Outback Steakhouse (屯門市廣場1期) (已結業)

烧肉酱味猪肋骨味道还是挺不错的 个人觉得很好吃 那个黑糖面包真的很好吃 搭配黄油真的绝了 餐厅环境也不错 服务态度也ok 价钱还是中规中矩 个人推荐的话比较推荐黑糖面包 重点是这个面包免费送的

今日要去屯門辦點事，下午約五時去到這間餐廳，人不算太多, 但一入去發覺唔係好對路，勁熱冇冷氣，原來商場是中央冷氣的，所以這間餐廳的冷氣不夠！我們叫了午餐，包餐湯，今天是洋蔥湯，非常難飲，鹹到不得了，杰到膠漿一樣未試過這個連鎖餐廳集團咁難飲的，有極大改善空間，我喝了兩口已頂不順！黑糖麵包是餐廳的主打，也沒有令人失望，熱辣辣而香脆，黑糖味剛好，不會過甜，配以牛油，十分好味😋燒盲曹魚柳條魚幾大，煎得很香，魚皮脆卜卜，內裏的肉仍然鮮味，不會煎得個熟，炒飯炒得幾香，配菜的蕃茄蔬菜也很好味，值得一讚！芝士雞肉餅做得正正常常，多芝士和雞肉，但餅皮不夠脆。薯條不合格，不熱又不脆，反而配菜的車厘茄十分好吃！

好友約會，一起享受午餐，突然想起，很久沒見 「Outback Steakhouse 」😊時間尚早，稍為等等，營業時間 12:00 👌 裝潢尚算不錯，舒服，被安排卡位坐下來速度快，奉上長長 黑糖麥包熱辣辣、軟熟，搽上牛油，更加好吃先看看餐牌是日餐湯粒粒蘑菇、😋芝士白汁燒蝦寬麵 $128creamy, 絲絲芝士，爽口蝦、蘑菇麵 … 口感 軟硬適中小食香脆薯條混芝士$56芝士太少，味道一般香辣炸雞槌 $72 （要求走辣😀）皮脆肉嫩，啖啖肉可以點醬汁，太咸了凍奶荼

一直都算係outback粉絲，但呢餐真係差到想bad list outback!洋蔥湯又咸又凍！！非常差!黑糖麵包黎得outback，一定會期待佢地個麵包，點知今日既麵包竟然又凍又硬！非常差!兒童餐燒雞肉配飯 $68飯係保持到水準，但係個舊雞，好鞋! 睇相就知道有幾鞋口啦！香辣蝦燒飯 $98對於完全無辣味，我都ok既接受到，只係啲蝦，燒到又乾又燶，完全唔知無味！仲有個啲肉腸，乾哂黑哂！非常差！個飯應該係同兒童餐果個飯一樣，係ok既～但如果只係飯ok的話，相信應該唔會再去食囉！

三姊妹一起去鋸扒，叫了 豬肋骨 ，重有五成熟牛扒，食物質素不錯，侍應哥哥有禮，細心服務周到，當然黑糖麵包配 忌廉醬 冇得輸好好味 仲有配菜都不錯已經好飽 兩個餐都夠曬三個人食

同同事收工去食飯，唔知食咩好又要可以坐得耐😂😂，所以就決定食outback！🥩黑糖包係至愛，一條係唔夠食嘅🍞！以家一直做緊滙豐嘅promotion，叫set餐好似抵食啲🤤🤤。店員幾好嘅，因為鐵板上所以會提你唔會叫咁熟，食開7成嘅就叫5-6成熟到👍🏻個🧄整得好好食，平時唔太鍾意嘅我都會照食😆係啲配菜就麻麻地😞佢嘅飲品都唔得😖，啲特調嘅味道怪怪地！基本上你叫完會心諗最多唔叫飲水算😕因為真係唔係話平又唔好飲。but整體來說係ok嘅！

今日經過屯門市廣場,行完街都唔知食咩好,行行下見到outback,又見到唔使等位就即刻入咗去,Outback最少估計都起碼食咗約十年以上,衣度始終都係覺得黑糖麵包同埋豬肋骨係我嘅首選至愛,沒有其他可以比得上佢！最好係無限可以添加黑糖麵包

提早慶祝母親節 逼免人多在家吃太方便了 還有八折所以就在openrice點餐Cheating day 這樣吃好像太過份🤣我們一家四人叫了四個餐 所以有四份最愛的黑糖麵包和餐湯Outback重點永遠都是個包 好好味😋飯麵會比較油雞肉夾餅和雞胸肉都是因爲要吃蛋白質而選味道不太重（不連beacon吃）不錯不錯

