Pasco (已結業)

收工口痕痕，又要買野食醫下肚。買左個泡芙，以為係吉屎味，點知原來係cream 來。個cream 好soft 滑，食落幾香雲呢嗱味，仲見到有雲呢嗱籽。不過外皮就唔太脆，番去食已經腍左。另外買左個迷你紅豆軟包，包面鋪芝麻，質感煙韌得黎又幾香，夾埋紅豆都唔算好甜。

一個優閒的下午，到九龍灣閒逛，到下午茶時間，想搵間甜品店坐下，剛巧路經這家包店。對大型連鎖包店沒有好感的我，見到一個陌生的名字，正合心意。麵包櫃入面麵包不多，但見到有不小迷你麵包，做promotion$14四個，可以試多幾款唔同口味！迷你金芭利莓香脆批，賣相是最吸引的一個，批面灑上粗砂，增加甜味之餘又有口感，而且金芭利莓粒份量不少。可惜酥皮感覺轆得不太好，厚及實，影響口感！咖喱丹麥包，丹麥包比香脆批的酥做得比較好，雖然口感還有點實，但味道香甜，咖喱餡料不多，但咖喱香味突出，還算吃得滿意！綠茶紅豆包，不同外面的只有色沒有味，這款食出有綠茶味，兼且紅豆餡不太甜，餡料份量充足，正。朱古力Donut，一向較少食Donut，因為都係炸物。但係呢個個子夠細，無咁罪惡…油炸的香口加上朱古力漿的香咁，總比直接灑上砂糖的Donut受落！一個簡單而滿足的下午茶！

看了一個vlog，被裡面一閃而過的咖哩包深深吸引了。就是突然很想食日式咖哩包了，於是便到了最近的日本麵包店看看，竟然真的有日式咖哩包賣! 太好了。圖中最大的那個就是咖哩包($10)了，咖哩包是炸的，裡頭是印度牛肉咖哩饀。雖然冷掉了，但口感不會太油膩，咖哩饀很香，很濃味。除了咖哩包之外，還有很多特色麵包。於是我又受不了誘惑的買了四個小麵包。$14四個，我選了一個朱古力冬甩、一個抹茶紅豆包，兩個莓類酥餅。全都很好吃，很足料。麵包冷了，也不會濕掉。就這樣吃了一頓滿足的麵包餐。

收工行超市，正門口有間麵包店（好邪惡），環境光猛乾淨，但麵包已經唔係好多，因為已經到減價時段，見到賣相幾靚！忍唔住入去揀個包做下午茶，呢排好興抹茶味食品（唔知係唔係因為opensnap攪緊個顏色食品有獎比賽？）見到個「綠茶紅豆忌廉包」（$7），唔係因為綠色，我係比個紅豆餡吸引！夾一個去比錢！即買即食，八達通比錢好方便，綠茶麵包鬆軟，但無乜茶味！可能比個餡搶了味道，餡料忌廉好滑，味道同紅豆蓉都夾但紅豆比例較少，好像忌廉做了主角，但忌廉香滑而唔夠踏實！可能我祈待係紅豆多啲喇！整體味道係好的！好像高級版忌廉賓！

剛過去的星期日，本想去南丫島食食食，怎料正想出門時就聽到雷聲，真的"連個天都唔鍾意我，--""，於是，男朋友建議去九龍灣，因勝在有大型商場連着地鐵站，即使下大雨也不怕。之前也試過星期日到九龍灣逛，吃足半天，這次也不例外，其中一樣吃過而又覺得不錯的是這個忌廉號角~這個號角已是第二次吃，內裏充斥着吉士，個人實在很喜歡吃吉士，所以很喜歡這個號角，吉士甜度適中，而且份量充足~! 另外，也喜歡這個朱古力炸包~其實即是冬甩，雖然有點油膩，但好味~ 不過，如果可以熱一點當然更好，畢竟我買時已經是炸好一會，是微暖的。光顧這間麵包店期間，發現這裏的blueberry cheesecake賣相也不錯 (是焗的，不是凍餅，似乎是很結實的芝士餅)，有機會也要一試~!

