Patisserie Tony Wong Dessert Cafe (已結業)

以前食Tony Wong, 多數都係食佢個Chocolate Truffle Cake, 所以今次就揀咗個我自己都鍾意食嘅甜品, cream brûlée開頭以為個cream brûlée同其他鋪頭嗰啲應該差唔多，跟住第一啖食落去，發覺有啲玫瑰味，睇真啲原來佢係一個cream brûlée with raspberry and rose pedal。有淡淡嘅玫瑰味，令到嗰整體唔會太甜，但亦都冇搶走到cream brûlée應有嘅味道。好好食。

好耐冇po過啦!近排又發現新嘢，值得再開下po😎平時去yohoo戲院 都唔知佢後面有呢間望落去裝潢唔係好特出既店💕雖然望落去唔係咁吸睛，但係裡面就絕對令你眼都突埋出嚟，轉噻做❤❤眼 😍一入去坐低。。打開menu 就已經流噻口水 🤤。。。嘢食上台。。。一個字 「讚」兩個字「超讚」三個字「冇得彈」先係上咗兩杯咖啡，個啡底認真唔錯，如果鍾意齋啡既寶寶就一定要嚟試下☕再嚟就係一個鬆餅套餐。 佢個鬆餅好好食，好鬆軟。其他店可能配普通果jam或者蜜糖，佢就配咗個玫瑰士多啤梨醬。鬆餅小小既鹹味再配淡淡花香又唔係好甜既醬，讚👍跟住就係甜品啦～食咗個雜果梳乎厘佢好食個位係佢既蛋味好出 同埋好軟熟。擺上台好彈😂😂 不過可能有d人會反而因為佢蛋味好出而唔鍾意，所以個梳乎厘既好食程度我就唔多講啦(但小篇覺得好食🤫 )總括:認真好食 值得po 值得去 值得再去

Patisserie Tony Wong (元朗)元朗元龍街9號形點一期1樓1025號舖～～～這家蛋糕真的是不得了 單看美麗的造型已經讓人神魂顛倒 港女們一定喜歡啊 會謀殺好多電話的儲存空間呢 味道更是不用說 千層酥 非常酥脆 入口喀喀聲 做得非常精緻又細膩 奶油好滑 奶味好重 云尼拿還有云尼拿籽 最欣賞的就是蛋糕每一方都製作用心 無論是用料 造型 份量 也都非常出色 現在這麼優秀的餅店已經越來越少了 這家店以前在港島銅鑼灣也有一家 可惜現在分店越來越偏遠了～～～推薦度：🔥🔥🔥🔥🔥（5🔥最高）

好朋友放半日，近佢工作地點就搵間坐下傾下計。佢介紹左呢間tommy wong,我有響九龍城買外賣，但堂食就無試過。卡位唔係特別，裝修有啲港女至愛tiffany blue....華麗又唔算既，餐具都唔係特別388/2話平唔平話貴又唔貴，係因為地段問題，元朗喎⋯又無風景睇既咸食：伯爵茶scone伴奶油果醬、龍蝦牛油果班戟、黑松露芝士三文治 、迷你pizza、迷你漢堡甜食：軟雪糕、芒果熱情果mousses、焦糖燉蛋、朱古力球、士多啤梨拿破倫包$38飲品咸食：伯爵茶scone伴奶油果醬：無伯爵茶既，奶油唔夠輕身龍蝦牛油果班戟（？）唔係牛油果係變左沙律醬，即時唔特別黑松露芝士三文治（？） ：變左三文魚多士，無特別正常味迷你pizza：乾左啲迷你漢堡：肉叫做純牛肉球，有肉質感，但個包好硬甜食：軟雪糕：還好芒果熱情果mousses：本身唔太喜歡熱情果味焦糖燉蛋：太細杯喇，糖唔夠脆蛋仲有啲實朱古力球：一整粒朱古力外硬內軟，有層次，比想像好士多啤梨拿破倫：賣相麻麻，士多啤梨唔夠甜，吉士可以再多啲士多啤梨奶凍：有啲士多啤梨粒粒增加口感奶算滑都唔錯餐飲$38其實係得檸茶檸水其他係要補差價既earl grey

有時我哋呢啲麻甩佬為咗要tum啲港女開心都要迎合佢哋口味，聽聞呢間Tony wong，個玫瑰花蛋糕係比女仔影相打卡，今日就帶我女朋友黎試吓，估唔到食落個味道都可以，唔係一味好甜嗰種。堂食同外賣都係一樣價，但係堂食個環境仲好靚好舒服添所以計埋個環境其實個性價比都幾高，另外在每人叫左一杯茶，花茶係可以不斷加水慢慢坐，幾嘆呀。