叫咗個外賣要等30分鐘，我20分鐘已經到餐廳門口，中間職員問咗我三次你order Number，然後再到第37分鐘同我講，廚房漏咗單。究竟啲服務員做緊啲乜完全唔明白點解可以追三次單嘅情況之下，都可以漏單太失望

今日同屋企人一齊去午餐，一行十人，知道人多，所以早一日問可否訂位，但回一句，嚟到有咪有，咁即係冇。但小朋友想食，所以未開門排隊，食物水準係ok,好可惜員工服務唔得，大多數係冇禮貌，問嘢唔想答，由其是個經理，咁點會有下次。想算晚市開返，都唔會再去但也有一位值得讚賞嘅金髪女員工，由落單、跟單都好清楚，而且主動為我們跟進食物，非常有效率、有禮貌。相比她的上司，這位金髮女員工服務更勝一籌，值得嘉許。建議盡快轉換餐廳經理。

疫情期間，外賣自取指定晚餐有折扣優惠，幾個套餐都好抵食。牛扒五成熟，品質還可以，呢個價錢都唔要求太多了😅。仲可以選擇配菜要沙律同熟的蔬菜，適合減醣人士。魚同豬肋骨本身跟薯條同埋飯，大份又抵食。每個餐都有餐湯，餐湯同平時堂食飲嘅一樣，好濃郁嘅蘑菇湯。仲有Outback最出名嘅招牌黑糖麵包👍👍👍員工服務態度很好，等候時間亦好合理，如果用openrice落order，仲可以預先落單，去到就拎得。

第一次食屯門分店Outback，叫咗芝士薯條/燒盲曹魚柳/燒雞肉芝士夾餅，同其他分店水準差不多，都係好食既😋我最中意芝士薯條🍟芝士醬夠多，好香濃，充分咁包住每一條薯條，好正👍🏻

想倒數嘅時候食間有情調💜💜但又唔會俾人迫叫set din既餐廳cuz聖誕節比出邊啲餐廳劏到一頸血🥺於是就揀咗喺屋企附近嘅outback🤙🏿_餐廳有分室外同埋室內今次我哋坐咗室內嘅梳發位置 燈光好柔和 店舖面積都幾大 坐得都好舒服👍_一嚟到餐廳侍應就即刻遞咗碟黑糖麵包🍞俾我哋 頭先個包係熱辣辣嘅♨️已經贏出邊好多餐廳嘅餐包幾條街 佢個忌廉鹹鹹地同個包異常地夾💞無限供應真係令人食過返尋味😋我哋一人都叫咗一條食_🌟洋蔥花球（$88）因為係第一次食所以叫咗佢招牌嘅洋蔥花球上菜嘅時候真係估唔到佢咁大份😯我估應該要三至四人先食得晒😹值得一提嘅係佢嘅醬料真係好好食😻_🌟美國精選肉眼牛扒（$328）佢可以免費加配兩個配菜我哋就揀咗焗薯同薯條叫咗三成熟 佢嘅厚度都偏厚 牛味香濃 但我就覺得油脂唔夠 同埋要四成熟可能好食D_🌟燒紐西蘭羊扒（$256）我係極級推薦呢個四成熟個羊扒油脂好充足又好嫩 肉質鮮甜可口非常有驚喜架上菜見到個羊扒細細地🙈估唔到佢下面仲加咗雞飯🍚雖然個飯都好好食好重飯香但係我就建議佢可以分開放如果唔係羊扒沾有小小飯味_值得一讚嘅係佢官網有得睇曬完整menu🦦

主打澳洲風格嘅Outback扒房以大件夾抵食見稱，簡約設計風格配合柔和燈光，氣氛輕鬆舒服不知道是因為物價通脹，還是Outback的價格調整了，小時候覺得還不便宜，就是節日才到Outback慶祝一番，怎麼現在的價格都變得親民了每每想到要再光顧一定是想起這黑糖包，這個鬆軟又溫熱的黑糖包，一坐低侍應隨即為你送上，一口包一口cream，yummyOutback的小食也做得不錯，Bloomin' Onion炸咗嘅洋蔥好似一個花球，配埋特有辣醬停唔到口Aussie Cheese FriesMix咗嘅cheese+bacon+薯條，真係好邪惡Baby Back Ribs搽咗BBQ醬嘅豬肋骨經過煙燻烤焗，拌酸酸甜甜嘅卷心菜一齊食，惹味非常隨住Outback愈開愈多分店嘅同時，希望服務質素亦能夠保持到

手機落單外賣自取，選擇“七成熟”“新鮮時蔬”，返到屋企打開，牛扒“全熟”，時蔬“熟透”。Order remark寫底唔要餐具，唔要茄汁，要多一個蘑菇醬，完全無視，照俾餐具茄汁，蘑菇醬就冇之前一直都喺外賣自取，一直都做得好好，但今次真喺好差，你所選擇和結果，完全唔一樣