Paisano's Pizzeria

營業中

休息中

佈置簡陋，座位不多，但依然其門如市。叫了薄餅，鷄膇伴薯條和汽水。薄餅饀料不多，有火腿菠蘿，勝在不斷出爐，新鲜熱,辣，香脆可口，十四吋小塊，二十多元，幾抵食，鷄膇薯條都幾香脆，唔錯的消閒食肆。

這裡的薄餅出名夠大又多材料，每次經過都香氣撲鼻，令人忍不住進去點一片。但這店唯一的缺點就是通常都沒位子，西貢的分店比較寬敞，找到個位子，就忍不住大快朵頤了。薄餅必點是Hawaiian風味，有菠蘿的香甜，一如既往的脆。今次想嘗嘗意粉跟小吃，就點了一份白汁雞皇長通粉和雞翼拼薯條。意粉是即叫即做的，新鮮又不會太稔。雖然雞翼變成了雞槌，但也惹味，薯條更是超級粗，棒！這不失為pizzahut以外 薄餅的好選擇。

第一次嘗試學人寫食評, 選擇了西貢的Paisano’s Pizzeria, 頭一次幫襯, 點了個4人餐, 有16吋pizza一個, 兩個意粉, 一個沙律, 4件甜品加4杯飲品, 再單點加個洋蔥圏, pizza料選了沙樂美腸同燒雞, 大大件, 又鬆軟, 意粉有白汁雞皇蝴蝶粉, 好濃郁的芝士味, 愛好芝士的我就啱哂, 同帕爾瑪雞肉麵, 個人口味就覺得個意粉比較硬左少少, 但雞肉就唔錯, 切開感覺肉質應該好乾, 但食落又係另一會事, 沙律蔬菜新鮮, 沙律醬汁就好似唔多夠, 洋蔥圏有d失望, 唔香又比較硬, cheese cake還可以, 好彩最後杯芒果沙冰有驚喜, 超濃芒果味, 熱辣辣的天氣飲返杯, 簡直透心涼.

呢間pizza以大大塊出名 記得中學果陣好多人會走去食有時行過間舖頭門口陣陣香氣噗埋嚟都覺得好吸引Pizza就食得多啦 今日覺得試埋佢d pasta不過都係整塊pizza先Bacon Cheese Burger係我大愛濃郁既芝士味加上鹹香既煙肉真係好邪惡既組合pizza一上檯都幾脆 但係會淋得好快 所以要快快食芝士怪另外再加左芝士粉食 簡直係多種芝士既享受啊Pasta我地叫左Famous Lasagna份量都算幾多 鍾意配一舊好煙韌既熱辣辣Garlic BreadLasagna肉醬份量超多 每一啖都係滿滿既肉醬上面層芝士都好足夠 完全夠食食食下會開始覺得流 所以同人share就最適合啦我地仲叫左個Onion Ring佢d小食平平地細細份多人既話可以叫多幾款試洋蔥圈好脆 入面既洋蔥完全唔會有生味 好香個個嚟呢間舖頭淨係會留意到cashier隔離show出嚟既大大塊pizza冇乜人會留意到佢d pasta但真係意想不到既好味見到隔離檯食Pesto蝴蝶粉好似好吸引咁決定下次再試埋佢

正所謂Work hard play hard, 每逢週末假期, 當然要把握機會「喪玩」一場！西貢, 鄰近大大小小的潛點, 海水清澈、生態環境佳。喪玩過後, 筋疲力盡, 體力嚴重透支。上岸第一刻, 腦海只有一個理念, 食！Paisano's Pizzeria屬於一間快餐連鎖店, 分店集中於港島區。總店設於西貢, 由碼頭步行大約3分鐘時間, 夾雜著肉醬、芝士的香氣由店內湧出來。店舖裝修簡單, 普通的快餐店格局。教父之選薄餅 Godfather Pizza $40以多款芝士、辣肉腸和調味料制作而成。芝士味道濃郁芳香, 辣肉腸非常惹味。口感香脆味濃, 每一啖均能享受到芝士豐厚的邪惡口感。芝士迷必食推介！

Pizzas are slightly warm, Crusts: uneven thickness, damp texture (feels like mixing water in tissues) in the middleIngredients: only 3 little pieces of pineapple and 5 tiny pieces of ham on one big slide of Hawaiian pizza. I feel like eating steam bread with some cheese.

