Outdark (飛達商業中心)

營業中

休息中

行行下街，Heby妹妹突然記得之前嚟過呢間怖滿星星嘅餐廳，就拉咗我嚟😄好彩時間尚早，唔洗排隊，平時夜晚真係排長龍！炸年糕～見到妹妹真係食得零舍滋味😍呢款炸年糕，一碟有10條，一邊係甜甜地嘅原味，炸到脆脆地淋上砂糖漿，真係好啱小朋友食，煙煙韌韌又唔會太甜，另一邊係韓式甜辣醬風味，個人覺得唔得太辣，反而甜味比較搶，配上花生非常香口，一碟就滿足晒大人和小朋友口味😁豬腳～呢度嘅豬腳，要夜晚5:30之後先有架！我鍾意將豬手、舖底嘅抄蔬菜夾喺羅馬生菜裏，點上韓式辣醬，味道微辣甜甜地，和生菜嘅清新，配合得天衣無縫，好正！

OP長期第一位嘅Outdark我地又黎啦! 因為好掛位住啲炸雞呀, 平日都勁多人真係犀利人氣從來無減過😎.•雙拼炸雞現炸脆口咬落有聲ga, 一次過食哂甜辣+香蒜蜜糖炸雞, li兩款係咁多款之中味道最特別嘅, 雞肉大件juicy又嫩. 脆薯格, 薯條份量鋪滿成個碟勁誇張😂.•個人認為兩款正常同蕃薯芝士條都要食!!! 食佢個拉C🤪•同場加映炸年糕, 黏黏糯糯外層脆脆地好正呀, 我會先食哂年糕因為趁熱食先至最好食.🍻TERRA x Peach, Mojito Ade唔使講啦又係大杯夾抵飲! 次次食親一人一杯係常識😍.

好耐都冇食過炸雞啦，Outdark又係我其中一間最愛，又抵食又好味😋而且水準一直keep住，真心正😊佢有五隻口味嘅炸雞，每一款都好想試，最後叫咗雙拼炸雞，要咗甜辣炸雞同香蒜蜜糖，炸雞雞肉好嫩滑，外層脆卜卜，被醬汁包滿，可能迎合返香港人口味，甜辣其實冇乜辣味，啱晒怕買嘅朋友仔，我最鍾意呢度嘅炸雞係會跟咗幾款唔同嘅薯條，啱晒我呢個薯條控🍟前嗰中午去都食唔到雞蛋飯捲，今日終於食到喇😍因為淨係晚間供應，好似包左韓國魚片係入面好好食😋泡菜煎餅勁足料，成塊都係蔬菜同泡菜，素食者都岩食，仲配左個煎餅汁，值得一試食咁多嘢一定要配飲品，叫咗一杯蜜桃梳打同埋西柚梳打，又解渴又解膩，完美！

想食韓國炸雞，一定諗起依間餐廳，因為佢都幾出名，每日都好full，想食就預早訂，如果唔係有排等🥲我地今次多人食，就叫多左少少野，但點知就剩好多，佢每份既份量都好多，而且質素都唔錯，算係物有所值。甜辣炸雞拼香蒜蜜糖炸雞，甜辣炸雞唔會覺得辣，唔會得辣既都可以試吓，香蒜蜜糖炸雞既蒜味比較重，成份都炸到脆卜卜，又唔會干👍豬腳正常已經好大份，同埋啲配菜食，好正，肉質煙韌，令人食指大動。忌廉海鮮，一大鍋有好多配料，有隻大八爪魚，店員會幫你分，有火熱住就可以撈啲芝士一齊食，好正好邪惡呀😆Egg kimbap 一份有成10舊，抵食，不過普通左啲柚子梳打有清新嘅感覺，可以解膩Strawberry士多啤梨味夠濃，不過甜左啲，係好飲既Peach Flavour，beer:kronenbourg 1664依個好大份，味道清新，好飲

