One Restaurant

營業中

休息中

疫情緩和可以外出吃飯😬👍🏻我又選擇早些開餐免得掙位啦！開車去到深井覓食，看到一間幾有情調的西餐廳，因為時間尚早，天氣又不是太熱，於是選擇坐在露天位置，香港地要找一間寬闊而坐得舒適的地方，談何容易，來到這間餐廳，看到佈置就知道有心思及誠意。相信大家見到這個場景都要打一打卡啦！😍同時當坐下來，侍應哥哥好有心機介紹特色菜色，令我感覺到他對自己工作熱誠與專業，亦令客人好被重視的感覺，這是我到不同食店時，往往我們關注食物質素，其實服務質素也是一環重要的過程，侍應哥哥的優質態度令我不禁問他怎樣稱呼，原來他叫Felix ，Felix介紹了一個鵝湯比我，他說這鵝湯好特別，是一位女廚師親自創作，好！先點這個鵝湯試試。我問他是否因為深井燒鵝太有名，要創作一個鵝湯給深井食客？他笑著說：是！😂😂😂首先出場有😬深井古法燒鵝法式清湯 $128推介指數：⭐️⭐️⭐️⭐️這個湯來到時，令我喜出望外，因為湯用透明壺盛載的，然後Felix 分配好兩碗湯出來，一飲時聞到燒鵝味道，第二個感覺是清甜，原來這湯用法式方法製作，用雜菜及燒鵝去煲，隔油及隔渣的功夫一流，湯清澈不油膩滲出鵝香，奉上切粒鵝肉及一塊脆身的鵝皮，真心飲出食出燒鵝的靈

放假去深井放鬆一下心情❤️咁啱今日天氣都好好～行到咁上下有啲肚餓，無意中比我發現呢間隱蔽西餐～又幾好生意喎🙈佢分左室外同室內座位～今日天氣咁好梗係坐室外啦🤣整體評分：7/10味道：7/10服務：6.9/10環境：7/10人均消費：$100-200地址：One Restaurant (深井)深井青山道42號陳記廣場地下G,H,I號舖大蝦海膽墨魚🦑汁意大利飯（$188）：個意大利飯值得一讚😋米有夾生唔會過熟過濕，粒粒飽滿，配上海膽墨魚🦑汁好creamy😍 大蝦都好大隻肉丸長通粉（$138）：影相幾靚🤣食落就正正常常不過不失，長通粉煮得啱啱好有口感，肉丸厚實，唔錯❤️桑果汁🍹（跟餐）：酸酸甜甜好解暑

深井唔一定要食燒鵝😏 呢日約咗一位住喺深井嘅街坊食飯，而佢就係我嘅中醫師阿哥。我哋別樹一格，覺得喺深井食吓西餐都好唔錯。好彩佢冇因為戒口而叫我咩都唔好食⋯😜·深海大蝦海膽醬墨魚汁意大利飯🇮🇹好欣賞廚師對蝦嘅處理，本身已經開咗邊，而且蝦🦐又唔黐殼，蝦肉好容易取出，仲有海膽醬又滲曬喺蝦肉到，鮮味十足。墨魚汁意大利飯唔使講都知係會黑色，鍾意佢煮得夠乾身，冇多餘嘅墨魚汁，而且又有返適量嘅墨魚汁喺飯到，做到啖啖墨魚味～食完之後又唔會成口黑曬有墨魚汁🦑，好食得嚟又唔會失禮～👍🏻👍🏻好想特別讚一讚佢嘅擺盤，睇得出係有心思同設計嘅！仲喺碟邊放咗啲蝦籽粉做點綴～🥰·精選澳洲羊扒配薯蓉🦘羊臊味十足～係我本身鍾意食羊嘅原因，而佢係有嘅～ 薯蓉同雜菌嘅配菜喺種類同份量方面都係夠嘅！薯蓉嘅忌廉味濃，而羊扒煎得啱啱好，唔會話煎得過熟變柴皮！😌 咁本身用香料醃得夠味，食落仲有少少肉汁同仲有少少血紅色，我覺得係處理得幾好喎～😎·ONE MAMA秘製炸雞件🍗雞件夠大嚿，啱啱炸好又夠脆口，脆皮又唔會話太厚，一切都啱啱好～ 加埋少少甜甜酸酸又類似胡麻醬一齊食，又幾開胃啵～😋😋·是日餐湯—大蒜薯仔湯🧄同我想像嘅一樣，係一碗濃

