Oyster Bar & Grill (已結業)

以前我聽老人家講好野無平,平野無好我都唔信~但今次之後我諗我會信~早幾個月o係團購度買左張據稱原價$488(食左之後$48都覺得貴)團購價$188 + 連加一$59食個1830~2130半自助餐book左成個月終於book到~好啦~去到我相信十個有七個都係為左佢所標榜既任食生蠔先會買既姐~包括我都係~1830開始入坐要人等到1900先開始開"死"蠔(生蠔已死=死蠔)仲要開死蠔個個職員我極有理由相信佢係有組織有預謀咁被公司安排佢li個職位(佢開死蠔既速度相信搵個小學雞都快過佢)排一次隊拎死蠔要用成15分鐘(最小)~柴九哥話人生有幾多個十年~我就話一個BUFFET有幾多個十五分鐘,如果佢li d都叫任食,我抵輸比你.結果我li個愛蠔之人排左三次隊食左九隻之後(仲要有兩隻係有問題)我終於投降啦~頂你唔順,埋單走了.p.s.半自助餐中得兩種較出色.第一位磨茹湯,第二位橙橙黃黃cake(唔記得咩名)~飲食業呃得人一次唔會比你呃第二次,下次你話送既我都唔會黎~

黎親呢間野多數都係團購優惠, $188 食 $488 的自助餐, 聽落雖然好抵, 不過都一早預左冇咁大隻”蛤哪”首先係比佢 “任食生蠔” 吸引, 但講真兩舊水, 比 d 咩你呢, 任食喎, 佢梗係計過條數架啦, 拎生蠔要排隊, 逐隻開比你, 每人3隻, 排一轉起碼 15 分鐘以上, 佢計過條數 你食兩粒鐘最多排到 3-4 轉, 根本佢都係專登開慢 d 架啦, 開快 d 你地咪拎多 d, 不過 d 生蠔雖然未發育, 但味道算 ok 可接受啦其他自助餐的野食, 講真味道唔算差, 但款式真係少得可憐, 兩兜沙律兩兜多士兩兜湯咁就算, 仲有pizza… 真係未食過咁少款既自助餐主菜, 我揀左牛柳, 估唔到咁差, 冇牛味, 又 “銀” 切唔開咁滯, 得兩條菜仔做配菜, 賣相+味道都超唔掂, 衰d 講句花園餐廳果塊都好食過佢, 我係度諗緊 d 人如果係比 $488 黎食唔知有咩感想…仲有環境…… 望落個樣就ok, 燈光暗暗咁, 但係嘩 d 台仲逼過酒樓飲茶, 仲要播埋d唔知咩歌, 我覺得好似返左大陸鄉下地區服務就一般, 唔算好差, d 後生仔都幾勤力執野咁, 不過可能太多人佢地唔會有咩好servi

好激氣呀!!! 因為團購優惠，被$188一位(原價$488)的價錢吸引了~ 再加上本人同友人都非常喜歡食生蠔&parma ham! 便決定一試la~好辛苦咁排咗好耐隊先得3隻生蠔，重要好瘦, 有D重有沙tim!!!!!! 生蠔都算喇! 轉戰去食其他嘢, 但係除咗D菜同小小沙律之外,無其他嘢食啦?! parma ham 嗰味就ok啦, 不過配包就有D奇怪lor~ 主菜都算正常geh, 不過牛肉無牛肉味lor.... 結論: 無下次!!!!!

一早買左 coupon 未有時間去食, 食之前睇過食評, 見買 coupon 嘅個個話唔好, 抱住"賴野" 心態去食其實食物款式不算多, 但不至於好差, 主菜牛扒ok, pizza 個底太軟, 啲麵包類都偏硬, 甜品不過不失, 主角係即開生蠔, 7 點幾開始有蠔, 每一次都要排隊攞, 每次 3 隻, 每次等得唔算耐, 我食到 8:30, 同老公總共食左 30 隻, 當然唔係每隻都又甜又大隻, 30 隻中只有一隻壞, 有一些是偏咸的, 應該是種類關係, 但都是新鮮即開的Service 我覺得可以, 係開蠔個嬸嬸黑面, 其他 staff 反應都好快, 一食完就自動波收碟, 唔洗叫, 而且都有禮貌, 老闆亦有笑容, 門口仲有人彈結他唱歌, 唔好理佢好唔好聽, 呢個都係 service, 坦白講, 每人 $207, 請大家不要 expect 酒店的自助餐一樣水準, 要諗下個地段, 請咁多 staff, 人家都要賺錢的, i成餐飯我覺得滿意, 價錢亦都合理, 今次係我第一次寫食評, 因為我真係覺得呢間野不至於其他食評寫得咁差

