OVOCAFE (已結業)

OVOCAFE中環德輔道中173號南豐大廈1樓 （19/9/2015晚）約了朋友在中環吃飯，忽然想到OVOCAFE 在中環放了一間，便立即去朝聖，加上它又同時開了間素食商店 Green common 在旁，食完可以去逛逛！因為怕多人，便在晚上六時左右就去，可能太早，店內只得一枱客人，我們可以任選坐位，待應亦很好人，任我們調位！店舖內的坐位不多，但都坐得舒服的，而且有兩面是落地玻璃，很開揚！另一邊的牆上掛著淨色碟的裝飾，細心看，原來有王菲和關之琳的留字和簽名，還有佛教團體的留字，滿有意思！菜單內的款式不太多，前菜、主菜等都是一頁過，但就每樣都有一至兩款，如主菜有意大利飯、長通粉、麵包、蒟蒻麵等。而前菜較為有特色菜式有註明是適合素食，或是佛教徒的圖示，很細心先來前菜 Super Bowl $75 ，食材有紅菜頭、藜麥等，非常健康的前菜。但賣相不像平常的沙律，我還以為是拌勻的，但這裹是分開，像靚版的碟頭飯，哈哈！廚師雖然排得好靚，但我食的時候都是將它拌勻，哈哈，味道是很好的，不過，份量真的很少！（推介度：可以一試）主菜是 Pesto Awakening $95  香草意粉 （本來是長通粉，但

很開心Green Common和OVO Cafe進佔中環，給我多一個平日下午的好去處。這天是新咖啡室開業的第四天，下午二時後來到，發現客人不多，一點也不嘈吵，邊吃邊聽著外語歌曲，透過落地玻璃看著街景，令人感覺舒服自在，可暫時忘卻煩惱。這裡供應素食，午餐有四款選擇，前菜我沒點湯，選了南瓜茸配紅蘿蔔卷。這道前菜的擺盤很精美，不論是紅蘿蔔、它捲著的南瓜茸，還是伴碟的沙律菜和紅菜頭汁都很新鮮清甜，予人舒爽感覺，唯一美中不足，就是份量太少了！主菜我原本點了芝士蜜桃燕麥農夫包，不過侍應弄錯了，咖啡達人Felix Wong給我端來了鮮香草蕃茄意粉，即然意粉已煮好，而我其實也很喜歡這道麵食，所以也欣然接受。我吃了第一口意粉便覺得很喜歡，意粉煮得al dente之餘，蕃茄的鮮味和香草味仍很醒胃，實在錯有錯著。餐飲我當然是點咖啡，這裡的house blend很合我口味，齋喝或加奶的味道均很好，而且杯碟的顏色很美。在輕鬆、舒適的環境吃過美味的午餐，差點令我以爲翌日是周末呢！

見新開，環境幾靚，於是lunch 去試下。一去到期望都幾大，仲以為以後lunch多個選擇。午餐選擇唔多，叫左個蕃茄香草意粉，包頭盤或湯。頭盤係紅菜頭羅白南瓜蓉，一黎到都覺得唔對路，得兩少舊，比bb食既份量。不過諗住頭盤姐，主菜應該唔會咁既？等左成半個幾鐘，個意粉先黎，一黎到細食既ol都未必夠啦，唔好話一個正常男人。食完好似無食過野咁，味道又唔係差，不過以咁既價錢(~$120 連咖啡)真係唔會再去服務又慢，叫埋單都等左15分鐘。最後要返返公司前買返個蛋達食先叫做唔肚餓好失望，無原因再去，剩係岩影相黎呃like。

第一次上黎寫食評，純粹有感而發，想同素食及追求健康飲食人士表達一下。之前已經去過灣仔個間，食物不過不失，今次諗住開新店，同Green Monday楊生合作會另一番境象，點知………食物portion非常精緻，個main dish-Gorgeous Black份量我以為係頭盤，話有飯係入面但係少到數得到，個甜品Baileys Spirit 妹仔大過主人婆，其他已經唔想講，味道同價錢都唔係正比。食素係想健康d，保護環境，唔係叫人食少d，但係俾貴d，兩個人一個starter，兩個main dishes，再加一個dessert，連半飽感覺都無，點樣說服人食素食得健康？如果只係以健康素食，保護環境為生意啅頭，實質整埋一堆無誠意兼價錢同質素成反比ge食物，佢成功了; 如果真係有心推行素食，減少過多烹調，嘗鮮即配合主題"the original taste of green"，佢失敗了，因為我嘗唔到咩鮮味。另外,服務員水準真係'一流', last order 前叫左starter,main dishes,同dessert, 已經吩咐左dessert最後先上，竟然dessert上左先？話因為廚房截單？仲