PARKSIDE@NINA

營業中

休息中

最近社交平台見好多人都慕名而來呢間西餐打卡今日終於有機會同朋友黎環境佈置上真係幾別具風格特別是近窗邊樓底好高的原拱形十足十教堂的打卡位我地夜晚去特別有feel因為樓底夠高 空間感十足好似去左古堡甘臨近萬聖節仲有好多Holloween 裝飾感覺加多一點陰深 打卡真係一流//風乾火腿蘑菇薄餅 $158//以酸種麵包為餅底比一般麵包健康邊位脆卜卜的餅底不算厚風乾火腿油香十足配搭火箭菜、蘑菇和芝士是完美的配搭整體很有口感//經典脆皮原隻烤豬手 $188//外皮超級酥脆 仲帶點煙韌肉質好鮮嫩食落口感夠入味又唔會太肥膩又唔會過鹹餐牌

睇完《 破地獄 》過來Parkside 自我超渡， 這家打卡真係幾靚！NOC Fizzpresso($50) 之前去過元朗店， 覺得杯Dirty有點失準， 不過這杯Fizzpresso 卻是相當不錯， 是espresso加上新鮮檸檬汁， 啡香夠濃酸酸甜甜好refresh。NOC Coconutty Mango($55) 簡生都好滿意這杯特飲。雞肉沙嗲($92) 雞柳用香料醃過尚算嫩滑， 沙爹醬只有甜味完全唔香口，花生太粗太大粒， 不推薦。這間NOC空間感非常闊落， 座位眾多要入座未算有難度， 不過週日午市Drink menu選擇非常有限， 聽店員說晚上餐點飲品會較多選擇。PARKSIDE@NINA楊屋道8號如心廣場一期2樓201號舖#文迪漫遊慢生活

今日就同朋友去左PARKSIDE@NINA食飯餐廳環境好有氣派, 仲有化石主題嘅裝飾,風乾火腿蘑菇薄餅面頭嘅風乾火腿鹹香惹味, 餅底用左酸種薄餅,微微烤香, 口感鬆軟, 更有空氣感沙嗲雞肉串雞肉外層微微烤香, 肉質好Juicy, 沙嗲醬仲有花生粒粒薯條配辣椒蒜蓉醬薯條即叫即炸，熱辣辣好脆口特色木化石朱古力蛋糕賣相特別, 真係好似木頭咁, 蛋糕質地好Rich, 幼滑細膩, 黑朱古力味濃稠, 配搭唔同嘅朱古力裝飾, 層次豐富

餐廳以歐洲木系美術館及大宅風格，高身樓底，牆身掛滿壁畫，環境好舒服，而每張枱有充足空間感，喺好正打卡勝地😄食物以西式為主，有豬手，烤雞，薄餅，意大利麵及意大利飯等風乾火腿蘑菇薄餅 🍕 $158 薄餅喺厚身pizza 底，充滿芝士，巴拿馬火腿及蘑菇，好滋味避風塘軟殼蟹辣椒扁意粉 🍝 $168好有鑊氣軟殼蟹，避風塘小炒煮法，做出美味避風塘軟殼蟹，扁意粉加入辣椒炒香，份外惹味😋三色惑 🍦 $98香蕉船雪糕球，還有美味朱古力棒，好好食嘅飯後甜品

終於有時間約朋友去食呢間打卡cafe,原來就係muji 隔離, NOC 裡面, 職員帶左我地去最裡面, 夜晚別有一番浪漫既氣氛, 因為裡面既位置有好多卡位, 自成一角, 大家都唔會驚嘈到大家, 仲可以慢慢影相。雞肉沙爹$88估唔到呢個都燒得幾香, 肉唔會柴, 沙爹醬都好食。風乾火腿蘑菇薄餅 $158薄餅本身焗得好脆, 面頭都有好多火箭菜同風乾火腿, 份量都好夠食。 紅酒燴牛腩牛筋配特色扭扭麵 $138送到黎職員會問使唔使加芝士, 佢係成舊芝士拎左過黎,, 即場刨落意粉到, 牛腩燴得好淋, 醬汁都夠多,, 現合意粉唔會乾身, 味道都夠。-黎到既感覺唔錯, 食物價錢都唔算好貴, 同一般既CAFE 差唔多。夜晚仲有Cocktail-

