Orange Elephant Thai Restaurant (啟德道)

營業中

休息中

呢間泰菜真係大件夾抵食，最重要係每一樣耶都好高質，完全冇一碟係拖後腿既！豬頸肉🐷外皮脆身，內裏肉質紮實！點埋個少少辣辣地既醬汁，好好味！生菜包🥬肉類可以比你揀豬肉，雞肉定牛肉！強烈推薦雞肉，冇豬肉既油膩感，又唔會食到咬到口都攰既肥豬肉粒，雞肉比較乾身，夾埋生菜食一流！咖哩包🍞呢個都係一絕，咖哩味道剛剛好，好惹味，裡面既海鮮都好新鮮！絕對值得一試！芒果糯米飯🥭芒果好甜，米飯軟糯，上面淋上甜甜既椰汁，為美味既一餐花上完美句號！PS. 呢間餐廳每日晚市都有唔同既$1優惠，最抵係星期一，$1明爐烏頭。我都有去食過，條魚係新鮮游水魚，絕對唔會話因為$1優惠就比啲劣質食物你！大家去開九龍城都可以去試下呀！

因為每日有1蚊菜，呢間餐廳雖然唔响最旺果幾條街，都幾多人。環境都算寬趟光猛。我們二人叫了一蚊香芧猪扒，燒鰂魚，及蒜泥椰菜苗，加埋一250元左右，味道正常，不是特別出色。係服務就好一般，想要青檸食燒魚只係比左五分一，想要多一嚿有位類似阿頭的好唔客氣說青檸好貴云云。吓？隔離泰國店青檸一粒兩蚊，而家啲利潤真係幾毫都不能蝕好彩佢一位下屬静静比左我少少檸檬汁，好過冇

8月17日試左呢間泰國菜，打電話訂枱己經知道只可以食90分鐘！但好彩上菜都算快！服務就真係有待改善，未到極差，但以佢裝修嚟計（因為裝修都可以）就爭少少，坐得都算舒服！食物方面，我地叫左個,酸辣鳳爪,青咖哩牛腩,蝦餅，咸魚炒芥蘭，一蚊嘅香茅豬扒，冬蔭功，蒜蓉包，泰式海鮮炒河，同埋青檸梳打兩杯,泰式奶茶一杯,埋單693蚊，唔貴！味道就有少少不似預期！酸辣鳳爪唔夠酸唔夠辣好淡嘅味道鳳爪完全唔入味！青咖哩牛腩，係炆熟左牛腩再放入青咖哩汁！所以做到個青咖哩牛腩有2種味蝦餅係最普通出面交貨嚟果種蝦餅冇特別！香茅豬扒係普通炸豬扒冇乜香茅味！冬陰功入面既蝦係果種唔連殼嘅雪藏蝦，又未致於太大雪味，但食得出D蝦乸得好犀利，得個爽字，個冬蔭味都可以！咸魚炒芥蘭同蒜蓉包係成個餐最好食既嘢！蛋包泰式海鮮炒河，唔講我以為係濕炒，成碟炒河濕濕立立，得個甜字！杯泰式奶茶係好香茶味同奶味，但唔知沖茶果個係唔係想我身體健康呢，杯茶完全冇甜味（去飲泰茶走甜好飲咩）哈哈哈！我諗全九龍城應該有好多好食過佢既泰菜！如非必要我唔會有第二次！！

諗唔明點解咁多好評 😓係一間好普通好普通既泰餐🤥d服務態度差到極點🥵成本餐牌飛落黎張枱到，爭啲飛到我個女塊面🤬又話無得訂位 然後去到又留左兩張卡位枱比客🤬我問佢點解揸電話黎無得訂位 又可以hold枱比客人 佢答我因為人地6點鐘就黎拎位 但我地6點15就去拎位因為我有個小朋友 所以要坐卡位佢死都唔比卡位我 叫我再等下一張真係激鬼氣，仲要咁多人排隊 真係比排隊d人呃左 以為好好食 其實都係不外如是真係唔會再幫襯 好彩佢唔係好食🥵好食都話 好食既泰菜其實仲有好多選擇 呢間唔值得去排長隊食🥵

今晚去了Orange Elephant Thai restaurant ，星期一有$1明爐烏魚，全場爆滿， 十分墟陷。叫了明爐烏魚， 鮮蝦冬陰功炒飯， 黃咖哩牛腩煲， 和飲品芒果特飲沙冰。炒飯都好食，但份量比較少，黃咖哩牛腩都幾好味，但牛腩size好细粒，而且份量都係少。明爐烏魚都唔錯，條魚size 都OK. 飲品芒果特飲沙冰十分普通， 冇乜芒果味。第一次去這間食市，食物都算可以，$1 明爐烏魚，十分超值，值得再去幫襯。

