PARKSIDE@NINA

營業中

休息中

今晚去了亞洲現存最大規模木化石藏品花園-如心園，瀏覽後又到如心廣場「PARKSIDE@NINA」餐廳用餐，餐廳是以木化石為主題，罕有特高樓底，圓拱型天花設計，很有獨特風格的裝潢，牆壁掛有多幅木化石畫展品，店內並有木化石展品，我們也點選特色木化石朱古力餅，無論環境和美食都融入木化石特色，是完美的木化石主題餐廳。我們的晚餐：原隻烤豬手~皮酥脆可口、肉質鹹香軟滑美味，價錢不貴，是值得推介的美食。鹹蛋卡邦尼意粉~卡邦尼意粉就吃得多，加入鹹蛋又是第一次品嘗，除了增加色澤，味道層次也提升不少，可謂中西共融。紅酒糟虎蝦捲意粉~也算是中西共融美食，紅酒糟擁有天然紅色色澤跟獨特的酒香和微酸，淡淡酒香與桃紅色澤與捲意粉連結，啖啖鮮爽甜美虎蝦肉，實為人間佳餚。特色木化石朱古力餅~朱古力餅口感鬆軟滑溜，朱古力味道香濃幼滑。菠蘿椰子綠茶~氣味清香。紫粉紅薯拿鐵~紫粉迷人色澤，紅薯粉糯可口。

今次去咗位於如心廣場嘅PARKSIDE@NINA。餐廳以木化石為生題，採用咗歐陸式教堂設計，餐廳樓底好高，空間感十足，有圓拱型天花設計，開揚走廊空間同埋木座位，而巨型落地玻璃窗，引入自然光線，尤如進入咗入藝術館咁，到處都瀰漫住浪漫氛圍，非常適合打卡。餐廳無論喺裝潢、環境同埋美食都融入咗木化石特色，店內更有華懋集團珍藏嘅木化石展品，旁邊係亞洲現存最大規模木化石藏品花園-如心園，餐廳值得一去品嚐同參觀。水牛芝士番茄薄餅薄餅用上為番茄、水牛芝士同埋羅勒，薄餅芝士味濃郁，表層帶有香軟嘅口感，薄餅以酸種麵包作為餅底，外層口感香脆，內裹帶有韌度同埋濕潤感。原隻香蒜迷迭香烤雞烤雞焗至金黃色澤，外皮酥脆，肉質軟嫩多汁，配上香蒜迷迭香醬汁更惹味，配菜有即炸嘅粗薯條，口感香脆，另外有烤番茄同埋西蘭花，味道清新。特色木化石朱古力蛋糕蛋糕結合主題木化石元素，用上印咗木化石木紋嘅朱古力牌，非常符合主題，表層充滿朱古力碎，配上朱古力蛋糕，口感綿密，朱古力味濃郁，當中忌廉夾心口感幼滑，多種朱古力享受，朱古力控必試。

8月份從網路上知道這間餐廳開張已準備找一個日子過來品嚐，剛好今天在附近戲院看完電影順道去吃。餐廳以木化石為主題，店內有木化石展品，木檯木椅都是用一些廢棄木材製造，很有心思，而餐廳最吸引人之處相信就是那一段高樓底帶有歐陸風格的長廊，高空上一排一排橫型木架串上一波又一波的白色流線天頂，造型十分優美，進來用餐的客人又怎能不在此長廊留影呢。地板用了米色和棕色色調，配上大地色系的主調，進入餐廳用餐就像去了外國一樣，一切都令人看起得舒服。今天我們二人三時來到，看沒有供應下午茶套餐，就選了午市套餐，套餐比散點較化算。午餐有分三道菜148元一位和四道菜168元一位，價位不貴。三道菜和四道菜分別是湯和沙律只選其一或全部要。我們都選三道菜，一位要湯，另一位要沙律，然後各選一不同主菜，這樣可以互換品嚐。是日餐湯：甘荀忌廉湯，上檯時湯碟是暖的，口感濃稠綿密，湯放到咀內很充實，鹹甜適中。沙律：柚子醋大蝦沙律：柚子醋的微酸甜輕輕拌勻整份沙律食材，沙律菜及大蝦都十分清爽，那些車厘茄及南瓜粒鮮味好吃，這個醬汁真是沙律的妙配。主菜：香煎盲槽魚：上檯時也是暖碟，盲槽魚的魚皮及四周的肉煎得香口，微微焦黃而不過度。魚肉口感細