聖誕節嘅夜晚我地黎到呢間韓國餐廳，雖然只係七點，但係已經見到好多人係度等walk-in，好彩提早book左位🤣❥ 香蒜蜜糖炸雞(半份) $118雖然只係半份炸雞，但係佢有跟埋薯格、薯條，分量都好足🫃🏻佢嘅香蒜蜜糖醬比較杰，雞都幾滑，不過夾埋有D漏，一班人叫會比較適合🌸💬之前叫過醬油味，無咁漏，overall好食D😋7.5/10❥ 芝士豬肋骨 $338豬肋骨係用鐵板+爐即時加熱整溶D芝士，拉絲效果滿分😍另外會有爐邊蛋、泡菜、菠蘿同紫菜飯一齊上。豬肋骨已經煮到非常腍，一咬已經骨肉分離，個汁亦都好惹味，黎呢間餐廳一定要嗌！佢嘅辣度有normal同spicy，🍀唔食得辣所以我地揀左normal，已經好好食，鍾意食辣嘅朋友可以揀spicy🌶P.S. 要趁熱吃，凍左D芝士會變硬🧀😋8/10❥ 烤牛肉炒粉絲 $98牛肉嫩，整體味道唔錯，不過粉絲有小小煮太爛，份量亦都唔多😢😋6.8/10❥ Apple & Mango Makgeoli $135呢個係凍嘅甜米酒，佢係用一個大兜上，加兩個碗仔，感覺幾豪邁🤣 佢落左好多碎冰，溝淡左D酒，雖然我地叫左芒果蘋果味🍎🥭，不過飲落唔係好覺，得甜味🥲雖然係米酒，但易

見咁耐無食就約朋友食返餐！8點入座，告知限時1.5小時坐低後叫人落單舉極手都無人理，行過又唔理。等左幾分鐘終於有人落單！去到未夠差唔多9點，過黎叫我地自己行出去埋左張單先但因為野食連一半都未齊，加上得返半個鐘，梗係食埋先行出去埋單。到左21:17先上炸魷魚炒年糕鍋！咁都上左枱無理由唔食，以為佢咁遲先上，會比多小小時間我地食。點知佢21:29分叫我地埋單！同埋要交枱出黎！17分先上野食，12分鐘食得晒咁大盤338既野食？不過店員唔會理幾點先上菜㗎，淨係知仲有1分鐘你就夠鐘！要交枱！同埋又漏單！咁唯有叫佢比外賣盒打包啦！女職員竟然當面反白眼比我睇！果然貴店唔休做！走人嗰陣望到2排有6張吉枱！門口亦無人等位！留意返貴店門口係寫住收凌晨12點，last call 22:30900幾蚊遲上菜又趕人走又反白眼，以後唔會再幫襯！

首先想叫人落單己經無人理，隻手係遞到忍唔住痠痛要放低都無人理第一個男職員都正常嘅 聽唔到會禮貌問多句係咪哩樣啊咁等到落完單又要等一輪先有食物供應想再加單個陣 又要重複去返遞手遞到手痛哋步驟，仲要過到嚟倜陣個樣已經話您聽佢好忙，有咩快啲講個種，叫完嘢食佢又無攞紙筆嚟寫低我哋落乜食左半個鐘都無就過嚟話要我哋埋單，話仲有幾耐要準時交枱咁我哋都明有限時嘅規矩，但間餐廳無人等位，周圍大把吉枱，完全唔明點解要咁急趕我哋走。我哋應該9點半要交枱，但佢要熱爐上嘅嘢食17分先到，已經急急忙忙咁食到到咗28分就有個好差嘅女職員過嚟話要埋單同交返枱，之後已經即刻對單 但個職員又行開啦喎，同佢之前無寫單個員工真係落漏嘢，想問返張單同想問佢拎外賣盒嘅機會都無，到有人可以問個陣 問聲係咪無落到定無嚟到，無落就由佢（其實我諗住問清楚，怕落咗無食啫）佢仲一句兇我話咩炸雞啊 ！無落啊！又走開，都唔梗要啦，反正我夠鐘都食唔到再再遞手又無人理，到3x分先再有另一個女職員行過嚟叫我哋要出去埋單，先有機會問到佢攞盒 但佢話要我哋出去比錢先，（朋友已經話定係您可以幫我哋包？我哋宜家出去比錢 ）跟住個職員係反咗眼同我哋講嘢食係要自

