PAUL LAFAYET

營業中

休息中

法式焦糖燉蛋 $50- 今日好想食甜品！經過這間法式甜品店，買咗招牌法式焦糖燉蛋。焦糖燉蛋是由雲呢拿籽加上濃郁的蛋黃、奶油、糖制成的蛋吉士，再倒入陶瓷容器中，在烤箱中烘烤。當我購買時，再即時燒上一層香濃焦糖面。脆口的焦糖和軟滑的蛋吉士真的好好味。

呢间嘢好出名嘅系焦糖炖蛋，我都食过好多次，今次同事散水饼请食呢间嘢嘅蛋糕，结果味道都唔错。✨最钟意提拉米苏蛋糕，有好香嘅酒味，10分湿润顺滑，入嘴好轻盈，一口即化，超好味。✨西瓜蛋糕，非常清爽的味道，基本没有奶油

法式燉蛋是我最喜愛的甜品之一, 感覺比較健康.一直想試Paul Lafayet 著名的招牌法式燉蛋, 而且很喜歡它盛載法式燉蛋的器皿, 襯托得法式燉蛋非常高貴, 又可以留來自用.這天到沙田新城市廣場影卡通公仔, 就順道去citysuper買了兩個試試, 果然名不虛傳, 質感極度幼滑, 而且甜度剛好, 不會過甜. 面層的焦糖脆脆是即時燒的.唯一不是太滿意的是店員的服務態度, 不太專業, 多人排隊時弄得很混亂, 要客人提, 而且亦沒有禮貌. 建議要有指定排隊區

今次私心同大家推介好好食既法式焦糖燉蛋，每次職員都會即場在燉蛋上灑上黃糖，用火槍即燒焦糖脆面，食入口非常順滑creamy，入口即融，每一啖都有濃郁蛋香奶味，甜度適中，食到底部仲見到好多雲呢拿籽，非常足料，令人一試難忘。值得一讚的是，無論盛載燉蛋的陶瓷器皿，定係包裝盒，都非常有質感，送禮自食皆宜。

今日星期三放工經過幾間來自法國嘅甜品舖，知道佢嘅馬卡龍好出名，咁啱想食蛋糕買咗一件$60 cream brûlée 試吓Ah雖然拎到返屋企，個蛋糕已經反轉咗同一買嘅時候形狀唔同，但係味道依然Okay 👍🏻，雞蛋味好濃郁又唔會太甜，最外面圓形啡色嘅一層係薄薄地朱古力🍫，再加埋舖頭signature嘅朱古力塊logo，都幾唔錯美中不足嘅係個蛋糕🍰成個反轉，影唔到相，同埋有少少貴，size 一般幾啖就食晒啦！

Due to the festival holding before, we bought some coupons and finally try it!! Its really yummy! Its not too sweet and the smell of the egg was really good! Also, it did not overcook!! Must eat again!

Crème Brûlée $50即買即燒嘅焦糖燉蛋🥚上面仲撒上一層焦糖 啲燉蛋食落好香滑🍮仲好有蛋味 仲帶少少冰凍😍入口即溶 甜度啱啱好 真係高質燉蛋👍🏻👍🏻👍🏻

食完晚飯當然要食甜品，今次就揀咗法式焦糖燉蛋。💫法式焦糖燉蛋$25燉蛋冷藏在凍櫃裏，撒上金黃的黃糖，再用火槍輕輕的燃燒🔥，再包裝在盒中。燉蛋甜度適中，忌廉牛奶味香濃，雲呢拿籽散發出淡淡雲呢拿香，再加上特別嘅容器，簡直100分。✅ 取後45分鐘內享用‼️若有堂食，味道會更佳📍 Paul Lafayet (沙田)沙田沙田正街18號新城市廣場1期2樓 city'super5⭐️評分好食指數：⭐️⭐️⭐️⭐️