假日同友人到荃灣食飯，主要去間新開的cafe，以木化石為主題，甚有特色，大約12:00去到，唔太多人，但想坐的主要位置已full 。餐廳旁為 NOC Coffee Co.咖啡吧。餐廳面積頗大，樓底高有空間，大地色為主調，四周滿佈乾花的佈置，玻璃窗透入的光線感覺自然柔和，位子寬敞，坐得舒適。化石的展覽，猶如置身博物館。餐牌，星期六都有Lunch Set，都幾好，我們3人，叫了3個Set開心Share。4-course(前菜+湯+主菜+甜品)，$188。Cappuccino，跟餐+$30，可享用NOC Coffee，口感綿密順滑，咖啡味濃。是日餐湯，椰菜花忌廉湯，椰菜花味恰好，口感稠身，味道清甜。柚子醋大蝦沙律，大蝦爽口，沙律菜新鮮，有清新的柚子香氣，味道酸甜醒胃。香煎盲槽魚，魚肉軟滑鮮香，伴上清新微甜的羅勒忌廉汁，味道不俗。法式普羅旺斯烤雞，賣相精緻，外皮脆，雞肉嫩又入味，烤薯仔大件香口。煙三文魚酸種薄餅(+$20)，餅底厚薄適中，口感煙韌，煙三文魚鹹香，食落唔算好膩。Tiramisu，小小的一件，滿足下想食甜品嘅口癮，味道淡唔夠濃郁，普通。食物正常水準，環境取勝，服務態度正常。本身想行

最近網上有很多人都介紹這間新的打卡餐廳，為食的兩兄弟當然都會想去試一試，希望為大家試出真實食評，介紹一些好的餐廳給大家。環境佈置上真的有點特色，別具風格，尤其是那個猶如教堂的打卡位，相信不少人都慕名而來。另外一些化石為主題的裝飾也相當特別。至於食物方面就好壞差半，當日我哋對午餐食物興趣不大，只叫了一個餐再散叫了其他食品。如果想點選比較有特色的食物，是需要下午三點後的。4-course(前菜 +湯+ 主菜一款＋甜品）$158 /每位凱薩沙律配三文魚(羅馬生菜、香草麵包粒、巴馬臣芝士、煙肉粒)生菜清新爽脆，配上麵包粒和三文魚幾開胃。🌟辣肉腸酸種薄餅（+$20）意大利辣肉腸、番茄醬、意大利水牛芝士味道尚可，但略嫌有點細塊，份量太少。薄餅底偏厚，辣肉腸都不少，芝士都多同夠拉絲。跟餐甜品🌟芒果熱情果千層蛋糕千層蛋糕味道幾新鮮清新，不會太甜，味道不俗。+$30 可以選擇NOC Coffee 咖啡🤩另外散叫了🌟 紅酒糟虎蝦捲意粉 $158我們幾喜歡這個捲意粉，因為口感不錯，有咬口，煙煙韌韌，感覺幾得意，又不會太硬，怡度好處。🌟北海道帶子蘆筍天使麵 $148帶子都夠大粒新鮮，但我比較喜歡意粉多於天使麵

Parkside@Nina以高樓底的歐陸式教堂長廊為亮點，圓拱形天花搭配流線型木架裝飾，巨型落地玻璃引入自然光線，營造通透感與「城市綠洲」般的舒適氛圍。復古馬賽克地板、紅白地磚與不規則天花設計，結合綠植點綴，打造出錯落有致的層次感，令人恍如置身於教堂裏用餐一樣。⛪️紅酒糟虎蝦捲意粉（$158），彈牙粗長的通心麵捲曲有致，醬汁包覆每一吋麵身，鮮嫩虎蝦飽滿多汁，紅酒糟醬汁點綴其間，層次豐富。雜錦香腸拼盤（$158)，幾款雜肉腸，搭配薯仔沙律、椒鹽捲餅和自家製蜜糖芥末醬，完美展現了德式美食的精髓。💫壓軸的木化石朱古力餅（$78）不僅呼應餐廳主題，口感更是驚艷 - 濃郁的朱古力慕斯配上酥脆的餅底，每一口都是享受。🍫無論是約會、聚餐還是獨自放鬆，這裡都是個令人難忘的選擇。

