Patisserie Tony Wong (已搬遷) 新店位置

時間尚早，甜品櫃還沒放滿，店內已有不少客人。本打算買朵小花跟好友慶祝生日，但卻看見重出江湖的Ruby Diamond，很想吃，既可送你一顆鑽石作生日禮物，又可多試幾款，我說服了自己Ruby Diamond牛奶朱古力外殻不太甜，中間是又滑又香的榛子忌廉。賣相滿分之外，味道亦滿分。Chocolate LoverMetallic pink的心心和馬卡龍，精緻得比鑽石也比下去。底部的朱古力蛋糕像brownie，濃郁的朱古力味。穩陣的朱古力蛋糕，水準出眾，卻沒有驚喜。One Two Tea很可惜，打開時發現花了，目的地實在太遠。沒有預期中濃的茶香，倒有點來自餅底的橙香。Raspberry chocolate cake深紅的造型，加上面層的花紋，格外高貴。十分濃郁的朱古力，很稠卻十分滑。酸酸的紅桑子味，帶來一陣之外，增加口水分泌，間接地平衡了稠稠的朱古力。這就是每次也試不同款，但從未失望過的Tony Wong出品。

想去好多次都撞不到時間，今次經過九龍城順道買給家人吃，問面很細差點兒過了都唔覺，入去舖面是很簡約，款式亦不多所以很快便選了，玫瑰朱古力真的很漂亮吸引所以也引不住手買來送給友人，埋單時店員有點亂，付了錢的忘記了，未付的又不太清楚，不理了，馬上回家和家人及友人分享，第一個忘了名字係一條條朱古力即製味道不錯很鬆脆，芒果mousse亦不錯(不過就唔太特別)，食到鑽石，玫瑰就得個樣，裏面好甜，其餘的都好甜，食到一半已放棄了，我們差不多10人都食唔晒，唉～又比一個名氣和美麗嘅外貌(玫瑰)而浪費了時間及金錢

每次食完飯後我嘅老毛病就犯了。。。。就係我會完全想唔到可以去邊，完全唔知道有咩想做，當飽到一個程度，我仲會除咗（好飽呀，好飽呀）之外幾乎唔想講其他咩野，當然，今日仲未飽到嗰個程度 我企起深水埗地鐵站已經差唔多成半個鐘頭了，都未知想去邊，禮拜日中午wo，唔係咁早返屋企呱。。。。 突然靈機一動，啊，就好似俾雷打中差唔多，去食甜品咪得囉，我居然喺哩度蕩咗咁耐 就去九龍城啦！ 先去嗰間買件西餅食下啦！點去？ 。。。。。。。 好容易姐，坐地鐵去樂富落車，行出去聯合道南行，賈炳達道轉左，去到目標嗰條街右轉入去，行個街口咪喺左手邊囉，真係話咁快就到呀，慢慢行10幾分鐘都到啦～一抬頭就見到間鋪嘅招牌喇。1點幾鐘，入面已經有唔少人，我好似做賊咁快步行入去，然後盡快逼到入最裡面。。。點解？ 咪因為我知道今日我居然想駛45蚊買一件西餅囉，俾老婆知道我趁佢唔係香港就做埋啲咁嘅事，一定會鬧我一餐勁架喇，上次去尖沙咀海港城買咗一盒馬卡龍之後佢就差唔多想爆死我了 去到餅櫃邊，我就好似其他餓鬼咁頭向前眼金金咁望住造型各不相同嘅西餅喇～要邊件好呢。。。我好快咁排除咗好似好好味嘅Green Tea Opera，同埋

已經食過三個TONY WONG 蛋糕, 無理由唔寫番個食評留念嘅~話說幾年前TONY WONG進駐九龍城之初, 人食我食咪執輸, Honey唯有順應我所想, 同我間中去"朝聖"一吓, 假日下午茶買幾件小蛋糕沖壺靚茶自己在家'High Tea', 係呀~ 兩個人食三件$100大元就拜拜喇!   (今時今日今非昔比價錢已不可同日而語)  後來因為新鮮感過了, 食到尋常了, 於是轉風走去食咗好多次'豪華'蛋撻, 再後來因為豪華蛋撻成日假期下午排長龍, 我呢啲心多嘅為食貓間中又要食吓'義香'的豆花豆漿, 再且間中又要去'羊鞍'食下午茶香草燒雞脾沙律餐, 再近來自己玩烘焙, 假日下午茶通常都吃自家出品的什麼東東也好.......TONY WONG 已被我漸漸遺忘了......不過呢排每逢喜慶節日阿弟都喜歡走去TW買蛋糕回家, 於是我又有幸坐著等開餐!     名師出品, 外型靚之餘味道亦很好!  我們吃過Chocolate Truffle Cake, Chestnut Cake and Mixed Fruits Cake, 全部都好吃, Cream 打得幼細, 甜度剛好, 入口順滑, 蛋糕棉密

