Outback Steakhouse (形點 I)

營業中

休息中

👩🏻‍🍳 Outback👨🏻‍🍳👣值得科勞指數：🏃🏻‍♂️🏃🏻🏃🏻‍♀️🏃🏻🍽我認，我每次去outback其實都係為左佢個黑糖包🤭當然，佢嘅意粉類都好creamy，都好正嘅，扒類我反而覺得一般般。作為大型連鎖扒店，不過不失啦，每次幫襯都食得好飽，性價比高嘅，有陣時食剩到可以拎外賣盒裝嚟當聽日lunch添。Btw 如果可以單獨買個黑糖包包就好啦🤤🤤🤤🤤🤤 📍地點：元朗 Yoho一期

同朋友行街行耐左，都想搵間舒服d既餐廳抖下，食個lunch，見到呢間餐廳室內外環境都唔錯，於是一齊試下。燒雞肉芝士夾餅$118推薦👍🏻夾餅外層好香脆，入面有好多雞肉，咬落外脆內軟☺️口感唔錯，咸咸地點埋醬汁，更加滋味😋唔知係咩醬汁，但味道同夾餅好襯。薯條炸得唔夠香脆，而且薯味唔夠突出。燒加拿大帶骨黑毛豬扒$158豬扒好厚身，要點醬汁先夠味道，醬汁有少少黑椒蒜味，唔會太咸，飯幾香，蔬菜略嫌煮太耐偏冧身。以試主菜配是日餐湯配黑糖麥包、另配菜、咖啡或汽水。餐湯似係洋蔥芝士忌廉湯，味道咸咸地，本人唔好洋蔥，麻麻地呢個湯。推薦👍🏻黑糖麥包夠鬆軟，加埋cream chesse🧀 一齊食，🤤味道好夾，唔夠食可以無限添加😉熱檸茶要親自浸茶包沖，味道偏淡。整體來講，除左夾餅同黑糖麥包比較好食，其他食物普普通通，勝在環境闊落，地方夠開揚，而且坐得舒服。

今日同屋企人去 outback 食飯慶祝生日，但由於係公眾假期前一日，所以匯豐信用卡既優惠套餐冇供應我地點左個肉食拼盤套餐，係食物上臺前，當然就要食下佢既招牌黑糖面包啦！都可以保持到質素，個包香軟又帶點微暖，不錯不錯肉食拼盤，牛羊都叫左5成熟，但上臺感覺係7成，牛扒有少少筋，但都有牛肉香，羊架有少少可接受既羊騷味，豬都唔會乾柴，但要盡快食，塊豬凍左會變硬同乾！芝士香腸同炸雞都係拎貨既，但都不錯小食拼盤，豬肋骨幾軟淋，有醬香味，個個都話好食，而另外炸雞同薯仔都係岩岩炸起，所以都係好食既忌廉大蝦寬條麵，睇落係放左唔少芝士，但其實個味係有少少淡，唔夠咸，而寬條麵都食到啲忌廉汁同軟硬度都適中成餐最伏就係呢個炸洋蔥，比以前細個左，另外個洋蔥好多油，完全唔好味

每次到訪outback, 一定會refill幾次黑糖麵包 🥖免費又食極唔厭，甜度及軟硬度均剛好，而且店員亦會主動詢問是否需要追加，唔小心成為咗outback既人氣單品😜.Outback除咗出名食黑糖包，其實佢地真正既主業係一間美式連鎖扒房😛每款都係american style，大大碟務求食到你飽到上心口.牛扒質素穩定，主打美國牛，食唔會重雪藏味，而且燒既時候大廚識鎖死肉汁，每一啖都好似有一百隻牛落肚😝牛味濃.另外仲試咗羊扒，非常有驚喜！肉質軟嫩，飽滿多汁，而且冇羶味！推薦可以一試☺️***Set Dinner:⭐️黑糖包⭐️美國頂級肉眼牛扒 USDA PRIME RIBEYE 12oz⭐️美國頂級紐約牛扒 USDA PRIME NY STRIP 12oz⭐️美國紐約西冷牛扒USDA NY STRIP SIRLOIN 12oz⭐️燒紐西蘭羊扒 NEW ZEALAND LAMB CHOPSSides⭐️楓蜜炸南瓜 MAPLE PUMPKIN WITH PECAN⭐️芝士煙肉焗薯片POTATO AU GRATIN***💰預算: 人均約HK$500