同事推介下的西餐廳，入到去好華麗，中間的走廄令人心擴神怡，入面的裝修都非常精緻，環境好有氣氛原隻香蒜迷送香烤雞配薯條🐓🍟餐廳烤到外皮脆脆，咬落去好Juicy，肉質都幾嫩滑，薯條當然係即炸又係我最愛的粗薯，炸得金黃香脆，真係大滿足💯❤️🦐🍷紅酒糟虎蝦捲意粉🍝佢個紅酒味都好突岀好有驚喜😍鐘意品嚐紅酒應該會幾喜歡‼️虎蝦食落都好爽口又大隻😊有成五大隻架✅份量唔會太少🥰🥰呢到的環境真係好靚💯仲有落地大玻璃💫侍應笑容令我好滿意🥰下次約埋朋友來呢到high Tea先🎉🎉💯PARKSIDE@NINA📌楊屋道8號如心廣場一期2樓201號舖#荃灣美食 #美食推介 #如心廣場 #楊屋道 #落地大玻璃 #香港西餐 #香港

以木化石為主題嘅餐廳，高樓底設計令佢成為荃灣區新嘅打卡點，上次日頭嚟同今次夜晚嚟嘅感覺又有啲唔同，影相打卡真係幾靚嘅~ 🔘洋蔥德國腸薄餅Pizza皮香脆有咬口，口感有啲似sour dough，用上德國白香腸，加上洋蔥同芝士，餡料幾豐富~🔘鹹蛋卡邦尼意粉意粉掛汁彈牙，個汁好Creamy有鹹蛋黃味，仲食到好有鹹香味嘅煙肉~ 🔘特色木化石朱古力餅賣相好靚好精緻，食到好多不同層次嘅朱古力味，味道香濃唔太甜~

如心廣場荃城匯環境算新，很少機會上到2樓，但原來店舖林立，吸引及出色店舖原來更不少，就如同今次介紹的Parkside@Nina，在網上看到吸引了我來嘗試，環境精緻優美，歐式建築樓底極高，亦有落地玻璃及花海天花板，打卡度一流。餐桌及碟也非常別緻，酒水菜單Menu也很吸引呢！-龍蝦泡沫濃湯泡沫是法式的一種作法吧，出來感覺好高級，至於龍蝦湯也是正常餐廳水準～-雞肉沙爹串燒意想不到有串燒叫，估計是近幾年潮流的西泰元素？串燒出奇地水準不錯，不亞於大多東南亞菜！-原隻烤雞烤雞相對是西式做法，和在國外平民餐廳的西餐烤雞差不多做法，這個沒有什麼驚喜。-軟殼蟹香蒜辣椒意粉同樣是亞洲元素製成的意粉，配合得非常好，香蒜夠香，辣椒微辣，軟殼蟹亦酥脆好食，而且原隻份量非常大！飲品叫了兩杯Mocktails, 都非常漂亮！-Magic Potion蝶豆花，熱情果，蜜桃，菠蘿-Parkside Lady士多啤梨，蘋果，香橙

PARKSIDE 呢間餐廳真係未食野先食環境咁岩侍應安排坐係樓底高既位置。樓底極高，圓拱型天花設計加埋巨型玻璃，佈置好有格調，牆上掛左唔同既畫，完全放鬆勁享受。龍蝦泡沫濃湯 $98湯底好濃郁，龍蝦肉鮮嫩彈牙。加埋泡沫個口感多一份層次，飲啖好醒胃。經典牛肉漢堡 $168睇相都知個包size 勁大勁足料，牛肉煎得岩岩好, 高質多汁，加埋番茄同洋蔥，一口都咬唔晒！另外配埋薯條，外脆內軟。仲有配埋酸菜解膩，色香味都有，食完已經飽左7成。特色木化石朱古力餅 $78最後叫左款甜品，整得好精緻，嚴格黎講唔只係餅，直程係糕點咁，好好食，朱古力味好濃但係唔會好甜好流，對於唔食得太甜既我岩岩好。