看到多款迷你麵包味道頗特別，心思思想試一試，買4個有優惠，試了芝蔴奶黃軟包、綠茶紅豆軟包、藍莓忌廉酥和紅莓千層酥。麵包鬆軟夠香，味足不過甜，酥盒香脆不油。芝蔴奶黃軟包吃下軟綿乾爽；綠茶紅豆軟包茶味足，紅豆餡料有甜味不膩；藍莓忌廉酥藍莓醬味濃，甜酸剛好；紅莓千層酥香脆不油，好吃！可再回味呢！

晚上要到官塘有事做, 所以黃昏去了德福逛逛, 本想去PIAGO找找有什麼乾糧買來晚上頂肚用, 竟發現這麵包店見到都有很多人夾小麵包, 便走埋去睇下, 原來$12/4個, 唔怪得咁多人...芝士燒餅: 包名應該類似係咁呱~ 芝士都燶, 如果底面都能做到香脆就好了.....炸咖哩包: 一咬咖哩餡很多, 如果熱食應該更好, 凍了變得油膩些.... 係個很飽肚的包朱古力冬甩: 唔油膩, 同平時冬甩的味道紅豆綠茶餅: 好少綠茶味, 但紅豆餡就幾好, 不太甜

中午時分想唔到食咩, 見到此店既蛋批都好吸引就買一個來作午餐.有菠菜/煙三文魚粟米二款口味選擇,我選了後者.此店既蛋批及PIZZA都放係個熱爐內保証夠熱辣辣, 所以回到公司時都帶少少微熱.蛋餅既三文魚份量都幾多, 外層既批皮有點偏油不過就勝在夠香夠鬆再加上煙三文魚做餡帶出點咸香, 唯一縑芝士味道唔夠突出香濃不過食一個已經好夠飽肚

住在德福巳有好幾年, 雖然本身不太喜好吃面包, 但有時放工心血來潮時仍會去PANASH買2個面包食下. 說起德福的面包店, 雖然港鐵出口那邊有聖安娜又有美心, 不過因為這家日式面包店就腳, 所以每當午飯或放工時都是人頭湧湧的.而早2年當二期的大型日式百貨PIAGO開業時, 超市那邊也開了家同樣是日式面包的PASCO, 其裝潢和面包款式都跟PANASH有9成相似, 算是讓食客有多個就腳點.這天吃完PIAGO樓上的FOODCOURT, 離開時經過這家PASCO, 看看玻璃櫃放了什麼面包, 原來他們推出了十多款迷你面包在做推廣, 看看有幾款賣相又幾得意, 好奇之下便買來試試.我挑了其中8款比較有趣的. (HKD$12/4個)有迷你日式咖哩炸包 (左上), 迷你芝士軟包 (右上), 迷你芝士球 (左下) 跟迷你芝士包 (右下). 咖哩面包外層不算好油, 內裡是日式甜咖哩, 完全不辣, 不過咖哩蓉不多, 有點硬;芝士軟包吃起來比較有份量感, 帶點實又煙煙韌韌, 芝士味不濃但飽肚.芝士球, 喜愛表層那鬆鬆軟軟的包, 不過芝士味不太重, 空氣感強;迷你芝士包就比較重芝士味, 外層也很脆, 2款比較

快速地遊逛完超級市場後，便到旁邊的麵包店覓食，可能已是晚上七時多的關係，店子所餘的食品款式只是寥寥，我挑了一排鄉村軟法包作為第二天的早餐。雖然隔了一個晚上，麵包不會太過乾身，用手輕輕一揉仍見彈性。很喜歡它煙煙韌韌的外皮，披著一層白色的麥粉，吃起來有點嘴嚼感。至於「內籠」因為有頗多氣孔，不覺特別輕盈軟熟，細嚐其箇中滋味，便會享受到淡淡的咸香。如果家中有焗爐的話，塗上少少牛油翻製應該不錯。

其實此店同panash為同一集團, 大家所賣既麵包都係一樣, 只不過此店就供應埋蛋糕.每逢星期一此店既蛋糕就會8折優惠, 當日買左一件蘋果芝士餅回家食.面層有幾片青蘋果幾清甜, 不過芝士餅底就一點蘋果味道都沒有, 只是單單既紐約芝士餅, 幸好芝士餅夠香濃美味, 下次有機會都試埋佢地其他出品既蛋糕.