📍 Outdark 🌍 旺角彌敦道613號飛達商業中心2樓2/F, Fee Tat Commercial Centre, 613 Nathan Road, Mong Kok📝 整體評分：９ ／10聖誕節帶女朋友食就最岩，環境好又有氣氛~🥢串串魚糕湯🥢 $198 飲返碗熱辣辣既湯，湯有D似昆布湯，愈煮就愈濃厚，頭遍湯就最好飲岩岩好~ 唔同種類形狀既魚糕串，口感都好唔同，仲可以蘸醬食~仲有蘿白、鵪鶉蛋、韓式粉絲，最尾食韓式粉絲煮哂D汁，jeng~🥢韓式烤牛肉🥢 $188牛肉甜滋滋帶點香口，份量都幾多，不過今次有D細碎，配料有年糕、蔬菜。🥢炸蝦飯捲🥢 $88太多餡關係會有D鬆散~有炸蝦、蛋、菜、醃瓜，灑上芝麻同好似燒汁既醬~

平安夜黎到outdark，用openrice訂位，上一日打黎confirm，但同我講要等位。本身就嬲嬲地，今日黎等位，佢又俾我入wo,算你啦。點左海鮮煎餅同蜜堂蒜香炸雞，大大份，熱辣辣。先講雞，外脆內嫩，淡淡肉，蜜糖蒜香唔會太多source。仲有薯條、薯角、薯格。我地問佢拎茄汁點，職員都好幫手。煎餅蔥香十足，足料又乾身，又唔會成口粉。

今日約左朋友係旺角，朋友最鐘意韓國野就上OPENRICE SEARCH下食邊間啦，由於趕住番屋企睇世界盃,就唔簡燒肉啦，轉㨂間想快靚正韓式炸雞。就睇中左呢間好多好評既OUTDARK，呢度由5點開到零晨，最後落單係10點半。一去到餐廳好有聖誕氣氛，仲有好多正宗OPPA!去到簡左我至愛既香蒜蜜糖炸雞，醬汁同我係韓國食既係一樣味，好地道，而且充滿肉汁!最正係可以加sides同可以簡半份，啱晒我地2個人。Sides 我地加左年糕，煙煙韌韌，外皮脆脆地正，好味! 另外，炸芝士條，黎到做到拉絲感覺! 最推薦係炸蕃薯好甜好好味，最值得一讚係成碟都係炸，但一D都唔油!由於我FRD係男仔，話要食飯，所以我地叫左DIY RICE BALL，佢話味道一流，飯控一定要試!我地仲叫左2杯梳打，芒果同水密桃，一到食炸雞一到飲，好爽!

呢排多咗出街拍拖晚餐，去親旺角食飯唔使諗一定係去outdark！鍾意呢度嘅環境同埋食物質素very good！而且就算兩個人來通常都安排到卡座，坐得比較舒服😌。冬天就自然想食啲熱湯同埋暖笠笠嘅嘢，叫咗個海鮮辣炒麵同埋串串魚糕湯，放滿魚糕同魚肉串，魚糕吸晒高湯，勁好味！食完魚糕，鍋底仲有好多粉絲，口感煙煙韌韌，好味呀。地道韓國食法係飲埋啲湯，係精華，又暖胃！海鮮辣炒麵係越食越辣，但係越辣又越停唔到口㗎！好癲囉！麵條勁掛汁，煙韌嘅麵條配上甜辣醬汁，再加埋青口、蜆肉、蝦肉，食完會爆汗勁暢快，鍾意食辣嘅一定唔可以錯過！食泡菜煎餅會食到索索聲😂聽聲都知係泡菜，好足料下，加入大量泡菜and青紅辣椒絲，又係必食之選！by the way 而家旺角分店仲提早咗一個鐘頭可以食晚餐，五點就入得，最遲10:30 last order，啱晒我呢啲早食晚餐嘅人！

今天和朋友晚飯聚舊，訂了旺角的Outdard， 人齊入座後計，1.5小時要埋單並且離去。 所以坐下後立時看看menu，很快地點了以下的食物：烤牛肉飯捲、串串魚糕湯、香蒜蜜糖炸雞、及海鮮煎餅。烤牛肉飯捲最先送到，也許大家都肚餓了， 放進口吃，也吃得很快，感覺是好味， 但記憶郤不深刻。香蒜蜜糖炸雞送到時，還是熱熱的，入口雞皮炸得非常鬆脆，雞肉也很嫩滑。 格仔薯和薯條都炸得香脆可口。串串魚糕湯， 看起來好像很大鍋，但吃下去，不知不覺又吃完了，沒有想像中那麼多份量，味道還可。海鮮煎餅， 只是把一堆的炸來吃，吃來沒有什麼特別的感覺。還點了杯芒果梳打，味道不錯。總括來說，每款食物送來的時間，都相隔數至十分鐘， 其實都算合理，因為太快送來，我們也不可能短時間食完。但吃到差不多時候，已經有店員提示，還剩多少時間，很快便要我們埋單。匆匆吃完，就要起身離去，想和友人傾談多一會都不行。真的是要快快的吃，慢慢的說！

