Outback Steakhouse (愉景新城) (已結業)

同屋企人朋友都係outback嘅fans，所以得閒就會食吓🤤但一直都未試過呢個慢煮牛扒，因為佢嘅賣點就係：生勾勾又入得口！仲要逢星期五，六，日先有得食到！但屋企人就唔太好咁rare，所以一直未有機會嚐到😢難得今次同行朋友都好食得咁rare嘅牛，就一齊試吓！🤤一試都返唔到轉頭，因為真係好好食！😭好嫩口，又唔會話好un口，食落去好有牛味，好似茹毛飲緊血咁🤣 平時嗌薯菜都一定嗌甜薯，因為都好好食🥺入口即溶🥺重點係，半年前申請咗做黑卡會員，張單有8折^_^ 兩個人食咗3碟野(仲有兜意粉無影到☹️)同2杯野飲都係人均$170左右😛😛

慶祝生日所以去左outback食😁😁😁唔洗講啦，黑糖麵包兩個，唔該~~~佢而家個cream雪得硬左，好難點得多d，個包當然依然好食😇因為有優惠，所以嗌左個set，有沙律，意粉，扒，甜品就睇你加唔加錢。因為生日當日就可以送一個Cheese cake😉😉其實食過幾次凱撒沙律，outback堅係最好味咼😯😯佢加埋d芝士係加承左。個黑松露磨菇湯幾有驚喜，因為好重洋蔥味，好味😋😋個蝦寬意粉，個汁好好味，但d芝士太多，同好咸，變相差左d。個扒嗌半成熟幾岩岩好，因為黎到仲會辣一辣佢，再熟d，所以嗌得太熟會好靭。龍蝦ok好味，以為烤到好干，原來唔係，都好juicy😌😌襯有折，嗌左杯蘋果酒😊，好正丫，蘋果酒好味😇😇😇PREFECT~~~~~😈😈

價錢:$100-218(要再加一)比起晚餐，午餐係掋食d既！推薦魚同牛，份量適中個魚配埋d蕃茄飯，酸酸地，幾好食個牛 我叫左5成熟，完美！前菜幾豐富(如圖)唯獨係呢間荃灣分店，係我遇過最差服務嘅outback!

讚：1. 黎呢度食既並唔係味道，而係安心，印象中成個商場啲鋪都變過晒，係得呢間無變過，最得人驚係連餐牌都無變過，午餐、晚餐永遠都係果啲野食，連餐湯都無乜點變過！餐前麵包永遠都係黑麥糖麵包，味道亦無乜點變，不嬲都幾好味2. 要叫漢堡，足料，薯條高質，熱辣辣脆卜卜彈：1. 除左漢堡，其他都唔得，意粉愈黎愈差，飯好難食，牛油味超重

睇戲前趕住食嘢，所以去outback買外賣，然後去戲院前面個草地野餐。諗住快食，叫咗個香芒燒雞肉沙律同香脆薯條混芝士。香芒燒雞肉沙律好好味喎！燒雞肉分開上，雞肉睇相好似好鞋口，但係其實咬落去質地係幼嫩，而且有少少肉汁。沙律汁味道似千島醬，同啲菜好夾。大部份沙律菜都好新鮮，芒果都係甜嘅，有青瓜、蕃茄、粟米等等。沙律上面仲加咗少少薯片，口感超豐富👍🏻 完全食得到蔬菜嘅鮮甜味，而且配搭都好夾喎，雖然價錢有少少貴，如果去餐廳食，連埋加一都要接近$200，但係呢個質素出面都好難食到，所以都推介大家食！香脆薯條混芝士好大份，起碼有兩個薯仔，芝士都幾足料，用咗三款芝士，不過可能時間耐咗所以已經硬返，好難解體😆薯條炸得比較淋，酸忌廉醬汁勁好味，瘋狂蘸，最後係啲汁唔夠食😆除咗黑糖包之外，終於有其他口碑之選可以推介俾大家啦！

