Papa (已搬遷) 新店位置

今日中午第一次來呢間餐廳，裝潢唔錯，入去時餐廳連埋我有三枱客，佢竟然同我講只能坐個半鐘。我問佢：「下，唔係好多人咋喎，唔使咁呀？」佢解釋已有好多booking 枱。中午食飯都趕，算，我就睇下係咪真是咁好食。叫左三個餐：意大利飯，爸爸早餐及薄餅賣相唔錯，不過午餐收咁嘅價錢，唔係太值，不過可能好好食呢～逐樣講：早餐，腸仔、煎蛋、薯餅、煮菇，唔係啲咩特別野，冇話好食唔好食。（咁都唔好食就非常大鑊。意大利飯，先講飯，煮得太稔，汁唔到入飯裡，配魚兩舊，冇魚味，好一般雪藏魚柳，價錢與質素不配。薄餅，加左好多芝士，料都足，諗住掂啦～出手去拎起塊餅，散落一地，餅底太鬆太薄，薄餅最基本的部分都做得唔好，令人失望。餐茶：一係飲紅茶，一係加廿蚊，冇錯！係廿蚊！轉其他飲品咖啡奶茶那些。哇！我去左邊度呀？！用餐期間，有數隻蒼蠅不斷騷擾，小事一樁，冇咩慘得過餐廳啲野唔好食。唯一可以讚，係個餐湯，周打蜆，不俗。總括而言，無料扮四條，班門弄斧。

一連幾日要到石門工作，未去已經心感徬徨，第一未去過，第二估到冇咩好食。點知一出港鐵站行幾步已經見到間靚餐廳，早到左當然食番個靚早餐先，食完結果...癲到早午晚三餐都喺度解決！真心鍾意！環境一睇唔使講已經勁鍾意，隻藍色完全係我杯茶，坐喺門口張枱食早餐仲要度玻璃門打開咗好有外國feel！食咗個MAMA Breakfast，個薯餅好脆，個雜菇有大蘑菇切條仲有好香的牛肝菌（我估係），配埋杯手沖Mocha真係good，最重要係對連鎖咖啡店咖啡有敏感的我飲完呢杯完全無頭痛心跳的不良感覺，即係咖啡豆靚啦！同事食咗個牛油果烤蕃茄多士，半隻牛油果喎，真係好少見，連杯茶都係英國名牌Fortnum & Mason，好滿足！其實周邊都有好多餐廳、茶餐廳，但論環境、食物質素，午餐都忍唔住要再黎。中午時間都幾多人，但全部都係叫set lunch 所以都唔使等好耐。叫左個慢煮豬柳，有驚喜好香好入味，配蔬菜剛剛好。同事叫咗個燴海鮮扁意粉，份量頗多，好濃味又多汁，如果可以配飯更好。做完嘢返屋企前諗住清清地食個沙律，又去papa買外賣，有6款顔色，叫咗個papa purple，有最愛的紅菜頭、紅腰豆、仲有藜麥、蘋果等，好

住在附近常見此餐廳生意不錯，所以去嘗一嘗！於晚飯時段光顧，餐牌的選擇不算太多，價錢進取！不要緊，最緊要能物有所值。點了西冷牛扒、火雞肉及薄餅，待應問餐茶食什麼！！！什麼都未上，就要落餐飲！！我們想先要幾杯水，要再叮囑才有！火鷄肉是涷的，幸好可以換，薄餅極鹹，西冷牛扒尚算可以。但侍應的服務就麻麻，他們是以方便自己的方法去招呼客人！總括來講，食物質素算是差，價格高，服務一般！