被譽為荃灣最靚嘅Cafe，一路都想嚟呢度打咭，咁啱今晚萬聖節🎃餐廳仲有特別佈置👻特別有氣氛，加上超高樓底，空間感十足，好似去咗教堂食飯，超IG-able😆🫕喇沙泡沫濃湯配蝦片$78喇沙濃郁而香辣，泡沫質感輕盈，配蝦片有新意。🍝紅酒糟虎蝦捲意粉$158配搭好新穎，紅酒糟同捲意粉我都未曾食過😅食落幾得意，滑得嚟又有咬口，🍷紅酒糟真係有淡淡紅酒獨特風味，🦐虎蝦肉質爽彈。🐔沙嗲雞肉串燒$88份量有6串，雞肉烤得外焦內嫩，香濃沙嗲醬仲有🥜花生粒粒。🍠紫薯Latte $45紫薯拿鐵拿飲落甜香。🍊Orange Tonic Espresso $52清新橙香與濃縮咖啡相遇，帶來清新驚喜。

終於讓我食到這間人氣餐廳 ，原來是和noc 聯乘，今次是萬聖節到訪，裝飾很有氣氛😗餐廳樓底超高，以拱門形式，很有藝術感.座位很闊落，一旁全是卡位，超有私人空間😚😚💠原隻烤雞配焗薯 經典迷迭香大蒜 $188烤雞外皮金黃酥脆，肉質幼滑，搭大蒜的香氣，味道更香濃.焗薯的口感綿密滑順😚💠烤三文魚配番茄紫蘇汁$208三文魚的有鮮味，肉質嫩滑，而番茄紫蘇汁清爽又不膩，整體口感更加均衡。💠特色木化石朱古力餅 $78這款必是打卡精選，而且味道也超有驚喜.朱古力餅以濃郁的黑巧克力為主，每一口都是濃厚的巧克力香氣，又不會太甜☺️☺️表面微脆，內裡則是軟糯的質地，咬下去有著豐富的口感層次😙😙

餐廳燈光柔和，採用柔和的色調和自然元素，感覺高雅舒適，加上獨特的拱形天花板設計，影相打卡很吸睛📸餐廳入口及內部都有萬聖節主題的裝飾品，甚有節日氣氛👻雜錦香腸拼盤 配薯仔沙律 $188香腸和椒鹽捲餅的組合則展現了歐式風味，賣相精緻，椒鹽卷餅呈仲要心形🧡好可愛☺️香腸配上蜂蜜芥末醬點綴更添味美。香腸有4款分別係原味、白腸芝士腸同原味肉腸，每款各有特色，鹹香十足。經典牛肉漢堡 $158漢堡包外皮烘得香脆，牛油香氣撲鼻🧈煙肉的焦香、濃郁芝士，再加上色澤粉嫩的牛肉漢堡，令人食指大動！薯條份量多，新鮮炸到脆卜卜，令人食唔停口👍🏻特色木化石朱古力餅 $78外層點綴著大量朱古力碎🍫內裏質地濕潤，口感柔滑細膩，朱古力味濃郁。食到最入，原來蛋糕裏面仲有Cherry醬，甜度適中，不會過膩，讓人回味😋

𖤐ˊ˗以其獨特高樓底的骨架設計，迅速成為新興的打卡熱點。採用木化石為靈感的裝潢設計，搭配落地玻璃自然採光，營造出如歐式城堡般的氣勢，木色與米黃色的相間階磚，設有半圓形卡位雅座和二人木枱，整體安排寬敞典雅。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼石榴紅菜頭沙律 $88份量不多，紅菜頭和石榴清甜多汁，十分清新！✎ ̼風乾火腿蘑菇薄餅 $158份量足夠兩個女士分享，火腿油香十足，配搭火箭菜、蘑菇和芝士，簡單而美味😋餅底不算厚，但邊緣位非常脆口，很有口感！✎ ̼Strawberry Smoothie $58酸酸甜甜，清爽！✎ ̼Peach Smoothie $58味道有點似益力多🤣

又嚟到10月嘅萬聖節朋友提議不如應下節食個大餐所以就嚟到荃灣如心廣場一期嘅parkside睇下有幾驚嚇先今次試咗佢地嘅特色喇沙泡沫濃湯配蝦片無諗過又幾特別！仲有川辣西瓜沙律完全無諗過西瓜都可以當喺沙律仲要整到辣辣哋咁得意！！而我最鍾意嘅係紅酒糟虎蝦捲意粉！濃濃嘅蝦味配上煙韌嘅意粉簡直係絕配最後梗係唔少得叫番兩杯特色野飲係love pink同埋purple pink即係士多啤梨同埋蕃薯味嘅latte有氣氛又有特式：）