專誠和友人入九龍城尋找美食，第一站已引不住先吃甜品。一踏入店舖雙眼已離不開那放着林林總總蛋糕的甜品櫃，由於大部份甜品都太吸引，我和友人都猶豫不決選擇了一會。最後鐘愛朱古力的我選了chocolate truffle。Chocolate truffle賣相不算非常漂亮，但吃下真的會另人上癮！面層的朱古力醬跟裏面的mouse簡直是絕配，朱古力味非常香濃，底層的朱古力脆脆亦是我的心頭好，朱古力迷萬勿錯過！

九龍城趴趴走，圓了小妹的心願 - 去了一趟正消失中的衙前圍村，逛了一圈。然後，向小姐心儀的甜品店Tony WONG進發。Tony WONG之作，素以華麗巧手見稱，然，價格也不菲。紅黑玫瑰花瓣造形的蛋糕，嬌艷動人，俘虜了不少人的芳心！Lemon Tart with Raspberry Meringue紅桑子蛋白糖霜檸檬撻$48咬下有三大不同的層次 - 底層乃香甜脆的杏仁酥皮，中間夾著酸中帶甜且滑溜細緻的檸檬吉士，面層則鋪上紅粉菲菲且果香濃郁的紅桑子蛋白糖霜。撻餅入口酸酸甜甜，且甚具咬口，蠻不錯的！Green Tea Opera綠茶歌劇$45賣相頗為高雅大方，淡綠色再襯以深綠的條線，再加上一小塊金箔點綴，更顯貴氣和內涵！咬下，中間綠茶忌廉雪得頗硬，要費勁才能咬開，蛋糕較為乾身，綠茶味也是淡淡的，有點失望！小結：店內只有兩三個企位，每人平均消費$46，要站著享用，且沒有水提供。坦白講，不是小姐要去潮聖，小妹是不會去的。

Chocolate truffles 基本上是每次到tony wong的必吃之選。 半球形配光滑的朱古力面，外表簡單但卻更顯其藝術氣息。 此蛋糕甜度適中，內裡朱古力香滑再配餅底脆脆，口感味道的確絕配。另加raspberry chocolate, 蛋糕層和味道有點似chocolate truffle, 但帶酸甜，感覺很清新開胃。下次再來，raspberry 必然加入購入名單中。

Patisserie Tony Wong九龍城福佬村道74號 Special Color Rose Cake $490(1LB)今年生日又驚又喜傻佬偷偷預訂了咁出名的玫瑰花蛋糕比我其實我原本真係失禮哂真係無留意原來有間咁出名人人都識的蛋糕店直到收到生日蛋糕指定動作影相post上FB後除了收到各方道賀哈哈跟住先知道原來我哩個蛋糕係名師出品連明星生日都用它蛋糕除了靚靚靚外味道就如果喜歡甜野的都應該會喜歡花瓣係應該用朱古力制造花瓣續層拎開就會見到用忌廉包住海棉蛋糕的圓圓花蕊真係靚到同藝術品無異手工精緻鮮忌廉好滑唔會好甜海棉蛋糕都唔係好甜初初分開花瓣同花蕊食但食下食下先發現應該2樣一齊食因為分開食花瓣就漏得制蛋糕又清得制但一起配合食就中和了花瓣的甜度但係當我知道個蛋糕成$490元內心有點登傻瓜肉赤不過有人話從未送花比小妹今年特別送朵食得的玫瑰咁聽完又諗諗下好過他買一束真花比我哈哈始終真花我仲肉赤不過美中不足係蛋糕不知道係邊到撞爛了><無人知可能係職員入盒時撞爛無出聲又可能係運送時整爛所以大家真係要小心的拎個玫瑰花真係好脆弱

napoleon 恐佈傑作， 食了多次表面不鬆化， 蛋糕看下去款式多， 點了 raspberry cheese cake, brulee. 原來名過於實， 外接蛋糕精緻美麗， 可惜入口完全不同， 只得甜或酸。價錢不提。 這樣水準我試過就夠了， 謝謝，辛苦了 tony wong.

