影片
更多
2016-10-21
812 瀏覽
晚上7pm 經過，見唔多人，仲有位坐，就又再次幫襯，因為我覺得呢間pizza 真係大件夾抵食。今次叫左：夏威夷薄餅$35法式薯條$20落完單開始多人入店，等左5 分鐘左右，就有薯條先。French fries $20（8/10）：影相睇落可能唔多覺，但實質佢係好大份，仲係熱辣辣新鮮即刻整起比客人。我個人會覺得抵食過隔條街賣炸薯條加唔同醬就收你$27 或以上既個間店。而且呢度既份量一定多過杯裝，基本上如果你細食，呢度$20 可能等於你食左兩個半薯仔講返薯條永遠新鮮炸起，熱辣辣既時候就最好食，佢唔會好鹹，食到既味道係少少鹹加多多薯仔味，脆度亦剛剛好，唔會太軟又唔會太乾硬，配埋蕃茄醬，。 **不過如果你對啲醬汁好有要求既話，又唔鐘意茄汁，都係建議你食返$27 個間店夏威夷薄餅$35（4.7/10）：都係大份，但呢個薄餅就令我有啲失望。因為第一，佢唔夠熱，菠蘿凍既。第二，個薄底本身麵包多同厚係無乜味既我都可以接受，但佢個面啲蕃茄醬同芝士又薄又凍，火腿都係麻麻，真係似乾食一件又大又cheap 麵包充飢咁。下次應該要佢比新鮮整或者熱啲既薄餅比我，呢間店整體比我印象唔差，但薄餅口味口感真係有參差，去
今次叫左：
夏威夷薄餅$35
法式薯條$20
落完單開始多人入店，等左5 分鐘左右，就有薯條先。
French fries $20（8/10）：影相睇落可能唔多覺，但實質佢係好大份，仲係熱辣辣新鮮即刻整起比客人。我個人會覺得抵食過隔條街賣炸薯條加唔同醬就收你$27 或以上既個間店。而且呢度既份量一定多過杯裝，基本上如果你細食，呢度$20 可能等於你食左兩個半薯仔
講返薯條永遠新鮮炸起，熱辣辣既時候就最好食，佢唔會好鹹，食到既味道係少少鹹加多多薯仔味，脆度亦剛剛好，唔會太軟又唔會太乾硬，配埋蕃茄醬，。
**不過如果你對啲醬汁好有要求既話，又唔鐘意茄汁，都係建議你食返$27 個間店
夏威夷薄餅$35（4.7/10）：都係大份，但呢個薄餅就令我有啲失望。因為第一，佢唔夠熱，菠蘿凍既。第二，個薄底本身麵包多同厚係無乜味既我都可以接受，但佢個面啲蕃茄醬同芝士又薄又凍，火腿都係麻麻，真係似乾食一件又大又cheap 麵包充飢咁。
下次應該要佢比新鮮整或者熱啲既薄餅比我，呢間店整體比我印象唔差，但薄餅口味口感真係有參差，去買pizza 要識得揀！先至係老闆hahahaha
我下次諗住試四款芝士個個pizza, 希望佢會熱辣辣得來，口感又好啦！鐘意食平pizza 既你，stay tune
張貼