-難得假期過左新界！第一時間約左表姐一齊嘆番個dinner😂我地最後就決定食繡耐無食過既outback🤤令我最掛住既緊係佢地既黑糖麥包-而家佢地推出左個set dinner 都好抵食！【探險家肉食拼盤套餐】（3-4人份量）
- 是日餐湯今日餐湯係忌廉粟米湯，好creamy，好濃郁，粟米都係原粒
- 公司沙津新鮮蔬菜，沾埋個忌廉醬簡直係感覺超幸福！
- 黑糖麥包吾洗講，最出名係黑糖包，吾會係空氣包，拎出黎仲要軟綿綿，仲要熱辣辣，搽埋芝士醬再沾啲忌廉湯，仲吾係人間美味
- 探險家肉食拼盤（燒加拿大無骨豬鞍(2件),燒澳洲 法式羊扒(4件), 澳洲和牛纽约牛扒(12安士),美國煙燻車打芝士腸 (4條),脆脆香味炸泰國雞槌(4件)我就吾係甘中意食羊，好羶！牛扒好juicy！最覺得讚既係反而佢既雞槌，完全吾鞋～-特色雞味飯份量少左，但雞味好濃！-烤肋骨雞槌芝士薯條拼盤呢個就真係失色好多，烤到好乾無哂肉汁之外，外內層既肉都好乾，除左薯條熱辣辣之外！-芝士煙肉焗薯片最難食係呢個🤣完全吾係我想像既野，或者有啲人會中意既🤣-芝士白汁燒蝦寬麵醬汁超級超級好味，燒蝦吾乾身，仲有肉汁，剛剛好！芝士控可試，每啖

一家人睇戲前醫一醫肚先，由於之前join左member仲有份牛扒未食，一於去outback食牛扒～第一件事當然係送上招牌黑糖包，依個應該不需多介紹，encore係必須的。餐廳做緊會員優惠，$138就有依個ribs配薯條，仲可以再用優惠價加啤酒🍻 咁著數一定要叫啦☺️然後係一個特制意粉，由於屋企有人唔食乳製品，我哋就叫左個海鮮蕃茄意粉走芝士走牛油，但後來waitress話個汁底本身都會有加芝士，建議我哋改茄汁炒。依個茄汁炒會比一般再杰啲同酸啲，不過都算係好食🤣最後就係用會員優惠換既肉眼扒，雖然係換既但一啲都唔hea，仲有跟翻兩個side。一個焗薯啱後生食，一個雞味飯合長輩胃口，啱啱好👌🏻依餐連埋三杯飲品埋單只係四百幾，抵到爛🤣

私心好中意Outback餐廳，次次諗唔到去邊到食飯 就會「Outback照舊」😌出哂名嘅黑糖麵包可以無限refill 外脆內軟 淡淡黑糖味 夾埋cream cheese食真係一流 食極都唔會厭 🥳今日試咗：美國頂級紐約牛扒拼加拿大龍蝦尾 🦞🐮So far 去過咁多次Outback 啲食物都無令我失望過，今次都一樣 整體係滿意嘅😊牛扒order左7成熟，肉質嫩得嚟有少少嚼口 食落好香牛味 而且好多汁 超juicy! 😋 龍蝦肉都唔差 好彈牙，食到鮮甜味😙 配菜有我本身勁中意嘅蒜頭同露荀 基本上係將所有我中意嘅食物集埋一齊🤣 無得dislike呀真係( ̀⌄ ́)

八號風球一除下就急不及待去揾野食喜歡Outback 都是因為 黑糖麵包每次都要食兩份才心滿意足今次order了芝士餅和豬肋骨另加兒童餐---燒雞肉配飯及蔬菜芝士餅和豬肋骨都是一貫水準可惜我不太喜歡食薯條每一次都只能夠食一半燒雞肉配飯及蔬菜 飯很美味 但燒雞肉 比較乾 完成 吃到黑糖麵包的目標 也不錯！

今晚同家人本來想食澳門餐，不過相關的餐廳並無開啟OpenRice訂餐服務，所以最後改食西餐，轉Outback落咗2份餐，及額外加小食。家人揀咗燒盲槽魚柳，配飯及菜，魚柳夠香而烹調方面大致上剛剛好，只有一小部分可能未夠熟。配菜方面，如果菜的份量較多會更好。我通常食Outback都會叫澳坊芝士漢堡，配薯條，漢堡扒唔會太熟太硬，都算仲係juicy, 加埋新鮮的生菜及大塊蕃茄，美味！而且今次的薯條係有少少potato skin, 咬落感覺一流。另外叫的炸磨菇，我同家人都好鐘意食，雖然係炸但一啲都唔會油膩。推介！當然，仲有Outback出名的黑糖麵包，每次都會額外買多2條，真係好好味

約左個舊同事食Lunch，而同事想去呢間食，就即時試下打去睇下book唔book到啦，同時都諗定第二選擇架啦，點知又book到喎。去到其實都好多人，但因為我地Book左，所以好快就入得。招牌黑糖麵包軟綿錦散發出香甜既黑糖味，沾埋個牛油，超好味道，呢個包真係食極都唔會厭的。燒盲曹魚柳 :  魚柳魚柳好大條，燒得皮脆肉又嫩，魚上加上蕃茄去調味好醒胃，配上甜豆、紅蘿蔔、西蘭花同甜椒，都是健康蔬果。 燒肉醬味豬肋骨 : 見到個豬肋骨份量都覺得好大份，視覺都已經好滿足，而入面啲肉嫩口好軟熟超淋，醬汁味入晒D肉到，啲肉亦唔痴骨。呢餐好豐富，非常滿足！

