Pasta PaPa (已搬遷) 新店位置

12點半到仲有好多位，成間店好細，十多個位置，開放式廚房。週六都有set,價錢$68-$88，包湯/沙律同飲品。意粉即叫即煮。叫左一個沙律一個湯。 沙律無咩特别。 是日餐湯係粟米湯。個湯好甜好香牛油味，飲到粒粒粟米蓉。 拿破倫煙鴨胸扁麵，鴨胸有五六件，個sauce幾juicy, 彩椒只有幾粒，如果多d口感會豐富d。本來以為好細份，但食完都幾飽。 香蒜帶子炒意粉，帶子有四粒，炒意粉係乾身，鍾意sauce嘅朋友可能就會唔太喜歡哩種乾曾曾嘅感覺，意粉幾香胡椒同蒜味。 飲品叫左熱朱古力，無咩特别。本來見到咁多笑臉，好高期望咁嚟，但有d 失望，意粉並唔係想像般出色。

中上環好食既西餐已經越黎越少, 由於自己特別喜歡上樓or位置偏d既地方食lunch~(因為總覺得d世外高人最鍾意匿喺呢d地方, 哈)聽朋友介紹過呢間餐廳~  二話不說即刻過來試試~嚟得樓上cafe, 都預咗細, 不過無估到門口真係堆滿晒人~ 無乜位企~餐廳需要齊人先可以安排入座, 所以好好彩, 我3人齊人, 等了5分鐘就入得了!!看了餐牌, 有5款選擇, 有意大利飯, 炒意粉, 卡邦尼意粉等等~ 有餐湯, 主菜及飲品, 價錢合理!!呢日餐湯: 粟米濃湯 (忘了影相)很濃的粟米味, 份量不算多, 對女士來說適量了, 再多就會膩~主菜: 1)  Parma Ham 黑松露意大利飯2)  香蒜帶子炒意粉3)  卡邦尼意粉1) 意大利飯十分入味, 食過parma ham後意大利飯味依然覺得濃郁, 食後有種滿足感覺。<--心心眼2) 炒意粉, 未入口已聞到香蒜味, 意粉炒得乾身, 不算多油, 口感很好, 意粉不會太軟或太硬~ 因為本人比較喜歡吃辣蒜意, 所以詢問了餐廳既人可否加辣椒, 但負責人說因為想餐廳空氣可比較清新一點, 客人逗留久一點也不會沾上油煙味, 所以堅持不用辣。哈, 真細心

係op search 下， 發現呢間top of the search 價錢又合理就來一試。上樓小店， 所以枱與枱之間好窄， 拍拖或想靜靜地未必岩。叫左海鮮意大利飯配栗米湯。個湯 外表平平， 飲落有那種栗米的鮮味又唔似鑵頭湯。意大利飯份量適中， 蝦都有三四隻， 汁同飯都夾夾埋係我喜歡的意大利飯， 值得推介。 午餐$88 包餐飲，好食的意大利飯一向不便宜， 所以都值得一試

是日約了好友，來到papa.週五晚上七時半到達，沒有訂枱下也可入座，真好，不用排隊。看來papa只在中午時分旺場。店內一貫樓上café格局，看看menu, dinner set　也不錯，點選了香蒜帶子炒意粉，餐湯，沙律，凍朱古力，焦糖燉蛋（HK$128）, 友人點選了黑松露忌廉汁燴意大利飯。先說沙律，羅馬生菜夠爽脆，配上的醬汁酸酸的，非常開胃，okay 的。之後的粟米湯，每一口也有粟米蓉和粟米粒，非常足料，很有特色，也okay的。香蒜帶子炒意粉, 意粉炒得很香，感覺al dente也有咬口，不錯。　可惜黑椒放得過多，感覺太辣了，吃到中途也帶點乾身，但香蒜味把握得不錯。帶子略為炒得不夠乾身，口感偏淋，可能是來貨問題。試了一點友人的黑松露忌廉汁燴意大利飯，水準非常高。意大利飯粒有咬口，黑松露醬汁調配得剛剛好，厚身得來帶點黏性，剛好讓意大利飯吸收和鎖住精華，味道豐富也帶有層次，這可是筆者吃過最好吃的黑松露意大利飯。　友人更評為滿分。看來papa不只意粉了得，意大利飯也是強項。凍朱古力，只是用粉開然而，沒有什麼特別，不評論了。焦糖燉蛋，小小的，味道也不錯，夠香夠濃，也是誠意之作。侍應們服務不錯