最近天氣很冷，每天晚上都想不到要食甚麼，只是一心想要回到家裡的床上，兩個人還是快快的吃飽就算了。Bacon Cheeseburger：由免治牛肉、脆香煙肉及車打芝士組成。可惜煙肉及免治牛肉的份量太多，鹹度太高，不過芝士味非常濃郁。加上薄餅邊烤得剛剛好，外層非常香脆，裡面卻又很鬆軟。The Godfather：有火腿、意式肉腸、辣肉腸及洋蔥。肉類比例剛好，雖然肉比較多，但洋蔥的出現就正正中和了肉類的油膩感。總結：一人一件PIZZA不多也不少，性價比蠻高的一間連鎖店。

間5時都會叫Paisano, 咁今日就有朋友上黎我地度, 平時都會死返出去 SK town 食野, 但今日大家都想留o係屋企度食, 咁佢係西貢極少數肯送外賣的餐廳之一所以就叫左佢,  我地3個人叫左2個細size 14" 的都覺得好多, 聽我男人講佢地之前試過買Large size ( 24" ) 的take awya, 因為實在太大, 所以一邊行返屋企一邊俾勁多人望住。送到黎屋企個pizza都仲係熱辣辣, 咁我自己就鐘意食美式的Pizza, 所以佢好o岩我口味, 外面較香脆, 中間就軟身, 而且幾足料之前都有試過食Paisano的沙律同埋小食, 味道都唔錯 ! 價錢都算平, 值得一試! 

全世界既人都鍾意食pizza，方便飽肚好味！我就最鍾意喱係屋企一路煲劇一路食啦，但今日係街經過paisano，忍唔住啦，即刻食返件先啦！pizza好大塊，有優點有缺點啦，一塊就飽係優點，但食一塊就飽又係缺點，哈哈！無得食蛋幾款呀麻，所以同一大班朋友食最開心！

這天在西貢行山後，經過這家pizza店看到有bacon cheeseburger口味pizza。雖然不是第一次食，不過之前在旺角好像沒有看到這款，於是買了幾塊回家。分別買了paisano招牌pizza，hawaiian，Bacon cheeseburger和pesto chicken. 幾乎每次都會點他們的招牌pizza 和Hawaiian, 因為喜歡pepperoni和 pineapple。但試過bacon cheeseburger 口味後覺得也不錯，在焗熱後的味道真的有點像cheeseburger，在加上薄而脆的餅底，正! 至於pesto chicken就麻麻，沒有怎樣吃到pesto sauce的味道，雞肉也是超級無敵細粒，幾乎看不到。

當日同一班朋友預備入去麥理浩夫人渡假村玩，我地就諗住周圍搵下野食先，咁我朋友就好想試下食呢間野，因為佢未試過食大Pizza，當時已經8點左右，所以都唔係太滿座，等野食都只係等左一陣，我地仲係果度坐左好耐添～因為咁岩個餐廳播住我好鍾意既英文歌呢間餐廳簡直係既野食雖然未稱得上係人間美食，不過都叫一分錢一分貨，材料俾足、而且餐廳環境都好，而且比較細食既人真係可以一塊Pizza就飽架啦，所以如果你唔嫌西貢遠左Ｄ，你都可以黎食下架！

