Outback Steakhouse (東薈城名店倉)

營業中

休息中

開心星期五，同老公食番餐勁既。選址簡左東薈城OUTBACK STEAKHOUSE 貪佢有信用卡💳或者會員折扣優惠。豬肋骨配烤雞套餐（二位用）是日餐湯：粟米🌽忌廉湯，粟米粒做到爆汁效果，忌廉香濃加上磨至細滑菇菌，菇🍄菌味十足，整體熱辣辣香滑。黑糖麵包：鎮店之寶，黑糖包鬆軟無比，淡淡黑糖味，熱辣辣，配上濃厚細滑忌廉，好味😋豬肋骨配烤雞套餐：整體骨多肉少，不過一定夠食，燒得比較干身，但骨肉易分離。沒有半點騷味，燒炸醬香濃，食落比較甜。烤雞熱辣辣仲出緊煙，用上雞胸肉部分，吾會太咁鞋口，雞肉仲保持肉汁😀燒帶子煙肉白汁燴飯：大大粒香煎帶子比咸香煙肉包裹住，燴飯質感比較焾，帶點咬口，配上健康三色豆，白汁完美蘸上每一粒飯。總結：環境舒適 價值適中必食黑糖包

東薈城既星期六日真係太多人等位所以用OpenRice 落單叫左2個外賣自取點左2個set雞肉拼燒蝦寬麵 $108⭐️⭐️⭐️⭐️蕃茄肉醬意粉$108⭐️⭐️⭐️⭐️個set包左個黑糖包同餐湯值得一提既係個包拎到返屋企都係係熱同軟既

入東涌走轉偽遊日，行下Outlet食下野，今次揀左Outback，最鐘意佢既黑糖麵包仲有檸檬茶，因為都係任飲任食既(講笑啦)，當然仲有大碟夾抵食又好味啦！不過今次留左隻小黑猪呀！事源我地揀左羊架，見圖係跟薯菜都幾好，上枱時多左飯，當下都咥左一下諗會吾會上錯，但記得menu只得一款羊架應該吾會錯掛就照食，埋單時發現$2xx變左$3xx，再問侍應佢一望就好似知咩事話改返！同一個類似既經驗，係第二間分店都試過！所以大家真係要小心check單！

東涌嘅outback 特別靚，因為戶外有間星空帳幕俾人打卡。入到去帳幕雖然好大陣膠味，但d露營用品真係整到好靚❤️食物方面，燒雞如果再juicy d 會好d 意大利飯幾好食，忌廉汁好香好飽肚。燒帶子好柔軟。

喺東涌行完山食我最愛嘅outback🤭太攰太肚餓啦！今日要食大餐先得！佢嘅set lunch真係抵食！最平一百蚊鬆啲有齊餐湯、主菜、unlimited refill(應該係)黑糖麵包同檸茶。次次食哂成個熱辣辣嘅黑糖麵包我已經飽咗😂個湯都好濃好多料！個主菜可以拎返屋企食😛🔸美國厚切牛柳拼龍蝦尾(💰$348)配薯條同蔬菜🍟🥗🦞龍蝦尾超香，一陣香烤嘅味道，龍蝦爽口😚少少鹽已經帶出鮮味。牛柳都嫩滑，不過唔夠juicy。🔸燒帶子煙肉白汁燴飯(💰$118)帶子大大粒，用煙肉包住，有煙肉香。烹煮時間剛好，肉質好滑唔會韌。飯軟硬適中，好cheesy，好味😋評分: 7/10

母親節 #晚餐 OUTBACK steak house~RIBEYE 338肉眼牛扒，食過咁多次牛扒，今次我實在太大錯誤，我口快快叫錯左全熟🙄我平時係食開七成不過好彩是靚扒不至於咁乾😅~ 甘藍沙律係食牛扒包埋的😋😋~BLOOM ONION 86呢個洋蔥，巳經想食好耐😋😋~PESTO PASTA 128羅勒香草醬意粉雖然與餐牌的賣相差好遠但都好香好味😂~TW PASTA 148芝士白汁燒烤闊麵~SOUP 20餐湯幾抵喎😄~ 黑糖麵包熱辣辣，甜甜地，好好食我平時為減肥好少食麵包但係呢個我都有食😂仲唔使錢㗎👏👏加一服務 800/3人 🥰

We ordered take out.By far the worst outback by big fat marginFries taste like it was fried last weekSoup for some reason is oily that a gourmand like myself could not finishQuasadilla safe to say contained zero toppingsBabyback ribs soooo overcooked and dry that if gordon ramsey tasted it he would shut the whole place down啲食物係凍，無錫紙包住（試過銅鑼灣、灣仔係有包住保溫）。啲野食係試過分店最難食!夾餅啲料得1/3 ribs又乾又硬。千其唔好買外賣，無得投訴。

之前去過幾次都係為左黑糖麵包而去😂因為可以refill又好好味，熱辣辣加埋cream cheese真係好吸引！食物份量就唔算多，不過依家轉set要加錢就好似唔太抵食，但個環境都舒服既