另一半從來都唔鍾意甜食，就算麵包、餅乾或蛋糕都不愛，但酸味嘅糖果或黑朱古力例外，所以從來只有我一個食甜品，而佢最多都係食下多花奶啫喱或飲果汁陪我！從來我都冇買過蛋糕同佢慶祝生日，因為我唔想最後要自己食晒成個蛋糕，但今次我想俾少少驚喜佢！好耐之前買過Tony Wong既玫瑰花蛋糕同朋友慶祝生日，印象中記得嗰啲花瓣好似係朱古力，所以我就喺佢生日當日偷偷地買咗個小型玫瑰花朱古力蛋糕預先放喺屋企，之後再扮到到啱啱放工，同佢食birthday dinner返到家後，我就係佢沖涼嘅時間插好蠟燭，佢一出嚟我就點蠟燭同唱生日歌，佢好surprise冇諗過會有蛋糕收最終佢食咗三分之二個蛋糕，因為個蛋糕竟然唔太甜，而且朱古力花瓣面頭有少少苦，所以個蛋糕好啱佢口味，總括來講都不錯

It has always been a great delight dining at Tony Wong, an elegant venue with great desserts.😊Firstly the environment, love it! Green and white setting. There is enough space inside.The desserts are mouth-watering! My daughter especially loves Strawberry Lover, which is a little bit sour and sweet while I opt for pancakes with assorted fruits on the side of the dish.The staff are friendly and helpful, which makes the experience a pleasant one.😊

除了生日蛋糕外，Tony Wong 既甜品店多了很多選擇！是日是朋友生日，我們四人約了吃甜品下午茶慶祝🍸 星期六下午都幾多人好彩朋友住附近拎左飛只係等左十分鐘就有得入了！我們點了芒果四重奏、抹茶四重奏、蕉糖燉蛋、香橙檸檬疏乎厘pancake及一個加左生日牌既peach cake (忘記了名字！）芒果四重奏好好味😋TW芒果甜品keep住有水準，芒果清甜啖啖果肉賣相又靚同埋配搭d cream都不會太甜，反而個抹茶四重奏同埋蕉糖燉蛋就普通同埋遍甜！香橙檸檬pancake幾清pancake 口感幾好唔會太淋，good 👍🏻

港女朋友生日，就買個港女蛋糕慶祝下啦臨急臨忙訂唔切，就去左門市睇有咩款買啦依間有堂食位，都幾多嘢食喎下次可以嚟試下啲雪糕都好似幾吸引除左signature個玫瑰蛋糕之外，其他款式既賣相都好吸引不過都無諗其他啦為左佢個港女蛋糕嚟咖嘛除左朱古力，其他嗰兩隻色都係士多啤梨咁唯有揀朱古力味($148)Yeah盒入面有乾冰仲有埋蠟燭可以免費加生日牌賣相就真係幾好不過睇完影完相都要食既基本上大半個蛋糕都係花瓣嚟而啲花瓣......係唔特別好食既朱古力面頭既苦，都仲接受到但食兩啖就覺得好膩花瓣入面有啲mousse咁既嘢，依part幾好食但得好少最後我地3個人都食唔晒

近年要買生日蛋糕，總愛光顧Pâtisserie Tony Wong。雖然帝苑酒店FINE FOODS 才是筆者目中性價比NO.1之選，不過Pâtisserie Tony Wong 分店較多，蛋糕款式獨特而華美，加上門市提供即場寫牌朱古力牌服務，師傅字體秀麗得體，只需等候數分鐘便可取貨。雖然整體價格比較高，亦成為了筆者最愛之一。今天女性好友，特意挑選了帶有天然淡紅色澤的Ruby Chocolate Rose為她慶生。立體玫瑰花蛋糕是Tony Wong 的招牌貨式，外表吸晴。有別於其他蛋糕品牌，其花瓣以真正朱古力製造而非糖皮，沒有死甜的味道。此蛋糕特別之處，是用上罕有的Ruby Chocolate。紅寶石朱古力於2017 年正式面世，是繼黑朱古力、牛奶朱古力及白朱古力後，全球第四種無添加色素及香料的朱古力。蛋糕的外圍是片片細緻的花瓣，外觀一流，但切起上來誠然有點困難。我們先將廿多片大大小小的花瓣拿開，才可切開內裡的蛋糕。蛋糕內層由雲呢拿海綿蛋糕、香草鮮奶油、士多啤梨及杏仁脆底組合而成。Ruby Chocolate花瓣微酸中帶甜，有莓類香氣，不過朱古力吃得太多總會有點膩，我們八人分吃則尚可。

