Page Common

營業中

休息中

今年食咗好幾件Tiramisu，見Page Common嘅評價唔錯，咁啱路過入去食一次先。-食咗：▪️Homemade Tiramisu $52▪️Caffe Latte $40-Tiramisu 份量唔多，食完唔怕有好大罪惡感。面頭灑滿朱古力粉，可以輕易地一次過食晒所有layer。芝士滑溜，中間夾有浸過咖啡嘅蛋糕（唔清楚有無用到手指餅，不過夾心層軟腍腍）。但整體咖啡味同酒味都唔太重，食完無太大驚喜。*Tiramisu每日限量供應，想食可以問下先落單。-餐廳位於酒店大堂，座位開揚。自助形式，俾好錢後可以隨便揀位坐，食完自己執枱。

被稱為全港最好吃的Tiramisu🤤終於平日抽個空去試啦聽聞成日大排長龍or賣晒etc所以只好請假去🤭✨Tiramisu $52外間稱為全港最好食係唔係真係唔知喇畢竟未試齊外間不過佢入口即融感好強係真既咖啡味好重 質地極度幼滑絕對可以一試👍🏾✨培根果醬炒蛋bagel $98炒蛋好滑 bagel口感適中唔硬亦唔軟加埋咸咸既培根好夾🤤

想去CAFE飲杯咖啡，聽講呢間係酒店入面既Cafe既Tiramisu好出名，仲要每日只會賣36件，賣哂就無哂架啦，就黎試下有咩咁特別先！先講餐廳環境好闊好大，設計簡約文青Feel，感覺幾舒服，座位唔算多，但坐得好舒服。------------------------------🔵Cappuccino (Hot)$40小編好鍾意飲咖啡，但唔係話好識飲咖啡😂咖啡幾香，但個人覺得呢杯咖啡比平時飲既苦左少少，飲到最後仲覺得苦得制。. 🟢Homemade Tiramisu $52當然有叫到重點Tiramisu！望落去個樣幾靚幾岩打卡，食落去味道同平時食到既唔係話差太多，亦都唔會話好甜，酒味濃左少少，個Cream我覺得唔夠Creamy，芝士層太溶，好似無左一層層既口感，有D失望呀！.🟣牛角包$20味道都唔錯，入面唔會話太空間感而食唔到麵包。如果個皮可以更加脆會更加出色。.🔴朱古力牛角包$20 朱古力味既反而有D驚喜！食得出唔係一D平價既朱古力，又唔會太甜幾好食！朱古力味比原味出色。

✿被譽為全港最好食Tiramisu ✿之前經過位於尖沙咀嘅一間酒店，就唸住去試下全港最好食嘅Tiramisu，café 位於地下酒店大堂，簡約工業風，如果係假期就要早啲黎，賣曬就無了，之前試過三點黎已經賣曬🥹今次有幸可以食到😳—————————享用食品總結:🍫Tiramisu-鬆軟幼滑嘅cream，面上有不苦澀朱古力粒，中間蛋糕淋上咖啡加酒，半濕半乾，偏重咖啡味，微苦，中和cream嘅甜味🤤整體好好食，果然係全港最好食嘅Tiramisu，所以材料都調較得剛好，不過就少有酒味，如果重多小小酒味，就真係perfect🙈☕️凍Mocha-超濃咖啡嘅烘焙味，加上朱古力，完全唔苦，品嘗到黑朱古力底嘅可可香味，not bad at all😆高質酒店café —————————評分:💰性價比: 7/10👅味道: 8/10📷賣相: 8/10👩🏻‍🍳服務: 8/10💯總分: 31/40人均消費:$95—————————Page Common (尖沙咀)📍 地址:尖沙咀柯士甸道148號Page 148地舖營業時間:星期一至四: 0830-1730星期五至日:0730-1830—————————

聽人講呢間酒店既tiramisu係全港最好食既所以特登過黎朝聖一下🙈🙈是日星期六下晝時段 去到都排左二十分鐘我諗平日黎應該會少人啲-自家制tiramisu $52/件自助形式落單 自己出去買自己出去攞自己斟水坐低左就即刻去買😍😍好彩仲未賣晒🙈雖然份量比想像中細件 不過真係好好食🤤入口即溶 又好有咖啡味 絕對可以重複再食唔怪得咁多人黎排隊食 真係值得一等😚-有機會真係再黎食過🙈很好食的說 要推薦給更多的人