深井站📍One Restaurant-大西北既牛牛第一次踏足深井，不過唔係去食燒鵝😹本身係去汀九灣泳灘，順路就去埋深井食個晏🙌🏻蟹肉雜菌意大利飯套餐（$158）呢個risotto睇落唔多，食落超飽！香濃蟹肉味，每啖飯都有雜菌👍🏻飯既軟硬度適中，面頭仲有飯焦脆片。呢個lunch set有餐湯（薯仔🥔湯，夠綿夠creamy😻）、牛角包同一杯熱飲，女朋友叫左杯果茶，清甜解膩。松露醬巴瑪火腿芝士乳酪烤餅（$128）呢個好似pizza咁，薄薄餅底配埋大大pat cheese🧀、Parma ham，邪惡配搭一定好食😋雖然同樣睇落唔多，但食落好飽！ONE首創麻辣薯條（$78）呢個麻辣薯條辣到S眼也噴火🔥唔知大家有冇返大陸食過烤土豆，隻味差唔多，但麻辣味再重d，好惹味😋😋😋食到嘴唇少麻痹，但又停唔到口😈份量好多，竟然食唔晒😹（第一餐食辣野最後當然廁所見🚽）環境方面，餐廳有分室內室外，不過呢排天口熱，多蚊，我就坐返室內穩陣。餐廳環境好chill，慢慢坐底食晏好悠閒🙌🏻

網上見到有人推薦呢間位於深井嘅西餐廳，一於同朋友坐車入去試下😋餐廳分了室外同室內，環境很舒適亦很有格調，如果想遠離煩囂，這是一個好地方🙌🏻我同朋友嗌咗一道主菜，一道小食同埋一樣甜品，我哋都食得好飽😮‍💨埋單差不多$300，價錢不貴份量夠多·蟹肉什菌意大利飯 🦀$158呢道菜係Lunch Menu上面，跟一個忌廉湯同熱飲，忌廉湯底濃郁，喜歡一定要試試🫶🏻我嗌咗杯熱果茶，好清新，飲落好順口好舒服☺️講返主角意大利飯先，蟹肉就冇🤣但有好多蟹籽，好有口感，個飲都好夠味。除咗有蟹籽同菇，仲有少少香草同一啲餅乾脆脆做裝飾，不過就略嫌啲脆脆同個飯唔太夾，有點鹹😖·松露薯條 🍟$78呢個薯條一嚟到我同朋友都O咗嘴😮因為多到成個碗都係，松露味好夠，中意松露嘅一定要嗌，食到好滿足🙈·士多啤梨窩夫🍓🧇 $78聽職員講每日甜品都唔同，咁啱嗰日得返呢道甜品，但好有驚喜呀！👍🏻👍🏻佢同我平時食開嘅窩夫唔同，佢嘅口感比較鬆軟，仲有啲焦糖係上面，再加埋士多啤梨、甜橙乾🍊同埋cream，味道好有層次