第一次寫食評, 原因係真係好想讚一下呢間餐廳!作為新手媽媽, 帶BB出街食飯都真係幾吃力, 之前見介紹呢間親子餐廳, 終於有時間過黎試試喇. 我唔會用電話, IPAD等等的電子奶咀比我仔仔, 從而陪養左佢好鍾意睇書, 而呢度會有好多關於爸爸的書比小朋友睇, 咁就可以令我仔仔乖乖哋咁座定定喇. 這是抵讚的講番食物方面, 佢哋先送上三個麵包, 有一個係全黑色, 我仔一見到就即刻拎黎食喇, 好軟好香, 可惜無影相. 然後我哋叫左個雞沙律, 呢度個沙律唔係我想像之中嗰種得菜, 而係真係好豐富, 好大碗, 係真係用個好大的碗(可以叫湯碗)裝架, 仔仔都追住食然後就到我們的主菜了, 有羊架, 同埋牛, 兩樣都做得好出色, 之前睇左D食評先黎, 有人話好食, 亦有人話唔好食, 自已都十五十六, 但試過後我個人認為好好味呀~ 整得好霖, 好香, 呢個價錢, 我覺得都值呀再講番呢度點樣貼心為小朋友, 抵讚的是BB凳, 佢哋唔係用IKEA嗰隻硬凳, 而係一張中間係軟軟的BB椅墊, 小朋友係真係可以貼近張枱食嘢, 我都問左侍應張凳喺邊度買, 真心想放張喺屋企.餐廳佈置都好有聖誕氣氛, 仔仔仲要想拎聖誕樹D波

上網見到話可以再encore 咪諗住近近地一試試完後既感覺係...貴同唔抵食 無咩特別用再平d既價錢 寧願去沙田意粉屋 simply life度食叫左一個乳鴿意大利飯..$178 細碟 唔會覺得好好食然後試左個 $128 水牛芝士pizza ...芝士感覺厚厚 多番茄 食落俾番茄搶哂d味 仲要快食 如果唔係會出水 薄薄既皮就會冧哂最後試左個和牛鵝肝 $358 不過不失 塊和牛厚既 生熟程度控制得幾好 但唔係好勁和牛既肉味 飲品要另外再散叫 價錢貴 質素一般 應該唔會再去

住在附近，見到裝修幾靚，而且知道是幾位有的papa開，價錢不平（因有太多更抵食的餐廳在周圍），抱著試吓的心態，結果是失望的1）waitress無比我們擇餐麭2）papa yellow沙律的合桃唔新鮮—-油益味3）無諗過pizza Margherita 可以唔好食...欠蕃茄醬而且餅底超”un”4) Fish risotto 無味可言5）連杯papa Ice tea 都係好睇唔好飲No more be here next time

之前喺FB, 見介紹這間親子餐廳，由3個好有 heart嘅爸爸開，又描述這幾位爸爸對食物好有要求，所以專程山長水遠，來支持一下。（十分期待！）今日係星期日，預左要等位。服務員好有禮幫我哋登記，仲話可以留電話，有位打畀我哋。由於天氣這幾天十分寒冷，所以這個服務，令我哋可以唔使喺門口吹住風，凍冰冰等候。讚！話明親子餐廳，當然會提供BB櫈以及BB餐具（留意：BB櫈並非 high chair)「意式燴海鮮配扁意粉」好鹹！未知是否平時水準，還是師傅今日開心得滯（年近聖誕），所以重手咗。意粉是另碟上，用蒜頭片炒香，好鹹。番茄燴海鮮醬汁，都好鹹。海鮮唔新鮮，裏面有塊魚柳，我們初時還以爲是一塊全濕透嘅薯餅。帶子肉質都好梅。魷筒仔未煮熟。整體都係一個字，「鹹」！「蕃茄羅勒水牛芝士薄餅」比起其他餐廳，這個Pizza確實有點遜色。好少何Pizza會難食，因為Pizza餅底加芝士，再加番茄，已經是無敵。這個Pizza對我們來說沒有驚喜，有少少失望。「Papa Iced Tea」一見到杯 Iced Tea，好欣賞餐廳環保，使用了環保紙飲管。賣相都討好，可惜飲完第一啖，就失望了。相比其他餐廳（尤其是 Simply

第三次光臨這餐廳，環境清雅，服務員的招待亦算殷勤，不錯！食物方面，order 了沙律，牛排和魚肉risotto。牛排一貫有水準，燒烤得微焦的外皮帶出肉的香味，這是過往來這裡的必吃。至於risotto, 老實說在石門的餐廳可吃到正宗的risotto，有點驚喜；飯質控制洽到好處，比坊間一般為迎合香港或大陸食客的餐廳，煮得過稔，來得更有風味；至於魚肉，個人認為烹調得不錯，皮脆肉嫩，有水準。價錢方面，算可接受，每位不到200元。總括而言，是值得一試的餐廳。