跟朋友去荃灣覓食，見outback嘅lunch menu都幾吸引，就入左去食～環境都幾舒適，一行6人坐一個長卡座都好寬敞～ 幾適合同朋友慢慢食傾下偈☺️我試左佢嘅燒豬肋骨配薯條，可能係繁忙時段，上菜比較慢...朋友都已經食左一半我嘅豬肋骨先到😳燒豬肋骨配薯條 ($118 加一）豬肋骨上用左燒烤醬，味道濃郁惹味，又唔會燒到啲肉質太乾身，唔錯！👍🏻薯條係新鮮炸好就上枱，熱辣辣特別好食～外脆內軟有薯味，配埋茄醬就perfect! 😋😋

一直以黎都有諗過食outback但就好似欠缺左一個理由！今次因為朋友生日 終於黎左呢間食扒我地嗌左二人海陸套餐 另外加左個扒外加野飲同埋甜品先講野飲 mango strawberry cider 真係唔錯嘅cocktail 另一杯應該係pineapple 嘅cocktail 個名唔記得 但一般般啦個包正如大家所講好香haha但為左個main course 唔敢食咁多xd個海陸套餐係匯豐信用卡優惠黎！！龍蝦尾真心出色 新鮮 而且唔會太熟加埋個扒 鎖得住晒啲肉汁感覺好好食🤤另外叫左一個扒，厚切黎不得了 肉汁非常濃厚 我係幾鐘意嘅因為好香haha但我朋友更加鐘意套餐個個扒 覺得冇咁濃味睇各人喜好啦呢啲加埋個雪糕甜品就真係perfect 池係一餐唔錯嘅生日餐haha

第一次於下午茶時段去食outback, 終於有一次食outback係唔洗排隊....下午茶時段的outback係比較少人, 餐廳有一份恰當的寧靜....叫左兩份下午茶，分別係$72的豬肋骨同香辣雞槌，下午茶仲包兩杯飲品豬肋骨配薯條，薯條好香脆好好食！豬肋骨超大舊....香辣雞槌有成5件咁多，都幾好食，只係略嫌咸左少少！加$10就可以加條黑糖包餐飲品配咖啡，咖啡都唔錯！份量足夠，二人係食唔哂，加埋條包兩個人埋單都係$140，都算抵食啦！

上次同朋友食過之後，就愛上呢間餐廳喇......我個人黎講每次都最少食兩條黑糖包，仲要另外叫藍芝士醬，呢款藍芝士醬可以話係Secret Menu。因為唔係好多人知架咋🤫雞肉 拼 烤蝦寬麵濃濃的白汁，脆脆的麵包，有小朋友就可以叫你款意粉，我姪女食到舔舔脷😋炸薯條 配 煙肉芝士醬新鮮即炸的薯條，淋上香濃的煙肉芝士，只可以用非常好食黎形容👍🏻仲要食極都好似食唔完，最後食唔哂添🥴豬肋骨 拼 肉眼扒 配薯條 + 雞飯Ribs 的醬汁好味，肉質夠嫩滑肉眼扒7成熟，肉味好濃，但熟左少少所以有點鞋，下次叫5成熟應該會更好食第一次食雞飯，睇落唔似飯，食落無咩特別的味道。

咁啱在附近同仔仔影cake smash相，梗係要來愉景新城。新手媽媽必去之地，仔仔放電好去處。但真係唔知食乜好，我去時都差不多兩點幾，但好多餐廳都大排長龍。唯有搭lift上去搵野食，意外地發現outback 唔洗等位，仲有靚靚木製的BB椅比仔仔坐。成個high class左～ outback lunch set 好抵食~ 每次幫襯都必叫漢堡包薯條及据扒～ 最愛係黑糖麵包配上牛油，真係好好食～ 漢堡包係我至愛，塊漢堡扒juicy多汁新鮮好有牛味。另外outback牛扒都係絕好的，只係簡單煎好juicy 得黎質感非常好👍🏼～ 靚牛就係另捨不同，不會似茶餐廳那些醃到淋到已經唔知食乜咁～ 所以据扒都係鐘意幫襯outback。依間行緊環保飲管，雖然都支持環保，但用紙造的飲管就好快淋左～ 下次自己帶飲筒會飲得暢快一點～

