼】雞翼 size 大隻，外皮炸得好香脆，入面好滑香茅味唔太重，不過我覺得 OK因為我唔鍾意香茅味勁得濟似 SPA 嗰陣味 🤣 右下角蒽油嘅蒽粒切得比較粗身啲食落惹味香口～【星與心願】叫粉麵嘅話可以半價點飲品我杯特飲係綠色嘅薄荷梳打加話梅一開始得薄荷，飲到後面話梅先出味道唔怪喎，都幾解渴好飲朋友杯【一見鍾情】就係芒果加椰果【越式鳳尾蝦春卷】越式春卷炸得好薄脆，唔係好油膩鳳尾蝦結實彈牙～【招牌去骨海南雞飯】黑色甜豉油、酸辣汁同薑蔥一格格隔好 👍🏻雞肉滑嘟嘟，油飯都唔錯叫套餐多十蚊仲多個菜同老火湯𠻹！【忌廉煙三文魚意粉】除咗泰式越式，西式選擇都有仲要真係好食 🤣意粉有咬口，個 sauce 好 creamy煙三文魚唔死鹹～【越式生牛肉湯河】隔咗陣先食呢個湯河都 keep 到無淋到生牛肉勁嫩，真係樣樣都好味 ❤️

假期落了一整天雨， 午飯時間都係出去區內覓食。 我哋去咗新都城，上網search咗有新地方食海南雞飯！這間位於第三期地舖的食肆， 裝修唔錯有西餐廳 英法嘅味道。餐牌都好多選擇有越式生牛肉河， 泰式，仲有西式嘅意粉～～非常期待這個 招牌 無骨海南雞飯$70 似乎係特製嘅盛載器皿， 設計專為海南雞飯同三款經典醬汁。海南雞件肉質嫩滑淡淡肉， 雞皮都係爽㗎， 一啲都冇雞嘅肥油👍三款醬汁糕製作認真， 中間酸辣汁調教得唔錯！ 薑蓉應該係用機去磨製，好幼細。越式拼盤$118越式拼盤有紮肉，蔗蝦， 蝦春卷 越式炸雞翼。即叫即做熱辣辣， 推介佢嘅蔗蝦。 裏面嗰枝小甘蔗咬落勁多汁又甘甜， 仲暖暖哋， 配蝦肉卷非常可口美味。 炸雞翼大大隻，唔會好乾裏面都好juicy！星級私房牛肉湯河$88以為普通生牛肉湯河， 沒料到大大滿足到鍾意食 牛肉嘅屋企人。 材料豐富，有牛丸，牛爽腩，半生熟牛肉片， 每一款你都嘗到佢獨有嘅味道。 特別喜愛佢選用嘅牛爽腩， 有筋同少少肥膏黐住， 肉質有嚼勁但係唔會嚡， 牛味極濃！湯底清而不膩， 河粉份量 唔少，食到一半已經吸了很多湯。飲品升級青檸梳打 (愛在深秋), 蜜桃椰果茶(幸福天

今天中午與朋友在將軍澳行街，見到有海南雞專門店，便入去試試。OK德海南雞專門店位於新都城第三期，鄰近寶琳地鐵站，十分方便👍🏻原來他的午市，可以去到兩點半，時間啱曬，我們叫了招牌去骨海南雞飯和馬來咖哩牛腩飯兩個午市精選。海南雞飯用特製的食物盤盛載着，很精緻、美觀。 雞肉吃起上來又嫩又滑， 加上三種海南雞醬汁， 再配上油飯，好吃到停不了口。皮爽肉滑的去骨海南雞🥰馬來咖哩牛腩飯，不太辣，有濃郁的咖哩香味，牛腩炆得好冧，薯仔都好入味，這個好好餸飯，口感超棒。泰燒黃金豬頸肉$95，賣相靚靚的，豬頸肉切得夠薄，配上特製醬汁，香軟入味，果然美味，真是冇叫錯。豬頸肉配上特製醬汁一起吃，正!😋越式拼盤有香茅雞中翼、香煎扎肉、越式鳳尾蝦春捲、越式蔗蝦。越式鳳尾蝦春捲，皮炸得酥脆，點上東南亞的甜辣醬，好味。越式蔗蝦，炸得金黃，彈牙蝦肉配料甜酸醬食，非常可口。香煎扎肉都好香口惹味。香茅雞中翼，外脆，裡面雞肉嫩滑。我們叫了兩杯飲品(跟餐半價的):一見鍾情和夢幻戀曲，顏色都好夢幻，也令我們一見鍾情，更是一飲難忘，哈哈！這裏食物好味，招呼不錯，員工好有禮貌，加上上菜快，我們會再來幫襯的。👍🏻👍🏻👍🏻

