Panash Bakery & Cafe (已結業)

又到左逢星期五下午茶拉，做得咁辛苦鬆一鬆先，今次去咗新蒲崗一間大型商場地舖嘅餐廳，一間出名咖啡嘅西餐廳，叫咗個下午茶，西多士配芝麻雪糕，再加一杯熱咖啡，咖啡非常香濃而且滑身，愛咖啡一定要試吓，西多士炸得香脆而且西多士內用左芝麻醬，再配上芝麻雪糕非常一流，冰火口感融合一體，芝麻雪糕非常香嘅芝麻味，而且環境坐得舒服，悠閒嘅一個下午茶

上星期放假帶埋小狗出去做運動，之後就喺新蒲崗食早餐，呢間餐廳有露天茶座，正好今天天氣不算悶熱，又可同小狗一齊在室外嘆咖啡食早餐！早餐價錢 一點也不貴， 除咗有多士，煎雙蛋薄切牛扒， 薯餅仲有靚咖啡。煎雙蛋係太陽蛋，蛋邊仲係脆的，一啲都唔馬虎，比鄰近嘅茶餐廳好好多!薄牛扒，早餐嚟計，都算唔錯！可能呢個商場係可以俾狗仔出入，所以好多露天茶座客人都帶了一隻小狗，新蒲崗舊區加上新嘅商場，難得有一個寧靜舒適嘅室外環境， 確實值得推介！

很久前，在這裏吃過兩三次下午茶和午餐 ，無論服務和食物都不太好，跟外面的Panash比較，屬於差。所以，自此之後，就沒有再來了。今天我和Honey來到這裏吃下午茶，叫了兩份下午茶餐，食物和服務，都較之前有改進。越南米卷芒果軟殼蟹：軟殼蟹新鮮炸起，外脆，還有軟殼蟹肉，不只是蟹殼。芒果很新鮮，整體感覺很清新。另外，又叫了黑芝麻西多士配雪糕：西多士夾著的芝麻醬很多，多士剛炸起，也不油膩，配雪糕吃，很好味。我們叫了咖啡和港式凍奶茶，港式凍奶茶好飲。今天侍應的服務態度良好。跟之前比較，今天的經驗，愉快得多，喜見進步。

休閒下雨天的星期六午餐，瞓醒已是午餐時間，又唔想去酒楼食肥膩嘢，就決定食西餐。叫左兩個lunch set，芝士煙肉豬扒飯 + 帶子意粉。有餐湯，有主菜，有餐茶。餐湯有意大利菜湯和忌廉湯，我鍾意菜湯，老公較喜歡忌廉湯。餐包有普通和香草包，明顯是自家製作，OK好味。主餐，我覺得意粉好食過飯，飯d汁唔夠多，同埋啲芝士好快就痴埋一嚿，豬扒也略硬，味道一般。意粉見唔到有幾多吞拿魚，帶子1-1.5cm 闊，係咪叫帶子？ 重好似冇落鹽，惟有自己落返少少鹽同胡椒粉，調返個味，但居然好食咗好多

想悠然食個午餐，望望見到有張二人枱，即刻走入去食今日個menu都幾吸引，但我一心想食意粉，所以就揀吞拿魚帶子意粉個餐包可能叮過，熱得有啲過份我揀咗忌廉湯，味道一般帶子係細細粒嗰種，味道都ok，我最鍾意意粉嘅軟硬度！有少少咬口，唔太淋！個餐$68，加埋一就$75，同區比較算係貴啦，久唔久食吓都ok

新蒲崗Mikiki間Panash餐廳由開張已有去食，睇住D侍應一個轉一個，我貪佢有露天坐位可以吸煙至去食，每次去到坐下都沒有侍應理會，坐咗15分鐘要自己行入去問佢地，一到晚上8:30就叫客人埋單，佢哋趕住收工，食品餐單好耐先轉一次，星期六日好多客拖住狗隻去，仲坐上張凳度..............................

今天去tea, 侍應A隨手一指，雖是卡位，但對住門口，開門闗門冷氣熱氣相撞，怎會舒服。店裡空位不少，自己找位坐下，A過來收拾杯盤，打翻了水杯，他道歉拖地又遞上大疊紙巾，我什麼也沒說，但布鞋褲腳都濕了。朋友來到我們一起點餐，朋友點黑咖啡，咖啡來了，但附上一杯奶，奇怪。我點的凍焦糖咖啡頗甜，於是慢慢飲，想等冰溶溝淡, 那件沒有一點酒香的tiramisu已快快吃完（味道不合格）。我和友人傾談間，侍應B來收碟，到我想飲凍啡時原來一併收走了。我問B為什麼不問一聲就收去，B理直氣壯說飲品已融成冰水, 並說若有需要她給我端來冰水。嘩！態度差到極點，沒說對不起。我說不用了，請她下次收走客人杯碟時問一聲，這是尊重。我肯定沒下次，只希望以事論事，不致再有客人「受難」。尚幸目睹經過的侍應C說了句是的，要有尊重。

又到午餐時間，想坐得舒服又吾迫，又糸咖啡份子，就可以選擇佢，叫左個香橙排骨飯，嘩，要$66，仲要加一，排骨有六條長長的，肉質淋，味道不是太出，冇咩香橙味，咖啡就正，又香濃及滑身！

我真係俾左好多次機會俾呢間野，我基本上每個月都需要來這間餐廳幫襯一次，我真係試哂佢呢間lunch set,吾明點解可以咁難食，今日點左個石頭鍋頭配帶子，帶子下面佢配左咩汁，好似生粉水開的汁，除左一點鹹味，食吾倒其他！我試左咁多，除左麵包同沙律係一般，其餘都好難食！，唉呢間野真係好差，飲品正常，咖啡吾錯

為左Thomas主題pancake而來, 嘩d服務差到... 完全唔似一間餐廳應有的禮貌..............................

