Paisano's Pizzeria (已結業)

由於今晚有英格蘭足總盃睇嘅關係，爹哋要返屋企睇波，所以今晚我們去咗之前都買過嚟食覺得都幾好，喺旺角登打士街嘅「Paisano's Pizzeria」買外賣自取返屋企食！我們買咗兩個M size pizza，分別係夏威夷風薄餅同烤鷄薄餅，由於係即叫即做嘅關係，店員同我們講話要等20分鐘先有，我們話好無問題，但結果等咗30分鐘先有，薄餅係厚批，質感都幾軟熟，夏威夷風嘅味道比較香甜清新，唔會有好膩嘅感覺！而烤鷄嘅味道就比較怪，肉質亦比較「粗嚡」，令我們覺得有啲失望！燒鷄香蒜蝴蝶粉嘅蝴蝶粉質感好煙煙韌韌，燒鷄嘅肉質亦都係比較「粗嚡」，醬汁嘅香草味過度濃郁！鷄寶係好似平日食開嘅「X樂鷄」咁，肉質都幾鬆軟，唔會好乾身！炸薯條炸得都幾外脆內軟，而且係粗身嘅，所以口感比較豐富！

今日情人節，孤零零一人，又走去廣華街食野，在茶湯會買左杯野飲，經過呢間薄餅店，好耐無食啦！進入店內，女職員在弄什麼東西，之後我用英文跟她落單，但是她番埋去 cashier 時塊面黑晒，真係好誇張呀！香港食肆好多服務態度超級差，好似我欠佢錢咁，太扯了！由於唔想係店內食，走左去公園到食呀，見到好多小情侶在拍拖，真的觸景傷情。 我點的 Hawaiian pizza 超大塊，她幫我 reheat, 味道不過不失， 但係算做抵食吧。

Paisano's Pizzeria 位於旺角同油麻地中間，所以搭地鐵在旺角E2出口或油麻地A2出口都係差唔多入去見到堂食位置很少，有d人會企係度食Pizza款式有五六款左右，有素食人士都適合食既，有肉食獸岩食既，仲有我呢d芝士控岩食既Margherita Slice $35一塊12吋 $35絕對抵食！揀左我鍾意既芝士加番茄既組合 不錯不錯唯獨一塊真的太大塊了 食曬很飽滯 pizza面也很油 不過沒辦法 芝士就是這樣的d芝士好多好多 又拉到絲 熱辣辣勁正！芝士控不要錯過

其實佢餅底麵粉幾香，芝士咸香都夠，意式肉腸就比較少同淡，但唔知係我焗咗响紙袋入面五分鐘，諗住行去對面公園食，所以個料同個餅中間勁濕，淋哂，濕笠笠另外，個收銀係皮膚偏黑嘅外國人，無禮貌到不得了。佢其實識啲廣東話，有個婆婆買簿餅，問佢雞肉辣唔辣嘅，問多兩句就轉身對住個同事反哂白眼，仲用個夾扮想掟個婆婆。到叫我個號碼，一次叫咗兩個號碼，咁我行到櫃枱，比張飛佢咁邊個係？因為佢兩個單都無號碼响旁邊，佢就好唔耐煩用兩張手指夾起個袋，話this is no. 91! 91! 我點知邊個係？你又唔寫號碼，我攞錯咪仲衰唔知係旺角太多大陸人定太忙定真係禮貌係咁差？

上次我和男友在灣仔的分店叫了一塊辣肉腸pizza，一試難忘。所以，今天我和男友去這間旺角分店再吃一次。我們叫了3塊不同口味的pizza，包括辣肉腸pizza，教父pizza和招牌pizza。另外叫了一份雞翼，另加$10要薯條。味道方面，以為pizza會像上次一樣美味，怎料…十分失望！雖然Pizza熱騰騰的，但餅底太厚了，而且淡而無味，感覺十分乾憎憎的！餅底又不脆口，而且又有點硬，十分難吃！另外pizza的餅底十分油，整口都是油膩膩的感覺，吃了幾口已經不想吃了。配料方面，辣肉腸淡而無味，完全不咸，十分難吃！雖然很多芝士，而且吃下去很（漏），但卻沒有芝士的咸味，全塊pizza都淡茂茂的，很難吃！招牌pizza的配料有一些怪味，十分難吃！惟一比較美味的便是雞翼和薯條了，薯條是粗薯條和即炸的，外脆內軟，不過鹽太少了，不夠咸。雞翼竟然是小雞腿，為什麼要叫雞翼？不過雖然炸得比較燶了一點，不過雞腿肉都十分嫩滑，味道不錯的。價錢方面，辣肉腸pizza$30，教父pizza$40，招牌pizza$45，雞翼$20，薯條$10，2人總共$145，其實都很昂貴。總結來說，這間餐廳的pizza變得難吃了，而且