呢間酒店Cafe最出名係佢個Tiramisu，甚至話係全港最好食，因此來到Staycation一定要試下!Cafe係正酒店門口，一入到去就聞到好香咖啡味。佈置得好文青，嚟打卡十分適合。入住當日Cafe外面已經排住長龍，諗住check in完上房放低行裝再落去買Tiramisu，點知落到去已經賣哂!到咗第二朝，落去Cafe食Statcation Package包嘅早餐。Package包兩個牛角包同兩杯嘢飲，可以揀咖啡或者茶。牛角包好鬆軟，好重牛油味。Tiramisu($52)雖然係早餐，但都好想試埋個tiramisu 因為真係太難遇到！上層鋪滿可可粉，中間cream好軟滑，蛋糕又滲透了咖啡同酒。唔會太甜，好香咖啡味。唔鐘意太甜又鐘意咖啡味就非常合適。

Page common係Page 148 酒店lobby，雖然喺酒店lobby，但一啲都唔嘈，座位分怖寬躺，而且樓底高，所以空間感好強，就算坐中間大書枱位仍然會覺得同隔離同對面嘅顧客好有距離，坐得舒服，入到去就會被佢哋嘅三個冰滴壺吸引，真係真材實料滴俾你睇🥰試咗佢哋嘅Tiramisu- 係佢哋嘅signature，本身亦好鍾意食tiramisu，所以一定要嚟試吓，佢用意大利芝士所以食落好creamy，有咖啡味，但對於鍾意傳統tiramisu嘅我嚟講，就覺得欠缺咗杏仁餅同酒味，有啲可惜，不過總括都係好食嘅！蟹肉芫荽牛油果多士- 雖然芫荽唔係我嘅favourite，但佢用嘅份量唔多反而同蟹肉好balance，遮蓋咗佢嘅腥味牛油果多士- 牛油果份量好足而且新鮮，仲要有一層牛油果醬，鍾意食牛油果嘅人一定好like冰滴 - 用咗Momos嘅秘魯Geisha豆，我唸呢隻豆如果飲手沖會好飲好多House blend - 用Columbia & 巴西嘅blend 豆，偏nutty，啱晒我口味

喺各大平台見到話呢間係全港最好食嘅Tiramisu所以就去左試，叫左個牛油果炒蛋牛角包 同咖啡 個咖啡好好飲 佢有兩種咖啡豆選擇，我揀左single origin 佢有小小花香甜甜地，之後就食個蛋糕，可能我食慣左芝士蛋糕，所以覺得並不太大感覺，佢食落好重朱古力同咖啡味，口感好軟好似疏乎厘既感覺，最後食完記得啲餐具放返去回收處

傳說中排全港第一既Tiramisu?每日只賣36件?位於尖沙咀Page148精品酒店裏面,環境舒適,好適合一個人坐低睇下書休息吓hea下!Tiramisu $52黎呢度點可以唔試吓佢最岀名既Tiramisu,聽講會好快賣晒所以一大早就嚟食,呢款Tiramisu係偏向多cream小小,入口幾順滑,但咖啡味偏淡,冇咩酒味,亦都冇咩手指餅,個人認為一般,唔算特別驚喜,可能對佢期望較高,有啲落差,行過經過可以試下,始終個人口味唔同😂Expresso Tonic $45咖啡有得揀fruity或nutty,我就比較鍾意nutty多啲,咖啡味幾香,配埋Tonic真係好夾,甜甜地,唔想飲齋啡揀呢杯就最好🤣Page Common尖沙咀柯士甸道148號Page 148地舖[⭐️5分為滿分]味道⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️推薦⭐️⭐️⭐️

蟹肉芫茜牛油果牛角包$92有沙律伴碟，但份量頗少。牛角包好鬆脆，裡面的蟹肉味突出豐富，裡邊有牛油果粒及蕃茄，但牛油果再切細碎一點較為方便咀嚼，現在實在一大粒，吃起來很不方便。Tiramisu$52這是一件沒有餅底及沒有咖啡酒的tiramisu, 質地比較绵及creamy, 感覺像是在吃忌廉一樣。不是我喜歡的味道及質地。Ideaology 可自選咖啡豆在現場沖給你的，可選nutty或fruity,咖啡杯具很別緻。latte $40味道不錯，奶滑咖啡濃，很順很易入口。整個環境空間感很好很文青feel, 因為是酒店大堂的cafe，食物選擇不算太多，而且份量比較少，但飲品質素OK，跟朋友進來小酌一杯咖啡是不錯的。

上兩個月朋友約咗星期日嚟食被譽為最好味嘅Tiramisu。好彩約早啲，因為12點半嘅時候已經坐滿晒要等位。我地坐咗係吧枱望街個邊，靜靜地都幾啱傾計。有個小插曲，就係我地坐低半個鐘後有侍應過嚟話有時間限制要還枱，其實我地無所謂嘅反正都趕住食完去第二度，不過點解唔喺我地入座個陣講呢😅蟹肉牛油果多士比預期好食，多士外脆內軟，牛油果夠新鮮creamy。反而Tiramisu有啲失望，唔係唔好食嘅，唔會太甜係，但係亦唔夠咖啡/酒味，可能係唔適合我。試一次都ok。為左個蟹多士，呢間可以有下次嘅。