今日嚟到新都城睇戲，發覺原來新都城戲院嘅戲比較平，順便食埋飯先返屋企。求其揀左間海南雞飯，見到佢個名都幾搞笑，OK海南雞飯。近排喉嚨唔係幾舒服，叫咗個雪梨蘋果蜜，都幾特別喎，味道好溫和，不過甜左少少姐。講起主角海南雞飯，確實都真係唔錯，$80.1個套餐，包左娃娃菜同埋湯。今日嘅湯係青紅蘿蔔湯。海南雞都算滑，有少少入口即化嘅感覺。另外都叫咗個四川口水雞飯，辣得好過癮。另外都叫咗啲小食食，泰國鳳爪，我最愛嘅嘢食。酸酸甜甜咁好開胃。

今日去咗親戚屋企食飯， 四個人唔想煮直接去咗新都城搵嘢食， 老人家比較鍾意食中菜唔鍾意食西餐， 簡簡單單揀咗海南雞飯比佢哋。一嚟到有碗例湯飲，今日係青紅蘿蔔湯，湯頭幾甜好似屋企人煲嘅味。感覺上應該係冇味精嘅。小食方面就叫咗娃娃菜健康啲呀嘛。既然叫得做ok海南雞,咁梗係叫個招牌海南雞飯試吓啦，雞肉好嫩滑，唔會好鞋，不過我嫌佢多左少少骨，老人家食嘅話就要小心啲啦。個飯都有啲雞油味唔錯。另外都叫咗個豬脾湯河，有好多舊唔錯。

昨日行經將軍澳，甘當然順便食埋晚飯啦。因為朋友鐘意食海南雞、所以見到呢間海南雞主打餐廳當然要入去。叫左一個海南雞set, $80、有湯有菜。個雞係幾滑、但冇咩雞肉食、因為大部分都係雞皮。而且佢未做到雞皮同雞肉之間的啫喱部份。份糧好細。油飯冇咩味，但三種醬料都好好食！另外叫多個豬頸肉飯 $60 好似係豬頸肉真心好食！ 好爽口、個邊位仲有少少脆。但係.... 佢衰在個汁！完全係畫蛇添足！ 個汁好似鼻涕甘、個味完全唔夾、唔知想點....我食果時都要撥開d sauce!其實呢間野係不錯、除左豬頸肉飯上面的汁難食，其他都幾好。但如果要特登過黎食就唔會啦。

本身自己同男友都鐘意食海南雞飯，見到呢間海南雞專門店喎，梗係要試試啦。其實我地已經食過好幾次，會返轉頭再食，就知水準唔錯喇😆。試過假日近夜晚8點去到，趕得切嗌左最後兩個海南雞飯，勁滿足！因為真係好好味😋😋😋！今次我地仲由九龍特登走到過去食添呀😂。一入門口，廚房嘅staff已經好好禮貌叫我地隨便坐，而我地好緊張有冇海南雞食，所以都問左收銀哥哥賣曬未先，聽到仲有得食，真係開心到不得了😆😆😆！坐低後唔洗諗，直接嗌一個海南雞飯餐同單點海南雞飯，等左唔夠5分鐘，野食就到齊😆。重點嘅海南雞件雞肉味濃又滑，配埋個人最鐘意蘸嘅薑蒜蓉醬，真係冇得輸😋！不過如果係唔食雞皮嘅朋友，可能就會覺得雞皮同肉比較難分開啲喇。至於個油飯都係冇得輸，暖暖地，亦都好夠味，唔係得隻色。成餐飯都食得好開心，因為食物質素高，員工都好有禮貌，態度好好，一定會繼續幫襯支持🥰！

今日約左朋友係寶林食飯 佢話係新都城三期搵到間餐廳叫做「OK德海南雞專門店」就諗住入去試下 因為我遲到 所以同佢分開去 但我足足行左成個商場都仲未搵倒到 原來喺商場嘅出面嘅地鋪一入去見到餐廳都幾大 雖然menu入面都有好多食物 但我地梗係試下招牌海南雞飯喇! 招牌去骨海南雞飯 午市套餐 $58油飯我覺得唔夠熱 不過食入口好香亦唔油膩 而主菜既海南雞去晒骨份量好多 食落啖啖肉 而且佢地仲提供三種唔同既醬汁：包括甜豉油、薑茸、酸辣醬。另外我地仲叫多左個口水雞我覺得佢地啲海南雞真係好好食好滑同埋唔肥，不過口水雞啲辣醬比較多，有少少重口味。有興趣都可以黎試下佢地啲雞加架!