為何要寫人生第一篇食評? 因為好激氣 以為團購好抵, 488元任食生蠔減價188元, 原來, 貪字係得個貧, 呻笨的感覺好強烈.自助餐本來都無乜期待, 因為係嚟任食生蠔吖嗎. 但因為1830入座都未有得攞蠔, 所以先吃自助沙律吧, 只有沙律, 意粉, 湯, 及意大利咸肉片, 出去行一轉, 巳經可以攞哂了, 難道食完又食沙律嗎? 我係嚟任食生蠔架, 對不對. 接著上主菜, 點了些炭燒牛板及豬肉, 不過不失. 無無聊聊等待生蠔期間, 上 Open Rice 睇食評後, OH MY GOD......呻笨中.咪住咪住, 主菜唔係任食生蠔咩? 最終在1915才有生蠔可以攞, 點解好以甜品咁最後先俾人食嘅? 點解? 點解?........ 係咪等我地食飽哂, 唔駛食咁多先? 算, 但等十五分鐘先配給到三隻未發育生蠔, 心裡有點抑鬰加氣忿. 只排了兩次, 都無心機食落去. 如果呢餐飯正價係488元, 兩個埋單咪要1000元, 就好似去大樂食焗豬收你500元嘅感覺一樣, 超唔值. 不過依家收188元, 感覺都唔係好好多, 就像大家樂食焗豬收你300元嘅感覺. 氣忿中再氣忿係加一係用正價488元計,

數個月前在beecrazy 買了coupon, 但一直預約不到, 因為好full啊!!終於預約到三個月後的今天...原價$388 , 團購價$138 + $39 (原價加一 ) $178食一個意大利中午半自助餐本來抱有非常高的期望...怎料....要失望而回...看到有三款沙拉, 一款是沙拉醬+吞拿魚, 第二款是煙三文魚+什菜沙拉, 第三款也是沙拉醬+ 什菓... 沙拉醬的我不喜歡吃...所以我只吃了煙三文魚+什菜的那款!! 連only生菓的都沒有!! 難道意大利人不吃生菓??每人只可以選一樣主菜, 我們選了爐魚扒 和 煙三文魚天使麵! 爐魚扒炸的很利害, 肉弄的很硬啊!! 煙三文魚還可以, 但天使麵是沒有味道的。Parma Ham 要排隊的, 而每人只分到兩片, 只跟半個麵包(但我沒要) ! 第一次吃ham是沒有跟melon的, 好失望喔!! 那Parma Ham 真的, 很咸啊!!!即開生蠔也是需要排隊的, 需要排約15分鐘才拿到!! 而且每人只可配給到三隻迷你版的生蠔。 味道普通, 沒什麼蠔味!! Pizza 佷好吃, 可能是我喜愛吃Pizza 吧!? 但是, Pizza

lee間餐廳係我令第一次激動到要立即開個Account留食評喺團購買左原價$488, 折扣後$188既coupon, 期待左三個月服務唔會評論, 因為對我最重要係野食, 佢張coupon係寫瘋狂任食即開生蠔自助餐, 事實真係好瘋癲狂燥咁等一個亞婆好慢咁即開生蠔, 我明白可能佢人手真係有限, 等吓都唔怪佢, 最慘係排完每人三隻,而且蠔細得可憐最細嗰隻得手指尾既指甲咁大仲要有便便放蠔既長鐵枱, 一舊冰都冇, 感覺好似喺街市等劏魚咁。等嗰時張枱仲要有大量熱氣噴出,原全令我無晒胃口 自助餐方面, 只係"自助"餐, 唔洗期望有野食, 甜品質素都很差, 我實在萬分後悔當初去之前無先上Open rice看看不過佢環境都算唔錯, 夠黑, 完本想盡量投入, 但奈何佢係播住國語流行曲埋單時仲要收原價既加一費, 我@*#$%&**