文迪這天早晨不跟我吃早餐, 唯有之前一天在這裡買個麵包吃. 來的時候已經是八時許, 選擇不太多, 就要了個紅豆包.紅豆包 $7.5: 7分, 價位還算合理, 包是幾鬆軟的, 紅豆下得相當之多, 都幾甜, 反而幾合我心意, 當然怕甜的朋友, 就不要一大早吃個甜包吧.當然, 如果是熱食的話, 效果一定更佳.

一直都很喜歡吃Panash的產品, 因搬了家的關係, 很久沒去德福, 這天踫巧經過九龍灣打算逛一轉便到Panash買包,豈知德福二期開了間UNY, 到裡面的麵包舖Pasco一看, 咦! 簡直就是Panash的姊妹, 不但大部份包包的一樣, 而且還有一些是她姊妹店沒有的, 如黑麥包同店員推介的法式丹麥圈。更重要的是, 這裡的包比一期她姊妹店的更飽滿漂亮! 注意, 我說的漂亮並不是說她姊妹做得不好, 只是姊妹店實在有太多Fans,店裡長期人頭湧湧, 人人夾起又放低左揀右揀, 再靚既包都被搞到變成殘花敗柳。加上太多顧客既關係, 受歡迎的包通常都會一次過出好多, 店員將D飽疊在一起D飽疏唔切氣變得不夠脆口。而Pasco就冇呢個情況, 幾乎每一隻包都是漂漂亮亮的。所以我立時放棄回到姊妹店的念頭, 買了我一早打算買的合桃提子飽(個人認為這集團的比A!的更香脆可口)和明太子法包(SOGO的DONQ都有呢一種包, 但風味稍稍不同)。呢間麵包舖果然冇令我失望! 以後一定會再黎試試其他既包。

自從妹妹食過這裡的鄉村法包,對它情有獨鍾,今日她順路兼有時間到此店,所以打電話來問我有什麼想買,不過她想食的法包就賣晒,唯有選擇別的.忌廉号角$7.5~~上次弟弟食過,叫妹妹幫他再買此款,因為見它外形不太吸引,所以上次沒有試食吓,今次見弟弟又指明買這款,出於好奇我叫弟弟分些給我,原來幾好味:忌廉軟滑清甜,麵包軟熟,加上面層少少脆身的朱古力薄片,簡直三重滋味法國丹麥方包$12(半條6片)~~這款是上次想試,今次叫妹妹買下一起分享,食落有些似牛角包的質感,都幾好味芝士包$25~~很多時買到的芝士包都是好少芝士,今次這個就明顯有好多芝士而且是粒狀並排,面層還有少少焗熔的芝士,唔錯法式圈(芒果)$17(半邊)~~妹夫買下分了一塊給我們,包身是酥皮但唔夠酥,餡料的芒果蓉味道又麻麻,我覺得唔好味

原來德福商場二期的宜傢已搬遷了,改了另一家以日式的大型超市,妹妹告訴我她在這家超市的一間麵包店買了一款麵包,焗來吃外脆內軟,叫我一定要試,今日同弟弟看完戲順便來逛吓.這間店舖同好多日式的麵包店格局差不多,逛完一圈都有多款吸引了我,不過今日我主要買妹妹極力推介的那款鄉村軟法包$12~~買回家後沒有即時食,放到第二天做早餐,麵包都好軟熟,聽妹妹推介,塗上牛油加芝士放入焗爐焗吓,哇好好味真係外脆內軟,而且放到第三日,第四日焗來食,味道仍然無變現時物價高漲,好多麵包都覺得貴,不過這條法包我覺得價錢超值,份量又多,花少少心思,又可作其他食物,我想如果做蒜蓉包應該一樣正弟弟自己選了兩款,其中一款我覺得唔錯藍莓芝士撻包$8.5~~看到名字都有些少奇怪,看似是撻,原來食落先知個邊是麵包做,芝士味唔太重,加上藍莓的甜度,都好清新