Paisano's Pizzeria @西貢工人姐姐day off日, 來個簡單晚餐-order PIZZA, 猜星期日Paisano應該很忙, 打定電話order然後揸車出去拿. 講低電話number已有我資料, 省時方便getThe Godfather 沒想到10分鐘車程我地個small size pizza已經ready for pick up, 原來打電話的order不可以八達通pay(長知識), 好左帶了credit card！Pizza keep在店的大焗爐, 拿上手時盒子還是熱烘烘, 整個車廂都彌漫著pizza香味, 3個大人share一個細size, 都太多, 剩下做明天lunch, 這非常足料的的「教父」名副其實, 首先是重手芝士打底, 然後每一個切件都鋪滿大大塊醎香味十足的pepperoni, 很多粒肉質鮮美的意式sausage, 很多圈洋蔥+火腿片, 配上薄薄批底, 焗得鬆脆的批邊, 吃了像塊面大的slice後已飽, 但抵擋不住味美而多吃了一小片, 滿足！希望有一天我有機會order那個size有整張枱大的pizza～

難得星期日晚可以2個人食，又想hei食晚餐，所以去左西貢市中心食pizza!依間pizza店既尺寸真係大過你塊面，亦都係佢既特色～依晚我地點左個pepperoni slice, 啤酒 同魷魚圈拼薯條！原本想食個海鮮拼盤，但賣晒，不過魷魚圈拼薯條都唔差，一上枱已經聞到d香噴噴既魷魚味，仲要熱辣辣，所以要放涼一陣先。食落口真係外脆內唔係軟，而且新鮮！薯條係粗薯條岩晒鍾愛薯味濃既人！Pepperoni slice 我d港式叫法即係腸腸pizza,腸腸都唔少，不過cheese 味蓋過腸腸味。依度最正既係薄底pizza,岩我依d鍾意食香口野既人😋

係camp site玩完一日，肚餓啦，由於大家都唔想食camp入面個頹can, 所以決定坐車出番西貢覓食係我地食大餐之前，我地先做左蚊既大餐! 因為等小巴果度劇多蚊一去到西貢，大家都係想成隻牛吞落肚既狀態!離遠已經見到間餐廳…燈火通明，座位都ok,坐得都舒服既!! 佢廚房採用open kitchen設計，你完全睇到佢既製作過程，當你點完pizza之後，佢會即場焗翻熱比你食，所以好好味!我地5個人叫左4塊大pizza + 1個沙律1) 四重芝士 (3.5星)- 塊pizza全部都係芝士，望落好吸引- 味道就…食黎食去都係得1種味only, 說好的四種芝士呢?- 太多芝士，有點油膩2) 海鮮pizza (3.5星)- 4個pizza入面最淡味既，但淡味一樣好食- 白汁味道好出，海鮮都好彈牙! 唔錯3) Paisano Pizza (4.5星)- 個蕃茄醬底好好味! 好濃既蕃茄味- 配料好多!4) 夏威夷pizza (5星)- 蕃茄醬底 加上菠蘿，酸酸地，好refresh令蕃茄味道多個層次，又冇咁膩，最好食係呢個!5) Paisano沙律+ Caesar dressing(4星)- D菜好多

今天2016-09-25，大約下午6時，我與三名朋友光顧貴店，當時我向一名女職員點餐，點餐時該名女職員已經單手（托下爬）單手落單，我點的是menu上pizza列最下三個pizza，每樣一片，然後亦點了一些別的食物，當我回到座位上，正在檢查單據時，已經被通知可以前往取餐。取餐後，我發覺pizza有四片，於是前往櫃台向該名點餐廳女職員說，但她的回覆竟是：「（英文）你剛才向我點的是最下面4種Pizza，各一片，FUXK!!（粗口）」。然後當該名女職員在我的鐵盤上取回該片pizza後，她大力丟回到自己的pizza板上。這行為令我、餐廳其他職員、客人大感吃驚！！！她的專業並不足夠，禮貌欠佳。最後只能說句：心情影響味覺。