日式西多士配雪糕 $52星期日，好得閒同朋友去咗Mikiki，食下飯，放下狗狗，hea下。原本想幫襯加州比薩，因為帶狗狗所以只可以坐出面，而個一千零一張outdoor嘅台就比較需要多啲時間去清理，所以最終去咗Panash Bakery & cafe。聽朋友講，Panash原本係一間麵包店，到依家開始擴展至Cafe，抱住一試心態試試。講真，menu就麻麻吸引，但佢地都有啲cake set提供，我就無咩興趣，最終單點一個日式西多士（依個係單點，所以無得加錢有杯野飲）。日式西多士，咪即係港式西多士但入面無花生醬。？個表面就唔太脆，就好似食緊一個麵包配上嘅糖漿，個抹茶雪糕就。。。成個餐甜到我連個堆紅豆蓉都唔想掂。咁就$52啦，帶得狗狗又想坐得舒服，總係要有啲犧牲嘅～不過店員服務幾好，依個唔錯。

今晚落雨，來到門口見到入邊都無人，算啦！落雨無辦法，是但啦！首先個忌廉湯好搞笑，用杯裝，又難食。番茄芝士披薩，難食，無味，皮又唔脆。帶子雜菌蘑菇意大利飯，難食，d飯好硬。同老公倆個叫左倆杯野飲，雜果柚子特飲幾好，但應該都好難唔好飲。第二杯抹茶紅豆雪糕特飲，普普通通，無咩特別，都係無咁好飲。

MY SWEET PIANO NEW YEAR2015情人節套餐MIKIKIPanash Bakery & Cafe今日情人節我們選擇了一家三口都去得的MIKIKI剛好遇上哩間餐廳做期間主題食物老公預先打電話book位期間主題係由FACEBOOK得知所以其實有咩食都係黎到先知本身見到商場的餐牌都有點擔心因為MY SWEET PIANO的主題餐原來只提供一款羊扒同熱香餅咋我都唔食羊><仲係情人節又帶住小BI咁點算好呢我們都照行去好運的事情都配合我們哈哈原來人家今天做指定的情人節套餐只提供Piano的熱香餅錯有錯着可能地點本身不算繁忙區室內和室外都唔算太多人我們一早book定室外因為小bi唔入得餐廳嘛室外環境較黑亦沒有主題佈置都沒有所謂啦蟹肉南瓜湯有南瓜的鮮甜味加埋真拆蟹肉此湯絕對高水準不過就可能係室外好似唔夠熱餐包就麻麻地本身哩間好似係整包架嘛咁如果用麵包黎評分就唔合格唔鬆唔軟唔熱配合唔到個南瓜湯餐包其實都好緊要雖然唔洗錢煙三文魚慕絲小多士造型特別整了心型配合哂今日的節日慕絲入口很creamy配合底部的麵包味道剛剛好但係食時就比較麻煩因為用叉又分唔開底部的麵包因為比較煙韌

同男朋友第一次去，是因為跟商場主題有關而去。入到去環境不錯，只是燈光稍微暗了一點。原本坐的位置較近後門，後來跟職員說換了位置就坐得比較舒服。我點了以商場主題卡通的主題套餐。男友就點了晚餐set B之後晚餐就有甜品送整體來說，食物水準都幾好，職員都很友善，只是有餐廳有些坐位較近門口，冬天坐近門口就會比較凍。

Mikiki不在旺區，無論平日和假期，都容易「揾位」。Panash有室外和室內座位。秋天，本打算到室外，但室外座位全滿了，大多是愛狗人士帶同狗狗歎茶。所以，我們到室內座位，陽光透進來，好舒服。 Honey點了二人下午茶。無論上下兩層，餐點都跟餐牌有點出入。下層是鹹點。四件三文治是同款的，煙三文魚併牛油果。面包還軟軟的，幾好味。但是，英式鬆餅就不行了！似是翻焗又翻焗的！一上桌便立即吃，但是，鬆餅硬邦邦的！連用手撕開都費勁。上層是甜點。芒果慕絲好味，不太甜。但，意大利芝士蛋糕，太濕太甜。環境好。食品還算不錯。但是，服務態度就...無論入座遞餐牌、點餐、食物上桌...員工都是木無表情的，不回應也不作聲。英式鬆餅並未連同牛油果醬一起上桌，當我們要求時，員工不情不願地拿來，還睨視我們一下，令我們很尷尬！Afternoon Tea Set裡，鬆餅配牛油果醬，不對嗎？這店，我來過好多次，但服務越來越...