鍾意食tiramisu 既人應該好多都聽過page common，想食左好耐終於去左食啦😛🤍。Cafe就係酒店下面，環境好闊落好大，樓底好高。枱都好大，坐得好舒服🤍最重點嘅食物方面，tiramisu（$52）真係好好食😍，上面一層可可粉，中間係cream同蛋糕。首先佢個cream好細滑，芝士味好香。蛋糕浸滿expresso 同酒，質地好濕潤，咖啡味好濃～整體既味道食落係偏苦，唔會甜😍，食tiramisu最驚就係甜。唔知佢係唔係全香港第一，但係好好食就係真既😛。另外叫左杯mocha（$42）同pizza bagel（$98）。☕️ Mocha可可味同咖啡味都夠濃，味道偏苦唔會好甜，入口好順滑，奶打得好好～🥯 Bagel幾好食，夠煙韌，表面又夠脆，口感唔錯😛。沙律菜幾新鮮，配油醋巧清新。除左tiramisu 巧巧食之外，佢地既環境，咖啡同食物都幾唔錯，好推介大家黎試下～

-//位於佐敦Page 148精品酒店既人氣cafe☕️Cafe就主打咖啡、牛角包、甜品、沙律等等另外有售精品、香薰蠟燭、毛巾、咖啡豆等Tiramisu每日限量供應，只會賣36件就無喇！📍Tiramisu $52之前一直都好想試，但次次都火速賣晒囉🤣今次入住埋酒店，晨早流流就落咗去食喇😎不過個人覺得舊tiramisu冇想像中咁特別🫣但聽聞就係用上意大利Mascarpone芝士整忌廉就真係好軟 好cream🤩入口係好順滑既但酒味唔算重，得好少既咖啡味🥸唔夠濃郁另外手指餅份量都比較少😂感覺係普普通通不過算層次分明，頂層再放可可粉賣相又幾靚🤣如果大家經過都可以試吓，但要早啲嚟食呀*#尖沙咀美食 #餐廳推介不設加一服務費✖️抵食程度：🌝🌝🌖🌚🌚📍Page Common (尖沙咀)尖沙咀柯士甸道148號Page 148地舖

可能因有Expectation，又或不太好彩吧，今天吃的Tiramisu，我覺得只有B級的評分。以今天吃的計，有幾個原因，令這件Tiramisu 上不到B+ 以上。第一，是Mascarpone芝士和浸了咖啡酒手指餅的比例及層次，一般人愛吃Tiramisu 主要是陶醉於其香甜滑軟芝士層，故較討人歡心的version，必然是芝士比例要較手指餅多，今次這件有點1:1吧，另外，可以鋪一層薄的手指餅或蛋糕，再鋪較多份量的芝士，再加薄手指餅層，要梅花間竹般，層次才更豐富，因底層加的Mascarpone太薄，故兩層手指餅便像融合為一，就做不到以上所說的效果。第二，可能雪得不夠，令到芝士層太溶或稀，也發現手指餅層太濕，咖啡酒或咖啡液瀉了出來，吃入口，感覺不夠挺身，也就更令咖啡味顯得過苦濃。第三，撒上面的朱古力粉，沒有給我香醇的風味，入口沒有令整件Tiramisu更迷人的效果。總括來說，Cova, Grappa's, Pici，甚至Amaroni's 的Tiramisu 更得我心！這兒的環境，雖然和酒店Check-in Lobby連接， 卻屬歐洲型格簡約風，而且座位分佈出色，令顧客能享有各自舒服的空間。

1️⃣ 無花果帕爾馬芝士多士 $88推薦指數：👍🏻👍🏻👍🏻👍🏻我原以為無花果與牛油果🥑的配搭會怪 但食落又覺得唔錯 甜甜的無花果配上口感幼滑的牛油果🤩不錯2️⃣培根果醬炒蛋披薩貝果 $98推薦指數：👍🏻👍🏻👍🏻👍🏻👍🏻貝果🥯的煙韌 濃濃的小麥香味 培根果醬和炒蛋的配搭非常夾 好食3️⃣提拉米蘇推薦指數：👍🏻👍🏻👍🏻👍🏻期待太高 以致有少許失望😆忌廉芝士一層香滑 但手指餅的咖啡味道略嫌不足------------------------------餐廳位置不多 非常空曠的地方 私隱度不足😂會有很多人進出 如要悠閒地嘆咖啡 不推薦😆總評味道：⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️