約埋三五知已一齊去聚下, 呢度算真係好唔錯~ 之前星期六, 成個場爆晒, 所以約平日黎就唔洗點等, 仲座得好舒服呀~人多左, 終於可以叫多D同人SHARE~ 今次呢個牛仔骨真係堅巨, 成個母艦咁, 食左幾件先記得影相, 味道好香, 抵食海鮮炒飯, 真係海鮮仲多過飯呀~ 同埋有種好香的調味, 唔知呢種叫咩呢? 好少食得到裡面有一個魚, 好香好滑, 可惜得一件, 每人可以SHARE少少試下慢煮豬仔骨, 個肉好霖, 但我鍾意個薯蓉多D之後仲叫左PIZZA, 沙律,  可能叫得太多肉, 真係有D飽飽不過我真係好鍾意個沙律, 見到會好開心, 可惜唔記得影相

今日石門見完客發現石門開咗兩個商場，多咗好多野食。貪方便既我，見完客過馬路，見到間門面幾好既餐廳，加上門口個姐姐見我睇睇下就同我講佢地特色有6款沙律，小弟又的確好like 食salad，咁就入咗去試！叫咗個papa red, 的確好好味，d菜同d莓都好新鮮，最正係個沙律汁，酸酸地應該係用d莓打出黎，撈埋個沙律一齊食簡直一流！仲要份量好夠，食完的確有d飽！（顧住食唔記得影相）製作咁認真，下次黎石門見客試埋其他salad~

今天同同事試PAPA午餐，餐廳給我第一個感覺好舒服，裝修好靚，感覺好好。我叫咗牛排，同事叫咗大啡姑。我份牛排份量好大，肉質好好，問侍應才知牛排係用美國安格斯牛，呢個價錢食到酒店扒房質素，的確唔錯。估唔到喺石門食到如此高質素牛排！同事話個大啡菇亦都好好食，薯菜亦好新鮮好好食！唯一美中不足係要加錢先有咖啡飲。服務非常好，絕對係一間高質素餐廳，下次再嚟要試沙律，有六款不同沙律，個樣好吸引！我會再來試晚餐！

唸住同家人慶祝生日食餐生日飯，睇門面可以，叫咗三款食物，肉眼扒超鞋無肉味，西班牙炒飯料多但完全無味道，而且海鮮勁重冰鮮味，漢堡包安格斯牛極乾，開初抱期望食一餐好，真係超失望

價錢同質素不成正比服務態度很好 環境舒服 但食物令人失望 意粉炒得唔夠鑊氣 pizza 唔夠香 salmon tartare 簡直份量少到食兩啖已經食完！ 唔係正中西餐真係有待改善😔

新餐廳，食物美味，服務唔錯，老細對食材有要求。餐廳又有供應法國波多爾美酒，又可以開自己酒。周日與三兩好友一起食個later lunch。慢慢享受美食，又沒有人吹你交枱，非常捨意。美國肋眼牛扒用料紮實，火喉到位，medium rare 就是 medium rare。餐廳環境優雅，加上香濃的espresso 咖啡和英國的Fortnum & Mason 茶。雖然沒有試他們訂購的手造蛋糕，但係都好想下次試下。也可以算是perfect ending。

今日好難得同一班朋友，到這間餐廳，是朋友介紹來的，現在去3號風球我哋都嚟食。每一道菜精美，味道又好，沙裏尤其出色，燒春雞幫你起埋骨，好味又方便，芝士蛋糕芝士味濃郁，牛扒多汁，漢堡包也好好味，裝修舒服舒服，西班牙海鮮飯充滿海鮮味，下一次一定會再嚟，這裏泊車也方便，就近石門站地鐵交通又方便，這裏周圍環境寬闊，服務態度也很好，還有他們的麵包有竹炭麵包，大人細路都啱食，裝修有格調，每一位朋友也吃得很開心很滿意