為咗新居就黎入伙 去咗愉景新城睇傢俬 睇完就去咗outback steakhouse食晚餐 最鍾意佢黑糖麵包任加唔嬲 牛扒選來自美國 揀咗七成熟嘅美國精選牛扒 肉汁豐富 炸蘑菇同芝士薯條亦相當有驚喜 海鮮意粉好入味 一個字正 有一個好滿意嘅晚餐 匯豐信用卡仲有折添

今次4個人食，點左凱撒沙律🥗味道不過不失，叫左較heavy 嘅食物，總要點返個沙律平衡一下。芝士薯條🍟必選小食之一炸蘑菇 第一次試，幾特別肉眼扒🥩每次尼都必點，肉質鮮嫩。海鮮意粉 口味不錯🤫🤫其實尼outback 我最中意係食佢個麵包🥖🥖今次人均消費HKD 230

今日成2:30先有得食飯，同太太喺愉景新城搵嘢食，最後喺3樓搵到outback,以前食開都冇下午茶今日睇一睇Menu，發覺原來而家已經有下午茶供應。而且價錢唔算好貴。我哋就帶咗兩個set， 一份係香辣燒蝦飯，另一份係燒雞肉夾餅。燒蝦飯，對我來講呢就味道啱啱好，但係對太太來講佢就比較辣，本身想問可唔可以冇咁啦， 但只能夠選擇唔辣或者辣。夾餅就分量十足，醬汁都好好味，薯條亦都炸得好好食。最後我哋加咗$15 upgrade左杯咖啡。

因為同朋友去physical join試玩做gym而要入到荃灣，咁見outback le間竟然冇咩人 我地兩點三拿飛，等左10分鐘就有位入啦.一來就上左個沙律同湯 太肚餓即係食左冇影到😂😂 沙律正正常常唔算差 反而幾欣賞佢個湯，味道香而濃郁，忍不住幾啖就飲曬啦. 之後梗係會勾郾佢既黑糖面包，搽埋佢特制牛油食就最好，雖然我個人覺得偏甜 但係是好食的. 之後叫左佢既澳洲西冷牛扒，五成熟，但切開太成 似三成熟，同服務員講完 佢地都客氣振示唔好意思同再整熟返.食得出牛肉係靚牛，肉質好食，香口，朋友仲提我牛扒要切一口食口，保持牛扒熱度，咁先最好，唔好切曬先食，學到野🤙

久違了嘅outback。因為考完試又通宵做咗兩份功課，為左獎勵自己就同男朋友去鋸扒。而且知道近呢一兩年outback 用匯豐信用卡俾錢可以有優惠套餐，慳返唔少錢🤣不過今次我散叫就用左member9折優惠，無食到信用卡套餐我地黎到嘅時間係夜晚：9:00，完全唔洗排隊，直接walk in 入去就得喇。入到去坐低無幾耐，侍應就會自動送上黑糖包加cream，黑糖包鬆軟，加上可以沾cream 真係好好食，我地再叫左個黎食😋😋😋豬肋骨配肉眼扒，肋骨好入味，又多肉；肉眼扒無根而且有濃郁嘅牛味，配埋個蘑菇汁，好好食！另外叫主食可以揀2個配菜，有沙律、蕃薯、焗薯、飯同埋薯條，我就揀左焗薯同薯條，呢2款配菜都係每次必點！另外叫多個藍芝士醬沾薯條，芝士迷記得叫，免費嘅😆另外點左個燒雞燒蝦寬條麵$148呢個麵都係每次必點，雞肉入味，仲有芝士鋪面，個醬汁份量夠，令個麵唔會乾爭爭，另外伴碟嘅2塊多士好脆口，又香，夾住雞肉食，好夾👍🏻