星期六下午三點，因為另外兩家泰國菜下午休場，見OpenRice 的評語不錯，店外設計也討好，所以來了這間泰國餐廳一試。體驗是這是一間管理不善的餐廳：1. 坐椅的布料非常骯髒，很多污跡。2. 我坐在中間靠近去廚房的通道，服務員可以在旁邊休息，但她們不論是休息還是工作中也不停在我身旁或後面互相說泰文，不似與工作有關，影響客人用餐的體驗。3. 食物偏鹹外，質素需要改善，椰菜苗的纖維極度粗糙，蒜蓉包像是隔了兩夜的麵包，不但不香脆，更有點實心、厚餅乾的口感，芒果沙冰芒果不足芒果味道淡，咖喱肉蟹大概是用本地花蟹所以蟹鉗很細（我在九龍城經常去的其他泰國餐廳不會這樣）。這裏只有Pad Thai 水準ok。

＄1蚊菜式炸蝦餅：蝦餅有六件，記得要沾酸甜醬，減少油膩感！蝦肉新鮮彈牙之餘，外皮炸得剛好，賣相吸引！泰王咖喱炒大頭蝦：兩隻大頭蝦開邊，上枱味道香噴噴，重頭戲咖喱汁完全覆蓋大頭蝦，別以為大頭蝦細隻，其實分量十足。咖喱汁當然要配合印度薄餅或者蒜蓉包，一客薄餅有八塊，每塊薄餅沾滿咖喱汁，食落津津有味！鑊仔蠔仔蛋：蠔仔蛋渣渣聲上枱，先聲奪人！這款蠔仔蛋完全不油膩，因為不經油炸，完全保存蠔仔和雞蛋的水份，蠔仔分量十足，愛吃辣之人一定要加辣醬，極為滋味！椰汁冰：椰汁冰非常香濃，大大杯十分抵飲！配合泰菜一流！推薦！

又係泰國夜🇹🇭•泰式拼盤有蝦餅 春卷 魚餅 香葉包雞呢個樣樣都有 絕對岩哂貪心既我最鍾意係食魚餅•蛋網海鮮金邊粉呢個賣相好靚 個蛋完全係包實哂成個金方粉 蛋岩岩好熟 而家個金邊粉夠汁又唔會好乾 入面啲料絕對唔少食落都好好味呀•酸辣去骨鳳爪沙津鍾意酸酸甜甜會好喜歡呢個少少辣好惹味仲有點少得飲品•芒果冰特飲濃濃既芒果沙冰絕對係透心涼又解渴•椰青超大個椰青而且好鮮甜呀大滿足 絕對滿意到我泰國癮🤎

橙色大象已多次支持，屯馬開通真的很興奮之後，去九龍城方便左，相信會更多人流，等位要更耐，星期日夜晚7點半，4位，結果等到8點半先有台， 不設訂枱，點了1) 是日$1泰菜，黃咖喱雞感想: 咁低唔係唔叫吖~，如果就到時間，星期一，$1蚊"明爐魚”最吸晴2) 推介辣椒膏炒蜆感想: 必食菜色，辣椒膏少少辣，好野味，餸飯或者薄餅一流3) 推介豬頸肉沙律猪頸肉入味，酸酸辣辣辣，好開胃，一定要夾生菜先食到美味4) 炸蝦餅 每次都會點，有水準5) 咖哩大蝦原本係點咖哩蟹，可惜賣晒，之前食過佢咖哩蟹，十分出色，食晒仲打包啲咖哩汁返去慢慢嘆，不過今次換左蝦，咖哩汁依舊好味，但啲大蝦就麻麻地，啲蝦炸完沒有鮮甜感覺，蝦肉仲鞋口, 寧願有蟹先再食！總結: 希望佢keep住水準！ 加油💪💪💪

今日同朋友一起去午餐，由於網上營業時間為中午12點，去到已有食客在等侯而且等了十分鐘也沒有人理會，我們需要兩張枱，那職員竟然叫我們坐墊了膠布疑似流水的一張枱，之後就沒有再理會我們，而且態度非常惡劣，語氣又差，難道泰文就好像鬧交那樣嗎？無論食評有多好都不能接受那種服務態度，究竟生意是否好得接不了還是人的質素要不得了

屯馬線通車，又多了一個覓食的新地方。午飯時間，街上人來人往。選定這一間餐廳後，立刻起程。到達時，餐廳內幾乎客滿，餐廳外排了不少等候外賣的客人。剛坐下不久，已見客人需要排隊輪候座位，慶幸早到了一步。點了两份午餐和一個鐵板雞蛋煎蠔。第一個套餐泰式豬手飯很快就到了，豬手燜得很透，腍滑彈牙，肥，但不膩。額外加的青木瓜沙律中規中矩，跟其他泰式餐廳的無二致。另一個配菜是泰式鳳爪，現在太少吃辣，吃完竟覺得辣。😅餐廳真的很多人，侍應忙不過來，以致第二個套餐冬蔭公蝦湯河竟然到我們吃完煎蠔，都還沒有上菜。後來才知道，原來菜一早已出，但送錯給別的客人了。冬蔭公湯是頗濃郁的，但具體要說出比別家有什麼出色之處，也說不出個所以然。反正，這是一個好味的冬蔭公湯河就對了。😂說回鐵板雞蛋煎蠔，蠔仔和雞蛋炒好後，鋪在芽菜上。吃一口，滿口蛋香。本來是生的芽菜，吃著吃著，已被鐵板的熱力煮熟，拌著雞蛋和蠔仔一起吃，整道菜清新不少。整體而言，這一間餐廳的出品水平平均，值得一試。