放工經過紅磡,心思思想吃件蛋糕，為自己加加油，於是駛入九龍城，九秒九停好車後，衝入餅店！五六點的時間，店裏人不少，蛋糕款式還很多，件件精緻可人，色彩繽紛，造型奇特，都讓人有一試的衝動！一番思量後，選擇了朱古力truffle和lemon 撻，店員細心放入盒子，加入冰袋，固定好蛋糕位置，包好交給客人，再細心提醒須盡快吃掉，服務專業、有禮！回家即試，感覺非常棒！Lemon 撻酸酸的，非常細滑，感覺很清新怡人！如可增加一點甜度，則更合我胃口！朱古力truffle,外表無懈可擊，完全藝術品一樣！光滑的朱古力，讓人垂涎欲滴！一口咬下去，既可嘗到微苦的幼滑朱古力，甜甜的慕絲，還有可口的脆脆，多重口感，如何的一種享受！那種不多不少的層次感，真的讓人醉了！每次經過九龍城，就會想到tony Wong 來！

一入到tony wong,就有種花多眼亂既感覺，每一種cake 都感覺好好食，每一款都好想試。每件cake 大給約$40-$50，budget 有限，就叫左三件黎試。Ruby diamond $50鑽石形的蛋糕好得意，最外層係raspberry chocolate, 入面係夾心榛子蛋糕同榛子醬，香濃幼滑！Chocolate truffle cake $46呢個第二次食，但每一次食都好正，綿滑的黑朱古力，甜度適中仲帶少少苦味，有朱古力脆脆同mousse 既口感一流！Raspberry nepaleon $45 由買到食中間差左差唔多七個鐘，但個nepaleon 竟然仲維持到脆卜卜的感覺，西利！custard 唔會太甜，加上raspberry 既酸啱啱好！總括而言，tony wong 咁出名係有佢既原因，真係無得輸！

打開個盒, 真係嘩一聲....未見過咁靚既蛋糕 (一磅重),個花瓣真係好真實, 上面有閃粉, 顏色調教得好舒服...所以都唔捨得切落去ga...連插支candle都唔捨得...不過聞落去一d都唔香ge...呢個蛋糕謀殺左我部相機d memory~~點知切左落去就大獲...好多cream, d cream仲多過d蛋糕..花瓣應該係朱古力?? 甜到阿媽都唔認得, 所以放唔到入口...所以d花瓣唔食得, d cream唔滑, 而且太甜, 所以又放唔到入口...得返d蛋糕同埋少得可憐的士多啤梨...d蛋糕唔綿, 係鞋口ge...d士多啤梨應該得幾粒, 仲要勁酸...點解咁靚個蛋糕但係內在美係咁差??我覺得個chef要諗諗辦法一個咁靚ge蛋糕應該都要好好食先至係上品...結果切完個蛋糕之後, 淨係食左d鞋口ge蛋糕, 就扔左la...好浪費...

晚上回家，媽媽說雪櫃有個驚喜，即刻入廚房開雪櫃，原來是Tony Wong! 一打開就見到好靚既玫瑰　還有鑽石和另外兩件，她說是新出的，但全部都忘記了名字。顏色好似唔同左，原來唔係一直很想試的ruby diamond，已經沒有再出了乳酪味的mousse下面是黑加侖子味流心，又light又fresh。這件是梨味的，帶點酒味，蛋糕有點實和乾，口感只屬一般。壓軸出場當然是玫瑰！白朱古力做的花瓣閃令令，好靚。沒想像中甜，只愛黑朱古力的我竟然覺得不錯。我們一塊又一塊，食唔停開始見到中間的蛋糕士多啤梨蛋糕，跟其他款式一樣，都有豐富的不同層次。跟花瓣相比，味道清淡，帶士多啤梨的清甜，平衡得很好。好好食後來才知道原來是七夕情人節，媽媽是我永遠的情人

有一日同男朋友行經九龍城，突然想起Tony Wong既cake，就同男朋友去買黎食。店內有幾位顧客，我同男朋友係display櫃前揀左好耐，終於揀左呢個靚到唔捨得食，同男朋友慢慢逐塊拆開食，但食食下其實都幾漏😂但真係好好味。入面個芯有啲mousse,脆脆，蛋糕，幾重口感，超正！下次想再試埋其他！其實服務方面，我同男朋友係櫃前望住啲店好耐，全部兩個人pack一盒蛋糕，我地完全無人理，有啲唔開心。

今日剛巧有事去了九龍城，當然要買一買它的名物啦~~先去了Tony wong，久違了的Tony，實在很想念它甜美的蛋糕呀~今次只選了四件蛋糕，Blueberry tart，Mango mousse，Raspberry chocolate cake及Green tea operaBlueberry tart 的藍莓粒粒飽滿甜美，吉士打軟滑香濃，撻皮牛油香氣重，不過略嫌太實...Mango mousse 成品很漂亮，層次分明，味道酸甜得來又不會很artificial，芒果慕絲，雲尼拿奶凍及芒果啫喱的配撘，剛好Raspberry chocolate cake賣相很高貴漂亮，甜美濃郁的朱古力慕絲夾層中有酸酸的紅莓，加添了清新而開胃的味道。慕絲中間又有一層脆脆，增添了一份口感~Green tea opera 是我一向都很喜歡的一件甜點呀！Opera的層次分明，抹茶味帶甘，配上朱古力慕絲，好味就這樣，美味又滿足的part 1 就完喇~~~