Outback Steakhouse (愉景新城) (已結業)

今日成2:30先有得食飯，同太太喺愉景新城搵嘢食，最後喺3樓搵到outback,以前食開都冇下午茶今日睇一睇Menu，發覺原來而家已經有下午茶供應。而且價錢唔算好貴。我哋就帶咗兩個set， 一份係香辣燒蝦飯，另一份係燒雞肉夾餅。燒蝦飯，對我來講呢就味道啱啱好，但係對太太來講佢就比較辣，本身想問可唔可以冇咁啦， 但只能夠選擇唔辣或者辣。夾餅就分量十足，醬汁都好好味，薯條亦都炸得好好食。最後我哋加咗$15 upgrade左杯咖啡。