LEI 間應該係我去過最吾好態度架一間，我reorder 左黑糖包, 由order 到提佢地，提左3次，一直都無來過。叫佢地refill 野飲，完全無回應。如果人多我都可以理解下，但係人都係一半滿，所以我個人覺得我吾會再去LEI 間，去其他分店好過。俾錢買難受架FEEL

呢間outback 特別靚，戶外好多飯仙人掌。又有個吹氣帳幕，打卡特別好。我地叫咗個二人餐，都好多野食，有個豬肋骨，配上BBQ 醬好惹味。薯條好熱好脆，有薯仔味。燒春雞都有醬汁，但都係鞋咗少少。

東涌又名「食物沙漠🏜️」，難得有outback 進駐，當然要一試究竟，餐廳氣氛不錯，播著英語流行歌曲，好Chill 咁，好似去咗度假🏖。午市套餐抵食，會員有9 折，平均98 蚊起，豐儉由人。黑糖包係呢到既signature, 但唔知點解總係有地區差異，東涌呢間特別乾身、食落唔夠黑糖蜜香，Cream都唔夠順滑，整個包暖暖地，整體食左幾啖就放低了。澳洲芝士漢堡：比較偏林嘅薯條🍟配上一碗仔爽脆醃製洋蔥沙律、漢堡扒夠juicy ，好經典配上酸瓜生菜🥬，中和油膩感，但包身又係好乾，吾會算得上係好味既漢堡😅加拿大無激素豬肉眼扒： 豬肉眼排好厚切 ， 叫左5 成熟食落嫩口有彈性，配菜都有處理過，有誠意。總結：分店間有地區差異都正常食物質素有待改善

2021年10月10日 小雨血併到差唔多時間就去拎飛再行街, 行完上返去時間arm arm 好行左成日對腳有d 攰, 餐廳坐位都幾舒服, 一坐底攰意即刻出黎。早排食得太多牛今日都未係好想食牛住, 唔想揀就揀左個二人餐$490 (見佢匯豐卡仲有平$464)黑糖麥包outback 最出名ge 面包, 好香黑糖味, 配埋佢個牛油好正是日餐湯一坐底個陣店員同我地講今日係西蘭花湯, 黎到原來係忌廉洋蔥湯。都幾好味, 但咸左dd。公司沙律好多芝士同好多汁, 正正常常, 面包粒好香, 可能因為肚餓咩都好食燒帶子煙肉白汁燴飯呢個risotto 好濃白汁同芝士, 超creamy。帶子出面包住煙肉, 食落多左陣咸香。好食, 但會漏。燒肉醬味豬肋骨配烤半雞估唔到個二人餐咁多野食, 半隻雞同一份ribs。ribs ge 份量都唔少, 而且焗到好淋, 仲烤到有d 焦焦地, 好香好味而個雞都好好食, 唔鞋又夠味, 正所有野食都超快就黎, 而店員都會不時望下我地有咩需要。最後我地兩個都食唔曬d 野, 打包左一半返屋企, 個二人餐真係幾抵食

東涌，滿滿的回憶2007年在東薈城工作都算是東薈城的開山牛當時商場冷冷清清不似現時名店臨立差不多六年無踏足心血來潮就入去SHOPPING順便搵返D回憶原來不只有名店很多高質食肆都引入於東薈城2期內了經過OutBack，就二話不說走入去了一個人吃OutBack也不是第一次本身也是OutBack迷，所以決定係你了店內地方環境乾淨，店員安排我坐在窗邊能看到諾富特酒店，而且當時未有太多客人都算安靜本來點了一個$298元的西冷牛扒可惜店員告知沒貨供應換了一個$398的因為本身不吃肉眼的我焗住點了西冷牛賣相很OK。但鐵板真的太熱。上枱三分鐵還滋滋作響。牛扒底部都燶了。吃下去有點點發苦。平時因痛風甚少吃露筍但今天牛扒上的露筍非常清甜感覺好吃過主角牛扒了。每次到OutBack都必點的長島冰茶正唔正宗就無從得知但每間OutBack分店的調酒師都非常有心機去沖調正宗的長島冰茶用可樂還是檸檬茶已經好喝得不在重要了店內唯一毛病就是員工間的聊天問題聊得連埋單也看不見東涌真的留下了不少腳毛當日 東涌 金滬庭 的員工希望看到這篇食評會記起我吧

假期晚上,都係如常full 多數都係冇特別plan 所以冇bookWalk in攞飛都好快安排到位大部分Waiter 都好有心感覺到條team係細心叫左近排新推嘅tuna salad再叫左steak同埋mushroom with crabmeatUmlimited iced tea refill都好快好足

Got lunch sets, quesadilla, risotto, steak and pasta, all taste quite nice. Fries are crispy and the coffee is good. The environment and service are pretty good as well.BUT don't get any salads here, there's only lettuce, some pathetic croutons and tomatoes on top. Even with the salad luch set, it's the same salad with a few shrimps.