一直都好想係香港食番啲正宗又好味嘅韓國菜，咁岩就諗起outdark，一年前食過尖沙咀店，覺得好正，原來係旺角彌敦道都有分店，超方便。不過呢間平日晚餐都full ，最好預早訂位啊！1.雙拼炸雞我地叫左甜辣炸雞同埋香蒜蜜糖炸雞，一上台時有啲嚇左一跳，一黎真係好大份，兩個人食真係食到好飽，每人都食左超過六件炸雞，仲要炸到勁香，每一件雞都好juicy，仲要啲醬好入味，甜辣炸雞嘅辣度啱啱好，唔會太辣，仲有甜醬平衡番，香蒜炸雞最欣賞佢蒜味夠濃。二黎佢啲薯仔炸到好多元化，有薯條、薯格、旋風薯片，全部都炸得好脆同香。另外，叫雙拼炸雞會送埋調味料，除左點茄醬仲可以有其他調味料，好似蒜香醬、甜醬簡，仲有一格切粒嘅西瓜，好欣賞呢個調味醬嘅安排。2.串串魚糕湯叫呢個湯佢會連埋一個爐送上，所以成煲都保持住暖笠笠，好岩冬天食。煲入面有好多款魚糕，仲有唔同蔬菜同青口，個底仲有好入味嘅韓式粉絲，當中最欣賞係白蘿蔔，佢索咗好多湯嘅精華，好入味，而魚糕仲要用竹簽整好，食嘅時候好方便，連埋熱辣辣嘅湯，好似係韓國街邊食魚糕嘅感覺！3.泡菜豬肉飯呢個飯上面有半生熟嘅太陽蛋，撈埋紫菜成個飯好好味，同埋啲豬肉都好淋，仲要泡菜嘅比例

呢間韓國菜好多人食,門口外面長期都有人龍,我地今次訂左檯所以好快就入座了,餐廳裝飾因應節日而改變,今次見到好多聖誕節既聖誕裝飾,滿天閃星星環境相當浪漫,我地叫左一份醬油炸雞,呢份炸雞有好多炸雞之外仲有好多薯條,薯格,薯角等等,薯格香脆,甜辣醬好好味加埋脆炸雞既啖啖肉口感,正!仲有新菜式年糕炒牛肉,有青瓜伴碟,牛肉軟淋又入味,年糕好嚼口,兩杯飲品推介藍柑桔SODA同埋青蘋果SODA,藍柑桔顏色同味道都好特別。

今日同朋友慶祝生日 見網上評分唔錯 所以就過黎食 一去到門口已經好多人等緊 果然非常有人氣🙀雙拼炸雞(全份）$192（甜辣炸雞、香蒜蜜糖炸雞）今次叫左雙拼炸雞，甜辣味好味😋 全部都炸到好香脆！ 入口係偏甜先 之後有小小辣味 非常惹味😝 香蒜蜜糖就正常🤔忌廉海鮮 $328叫左個唔辣既試下 八爪魚好大隻 店員會幫我地先剪開👍🏻 食個時我地就唔洗咁麻煩🙈裏面有年糕，魚糕 ，八爪魚，蔬菜，特調奶油醬料。 佢既醬料好creamy同甜甜地好正～呢個同傳統辣炒年糕不同，唔會淨係甜辣！豬腳 $238（正常）正常size已經好大份 黎到既時候我地都嚇親😆 好味 個豬皮位係甜甜地 同埋豬手好煙靭彈牙 有小小爽脆既感覺！Egg Kimbap $98蛋卷我覺得一般🤔Cheese Stick(4pcs) $35芝士條無拉絲 搞到我失望左 不過唔知係咪因為我地遲左小小先食先拉唔到絲🥹OUTDARK RITA $78（Peach Flavou，Beer：Kronenbourg 1664） 朋友話呢個好味👍🏻OUTDARK YOGURT $45（Strawberry）呢個好濃郁 好正 不過偏甜左小小 飲完都飽肚😂 但