諗左好耐生日揀咩蛋糕好，今日對法式甜品完全改觀，一直覺得法式甜品得個樣，呢間係有樣有實力，我仲有少少鍾意左佢。好鍾意甜品既我，一口氣買左3樣野試晒佢1. Macaron 15粒（另外送多6粒比我） ～ 心思思想試呢間既 Macaron 好耐，但因為$22一粒幾貴架，生日大晒嘛，咁我就買晒15款味，蛋糕姐姐話放雪櫃可放5日，5日內食晒佢，今日食左5粒，只有4粒食出咩味，其中一粒只有甜味，質感唔錯，外層鬆內層軟，係我食過最好味既Macaron，我會鎖定自己喜歡既味道，第日再返食2.Creme Burlee ～ 自己燉蛋自己燒，有得玩有得食，我最鍾意，質地軟滑，味道略甜，喜歡甜食的你應該啱口味。3.Creme Burlee Cake ～ 呢個蛋糕好，好軟滑，甜度適中，比 Creme Burlee 冇咁甜，食到焦糖香味，唔會漏，有自己特式既蛋糕，應該冇人抄到喇。呢個係一定要試。最後要讚埋兩位蛋糕姐姐，好優雅好襯呢間舖，一位好有耐心介紹甜品比我，一位幫我寫生日牌（啲字好靚）細心地包好生日牌&蛋糕&甜品～ 欣賞態度親切

今日我啲朋友仔買左個焦糖燉蛋俾我食，聽聞呢個好出名，一攞出嚟已經俾個樣吸引住，好靚嘅盤仔裝住燉蛋已經好想吃，佢地諗住屋企有火槍就返屋企先燒個面頭，唔知係咪佢地燒得比較濃少少，有好少好少嘅苦味，不過唔係太大影響，不過脆脆嘅焦糖面加上燉蛋真係好正，如果蛋味再重啲同滑啲就更加prefect

之前試咗焦糖燉蛋，今次就試吓馬卡龍💖係個Menu度睇到，呢度嘅馬卡龍有好多唔同嘅口味，所以我點左幾款唔同口味嘅試吓第一款就係Rose，它擁有很香的玫瑰味，食落口嘅時候有入口即溶嘅感覺。第二款係焦糖味，佢嘅口感很豐富，非常適合焦糖控第三款係lychee，佢嘅口味非常經典，亦有一種少女嘅感覺，令人非常陶醉嘅口感最後一款係Chocolate，一口咬下去的時候，可以感受到外與內嘅交融。味道非常突出整體來說，呢款法式甜品非常精緻。但我個人不太喜歡吃太甜嘅甜品，所以對我來說可能略甜但我認為也非常不錯👍🏻它的口味變化多端，外殼也很脆

之前經過呢間店，就買咗兩個焦糖燉蛋，諗住可以當甜品享用所以就買咗啦先形容一下佢嘅外觀，佢嘅設計非常吸引人，大家有機會一定要去試吓這個焦糖燉蛋的好味之處在於面層上的糖霜，除了甜之外，還有一種難以形容嘅特別味道。香甜嘅焦糖帶來了一份輕柔，咽下肚去時甜到入甜到入心底。如果喜歡甜的人，你一定要嘗試一下。

因疫情關係，門市早左關門，而燉蛋數量也少了。幾次經過不是關門就是換完。今次下午打電話預留2個，夜晚終於換到。焦糖燉蛋一如以往的美味3個缽可以換1粒macaron，等我下次試下。

Macaron色彩鮮艷，帶俾人開心嘅感覺😆，未食落肚之前，幫佢哋影下相都夠happy！📸☺️ ·前排試咗3款味道，每款2粒，整整齊齊排好喺盒入面。😚 賣相好靚，味道方面全部都相當唔錯，唔會甜得好誇張。細細粒，食多幾粒都唔覺有好大罪惡感，哈哈！😛 一次過食咗3粒當宵夜！🙈 ·咁多款味道之中，我最推介雲呢拿味，好好食呀！！！😍 有機會一定要再食，諗起到流口水！🤤·🔸 雲呢拿（白色）🔸 荔枝（白+粉紅色）🔸 紅莓（紅色）

這裏的法式焦糖燉蛋其實係非常好食，所以每逢推出買一送一優惠時，我的朋友都會嚷着要入貨，平日原價都要$50一個，我真的不拾得吃呢。不過今次smartone會員有生日優惠，可享一客迷你牌法式焦糖燉蛋，約有掌心般大，店員會即場在燉蛋面灑上砂糖，再用火槍燒一會直至面層的糖變成焦糖後再放入一個小考可愛的禮盒中，十分有心思。客人可即場食用或外帶，同時店員會叮囑客人最好於半小時內食用，確保品質不變。燉蛋入口即溶，非常幼滑，蛋香味濃郁，甜度剛剛好，重雲呢拿味，每一口都可以食到相當數量的雲呢拿籽，食完一客真的想再食多一客。吃完那個甜品，剩下的陶瓷器皿又可以留著用來放零粹小物或當食具用亦可。