之前上openrice見到好多評，所以今日同老婆一齊試試6:30pm上到去沒有太多人，因沒訂位，侍應要求我8:00交枱，沒問題後入座。入到去比想像中细，只得約十張枱。叫了2個餐 乾煎帶子炒意大利粉及虎蝦拿破侖天使面。帶子炒意大利相當不錯，意大利粉炒得相當乾身，而且帶子也煎得好香。8/10虎蝦天使面就比較差，虎蝦十分乾，好似吃蝦乾，天使面亦十分普通。5/10甜品只要加$25可以1:換做心太軟+雪糕，2: 香蕉旦糕+雪糕，每款叫了1個。心太軟及香蕉旦糕一般7/10環境细但氣氛十分好，侍應亦十分有理。

在上環這個充滿特色的地方 有不少臥虎藏龍的樓上cafe 價錢合理卻能享用高質素之美食 是日就來到了其中一間----pasta papa一進店內就有種家的感覺 裝潢非常簡約 也許是時候尚早 所以人流很少 十分寧靜 客人亦能好好細心品嘗餐點1.粟米湯一般西餐廳大多都會以忌廉、羅宋或洋蔥湯作餐湯 粟米湯是較少見的 粟米非常多 因此湯變得濃郁 味道也不錯 咸淡剛好2.前菜沙拉圖中可見份量並不多 但生菜都頗新鮮而且爽囗 醬汁清新3.拿破倫煙鴨胸扁意粉鴨胸非常嫩滑 醬汁酸得來又不會太刺激 相反來得很溫和 挺開胃的 麵條也煮得出乎意料的Al dente捲起麵條加上一小塊鴨胸 兩者均是不同性質的彈牙 十分有趣4.巴馬火腿忌廉黑松露燴意大利飯相信不少看到其名字已深被吸引 至少我是既有parma ham又是我愛的忌廉汁配上黑松露 一見到便二話不説點了這個 果然沒有令我失望 濃厚的忌廉汁搭上香濃的黑松露非常出色 吃下黑松露的香味充斥口腔 再加上parma ham的咸味便剛剛好  飯粒雖沒有正宗意大利做法的硬身 但個人認為這樣更好 較易消化同時味道上亦更易與汁料混合  大推整體而言的確有上品級數 店員服務也很

在〈茶‧家〉放空了片刻，漫無目的地在太平山街趴走，廟跡處處，蠻特別的一條街。一直沿著小街向前走，踱步至梁銶琚書院附近，收到電話，是時候返回上環永樂街會合Cc的兩位姪女吃午飯了。午飯地點，也是由小妹拍板的，揀了以意粉聞名的Pasta Papa。樓店餐廳小店佈置簡單，牆上貼有歐洲著名建築物的貼紙，以及繞富生活情趣的英文字句。窗台，也不經意地陳列了少許有趣得意的小擺設，看來是會不時轉換的，蠻具心思。小妹稍後仍要出席拉麵試食會，故一行四人，決定只點三個套餐，另加一杯飲品。點餐時，男侍應不甚醒目，懷疑是新人。原想一次過點埋甜品，那位木口木面的男侍應又說：「點了就會送黎，不如食完先點。」除了無言，還能如何﹗ 據其他食友食評，服務應該不賴的，但是日所見，服務較差喎。沒有主動提供水，舉手示意良久才有。粟米忌廉湯一女孩點了粟米忌廉湯，甫送上已聞到陣陣粟米香，粟米碎夾雜著湯中，真材實料，味道清甜輕盈。惜，口感似食糊仔多過飲湯，若粟米能夠磨成較細碎的蓉，口感必會更好。沙律新鮮爽脆的沙律菜有羅馬生菜、紫生菜和車厘茄等，混入自家調製的天然果酸醬汁，健康清盈，更予人酸香醒胃之效，味蕾為之一振。拿破崙海蝦扁麵$7