九龍城泰國餐廳臨立，呢次我去左一間叫Orange Elephant 橙象嘅泰國餐廳食晚飯，好在事前有訂位，唔使點等，因為過黎個陣店外已經企左好多人等位，可見呢間店有幾受歡迎。我地首先嗌生蝦刺身作個頭盤，賣相幾靚，有幾隻杯去裝住啲蝦，生蝦肉質鮮嫩，配醬汁好提味。之後我地仲叫埋黃咖哩雞加埋牛油薄餅，牛油薄餅熱辣辣，好香口，再點黃咖哩黎食係味覺享受，而雞肉份量亦都好豐富，性價比高。而鐵板蠔餅都係高質，蠔仔份量夠，鐵板上熱辣辣，咋咋聲太好聽，啲野夠熱，食落係最正。飲品方面，我地仲嗌左椰汁珍多冰同埋泰式咖啡，兩杯都好飲嘅。依家有沙中線之後，過黎九龍城都方便左，呢間店值得再黎。

終於等到宋皇臺站開通喇🥳肥肥人當然要去九龍城食一轉泰國菜啦🤗，由於呢間餐廳7點後係冇得book位，所以想試嘅朋友仔要早少少泥攞定飛喇😎收工時間等左45分鐘後終於有位喇🥲頭盤柚子沙律開左胃先～一梳梳嘅柚子，口感非常滿足，再泥生蝦刺身，不過目測略嫌有少少細隻，但賣相搭夠囉😅【必試推介】泰式炸蝦餅🦐～口感一流，外脆內彈，加埋有話梅香嘅醬汁，好醒胃👍🏿另外菠蘿雞肉炒飯都有驚喜， 非常濃郁嘅波蘿香，大小朋友都愛食

星期五晚嚟到九龍城 十成九都想食平靚正泰國菜啦! 難得搵到位泊車之後 8點幾又唔洗等位 就試吓呢間有500幾個好評餐廳. 總括而言都幾好 兩個人叫咗1. 蒜蓉炒芥蘭苗 2. 蛋包金邊粉 3. 黃咖喱牛腩煲4. 蒜蓉包5. 加一蚊蝦餅 餐廳好特別 每一日都有加一蚊推介 咁啱今日加一蚊就有蝦餅 仲要係full size. 蝦餅炸到好脆 啱啱好 可惜配黃莓醬唔係太夾蒜蓉炒芥蘭苗食落都幾新鮮 好有蒜蓉味 如果少油就仲好 份粗好足黃咖喱牛腩煲就唔跟飯 自己揀咗蒜蓉包 蒜蓉包有5塊 每塊烘到啱啱好 又係好脆 配咖哩一流 不過個人覺得如果再軟身索更多汁會再好些少. 咖喱本身都野味, 牛腩唔算差 都有好幾嚿 又有洋蔥蘿蔔薯仔 薯仔食得出係可能炸過 椰香味濃郁 唔怕辣食完又唔會覺得好油膩唯獨是金邊粉有點失望 包住粉嘅蛋皮唔夠色 上到枱好似唔夠熱 雖然有大大嚿海鮮 不過粉嘅味道就偏甜 唔夠酸加多個特選椰青兩個人大約350左右埋單 比起其他泰國餐廳真係算好抵食 食物質素亦都絕對可以接受

之前成日都聽過橙象呢間泰國店，雖然同地鐵站一段距離，但係我由九龍塘站坐小色去，10分鐘就到。來之前，我專誠已經諗定會叫椰青焗海鮮飯，因為每一間泰國餐廳嘅椰青焗飯都各自有自己嘅特色，有啲會加入好多嘅提子乾，有啲亦都會用好多嘅椰汁。大概等咗15分鐘，焗飯送到上黎，最令我覺得特別嘅，唔係佢嘅果仁同花生，而係焗到熱辣辣嘅椰漿，甜得黎椰味好Rich。餐廳其中一個好出名嘅，就係佢嘅$1菜式，我特別叫咗呢一個飛天通菜，炒得香，但略嫌多咗少少油。其實而家香港人好多都注重健康，炒菜大家都偏向落少少油。之後就係呢一個青檸辣椒明爐魚，通常食呢一味菜，香料嘅配置非常關鍵，因為香料用得差嘅話，會損害左成道菜嘅風味。我特別鍾意佢加咗好多青檸同埋泰式辣椒，酸酸辣辣，幾開胃，另外就係條魚亦都好滑。飲品方面，我哋叫咗一個椰青，同埋一杯雪碧，幾好飲。