週末係元朗搵黎搵去都搵唔到特別既生日蛋糕，行過Yoho戲院前面，有間好高級既店舖，終於搵到的特別的既蛋糕！原本以為只係食甜品既Cafe，原來佢的蛋糕都好出名！好精緻既蛋糕🎂全部樣都好特別，有細款蛋糕仔，可以買個細既試左味先買大蛋糕。今次買左個 士多啤梨野苺拿破崙蛋糕呢個拿破崙蛋糕其係必選！100分滿分！餅底好脆，中間既拿破崙唔會一切就碎開曬，吉士醬唔會太甜太膩！加埋好甜既士多啤梨，同酸酸地既野苺，好開胃！呢個真係勁岩口味！另一個係 開心果配士多啤梨蛋糕，外層一粒粒嘅係開心果，綠色嘅係白朱古力，冇乜開心果味，成個蛋糕8成係白朱古力味，另外果兩成係士多啤梨餡嘅味道。對於我來講係偏甜，賣相滿分，味道普通，呢個蛋糕麻麻哋。

二零一八年八月底，元朗一天遊。友人知道我沒有去過新界地方，於是帶我來個元朗一天遊，晚上再跟他以前的瑞士籍主管晚飯。在逛該區的購物中心形點的時候，給我發現這家有名的本地品牌甜點，沒想到原來連元朗區也開了分店，於是過去看看。友人見我拿不定主意，知道我喜愛伯爵茶的他於是買了個名為One Two Tea的伯爵茶香橙蛋糕給我。插在蛋糕裡的小管子裝的原來是橙汁，為了把橙汁慢慢導入蛋糕中，我就小心奕奕的導進去，免得飛濺出來。伯爵茶跟香橙的清香原來很配，入口細緻綿密，甜而不膩，整體是偏清淡的，不過導入橙汁的前後分別不大的就是一些設計的小巧思吧。本地製作，是應該支持一下的。

星期六放假的關係，約咗朋友去Yoho Mall 睇戲， 因為係睇三點半的關係，所以就去食個甜品下午茶😋 咁啱戲院隔離 ，就有間高檔的甜品下午茶啦入到去已經覺得環境舒適，顏色十分舒服係淺藍色裝修 ， 最低消費每日六十元正我哋就叫咗個野莓拿破崙cake ， 睇個樣 已經十分之吸引， 餅皮十分鬆化， 每樣配搭多十分， 樣樣都恰到好處Cream Bulee,( 法式燉蛋) 面頭有脆皮的糖衣， 入面係有玫瑰花味的蛋， 淡淡玫瑰花味， 十分之清新 要慢慢品嚐叫咗杯Cafe latte 十分ok， 配一塊自家製的蝴蝶餅薑汁檸檬熱飲薑味十足，飲完十分舒服。下次會再去， 食一個high tea 😋😋😋

其實一直都好想試呢個玫瑰花蛋糕 因為真係整得好靚 同埋知道Tony Wong 嘅蛋糕好有水準唔係得個靚字 因為冇人送俾我食所以我就趁媽咪生日就買俾佢呢度嘅服務真係幾好 可以預先喺網上面訂購 或者打電話上去預購都得 我覺得網上有得訂好方便最重要呢一隻蛋糕可以揀唔同嘅顏色 同埋入邊唔同嘅餡 所以下次又有藉口可以是另外一隻味啦其實都預咗呢啲蛋糕會好甜 因為好似要用好多白朱古力整成啲花瓣 都冇預過食啲花瓣 但試咗少少花瓣又唔係真係好甜 雖然食唔晒啲花瓣 但都每人食左啲花瓣因為夾埋啲蛋糕都幾好食不過入面蛋糕真係唔係好多 但呢啲少食多滋味反而更好極力推介呢個蛋糕 媽咪都好開心

唔想訂連鎖店蛋糕 見元朗有tony wong所以決定訂個好睇又好食嘅蛋糕 真係高質 係柚子味而且蛋糕質地夠軟身 價錢適中 啲cream唔會太甜真係太好了 因爲真係好唔鍾意太甜既蛋糕 同埋蛋糕真係幾靚幾鍾意！