話說有日突然好想食𝗢𝘂𝘁𝗯𝗮𝗰𝗸嘅（名物）黑糖包 所以就去咗食lunch😂🔹跟餐黑糖包&是日餐湯 話明名物就梗係介紹佢先啦😂 嚟到嘅時候熱辣辣勁正😍軟熟又重（唔係空氣包），食完會有飽足感個種😋 搽埋忌廉芝士醬就更正啦，不過我覺得最好食其實係要沾湯😝（食親西餐 餐包都一定要沾湯派🙋‍♀️） 至於餐湯味道就中規中矩啦，有好多粟米好甜😙但有啲咸😖最後都咸到無飲哂🔹燒盲槽魚柳（$128） 本身以為淨係得一條魚柳同少量配菜，點知仲有飯係底，食完超飽😳👍 魚柳好大條，肉質嫩滑唔梅🤤見佢咁靚仔又燒到好香脆咁，連我唔食魚皮嘅人都食埋😛 個飯應該係𝗢𝘂𝘁𝗯𝗮𝗰𝗸嘅rice pilaf（特色雞味飯）🧐之前食燒蝦飯都係同一個飯底 落咗洋蔥同一啲香料，飯炒得好香😋粒粒分明，令人一啖接一啖咁食👍 配菜一啲都唔馬虎😌有炒過 少少蒜味幾香，分量又多，食完成個餐都覺得自己好健康😂🤓🔹芝士白汁燒蝦寬麵（$128） 唔好睇佢好細份咁 只係係個碟過分大隻顯得分量少，其實好多😝👊 醬汁好濃，做到掛汁效果😍啖啖都充滿芝士味，芝士控好滿意🤝

行街行到攰攰地，肚餓想搵嘢食，突然之間見到Outback，就入去食lunch。我哋點咗一份Ribeye，一份Barramundi，一份kid pasta，加埋cheese，食飽晒大約$500埋單😀😀😀

今晚家人本來想食中餐，不過後來因為另一間餐廳無人接聽電話，最後我地決定經Openrice落Outback外賣自取，都有一段時間無幫襯過。上次3月幫襯時為晚餐禁止堂食期間，而現時外賣自取都仲有優惠，如果住啲Yoho Mall附近的元朗街坊可以考慮。我地叫咗2份晚餐，各有跟埋薯條，餐湯及一條黑糖麵包，另外再加個小食。家人的燒肉醬味豬肋骨美味，肉煮得夠淋，份量亦夠。我的澳坊芝士漢堡，漢堡牛肉美味, 加埋有大片蕃茄，青瓜及生菜，正！跟餐的薯條因凍咗的原因，雖然口感無即時食咁好味，但份量足夠，尚算OK炸磨菇，作為小食/配菜，伴千島醬味道唔錯, 我同家人都鍾意食。黑糖麵包，無需多講，好味道，我地食咗3條

好耐冇幫襯, 冇諗過第五波疫情開番晚市後第一次堂食就令我決定以後都唔會再幫襯Outback ! 成餐點咗4樣嘢食兩杯嘢飲, 冇影相亦唔打算逐一品評, 總結就係: 唔知係咪太耐冇乜點做堂食做慣外賣, 食物質素感覺就似全部都係入完外賣盒倒番出嚟上碟一樣! 唔夠熱, 樣唔靚, 味道好一般! 以前幫襯開嘅Outback去咗邊? 唯一保持水準係黑糖包, 趁熱食仍然覺得好好味! 我兩個仔食到舐舐脷....但因為我之後唔會再幫襯, 我決定會嘗試自己學整黑糖包🙈 我諗點都好過我為咗啲包而去食一餐價錢與食物質素完全不成正比嘅餐廳😳p. s. 5月7日晚五大兩小朋友光顧, 明明政府都開番8人一檯, 唔明佢哋點解仍然要我哋4人一檯隔住塊好膠嘅片😶😓 完全令成餐慶祝母親節嘅晚餐變成好似食茶記一樣咁趕同哩hea...完!

放假日，牛扒日🥩。成日心思思想食牛扒🥩。放假帶住囡囡👶真係選擇唔多。要坐得舒服又要空間大🪑。唯有選擇大眾化餐廳，坐落商場範圍又隨時去到育嬰室🍼。💎 美國T骨牛扒 (18oz) $468牛扒伴以凱撒沙律同薯條，點了牛扒五成熟，牛味不算濃郁。凱撒沙律新鮮，薯條應該不是現炸。💎 炸磨菇 $68磨菇炸過後咬落juicy，調味合宜，有淡淡黑椒味道，炸漿有點厚。💎 香煎蟹肉餅沙律 $168蟹肉餅做得幾出色，且蟹肉份量多，食到啖啖蟹肉。伴以新鮮沙律菜及西柚，口感清甜。💎 香草蕃茄海鮮意粉 $148海鮮份量唔會小，有幾隻大青口，蝦肉。香草同蕃茄味道適中。人均消費💰 ： ＄ 313總結✍ ： 質素中規中矩，坐位舒適。