今日蘿拔仔同事請食飯, 唔好意思食太貴, 但質素又要ok既蘿拔仔就再次推薦左PASTA PAPA喇, 須知道上次吃過晚飯後也覺得不錯呢, 連甜品也是百多元, 算是抵食本來諗住可以早少少由office 出黎, 點知出到黎已經成12:35, 電梯一打開, 已經有好多人等緊位, 而第一輪的客人已經逼滿左餐廳既位置. 侍應妹妹很貼心的問了我們幾位, 姓什麼, 我們便開始排隊了. (帶位的時候也是叫你姓的, 感覺比叫號有人情味) 點知..一等就係一個鐘, 到1:30分先至可以入座. 第一輪入不到, 兩位以上的客人建議去別家碰碰運, 除非你很不趕時間吧.店內裝潢在日光的影響下比晚間來的明來, 更加舒服, 若不是午飯來應該會很寫意吧今次蘿拔仔同同事無叫到甜品, 只叫了午餐. 今天主題是拿破倫海鮮意大利飯, Carbonara意大利粉, XO醬海蝦炒意, 黑椒安格斯牛柳炒意及拿破倫雞肉意粉. 我們除了拿破倫雞肉意粉外全都叫了XD餐湯是PASTA PAPA的拿手好戲 – 粟米忌廉湯. 味道濃郁, 而且有佈滿磨碎的粟米有額外的口感XD蘿拔仔叫的是XO醬海蝦炒意, XO醬感覺是李錦記的, 配料有點少, 只有

早前在openrice見到幾位食家的推介後, 竟不久就發現它推出團購, 一心都打算來試試, 看看它有何吸引。我大約7:45pm到達, 已全場爆滿, 還有兩位客人在等位, 果然幾旺, 我站在門口等了大約20分鐘, 廚房正正在門口位, 不時傳來陣陣香味, 令我的小胃仔不停咕嚕咕嚕地叫喊! 環境地方小小的樓上舖, 大約有五枱四人位, 三枱兩人位, 兩人位可變成四人位, 彈性大。雖然地方小小, 但位與位之間有一定空間, 讓客人坐得舒適。這裏其實有很多吊燈, 但不知節儉還是營造情調, 全部都沒有開啟, 只是開了放在窗外的四盞小掛燈, 有點昏暗。牆上貼有一些可愛的圖案和文字, 書架上放了幾本咖啡書, 非常吸引, 很想拿來看看。服務樓面只有一位女服務員, 負責廚房則有兩位男廚師。他們都很有禮, 見我站在門口久等, 便跟我說不好意思! 他們都忙過不停, 樓面的女服務員一腳踢, 頗辛苦。眼見枱枱都有杯暖水, 還以為她懶理我這位團購者,  幸好吃了一會她便送上一杯暖暖的開水, 服務都算周到。食物在三個選擇中, 本應一心想試招牌墨西哥卷, 但可惜是日饀料只有煙肉, 不太喜歡煙肉的我, 唯有改變主意, 揀選

蘿拔仔一直相信於OT到不知時日的世界裡面, 間不中吃一點好的是一個很好的調劑, 也是對自己一點小小的補償. 所以, 今晚來到同事推薦的PASTA PAPA來嚐一下鮮. 主打西餐的PASTA PAPA 有多款晚餐可供選, 是次蘿拔仔便挑選了巴馬火腿黑松露忌廉汁意大利飯!落完order無耐侍應該送上沙律同埋餐湯, 沙律既菜都既爽脆, 而且已經預先澆上黑醋同橄欖油, 好開胃呀! 餐湯則是粟米湯, 粒粒既粟米已經磨成蓉, 而且口感非常creamy, 少少杰得黎又唔”漏”, GOOD!講返主菜先, 除左蘿拔仔既risotto, 同事仲嗌左墨魚汁墨魚仔扁面同埋香蒜帶子炒意粉! 味道都唔錯, 尤其意粉夠彈牙, 連埋黑椒同香蒜炒香非常吸引呢!同事兩碟都上晒枱之後, 終於到蘿拔仔個Risotto上枱喇! Waitress 仲好貼心咁攞埋芝士粉黎比蘿拔仔自己加上去呢! 個risotto都幾creamy, 不過份量上面細啲, 黑松露味好重, 每一啖都食到佢陣陣既香味呢! 唔錯唔錯! 有機會一定要試埋呢度其他食物! 雖然裝修簡約, 地方細細, 不過食物味道真的不錯!