首先之前團購買左COUPON~同男友媽媽去呢度食BRUNCH BUFFET~!見佢有OYSTER同HAM咁好似好吸引~$138加一~去到見到好似唔係好多野食TIM...生蠔要排隊等佢逐隻開~不過環境就幾好~都坐得舒服~一黎就去排左蠔先拎其他野LA~仲有ham,不過要等佢d人切...同埋好生手咁~@@"睇住成大隻豬脾切到咁薄薄既一片片ham~>w<d ham既包好硬...就咁食ham仲好...之後索性係沙律度拎d水果送~=w=d蠔好好食呀~細細隻唔腥又有海水味~不過開到有唔少殼碎...@@"係就係要排隊,好過有D一出蠔就俾人拎晒搞到無得食LA...main course叫左羊架~好食呀~~^^話係薯菜...但原來係2粒薯+CHEESE既物體...都好既~無咁飽可以食多D其他野~好彩男友媽媽都鍾意食呢d野~沙律d菜都ok~個三文魚醬多士GD~=w=可能太遲去LA~後來已經無晒蠔....>X<食左6隻咋~=3=不過CHEESE CAKE好食~到最後都仲有REFILL~仲有仲有PIZZA~!後來出左隻好CHEESE既PIZZA~一拉有長長既CHEESE絲~!滿足

見佢地係團購網介紹到佢地個"心太軟"咁掂, 咁就一心同女友去試下, 二人餐 $198 + 10% = $218.入到去時, 服務都可以, 放下團購coupon, 食物好快就到.開始食頭盤: 鵝肝多士......難食到不得了...真係唔係好得!!好快有第二個餸: 牛排...味道不錯.但突然間個waiter走過黎同我講, 話我張coupon上個月"已經被使用了"!! 唔係呀?? 你咁即係話我黎呃食???? 我話冇可能, 要佢再check清楚, 叫經理黎, 如果真係"已經被使用了"的話,咁即係有盜竊, 我現在要報警!!過左一陣, 佢經理過黎話我張coupon係佐敦店"已經被使用了", 佢建議我先再付款, 待佢地明天辦公室開的時候再check過.......心想....山長水遠黎到, 如果而家拍檯走, 咁成晚乜mood都冇曬喇......所以按住怒火, 接納佢建議...... 但原來成肚氣.... 真係食唔落.....!!好快食完就走左.....第二日, 個經理打電話黎, 話原來真係佢地攪錯左, 會係銀行退番錢比我. 仲叫我再去佢到.....佢請我食一餐道歉....... 唔係下?? 仲黎?

忙碌了兩個星期，終於可以稍事小休。到了下午茶時間，當然要慰勞一下自己。上次吃過Marco的巴馬火腿薄餅，味道很是不錯。今次柯打同樣的套餐，回味一番。薄餅送來時還是微暖，未開盒已聞到香氣這個Pizza比對上一次縮水，但$20一個套餐，還算是合理。薄餅的餅底較為硬身，談不上香脆鬆化。巴馬火腿則帶鹹香，肉質不會過乾。酷愛芝士的我嫌Chees太少，根本滿足不了胃口，若有Double份量便好了。這間Marco以前設早餐時段，而且價錢十分相宜，成為同事常到的店子。可能是成本的關係，現在已沒有供應了，有點可惜。

我係灣仔區未試過食得咁火滾!BEECRAZY買左2張TEA BUFFET 券, 但事後發覺呢間野不繼在其他團購網出現,已經心知不妙!所以決定4月中 , 打定電話BOOK 5月14日 2 位去到點知勁多人, 個個都拎住張TEA BUFFET 券,就算BOOK 左位都要排隊等位"輪街症"仲要比人安排坐係樓梯底, 經過一番爭論,佢地先比返D正常位我地食物 : 難食!! 無論冷盤,熱盤,主菜都好難食! 除左 PIZZA 叫入得口(係因為其他野太難食啦!)服務 : 普通WAITER 都幾好禮貌,但拎住PIZZA 個位"小明星"真係白鴿眼得很!環境 : 迫!! 同茶餐廳午市時,個種迫,個種嘈,完全一樣老實講,用團購價$167黎食野, 真係完全唔低, 比盡佢值$30~$40加埋佢地D 服務安排, 就算比埋車錢我,請我免費黎食,都唔會再黎!!永遠 BLACK LIST!!給Marco Bistro Bar and Grill 良心建議 : 你想用"團購"打響名堂,唔該你衡量下自己,1. 應唔應付到咁多客人先啦2. 一間食店就算服務唔好, 只要食物質素掂,又好味,都會有人上門,但你服務唔好,食物質素又唔

