One Restaurant

營業中

休息中

跟餐會有包同埋南瓜湯，個包應該係自家烘焙嘅，非常之林身同埋好食，所以本身都對佢之後嘅食物好大期望。但係一去到個湯都覺得有少少出事，雖然佢都好食嘅，南瓜湯都夠thick，但係真係畀得太過少啦。。。你睇佢擺番落嚟都冇抹到條邊，所以個presentation有啲唔係咁好。慢煮豬腩肉粒芥末汁天使麵整體嚟講個味都好食嘅，但係個豬肉粒好似得三四粒，收人118蚊仲要加一真係有啲太過份。。。咁啱係屋企自己都煮咗慢煮豬腩肉根本就覺得唔係咁。。。貴？食落同自己整嗰啲冇乜大分別，唔會話好驚艷。香煎盲曹條盲鰽煎得太乾啦！仲有你可以睇到啲配菜真係少得可憐。你會覺得好似個碟好滿咁呀，但係因為菜本身好有空氣感，所以我食完都覺得好有空氣感。。。佢啲薯條好似話係手切薯條嚟嘅，但係好似十條數得曬。呢兩碟嘢就算係女仔都會覺得唔夠飽。整體而言環境十分之好，賣相都好好，分量太少，尤其是係配菜你會覺得佢甚至係孤寒，佢嘅食物質素都唔係話超級好食，完全對唔住佢嘅價錢。佢仲凍飲仲要加十蚊。。相比起同區其他嘅餐廳，佢真係有少少輸蝕。另外想提一提，個日天氣好熱，老闆都主動問我哋冷氣夠唔夠凍，所以服務係好唔錯嘅，所以要加油呀！

入嚟深井要食咩…仲答食燒鵝嘅…你就真係中伏其實幾間出名嘅乜記勿記燒鵝，都唔係好及出面連鎖酒樓咁香口脆皮同穌香～ 反而要介紹下深井有呢間咁有食物質素嘅西餐廳，真係可喜🥂 環境優雅，設計有特色，啱晒情侶或者閨蜜打卡詳談～洋蔥湯～用料十足，夠稠度，配埋塊香脆小多士，減低鹹度，剛剛好小春雞，燒到剛剛好，雞肉仲好滑，沙律菜亦都好新鮮黑松露意大利飯，非常香口，芝士同黑松露分量十足，意大利飯嘅軟硬度亦恰到好處，略嫌份量較少呢個甜品真係要推介，黑松露焦糖燉蛋，簡直反白眼系列，甜品造型亦可媲美酒店級數，我會為呢個甜品而再嚟幫襯😋永遠相信一分錢一分貨，價格對得住食物質素，至於服務質素，就真係有待改善，可能試業關係，人手真係不足同欠專業，希望你哋可以喺呢方面着手改善

終於去了試呢間餐廳了，點了柸lemon tea slush 同三文魚扒，估不到咁好美。賣相一流，食落比賣相更有驚喜，好吃，三文魚的皮煎得好香好脆，薯蓉好滑好香，想耍多D，做汁甜甜地好好食。下次要試埋其他食物。見到其他人點的牛扒，意大利黑松露芝士飯，都好好看。柸lemon tea slush,超解渴，估唔到冰沙的lemon tea又几好飲呀。大大柸，一路飲，飲極都有，抵到呢。最重要的係D食物，環境極好，打卡好地方。

環境浪漫，有氣氛。食物有質素，夠創新。特別係黑毛豬做嘅义燒，再加椰菜米，邪惡得嚟，又健康。另外，薯條真係要一試，香港少見，加埋蛋王醬一齊食，yummy。飲品就更加有驚喜，有好多選擇，杯杯都整得好靚，特別宜家日日咁熱，我同阿女就叫咗芒果沙冰同檸檬茶沙冰，飲落真係超正。所以，宜家去深井除咗食燒鵝外，又多咗一間特色餐廳選擇啦。但聽店員講，因為店內嘅位唔多，如果想坐有冷氣嘅位，就最好打電話去訂咗位先，但如果唔介意嘅話，戶外都有浪漫嘅花園位，可以坐。

5月1日星期六，訓醒想搵個地方食個outdoor 嘅早餐！在open rice搵左好耐，無意中找到這家餐廳。由於沒有太多圖片，基本上對食物質素沒有任何參考價值，不過給他餐廳環境的相片吸引，那就即管去看一下！沒錯！來到了的第一個感覺是舒服的，餐廳的環境不錯，坐在外面很舒服！但是.....因為試業中，尚未有早餐供應😓，所以食物選擇也自然很少。不過服務態度很好，上下一心很有熱誠，只是效率不高，有點忙亂。食物味道未致於驚艷，不過是好味的，是精緻有心機的！期待你們早點上軌道，到時再來光顧😉祝福你們試業成功💪🏼業務蒸蒸日上！

深井開咗間新餐廳我立即去踩場電話booking暫時唔work所以早啲去試吓好唔好彩。可能係因為weekday嘅中午時間好彩有位環境裝修relax有outdoor table。中午Menu variety 都唔錯。如果可以有多1個選擇（豬肉）就更加好。後生waiter耐心落單意見中肯。叫左一個海鮮意粉。意粉醬汁濃度適中。跟餐有麵包及餐湯。麵包可以再乾身啲湯好creamy。加錢加個小食手切薯條。非常好味極力推介。另外叫咗一個盲曹魚。魚煎得好香口好脆唔油膩。魚原來有跟薯條所以我哋食得好飽因為額外叫個薯條。檸檬茶沙冰好正。整體experience 幾好會再試晚餐