影片
更多
2011-06-17
13 瀏覽
黎親呢間野多數都係團購優惠, $188 食 $488 的自助餐, 聽落雖然好抵, 不過都一早預左冇咁大隻”蛤哪”首先係比佢 “任食生蠔” 吸引, 但講真兩舊水, 比 d 咩你呢, 任食喎, 佢梗係計過條數架啦, 拎生蠔要排隊, 逐隻開比你, 每人3隻, 排一轉起碼 15 分鐘以上, 佢計過條數 你食兩粒鐘最多排到 3-4 轉, 根本佢都係專登開慢 d 架啦, 開快 d 你地咪拎多 d, 不過 d 生蠔雖然未發育, 但味道算 ok 可接受啦其他自助餐的野食, 講真味道唔算差, 但款式真係少得可憐, 兩兜沙律兩兜多士兩兜湯咁就算, 仲有pizza… 真係未食過咁少款既自助餐主菜, 我揀左牛柳, 估唔到咁差, 冇牛味, 又 “銀” 切唔開咁滯, 得兩條菜仔做配菜, 賣相+味道都超唔掂, 衰d 講句花園餐廳果塊都好食過佢, 我係度諗緊 d 人如果係比 $488 黎食唔知有咩感想…仲有環境…… 望落個樣就ok, 燈光暗暗咁, 但係嘩 d 台仲逼過酒樓飲茶, 仲要播埋d唔知咩歌, 我覺得好似返左大陸鄉下地區服務就一般, 唔算好差, d 後生仔都幾勤力執野咁, 不過可能太多人佢地唔會有咩好servi
首先係比佢 “任食生蠔” 吸引, 但講真兩舊水, 比 d 咩你呢, 任食喎, 佢梗係計過條數架啦, 拎生蠔要排隊, 逐隻開比你, 每人3隻, 排一轉起碼 15 分鐘以上, 佢計過條數 你食兩粒鐘最多排到 3-4 轉, 根本佢都係專登開慢 d 架啦, 開快 d 你地咪拎多 d, 不過 d 生蠔雖然未發育, 但味道算 ok 可接受啦
其他自助餐的野食, 講真味道唔算差, 但款式真係少得可憐, 兩兜沙律兩兜多士兩兜湯咁就算, 仲有pizza… 真係未食過咁少款既自助餐
主菜, 我揀左牛柳, 估唔到咁差, 冇牛味, 又 “銀” 切唔開咁滯, 得兩條菜仔做配菜, 賣相+味道都超唔掂, 衰d 講句花園餐廳果塊都好食過佢, 我係度諗緊 d 人如果係比 $488 黎食唔知有咩感想…
仲有環境…… 望落個樣就ok, 燈光暗暗咁, 但係嘩 d 台仲逼過酒樓飲茶, 仲要播埋d唔知咩歌, 我覺得好似返左大陸鄉下地區
服務就一般, 唔算好差, d 後生仔都幾勤力執野咁, 不過可能太多人佢地唔會有咩好service, 感覺上呢間餐廳真係一 d 都唔高貴 (絕唔配 $488一個餐) 仲好有茶餐廳 feel添
埋單每人$238, 以呢個價錢食到塊百佳牛扒 + 9 隻蠔, 我自己覺得, ok 啦, 出去買 9 隻蠔, 平極都要百幾蚊掛, 你唔可以話佢好貴,但絕對唔係 “抵” ~~ 不過, 好老實, 冇下次, 同埋我同自己講以後都唔去呢 d 團購餐喇~ 雖然平好多, 但係真係食得好唔暢快, 咁唔暢快都 要比兩舊幾水, 算喇咪搞我...
張貼