聽聞依間樓上意粉餐廳長期爆満，午市不設訂檯，之前曾經去過都見到虛撼場面，未能一嘗心有不甘，今日再接再厲，等了大概半小時終於等到啦。Set Lunch 有5款，頭盤可選湯或沙律，當日點了湯和香蒜帶子炒意粉。個湯是粟米湯，飲得出是用新鮮粟米打成蓉煮的，很清甜。炒意粉上桌時香噴噴，急不及待要馬上品嘗，一入口真的不得了，意粉炒得剛剛好，入口彈牙不油膩，帶子又煮得剛好內裡仍然很嫩滑，估唔到這細小樓上餐廳有如此高質素，超讚呵！另外再值得一提是杯咖啡，好香好滑好好飲！為咗意炒為咗杯咖啡一定會再來。

對於新開小店來説，團購確收到宣傳功效，至少本人若非買了團購，不可能認識及光顧Pasta Papa。以優惠價試新店，絕對迎合聰明的消費者！享用優惠必須在非繁忙時間，亦是合理的要求，周六下午正是來一頓輕吃的好時光。位於上環商業大廈內的Pasta Papa，需要花了一會兒方才找到，樓上小店面積細小，步入大門，右方是廚房及水吧，直入是餐廳，只有四五張枱，估計只能容廿人，二時多到達，餐廳亦半滿。團購餐有三款選擇，就挑了磨菇海鮮薄餅及cuppucino一杯。未想到比薩薄餅批底竟然如此薄，如小吃的薄脆片，微焦，入口確實香脆，咀嚼聲音響亮，餡料方面有蘑菇及蝦，小蝦仔雖然多是雪藏貨式但無雪味，口感爽爽，配以芝士蘑菇同吃亦匹配；芝士份量恰當，未有蓋過餅底的脆，吃起來不膩，因為芝士味不濃，適合如同行友人喜歡傳統口味的香港人。整體水準幾好，值得一試。潮流拉花熱，想不到我們的 Cappuccino 及普通咖啡亦拉了花，花瓣清楚可見，咖啡水準對辦。附近食客點選的意粉賣相吸引，若非趕時間，必會加單，唯有改天才訪。

上環一間樓上cafe 主打意粉！lunch time 時間一到埗，已經卻步⋯感覺是附近office 打工族既飯堂，small,crowded and noisy!!! 正如mk 樓上cafe 坐滿一樣，頭已痛！最終order了lunch set粟米湯（不是creamy ，味道是罐頭的，但加了很多攪碎既粟米粒同black pepper! 口感似食糊多過湯，原來粟米湯加pepper 都ok wor）香蒜帶子炒意粉 ⋯⋯(等了有15mins,一上枱已經勁香有鑊氣，有別於pizza hut 既味精重口味,呢碟係真材實料，意粉本身煮得好嚼勁！但略嫌炒得過油、膩）加左$6要Latte,竟然拉埋花！味道ok!可惜環境局限，relax 唔到！total $92 lunch set 其實唔算平！俾多少少已經可以搵間好既餐廳慢慢嘆。總結可以為食意粉而黎（聽到其他客人也讚自己碟意粉好味），唔可以為hea/朋友傾計食飯既地方！或者可能⋯只係時段問題  

約左個朋友係附近返工嘅，上左去食lunch,可能我地早到嘅關係，都未開始多人。我地叫左兩個lunch set, 有沙律或餐湯揀，仲有餐飲叫埋。叫左餐冇耐人潮開始湧入黎！好彩早到啫！我地個沙律同湯叫完就好快就有得食，食住等個意粉。我叫左個xo醬蝦炒意粉。好惹味，個意粉嘅質地啱啱好，唔係硬又唔林！味道一流，估唔到仲好食過街的兩間大舖！朋友叫個意大利飯都好好食。可惜我冇映相食完就走了，唔阻人地咁耐！埋單係要俾cash,又唔收加1，幾好！服務員好好，好nice,不過佢地都好忙！哈哈！我見都有晚市menu,下次都可以再encore！

是日無啦啦發現呢間餐廳見有dinner set 就同友人一齊入去試下我地叫左個帶子意粉($128)同三文魚pizza($118)先有前菜同粟米湯沙律都幾新鮮下 粟米湯ga賣相令我起初以為唔掂 點知一飲 正！ 會食到好多粟米到了帶子意粉意粉軟軟地 幾有咬口配埋黑椒好好食 不過食食下有d似pizza hut ga一個意粉到pizza 可見塊塊都有三文魚上面仲有醬 薄pie夠脆但唔會令人覺得食更餅乾feel so good!朱古力上有令令拉花 不過杯朱古力有少少稀 應該係少粉夠水 所以飲落麻麻個餐仲包埋甜品我地揀左焦糖燉蛋同泡芙燉蛋夠滑 唔會太甜太漏至於泡芙 一開頭入面硬硬地 可能雪得太耐 但都唔難食整體呢間餐廳ga環境同食物都可以比8.5/10分