影片
港鐵天后站 A2 出口, 步行約2分鐘
繼續閱讀
電話號碼
35833188
附加資料
歡迎包場: karaoke, party, live music
營業時間
今日營業
12:00 - 23:00
星期一至二
12:00 - 23:00
星期三
全日休息
星期四至日
12:00 - 23:00
以上資料只供參考, 請與餐廳確認詳情
有關獎賞計劃
I was invited to a friend‘s birthday party at this small café few days ago. The food was quite impressive.Therefore, took some friends there for lunch today. Food quality remains pretty good, especially beef steak. Service was quite attentive, and the price more than reasonable. I particularly enjoyed the coffee latte.I highly recommend this restaurant .
繼續閱讀
屋企人之前食過覺得唔錯，咁啱母親節有4人套餐，價錢非常非常非常超值，仲要有<<Live Magic x Live Music x Open Mic>>。場雖然唔大但當晚氣氛非常好，全場都 high爆，數最有心思係餐廳送保鮮花比每一位媽咪，媽咪們見到開心到飛起，餐廳真係好揼本，究竟當晚有無得賺架？！⚜️4人套餐 $1588⚜️================🍾西班牙汽酒一支<Starter>🍴蘑菇湯＋餐包⭐️⭐️⭐️⭐️蘑菇湯香濃順滑，而餐包軟熟牛油味重。🍴炙燒吞拿魚沙律⭐️⭐️⭐️⭐️吞拿魚刺身輕輕灸燒過口感同味道都唔錯，沙律菜份量夠多，拌蛋黃醬一齊食好清新。🍴小食拼盤 (迷你蟹餅伴雜莓醬、瑞士芝士豬面頰多士、蘑菇可樂餅伴意大利青醬)⭐️⭐️⭐️⭐️蟹餅裡面有一絲絲蟹肉、多士芝味濃郁、可樂餅好creamy香脆，每款一件份量剛好。<Main>🍴煎焗三文魚扒⭐️⭐️⭐️⭐️三個主菜最好味係三文魚扒，焗得啱啱好，魚肉香滑皮又夠脆，蘸荷蘭醬非常好味。🍴斧頭豬扒⭐️⭐️⭐️豬扒我本人覺得遜色咗啲，肉質夠腍但唔夠鬆軟，而肉味就一般般。🍴墨汁魷魚意大利飯⭐️⭐️⭐️⭐️意大利飯軟硬適中，醬汁唔會太杰唔會太稀，淡淡墨汁香亦有忌廉香，魷魚夠腍夠軟熟。🍴櫻花忌廉千層蛋糕⭐️⭐️⭐️⭐️仲以為係一件cut cake，點知係whole cake，仲係想食好耐嘅熔岩蛋糕，較一般千層蛋糕濕潤，每層皮都重牛奶忌廉味，超級好味！☕️咖啡/茶/汽水
繼續閱讀
2182 瀏覽
一眾舞友為XO仔慶生狂歡，專登喺舞場附近揀咗間新打卡熱店「On The Spot Cafe Bar Restaurant」。樓上餐廳開揚通爽，光線柔和。室內用咗好多玫瑰花裝飾，難怪食客大多為女生，只有跳舞群組男生比例最多。店子右方為大型嘅七彩水吧，擺放出多枝酒品。細問下得知店子每日下午三點至七點都有做歡樂時光優惠，指定酒酒有特價之外，$98套餐可包兩隻生蠔或自選兩款小食，似乎幾抵玩。飲品項目共有四頁可選。如貴客想自己帶酒，開瓶費為$100/樽標準裝紅、白、汽酒，從酒牌上點選一枝即可免兩枝嘅開瓶費，七人派對當然係開佢一枝去免兩枝開瓶費最化算啦！中英對照嘅晚市餐牌同樣有四頁，店子歡迎大家叫黎分，但由於份量大多適合四人享用，靚仔AZ哥哥就建議小食頭盤最好點兩份，非常細心。每位席上都擺有齊備嘅自用餐具，每次啲杯杯飲都咁上吓，樓面二位外籍服務生都會自動斟添酒水，周到體貼得很！會飛的雞翼（$68/四隻）：脹卜卜嘅雞翼炸得好夠乾身，皮層香脆，雞肉軟嫩且鎖上肉汁，送酒一流！嘻嘻，唔知個餸名係咪想話俾啲客聽好食到識飛呢？！蘑菇薯仔球配香蒜羅勒奶油醬（$48/四件）：熱辣辣嘅蘑菇薯仔波波外脆心軟熟，一口一件，芳香唔溜滯。