今日特登過去旺角呢間鋪頭，本身想叫個24吋嘅薄餅，但諗諗吓都好似好大件咁，驚食唔晒，所以最終叫咗個16吋就算啦！我叫左一個煙肉芝士漢堡薄餅和菠菜餡餅，我係外賣嘅，等左大約15分鐘到啦！都唔係好耐。回程返屋企嘅時候好香好香薄餅味。但回到家個薄餅凍哂，返到屋企要用焗爐焗返熱佢。嘩！超香超香超香超好味！個菠菜餡餅都好好味，流晒啲汁出嚟菠菜味道勁重。所以我下一次一定要叫一個24吋嘅薄餅。和其他小食。值得推介超大件薄。

今日下午我們去咗旺角登打士街嘅「Paisano's Pizzeria」買外賣自取返屋企食！我們買咗意式海鮮pizza嘅材料非常豐富，有雜錦海鮮、洋蔥同芝士等等等等⋯⋯雖然芝士嘅份量都幾多，但絕對唔會有好膩同好滯嘅感覺，可能係因為即叫即做嘅關係，所以薄餅嘅質感相當煙韌軟熟，海鮮好爽甜彈牙，再加埋香甜嘅洋蔥一齊食，真係好好味！

晚上7pm 經過，見唔多人，仲有位坐，就又再次幫襯，因為我覺得呢間pizza 真係大件夾抵食。今次叫左：夏威夷薄餅$35法式薯條$20落完單開始多人入店，等左5 分鐘左右，就有薯條先。French fries $20（8/10）：影相睇落可能唔多覺，但實質佢係好大份，仲係熱辣辣新鮮即刻整起比客人。我個人會覺得抵食過隔條街賣炸薯條加唔同醬就收你$27 或以上既個間店。而且呢度既份量一定多過杯裝，基本上如果你細食，呢度$20 可能等於你食左兩個半薯仔講返薯條永遠新鮮炸起，熱辣辣既時候就最好食，佢唔會好鹹，食到既味道係少少鹹加多多薯仔味，脆度亦剛剛好，唔會太軟又唔會太乾硬，配埋蕃茄醬，。 **不過如果你對啲醬汁好有要求既話，又唔鐘意茄汁，都係建議你食返$27 個間店夏威夷薄餅$35（4.7/10）：都係大份，但呢個薄餅就令我有啲失望。因為第一，佢唔夠熱，菠蘿凍既。第二，個薄底本身麵包多同厚係無乜味既我都可以接受，但佢個面啲蕃茄醬同芝士又薄又凍，火腿都係麻麻，真係似乾食一件又大又cheap 麵包充飢咁。下次應該要佢比新鮮整或者熱啲既薄餅比我，呢間店整體比我印象唔差，但薄餅口味口感真係有參差，去

呢間店出名薄餅大份夾抵食，每件大大塊薄餅都係賣$30-$45 左右。晏就兩次幾三點個度無咁多人排隊，仲有位可以坐！我掙扎買辣肉腸薄餅定夏威夷薄餅（菠蘿、火腿、芝士）好，最尾都係買左辣肉腸，因為平啲。即買堂食，佢即刻一秒就夾起左塊薄餅放落鐵盤，熱辣辣，即刻拎餐具切開薄餅食，芝士口質好充足，辣肉腸亦平均地分佈係薄餅既每個各落，所以唔會太鹹，味道岩岩好。小胃口既兩人食就不錯，大胃口既，食左一件都已經飽飽地！