起beecrazy 買左團購券, 對呢間野有點意見 1) 訂枱時要講編號, 要取消訂枱要三日前, 否則就要取消一張coupon, 這樣做真係唔知咩世界, 訂枱失約盛惠$138, 拜天拜地o個三日唔好唔舒服 2) beecrazy 又話 $138+$38, 點知佢地收加一時收$39, 都唔同beecrazy 一樣, 都唔知邊個責任 3) 食物普普通通, 點值$388呀!, 當初心諗$388 好名貴餐, 點知! 食過之後覺得點都係只值 $110-$120(連加一) , 有邊個傻仔無用coupon 去呢? 4) 沙律中的煙三文魚碎, pizza, 鴨胸, 一個字鹹, 5) 巴馬火腿太厚, 唔好食, 又無蜜瓜, 哈蜜瓜 6) 無包餐飲, 都好有檸檬頭水飲 7) 超多人排隊等生蠔, 每次排隊等15分鐘. 曾見到一家三口, 其中一人排, 排到龍頭, 加多兩個成員, 唉! 香港人~~~~ 但香港人又唔覺得唔啱! 8) 座位編到頂頭有個電視機, 起身就會撞到應一應 9) 開始時冷氣ok, 坐齊人後開勁冷氣, 等你唔好食晒佢地d野, 凍到要走人10) 肉眼同牛柳同好唔掂, 上碟後得塊肉同酸甜味o既喼汁

為左你,我寫第一篇食評,因為真係太差....真係便宜莫貪, 之前見到團購咁平就諗住試下, 點之就出事啦, 一去到見到生蠔條隊排到出出面已經心知不妙, 一坐低, 就叫我地選main course啦, 我地坐樓下, 佢就叫我地上去有得拎野食, 一上到去, D野食十隻手指數得晒, 仲耍起碼三盤係沙律, 其他野亦唔見得有任何特別, 個一刻我即刻諗如果邊個俾$488去食呢個所謂oyster buffet就真係中晒伏. 之後好不容易拎到3隻蚊型蠔, 味道上冇乜問題, 但等呢下就真係.....睇見D人"謄"上"謄"落, 跟住同上面講, "下面少人D呀!~" 食到咁辛苦真係唔知為乜, 渣渣林食完個main course, 坐左個零鐘到就閃人. $488我洗鬼黎呢度呀!?

Hi guys, I and my friends tried this restaurant yesterday for gathering. Honestly, I strongly recommend you DONT GO as it is not worth. Wait for 7-8 minutes even the brunch buffet starts from 1430 to 1730. Only few slices of Parma HamSmall oysters - taste bad, only can get 3 each timesCrowd - Not comfortable to sit

此處主打蠔, brunch buffet 要$388一位 (仲要加一), 老實講要呢個價錢, 真係唔會"茂茂然"去試, 不過團購價$138, 咪試下囉主菜都有幾多款式選擇, 我揀左肉眼扒, 妹妹揀了紅酒燴牛柳, 肉眼雖然幾腍, 無渣, 但無牛肉香味, 反而妹妹的牛柳比較有牛味, 不過就唔係好覺紅酒煮過喇, 蠔-係主角, 有專人即時開, BUT 每次每人只可攞兩隻, 師傅又開得慢, D蠔又唔肥, 瘦削(係新鮮既, &有D咸咸地海水味既), 但唔夠喉呀!!!最好味就係個蘑菇湯&煙三文魚釀於toast面, 薯蓉還可以, 兩款沙律好似前一晚整定咁, 沙律菜已經唔爽, 仲有D黃添, 個意粉(類似吞拿魚意粉)-乾乾地, 無咩味/特色, 有個類似 "水牛芝士配蕃茄"-完全食唔到芝士味喎 (除非我搞錯, 唔係芝士啦), 另一款菜湯可以不試, 最後有三款cake, 試左個Cheese cake, 不過不失啦; 室內的枱實在擺得太密喇, 旁邊張枱近到傾偈果時, 就好似同隔鄰D食客一齊傾緊咁。食物款式就係得兩款熟食,兩款湯, 兩種沙律, 一D snack, 3款甜品同蠔係任食, 加個主菜, 如果要我付出$