脆炸魷魚配泰式醬汁（$88）：炸魷魚外表就炸得好夠金黃，個人只係略嫌層炸漿過厚，同個魷魚未為最爽彈。脆皮乳豬（$128/四件）：乳豬件當真如名般脆皮，肥膏唔多，但肉質鬆潤爽嫩，超！連同下層件散發出松露香嘅春卷食，口感更覺有層次。北海道帶子蘑菇意大利飯（$178）：意大利飯煙韌濕潤，混入帶子粒及蘑菇碎已夠鮮香惹味，不過份量都幾勁，一兩個人如果食埋頭盤同甜品真係未必食得哂。煎焗比目魚&老虎蝦（$248）：舞友大讚頂面隻虎蝦爽脆鮮香，旁邊件比目魚層魚皮又薄又香脆，魚肉都好柔潤。澳洲安格斯西冷扒（$338）：跟牛扒同薯條嘅調味醬汁好有文化地分開碟另上，衛生非常。預先切成一片片嘅西冷質感都好軟腍多汁，只係自己鍾意食生少少。意外地，配角修長嘅薯條炸得都幾鬆脆。舞友訂座時早已道明晚餐係為XO仔慶祝生日，故所點嘅甜品全部都插哂蠟燭，上場時連主廚都出埋黎獻唱生日歌，氣氛尤其高漲！火焰雪山（$108）：即場火焰嘅雪山蛋糕勁有睇頭，微甜輕盈，清香軟潤！泡泡煙燻提拉米蘇（$88）：層次分明嘅提拉米蘇杯醇滑甜美，簡單味佳。天后西餐廳「On The Spot Cafe Bar Restaurant」環境優雅，年輕嘅服務生親切好客，十分周到，帶有少少潮派嘅菜式香口惹味，貨真價實，有心食肆不妨一試。
繼續閱讀
當人係企係最高點既時侯，反而最擔心總有一日跌落黎比後面既追上，從而感到焦慮，但反而由0開始，白紙一張，根本無野可以輸，所以永遠都要有兩手準備，有機會就食住勢上，自然on the spot啦！👇🏻📌S N A C K - ▪️ Suckling · Pig - $128▫️ 先黎個招牌小食「脆皮·乳豬」開下胃先，chef巧妙咁將脆皮乳豬放係松露春卷面頭，一啖過食落口感層次相當豐富，乳豬個皮夠脆口，春卷又鬆化，兩種香味配搭埋一齊，完全無違和感，好食。📌A P P E T I Z E R -▪️ Moules · Marinière - $168▫️ 跟住再黎個「香蒜忌廉白酒·煮藍青口伴法包」，一上枱比個份量驚豔到，作為青口控，2條友呢個價錢食到咁多青口，相當抵玩，而藍青口食落新鮮爽甜，chef用左牛油、白酒、較左個汁，入口夠哂creamy，再灑上洋蔥、Parsley，配上即焗既法包，相當滿足！📌M A I N - ▪️ Australia's 150+ days Grain-Fed · Black Angus Striploin - $368/14oz ▫️ 呢個主菜「澳洲安格斯·西冷扒」絕對可以用完美黎形容，首先14安士既西冷係用上超過150日既澳洲安格斯穀飼牛，所以肉質嫩滑無比之餘仲好有咬口，但係完全韌，而且牛味濃郁，配上阿根廷青醬或者燒汁，一樣咁惹味，旁邊仲有即炸薯條，誠意十足。📌D E S S E R T S -▪️ Baked · Alaska - $108▫️ 甜品方面試左打卡恩物「火焰·雪山」，上枱果陣staff會幫我用火燒一燒，龍年旺一旺先啦，其實裡面雪糕、蛋糕、忌廉、生果粒組成，面頭會有d蛋白cream，同埋有d爆炸糖，入口反而甜而不膩，唔錯。📌D R I N K S - ▪️ One the highball - $99 ▪️ Flower · Soda - $99▫️ Cocktail又係一定要嗌黎打下卡，第一杯「One the highball」用左蝶豆花infused Gin、利萊白苦艾酒、黃甜酒，soda溝成，賣相非常吸晴，再倒埋青檸汁，形式漸變layer，好靚；第二杯「Flower·Soda」一打開個蓋，煙霧做到好似仙境咁，bartender用左皮斯可酒、檸檬、蔓越梅、熱情果、蛋白溝成，入口夠哂清爽，女仕們一秒愛上！
繼續閱讀
餐廳裝修舒適，服務員親切有禮，食物有水準，感受到用心製作。這麼冷的天氣，每一碟出品都是熱辣辣的👍🏻 印象最深最有驚喜就是suckling pig，皮脆肉嫩，乳豬下面仲有小春卷。非常美味。
繼續閱讀