作為一個土生土長深井原居民，係有責任為大家發掘下深井美食嘅😆 唔好以為我淨係識介紹燒鵝，喺深井捐窿捐罅都會搵到好多好嘢食㗎😉特別係呢間近期先開的法式小餐館，係而家我喺深井幾鍾意的高質西餐！特別係趁天氣清涼的下午，白色帳篷下的戶外用餐區，好舒服寫意，心情即刻好似去咗個旅行咁！ 平日午市套餐大約百零蚊，最深井區內的西餐價位而言，算是很不錯了（深井食嘢唔算平㗎）▪️南瓜餐湯 + 牛角包比想像仲精緻，南瓜湯好香甜，加咗少少甜椒粉，添了一份甜辣。牛角包新鮮出爐，又熱又脆 ▪️麻辣鹹牛脷炒扁意粉 （$148 套餐）很欣賞這個四川風意粉 麻辣味好出，好惹味好過癮！每條意粉都能充分滲透麻辣味，辣得來又唔會俾啲辣油浸到油淋淋。我最欣賞係佢啲牛脷絲切得好厚身，啖啖肉感好正▪️大蝦海膽醬墨魚汁意大利飯 （$188 套餐）一放低已經聞到勁香，醬汁超香濃，除咗濃厚的墨魚汁之外，仲有一陣海洋鹹鮮味，原來係來自海膽醬（點菜嗰陣冇留意度），味道豐厚，飯粒之間混着粒粒魷魚，添了一份煙靭口感。兩隻手掌心size大蝦，鍾意鹹香味嘅，唔好唔記得留返個蝦膏撈埋入個飯度！超正😆▪️凍桔子汁酸酸甜甜的，食飽飽之後好燒消滯

剛剛行完山，到深井食晏，心想深井只有茶餐廳，偶遇這間餐廳，便大膽一試。於深井找到一間看似有點高級的餐廳，心有懷疑，於是只點了幾個小食，包括炸雞、黑松露薯條、茄汁煮墨魚仔及羊肉pita bread，四款小食份量出奇地大，並不是小食份量，差不多似主菜份量，除了羊肉pita bread 唔夠味之外，其他三款小食味道都非常出色。於是便再點了蟹肉球，沙律及焗芝士煙肉通粉，全部都非常美味，價錢非常合理。紅酒白酒選項不敢恭維，所以只點了兩支啤酒及兩杯咖啡。餐廳服務非常好，有室內及室外座位，衛生清潔。絕對值得跟朋友再次到訪

風和日麗，入深井行吓。行完搵食時竟讓我找到一間隱蔽的西餐店。在碧堤花園對面，中國銀行旁幾級樓梯直入，有個室外大帳篷就是了。餐廳分室內和室外用餐區，環境幽靜。我們選擇坐室內，透過玻璃望住出面的雀鳥和花草，都幾寫意。室內的佈置有格調，座位亦舒服。食物相當高質，味道和賣相俱佳。若入嚟深井又唔想食燒鵝的，推薦。點了兩個午餐，都包餐湯、麵包和飲品。精選澳洲羊扒拌薯蓉（$168）羊扒只作簡單調味，油脂豐富，香口又柔嫩。薯蓉非常綿密，好似食雪糕一樣，非常好食。配菜是翠玉瓜、矮瓜和白椰菜花，濕潤清甜。這碟菜色香味俱全，烹調有水準，非常出色。麻辣咸牛脷炒扁意粉（$148）麻辣口味的西餐好得意，效果唔錯。麻辣味主要來自牛脷，麻辣度溫和。牛脷切厚條，保持肉味，口感軟腍。配菜是爽脆的紫洋蔥和彩椒，加上扁意粉炒勻。雖然無醬汁，但不覺乾，而且油少，相當不錯。跟餐的餐湯是粟米濃湯和牛角包。粟米濃湯香甜濃滑又夠熱，好飲。牛角包若可以再焗脆少少就完美。之前行深井行到有點口乾，所以餐飲叫了凍桔子汁。冰涼大杯，酸酸咪咪，飲到底都有味。

上個禮拜“清快塘”之行食咗深井燒鵝，與此同時亦發現了One Restaurant呢間餐廳，呢度有樣中法fusion菜推介。睇落去就知......為咗佢，今個禮拜來多次深井，都幾山長水遠㗎。佢就係“深井古法燒鵝法式清湯"，好特别嘅一個soup，將深井燒鵝和法國清湯結合埋。没有了燒鵝嘅油膩，但又有法湯的清甜，好盞鬼。一個碗裝咗燒鵝肉同皮，上枱時廚師將鵝骨和多種蔬菜製成的湯倒入碗內就飲得喇。"精選澳州羊扒拌薯蓉"份量頗多，D肉質好有水準，好嫩好滋味，除咗薯蓉伴碟，仲有紫色椰菜花，幼細豆角伴碟，非常精緻。"ONE MAMA 秘製炸雞件"88蚊有8大件咁多，爭啲食唔哂，但實在太好味，最尾都食埋佢。果然係秘製，熱辣辣食固然好味，就算之後少少放涼之後都依然keep住脆脆口感，真係唔錯吖。

