Outback Steakhouse (德福廣場2期) (已結業)

見最近做緊50%off優惠，咁岩前幾日要翻office做嘢，就順便take out翻屋企。店員服務一向都好nice既，而餐點均附送黑糖麵包，叫了兩份意粉同一份安格斯牛肉漢堡，凍左都幾好食，尤其薯條味同牛肉味都幾出。

突然好想食burger 就去了outback 本來叫外賣（疫情），但見都幾大又有位就堂食了。叫了burger lunch set $98好味西蘭花湯和包主角來了！都好juicy 吖，薯條熱辣辣close up of burger 還有餐飲service 好好吖，最後仲問我D嘢食啱唔啱口味添！個餐有包，有湯有salad，又有飲品，真係超飽！

一直以來，都很喜歡到這裡用餐。可是一次假日的進餐體驗，令我對餐廳感到失望，甚至有種不會打算再來的感覺！原因如下：1.入座機制欠靈活度：當天五人用餐，屬於C號（5-6人）取票系列，等了接近20mins，眼見A票（1-2人）及B票（3-4人）各安排了大約6-7張票入座（合共叫號超過15張），仍然未有叫過一張C票的號碼！當我查詢入座機制時，接待處同事以取票時間先後及公平原則，來解釋5-6人枱（C票）沒有叫號的原因。但轉頭又說，如果有大枱的話，即使剛剛取票，亦有機會被安排入座！但神奇的是他們餐枱的size，幾乎大都可以接待4-6人！所以入座機制到底是按時間？還是按不同餐枱的數量來釐定？相信只有餐廳自己內部才知道！反映意見時，接待同事即時找上司解答，但感覺上只是禮貌的回應，到底是否代表接受意見呢？再者擺龍門式的答覆，實在有欠缺透明度，值得檢討！2.職員責任心欠奉：餐後我們點了餐飲，但分別向數位同事了解進度，他們都說會跟進，但最後卻沒有做到。結果三杯凍檸檬茶，需要接近20mins！在多番查詢後，最終才送到我們手上。3.我們用餐完畢，結帳後，才赫然發現餐廳一直沒有給予我們餐湯！這種疏忽，顧客自己沒有

Outback既lunch set好抵食，食到好滿足今次食左佢既醬烤豬肋排同芒果烤雞沙律，一開始會有沙律同餐湯，沙律新鮮而且份量都足，餐湯亦夠濃黎outback食仲會有免費任食既cream cheese包，好好食！個包熱熱地，有甜甜既黑糖味，綿綿既包配上cream cheese無得輸！到佢既醬烤豬肋排，相當入味，又吾會太咸，當你一切開，佢既肉係淋到即刻離開左支骨，肥瘦適中🤤🤤，128蚊有成隻碟咁長既肉同粗薯條，仲有前菜，湯同餐飲，仲有任食既包，重點係好食！真係好抵！芒果烤雞沙律都好正，雖然係雞胸，但都仲有肉汁，雞肉夠熱，沙律夠凍，份量仲好大碟👍🏻👍🏻，2個人食都好飽！

四人晚餐，送上二個好食的小麥包炸洋蔥，不油膩，爽口👍羊扒，汁味濃郁，咬落口感可口，不堅固，整煙肉帶子串，帶子串不錯，但番茄好酸配搭一舊檸檬不可能👎飲品加一杯凍檸茶，叫了兩次也沒有來，單據遺留了，沙律也忘記上👎👎芝士蝦肉意大利粉汁味濃郁牛扒，亦不錯，甜番薯味道感覺很新鮮，好像食甜品咁薯條小食是我們一家的自愛，爽脆

由於好快要去食正餐， 純粹想搵個地方食少少野，無諗咁多就衝入去outback黑糖包一向都好好食，無乜野可以挑剔到，只要夠熱就唔會出事之後又叫左個雞肉芝士夾餅，估唔到咁好食。芝士雞肉都好足料， 唔會乾柴柴，而且夾餅都好軟熟，仲配埋我最鍾意食嘅粗薯條。不得不提佢個蜜糖芥末醬，令成碟野加左10 分，記得要趁熱食啊

Outback嘅黑糖麵包不嬲都好出名，次次都會爭黎食，有時會外賣拎走 嘻嘻😜今日晏就同班同事出去食，一早book定位，12個，去到即入吾洗等，平時有排等位架我地都係揀lunch set先上咗每人一個沙律加餐湯，沙律湯真心好食，味夠濃又吾會太甜。12個人好處係咩都嗌黎試，吾怕食吾哂，黑毛豬-7成熟 岩岩好 食落口好香嫩，一人食少少，咁就吾會太飽蝦炒飯，好食得黎 賣相又好 仲炒得好香不過我杯凍檸茶就真係差左啲啲啦，太水太啖，加左糖都仲係咁，而且太多冰，有啲失色左但整體都吾錯嘅，偶然放縱下係要架

今日去左九龍灣德福行新開既muji，行完肚餓又到下午茶時間，周圍都好多人，於是搵間係咁多人，地方又大，又坐得舒適既餐廳食，咁我就黎左outback。大約等左20分鐘就可以入內，響等位既同時，已經諗好叫芝士雞肉夾餅，因為被芝士吸引左，同時再叫多個招牌黑糖包1. 黑糖包2. 芝士雞肉夾餅黑糖包焗完出黎，再加佢既奶油，外皮鬆軟，內裡好有質感，唔同出面既空氣包，價錢$10，真係好抵又好食😋芝士雞肉夾餅可惜無咁熱，芝士無流心效果，但配埋個特製醬，真係好好食，薯條即炸，好香脆，份量都算多，總括呢個下午茶性價比高，可以再試😋😋

