Olive Cafe (和富中心) (已結業)

今日去北角見工, 見丫妹都差不多收工, 就係附近兜下等埋佢收工食飯。經過見到和富中心新開左間餐廳, 一看門外MENU, 原來呢度有石燒牛食, 見價錢都係百幾蚊, 就決定入去試試。新開關係, 地方整潔企理Order石燒系列, 可免費享用自助吧, 餐湯任飲、任食沙律、白飯是日餐湯--雜菜湯,  石板熱辣辣上檯, 熱得沙沙聲, 送上檯發覺牛已為全熟, 還好是剛剛熟, 石板用以keep溫度【美國西冷扒】HK$138/150g肉質有彈性, 側邊有條油筋, 整體很有口感。【美國封門柳】HK$128/150g封門柳稀少罕有, 唔係普遍周圍都可食到。相比下, 肉質較林, 牛味濃郁。+$18 可享menu特飲系列, 揀左菠蘿奶昔口感幼滑, 很有奶香, 甜甜地, 仲有淡淡菠蘿香, 食熱辣辣石燒牛, 飲凍冰冰奶昔, 正!

位於北角和富中心新開的Olive Cafe，環境衛生，店員親切，最緊要非常抵食。半自助放題形式，沙律，日本白飯同是日餐湯都係無限refill, 點餐後便可去取。自助區還提供石版燒的醬汁，有照燒汁蒜蓉汁和牛肉汁，另外還提供芝士粉，茄醬芥末醬等等醬汁和暖水供應，非常細心。是日餐湯係白汁忌廉湯沙律可以配上胡麻醬或柚子醬，結果忍唔住食了兩碗。飯係用珍珠米煲，飯香，幾好食。依度嘅Menu都非常彈性Pasta都係自選意粉，可根據個人喜好自由配搭意粉種類，材料配搭，甚至醬汁都有得揀。我就點了蒜香白汁巴馬火腿雞肉長通粉 , 蒜香味好出，好食！石板燒方面都有好多選擇，今次我就點了美國牛板腱和銀雪魚。牛板腱肉汁細嫩配上蒜蓉汁，送到成碗白飯😝銀雪魚燒到外皮脆，內埋肉卻十分嫩滑，正點了杯特飲獅王舞影，酸酸甜甜，充滿菠蘿香味，好開胃。

今次嚟北角試過呢間新開嘅餐廳，冰室+Cafe Crossover, 中西款式包羅萬有🤗同朋友揀咗「咖哩雜菜煎蛋配農夫包」農夫包外皮勁脆，麵包蓋充滿牛油香味，裡面咖哩汁+雜菜，感覺唔會太邪惡。但真心好好食。「招牌鐵板什扒」最估唔到竟然有大大隻鮮蝦，蝦肉好爽。加黑椒汁時...炸炸聲，熱辣辣又啖啖肉😍「芒椰派對」椰汁配芒果簡直是完美配搭😋「焦糖咖啡」拉花賣相好靚，味道香濃。創新餐廳，意想不到咁有質數。

今晚行經和富中心，見開多了幾間食肆，有啲連招牌都末裝好，應該試業中。睇中了一間西餐廳，座位寬敞。看過餐牌，隨了意粉，薄餅，原來還有石燒牛扒，聽聞每款都有證書架。店員推介我食美國封門柳，脂肪比較均勻。建議三成熟至五成是最好味。吱吱喳喳的在石燒上，烹調出啱我口味的熟度，入口脂香，肉質軟腍，滋味。自助區有時日餐湯，沙律，珍珠米飯，任食任飲。今日餐湯是忌廉湯，有粒粒的煙肉碎，增添香味。香濃又綿滑的口感，起碼可飲兩碗。沙律翠綠新鮮，爽口，可減輕食肉的肥膩感。芒椰派隊混合芒果，椰汁打成沙冰。清新甜美，好飲。

和富中心最近開了很多新餐廳，作為街坊的我一當先頭步隊試試看有兩家餐廳還在試業中，商場內外都有大門可進入港式冰室跟西式咖啡店連在一起，環境闊落！決定先試咖啡店設有戶外座位方便與毛孩一起進餐只要惠顧套餐可享無限量供應的沙律、日本白飯及餐湯，自助及配料區衞生整潔羅宋湯熱辣辣十分足料，牛肉粒軟淋意粉套餐可自由配搭！最適合麻煩的我！先選意大利粉或長通粉！然後再選兩款配料！這次選了蟹肉及煙鴨胸！最後選醬汁！有我最愛的蒜香白汁除了自選意粉，晚餐主打石燒及薄餅！要了一客Olive銀鱈魚！肉嫩且滑，十分惹味飲料方面有一系列特飲可供選擇，全都有套餐優惠價！芒果奶昔微酸之間帶著天然的果香和奶香也有傳統的港式飲料！凍檸樂透心涼