Papa (已搬遷) 新店位置

今日中午第一次來呢間餐廳，裝潢唔錯，入去時餐廳連埋我有三枱客，佢竟然同我講只能坐個半鐘。我問佢：「下，唔係好多人咋喎，唔使咁呀？」佢解釋已有好多booking 枱。中午食飯都趕，算，我就睇下係咪真是咁好食。叫左三個餐：意大利飯，爸爸早餐及薄餅賣相唔錯，不過午餐收咁嘅價錢，唔係太值，不過可能好好食呢～逐樣講：早餐，腸仔、煎蛋、薯餅、煮菇，唔係啲咩特別野，冇話好食唔好食。（咁都唔好食就非常大鑊。意大利飯，先講飯，煮得太稔，汁唔到入飯裡，配魚兩舊，冇魚味，好一般雪藏魚柳，價錢與質素不配。薄餅，加左好多芝士，料都足，諗住掂啦～出手去拎起塊餅，散落一地，餅底太鬆太薄，薄餅最基本的部分都做得唔好，令人失望。餐茶：一係飲紅茶，一係加廿蚊，冇錯！係廿蚊！轉其他飲品咖啡奶茶那些。哇！我去左邊度呀？！用餐期間，有數隻蒼蠅不斷騷擾，小事一樁，冇咩慘得過餐廳啲野唔好食。唯一可以讚，係個餐湯，周打蜆，不俗。總括而言，無料扮四條，班門弄斧。