我今日放工後，順道約同好友去位於荃灣楊屋道8號如心廣場1期2樓201號舖的 PARKSIDE@NINA 食晚餐，裝修雅緻，有Holloween 裝飾，好多打卡位呀！我點左個 香煎鱈魚配法式牛油汁 Pan-Seared Cod Fish $238，老友點左個 紅酒糟虎蝦捲意粉 Tiger Prawn Casarecce $158 。香煎鱈魚配法式牛油汁賣相吸引，鱈魚煎得魚皮香脆，魚肉嫩滑好味；紅酒糟虎蝦捲意粉好有特色，虎蝦大隻又彈牙👍，捲意粉好味道！

呢間新開係如心廣場嘅打卡Cafe，今晚特登過嚟試吓啲嘢食得唔得。呢度出面有一個同NOC crossover嘅Area，入面就係餐廳，最多人影相咁就梗係喺近窗邊樓底差唔多三層樓咁高原拱形嘅天花。成餐飯都有人輪住去影相。臨近萬聖節裏面仲有好多萬聖節嘅裝飾，夜晚去零舍有feel，好似去咗古堡一樣。叫咗一個Pizza一個漢堡包同埋兩杯飲品。話Bee都OK個麵包綠色幾得意，啱晒主題。個Pizza就真係要讚，佢哋有個專用嘅Pizza爐即叫即焗，餅皮夠晒脆，火候十足。飲品造型都好靚，而且有啲化石造型嘅飲品襯晒出邊個化石公園。

今日Halloween 諗住去試吓 話冇得book位，只可walkin去，取票後等咗一陣，想去reception問啲嘢 個侍應態度極差 唔係好想答你咁 仲叫我行埋一邊，唔好阻住入口，已經嬲嬲地，坐低後，叫咗個lunch set，食物份量少，食物質素都係一般 ，都不太飽😤環境都還可以，食完嘢後，成枱都係碟都冇人嚟收，搵咗好耐先叫到個侍應過嚟收碟同埋落甜品飲品，但其實基本上係冇人理你，冇諗過第一次幫襯感覺咁差，依家仲有咁嘅服務態度😡😡唔會再嚟！ 亦唔會推薦朋友嚟！

位於荃灣如心廣場一期既西餐廳-Parkside@Nina，以木化石為主題🪨環境採用歐式教堂設計，高雅別緻，而且樓底夠高，空間感十足👐🏻餐廳旁邊係如心園木化石公園，食完飯可以去參觀同打下咭📸🍴雜錦香腸拼盤（$158）擺盤用心，香腸一共有四款口味，個人比較中意香辣🌶️同流心芝士🧀既口味，咸香惹味🤤Side Dish有蝴蝶捲餅同薯仔沙律，蝴蝶捲餅口感硬身👄有淡淡既鹽味。薯仔沙律以蜜糖芥末醬汁調味🍯甜甜地，帶輕微嗆辣，幾開胃👍🏻🍴軟殼蟹香蒜辣椒扁意粉（$158）軟殼蟹炸到金黃香脆👅再用蒜蓉辣椒炒過🧄同避風塘嘅口味大同小異，蒜味突出，幾惹味~🍴特色木化石朱古力餅（$78）朱古力蛋糕以木化石造型呈現，非常配合主題😆朱古力味道香濃🍫甜而不膩，表面鋪上朱古力脆片，令口感更豐富😋

近期大熱嘅打卡餐廳Parside@Nina！擁有超高樓底，波浪流線型設計在香港真系罕有，外觀上似教堂又似山洞，萬聖節前夕，夜幕降臨時，更有氣氛，打卡一流！設有半圓形卡位雅座，食飯飲嘢都糸絕佳享受！店員親切友善，會幫客人打卡留影。紅酒糟虎蝦卷意粉，色彩繽紛，加上新鮮香草點綴紅酒香氣突出，虎蝦肉質鮮嫩彈牙、意粉吸收了醬汁的風味，意粉選用的是細長的捲意粉，吸附了紅酒糟的香氣，讓每一口都充滿層次感。再搭配香濃的蒜香醬汁，令體味道更加豐富。瑞士式薯仔薄餅，以薯仔為主角，加入火腿，薯仔綿密細膩，入口即化，芝士香口濃郁，口感層次豐富。香茅單骨雞翼配香芒辣汁，雞翼嫩滑醃製得很入味，選用新鮮的香茅、魚露和椰糖，口感有特色。Fossil latte (Oreo)賣相好靚！凍/熱都有得揀，入口細膩香濃，底層有Oreo餅碎，口感層次豐富。