有食開Outback, 叫咗pork ribs同蝦炒飯，但今次蝦炒飯比較乾身，蝦煎到好焦。德福呢間d waiters態度真係令人非常不滿，不嬲無咩要求嘅長輩都感到極度不滿。難得放大假，同長輩星期二嚟食下午茶，啲侍應嘅態度仲衰過茶餐廳待應。嚟得Outback，就expect服務質素有返咁上下，而唔係澳牛侍應嘅態度。生平未見過食過一間西餐廳侍應(男待應，肥肥地)會大大力掟碟落枱咁樣上菜，連飲品都勁大力蹦蹦聲咁擺落嚟😡😡😡唔好話呢個係’美式待客之道’。一d待應就行屍走肉扮睇你唔到，有啲就要勁大聲叫佢先有反應🤦🏻‍♀️食物食咗一半有多飲品都未嚟，叫兩次飲品都冇反應，仲要叫兩次先埋到單。長輩話未見過d waiter好似游魂咁樣，完全唔知自己做緊啲乜。平日下午茶嘅態度已經係咁，好想知平時peak hours d waiters會點，唔該Outback檢討吓你哋呢班後生waiter嘅工作態度同服務質素，唔係要求你有五星級酒店服務, 但唔該做返一般西餐廳應有嘅水準。今日呢餐簡直係貼錢買難受😤😤😤😤😤

今日下午2點半去到outback，等左十零分鐘就有位，好旺場~~我發現tea set其實都唔係好抵，要加$10先有黑糖包，所以揀返lunch set😆個餐湯味道ok黑糖包係重點！2個人total 食左3個😂😂😂真係太喜愛！送到上枱係微熱，好鬆軟，又好濃黑糖味！真係好正！Impossible meat burger, 塊扒好正！如果唔知係素，就咁食既話可能真係會以為係肉扒😂幾好味！薯條都好大條！服務員好忙，但送餐速度都好快，辛苦晒🙇🏻‍♀️

當天晚上，我們點肉眼扒及漢堡包🍔 漢堡包的牛肉是7成熟，意想不到的粉嫩多汁，醬汁美味，漢堡包上的面包是軟軟的那種，又有一絲甜甜的味道，與當中的新鮮青菜及酸瓜等食材配搭一流，是一道必點之菜式。肉眼扒是5成熟，一切開已經看到那粉粉的肉，正溢出肉汁，嫩嫩的。再自己加點鹽及胡椒，味道好極😋 再試一粒煎熟的煎熟的蒜頭，很是香口。不得不說那配菜—炒椰菜，是另外再用鐵板直上的，十分香且不油膩👍🏻 可說是牛的質量屬高質，也是晚餐必點之選。

閒日，一個人走人德福舖，服務員大方給我坐4人卡位，超讚！Lunch set選擇很多，我點了最貴的安格斯肉眼扒盛惠$218，包了餐湯、菜沙律、餐飽。那個餐飽絕不馬虎，係熱烘烘配著小碟奶油上枱的.....仲要係可refill㗎，又一超讚！主菜出場，安格司肉眼扒，切開小塊乃見嫩紅肉色，正好，就是我order的五成熟，肉質鮮嫩柔軟肉汁豐盈，的確值得回頭。

近近地去德福食tea，決定揀Outback。燈光柔和，卡位寬大，就係環境舒適囉！就算我一個人，服務員都願意俾我坐4人卡位，就係值得讚嘅服務！選了凱撒沙律燒大蝦，等了15min就上菜，大蝦的確係有燒烤(還是香煎呢🧐？🤷🏻‍♀️）過嘅口感蝦面係有點點焦香乾煎感覺，蝦肉爽嫩，蝦的下層鋪了層薄薄芝士碎片，再下層就新鮮爽脆嘅羅馬生菜。$72 tea set 其實不算便宜，但食物質素及環境的確不是茶記嘛。我就好滿意啦🤗

星期日去了德福三期的outback食午餐。平時晚餐閒閒地300百虲蚊一位，周末午餐百幾蚊一set，有湯，有沙律同主菜，而且份量大，都算抵食。上次嗰餐湯係粟米忌廉湯，湯夠滑，香，小朋友飲得津津有味。沙律吾特別，菜唔算特別新鮮，但又未算太乾身。將價就貨，算可以啦。印象最深刻，係餐包，暖粒粒，又鬆軟，一塗上牛油，即溶化，好正！主菜叫了豬扒、意大利飯、豬仔骨，小朋友叫了兒童餐：芝士漢堡包，整體不過不失。豬仔骨燒烤醬不夠，略嫌唔夠味。豬扒烤得比較乾，吃起來有點費力。意大利飯夠creamy同芝士味，好味午餐包嘢飲，另外可以加錢叫走和雪碧汽水，不過唔特別抵。整體係俾晚餐平，想食親民美式嘢，可以午餐試下。

今天去了九龍灣outbreak吃午餐, 有set lunch,都有頗多選擇.頭盤有黑糖麵包,以為平常野,食落先至知仲暖及鬆軟,加上牛油,好味.因為天氣熱,我女友選了沙律.我就要肉醬意粉,最後都係share.沙律有芒果及燒雞,綠色菜葉很新鮮,少醬汁,我同女友都鍾意,好快清碟.肉醬意粉好大碟,但肉醬比較少,茄汁味道ok.最後仲包餐飲,我女友加18蚊選左紅莓汁,佢話有D似利賓納. 整體都ok.性價比都高.職員服務都好,有禮貌