晚餐時間，兩個人唔係好肚餓，又想食小小野，就買一塊巨大pizza分黎食。點左拿坡里Margarita $35，應該係12吋，成塊面咁大，見到舖頭好迫，叫左外賣，用紙袋入住，比埋紙碟，見到塊pizza咁新鮮熱辣咁香，都係唔好行咁遠，去舖頭門口企住食。Margarita其實無咩餸，主要係大量拉絲芝士加茄醬再加番茄粒，茄醬同芝士都好惹味，最緊要係好濕潤好juicy，蕃茄粒好鮮甜好多汁，非常香口，個餅底好軟熟，個批邊就焗到小小脆，兩個人咬到停唔到！總結：好味，不過如果想一人一塊，最好揀個肚餓d既日子黎，因為pizza真係好大塊。

估唔到呢間pizza舖嚟到旺角開店...今次order咗pepperoni pizza...好大塊...好夠熱...少少辣...芝士加埋辣肉腸...  喺外面望入去...其實地方唔細...估計容納三部輪都無問題...仍然有地方比其他人郁動...奈何門前有一級仲要好高...手推輪椅無人幫嘅話...基本上都比較難入到...電動輪椅...買外賣吧...最初見到呢間pizza店真係既興奮又有少少失望....我覺得以連鎖pizza店嚟講...pizza口味算幾多...pizza水準都保持到...而失望嘅係...間食店係新開...點解唔做多步整斜道比輪椅使用者出入?!因為附近一帶都無乜公園之類比輪椅使用者停埋一邊慢慢食...而且pizza需要夠熱先好食...雖則pizza會入紙袋...但有時太熱會覺得燙手... 今次其實想買埋飲品...但實在無手可以拎到...最終只能order pizza一塊...

每次經過見到都好想試下,但一個女仔又試唔到咁多種口味。呢一日,咁岩有人話想食pizza,終於有人陪我一齊試啦我地每人叫左一份pizza, share黎食分別係"招牌pizza" 同埋 "辣肉腸pizza"另外加多左份粟米波,知我鍾意食粟米招牌pizza:好多配料,好豐富好好味呀!而且個餅底好好味,唔會覺得un.辣肉腸pizza:雖然冇招牌咁多料,但辣肉腸同芝士都好足夠,啖啖芝士好正呀!粟米波: 即叫即炸,好香脆,好多粟米好carem好juicy! 就算放耐左食都仲有d脆ga.新鮮出爐既pizza和粟米波真係好好味諗住一件Pizza怕唔夠, 原來食落都好夠飽。下次仲想試埋其他口味既pizza,仲有其他小食!

宵夜你地會食咩? 我係食pizza🍕 炸雞同同炸洋蔥圈😝因為臨近12點收舖，得返一種pizza選擇:Four Cheese Pizza $45岩岩新鮮出爐，熱騰騰，好大塊好滿足，而且厚度剛剛好，讚👍Buffalo wings $30肉質仲好嫩滑炸洋蔥圈 $30唔會只係食到粉Iced mango drink $10芒果汁沙冰，好抵

餐廳名稱：Paisano's Pizzeria地點： 旺角登打士街43號登打士廣場地下3-5鋪菜式：燒雞香蒜蝴蝶粉評分：8／10份量：一人份量味道：稍嫌重味了少許，汁有點咸和太濃，但燒雞非常入味，沒有吃雪藏雞肉既淡味感覺。價錢：$70評價：香草燒雞肉配上蕃茄，香蒜醬汁及蝴蝶粉，味道特別。Paisano最特別的是巨型的 Pizza，值得一試。近年來其他 Pizza 專門店的水準都是一般，相信Paisano 會有獨特的市場。

Come for the big pizza slice here. Normally it's pretty busy. When u walk by, u can already smell the pizza which is pretty gd .I tried the big slice haiiwaiian pizza and corn nugget . The toppings of the pizza are : pineapple, cheese, meat , it's thin crust . U can add Tabasco n cheese powder as u wish .Taste of pizza is pretty good as I add some Tabasco on it . Make sure u ask them to reheat in oven as it taste much better when hot. However the corn nugget isn't tat gd. It's just some corn n s