自從呢間Parkside@Nina開業以來，見到各大小傳媒鋪天蓋地介紹呢間餐廳嘅裝修，一直都好想去試試。今日終於約到朋友陪我到來食晚餐。餐廳位置是在Nina商場裡，入到餐廳裡面，被佢嘅圓拱形設計嘅天花所吸引，而且餐廳樓底非常高，很有氣派。🍽️ 辣肉腸薄餅呢個薄饼餅底夠香脆，適中辣度嘅辣肉肠配上邪惡嘅芝士，层次感十足。🍽️ 軟殼蟹香蒜辣椒扁意粉軟殼蟹炸到好酥脆，意粉口感夠彈牙，搭配埋邪惡嘅香蒜和辣椒，味道非常濃郁。🍽️ 三色誘惑食完兩款微辣嘅主菜，緊係要揀個透心涼嘅甜品嚟中和一下。我哋就揀咗呢個三色誘惑做甜品，因為呢個甜品有三球大雪糕，包括椰子、士多啤梨和朱古力，配埋大大條香蕉、朱古力脆卷同埋焦糖爆谷，頓覺童年時嘅回憶番晒嚟。

星期六約咗朋友食tea，決定試吓呢間喺荃灣嘅網紅打卡店由於冇訂位，大約都等咗半個鐘先可以入座～店內嘅裝修好靚，而且樓底好高，好多人喺呢個位打卡影相我哋嗌咗個大蝦拿破崙意粉～味道不過不失，但係份量好細，唔值呢個價錢。另外嗌咗個煙三文魚pizza ，有六件～個餅底好硬，切都切唔開另外佢哋係serve NOC coffee～整體嚟講，食物有少少Overpriced，味道十分普通。而且服務都都十分麻麻，好多店員都黑面，叫佢哋幫手落單都十分唔耐煩🙄唔會再嚟幫襯

新年前同老公去咗荃灣如心廣場shopping！經過見到歐陸風嘅餐廳,裝橫好有特色,半圓天花嘅落地玻璃,樓底高,有種外國教堂feel,好靚好grand,打卡一流!✨紅酒糟虎蝦捲意粉紅酒糟風味獨特,虎蝦大大隻,肉質爽彈,捲意粉有咬口,整體有層次感,好特別！✨風乾火腿蘑菇薄餅賣相好靚,風乾火腿捲成玫瑰花,配料有蘑菇同火箭菜,餅底香脆,仲有拉絲效果！✨Purple pink紫薯味香濃,飲落甜香,顏色好靚好夢幻！✨Cappuccino泡沫咖啡好香,口感順滑！

人氣歐式木化石主題打卡餐廳 圓拱形天花設計 巨形落地玻璃窗🪟樓底好高 空間感十足 非常浪漫打卡able仲有d木化石display🪨尤如置身藝術博物館用餐 ✿ 川辣西瓜沙律 $108 ✿宜家好多fusion菜都會加入川菜既原素 依個川辣西瓜真係好特別! 用爽口既青瓜包住用川辣汁醃過既西瓜🍉咬落多汁得黎有陣淡淡既酸辣味🌶️非常非常開胃✿ 紅酒糟虎蝦捲意粉 $168 ✿同樣係中西合壁既餐點 以自家釀製既紅酒糟入饌醬汁呈粉紅色 帶有酒香同甜味 出奇地同意粉好夾!虎蝦都算多🦐鮮嫩彈牙捲意粉形狀同口感都好特別 彈牙掛汁💦✿ 泰式奶茶焦糖燉蛋 $88 ✿依個甜品超好食! 奶茶味好濃但唔會好甜燉蛋香滑 忍唔住一口接一口🫦

PARKSIDE@NINA以木化石為主題，餐廳樓底好高，有圓拱型天花設計，開揚走廊空間同埋木座位，真係好似進入咗入藝術館咁，非常適合打卡～而旁邊就係亞洲現存最大規模木化石藏品花園：如心園，可以順便去值得參觀一下～✨沙嗲雞肉串燒（$98）份量一共有6串，雞肉烤得外焦內嫩，香濃沙嗲醬仲有花生粒粒✨軟殼蟹香蒜辣椒扁意粉（HK$158）味道香辣惹味，似避風塘口味，軟殼蟹炸得都香脆✨夏威夷薄餅（$138)芝士味濃郁，火腿菠蘿經典口味超夾！表層帶有香軟嘅口感，薄餅係酸種麵包，內裏帶有韌度同埋濕潤感