離開人流比較多嘅市區，黎到深井食吓晏都係一個好去處 呢度位置比較神秘，入到黎別有洞天，令人好relax 餐廳有多款推介，又有午餐set，有餐湯、麵包同餐飲，我哋先叫個沙律食吓先 迷你水牛芝士蕃茄沙律加 Parma Ham 🥗 $198今日特別推介中有水牛芝士蕃茄沙律，加多$40有巴馬火腿，當然要試下，水牛芝士唔錯，蕃茄蔬菜好新鮮，巴馬火腿好香 深海大蝦海膽醬墨魚汁意大利飯 🍽 $188深海大蝦好香又大隻，蝦肉爽滑，海膽醬都好惹味，加埋意大利飯一齊食好夾😋 精選澳洲羊扒伴薯蓉 🍗 $168羊扒好香唔羶，肉質好有彈性煙韌

黎到深井唔係食燒鵝，今日係黎到自成一角嘅隱世西餐廳🍽 呢度可以選擇 indoor 或 outdoor 座位，兩邊都各有特色，outdoor 都好多人選擇，最好要預先訂枱😍 除左有 Lunch Menu 外，佢亦都有每日推介美食😋 Lunch Set 包餐包🥐、餐湯🥣同一杯飲品☕ 🔹️迷你水牛芝士蕃茄沙律加 Parma Ham $198先叫一個salad 🥗 水牛芝士好大粒，蕃茄沙律菜好新鮮又好鮮味， Parma Ham 火腿好滑又香，令整個沙律好吸引🥰 🔸️精選澳洲羊扒伴薯蓉 $168澳洲羊扒🍗有好香羊仔味，肉質嫩滑又沒有帶羶味，加埋薯蓉一齊食就唔覺肥膩👍 🔹️深海大蝦海膽醬墨魚汁意大利飯 $188兩隻大蝦🦐已經好吸引，加埋個海膽墨魚汁就更加好味，意大利飯加墨魚汁，簡直係美味無窮😋，整個飯都食得好乾淨😆

今日去深井搵人同朋友食呢間 環境睇落唔錯間餐廳有分室內同室外，我地就揀左室內坐。裝修都幾chill, 有少許狗仔油畫，可能店主係愛狗之人。叫左2個lunch set, 包餐湯，麵包，飲品。餐湯：係栗米湯，好creamy, 甜度適中，幾好味。麵包：佢既麵包幾繽紛，有粉紅色同綠色，幾鬆軟。蟹肉什菌意大利飯：個risotto 好creamy, 醬汁好足。連埋蟹肉同什菌食，口感唔錯。另外，仲有3塊炸芝士，令味道多一份層次。推介澳洲羊扒配薯蓉：羊既味道比較重，鐘意食羊既會好鐘意，一般人可能要點多d 芥末去食。生熟度煮得岩岩好，容易咬口，值得一讚。熱果茶：甜甜酸酸，幾好味。Latte: 都OK

𝒞𝒶𝒻𝑒 𝒾𝓃 𝒮𝒽𝒶𝓂 𝒯𝓈𝑒𝓃𝑔餐廳分左室內室外兩邊，室內好有浪漫氛圍💕 清雅舒服，好啱情人打卡。室外就有𝘥 帳篷整成，中午食都唔怕晒親。不過今日真係好凍，所以都係揀咗室內😅一黎到就放左個玫瑰🌹上枱（係幾靚既😍）再上左個面包🥯，粉紅色同綠色好𝘤𝘰𝘭𝘰𝘶𝘳𝘧𝘶𝘭，烤得香脆😋，呀媽即刻影相😅😂😂🌟正宗孜然羊肉配乳酪烤餅 𝙊𝙣𝙚 𝙍𝙚𝙨𝙩𝙖𝙪𝙧𝙖𝙣𝙩 𝙎𝙞𝙜𝙣𝙖𝙩𝙪𝙧𝙚 𝗟𝗮𝗺𝗯 𝘾𝙝𝙚𝙚𝙨𝙚 𝙋𝙞𝙩𝙖 𝘽𝙧𝙚𝙖𝙙 ($𝟭𝟭𝟴)芝士混羊肉滑中有油，中間有點點白色乳落隱藏，薄餅脆脆的，羊肉唔會好騷，表面加左一層洋蔥絲，有種異國味道😄-🌟深海大蝦海膽醬墨魚汁意大利飯 𝗗𝗲𝗲𝗽 𝗦𝗲𝗮 𝗣𝗿𝗮𝘄𝗻 𝘄𝗶𝘁𝗵 𝗨𝗿𝗰𝗵𝗶𝗻 𝗖𝘂𝘁𝘁𝗹𝗲 𝗙𝗶𝘀𝗵 𝘀𝗮𝘂𝗰𝗲 𝗥𝗶𝘀𝗼𝘁𝘁𝗼 ($𝟭𝟴𝟴)呢個𝘭𝘶𝘯𝘤𝘩 𝘴𝘦𝘵 配左湯同野飲😍加錢要左杯西柚百香果茶🍵金黃色的大蝦有手掌長，大蝦有鮮味，又有烤串的火燒味，正😄黑色的墨魚汁包著一粒粒韌韌的米粒，配上白色的蘿蔔片，一入口食到濃濃墨魚味，中間透出一股洋蔥，蝦肉味，可見廚師的匠心📍𝐎𝐧𝐞 𝐑𝐞𝐬𝐭𝐚𝐮𝐫𝐚𝐧𝐭深井青山公路42號陳記廣場地下

講起深井就會諗到燒鵝，但一個人食唔到成碟燒鵝，於是黎到呢間西餐廳試下個全港首創燒鵝法式清湯，另外再嗌個午市套餐。自家古法深井燒鵝法式清湯 $108打完卡之後，staff（定老闆？）會幫手將湯倒係燒鵝上面，要趁熱飲。名副其實清甜順滑，燒鵝半肥瘦好香嫩，而且已經去咗骨夠曬方便，亦都冇碎骨。午市套餐🔸餐湯今日係粟米湯，質感濃稠，味道香甜，幾足料。🔸餐包顏色幾靚幾特別，口感鬆脆。🔸是日鮮魚配薯菜 $168今日係盲曹魚，擺盤精緻用心。盲曹外脆內軟，肉質鮮嫩；蔬菜多汁鮮甜，調味唔錯；薯條份量幾多，粗身酥脆有咬口，椒鹽味幾正，配埋茄汁，不過唔點就更食到原味。🔸Rose Latte (H) +$25面層嘅奶泡口感幾好，奶啡味道甜甜地、容易入口，加埋玫瑰花嘅香味，層次感更豐富。平日嘅午餐時段都有好幾檯客，有室外、室內位置任君選擇～

呢間位於喺深井嘅西餐廳幾個月前已經試過晚餐，性價比甚高。 今次再嚟支持下這間小店嘅午餐。餐廳有室外和室內，喜歡空氣流通可以選擇室外，佈置得非常之雅緻。 . 有午餐set, 價格大概百幾蚊已包括餐湯或沙律，主菜和美式咖啡。 麻辣鹹牛脷炒扁意粉 麻辣兩個字非常吸引, 唔多西餐廳有麻辣菜式提供。 味道真的麻完又辣，辣完又麻麻地， 而咸牛脷非常鬆軟鬆化,整體係超班作. 蟹肉雜菌炒意大利飯 蟹肉份量絕不吝嗇， 個汁底非常濃厚, 令到個意大利飯非常Juicy. 雜菌的分量也非常多,每一啖都食到雜菌和蟹肉， 超滿足