Peace Concerto Cafe 17 (已結業)

味道清新, 什菜料足, 飲完後唔會口渴, 但賣相可以再好一點蝦夠爽口 蔬菜好新鮮 醬汁好醒胃雞鎚超入味，炸薯角洋蔥圈脆漿很脆又不油膩👍 吉列蝦仲入面夠水份冇炸到乾爭爭牛扒煎得剛剛好七成熟非常嫩滑，醬汁亦夠味，不錯三文魚扒好大塊外脆內嫩，加上濃厚嘅蘑菇汁一齊食口感好好😊翠玉瓜可以再淋少少，但係意粉煮得剛剛好唔太淋亦唔太硬，食完碟底亦都冇油多，味道很好👍沙冰味道的確不錯，但放得耐會起粒粒，希望下次有改善！店舖東主親手製作生日雪糕夾餅認真有心雪糕仲好好食添雖然是朋友介紹來第一次試，但係食得出每一樣食物都有用心製作，今時今日好少有呢啲咁嘅餐廳，整體來說都很滿意又食得開心，店主一有空會出來同在坐客人傾計，認真難得.                                                                                                                                                                                                 

Love the variety of food items in the menu from rice, pasta to sandwiches and salad from this small cafe! In particular, a vegetarian option is always included in the menu (this can be hard to find in many cafes or restaurants in HK). This shows that the chef cares about his/her customers and is considerate about their needs. Great coffee, friendly staff, reasonable price as usual !

放假就需要找個地方relax下飲咖啡，來到近蒲崗去到一間care小店食tea,我選擇了是日甜品$55（tea)~朱古力栗子配韓式裱花，韓式裱花是採用已消毒的蛋白及來自韓國的白牛油，加糖以高速攪拌成入口即溶的綿滑忌廉，再以人手續片續片裱成一朵可食用的美麗花朵，而且店方用低甜度高蛋白的配方，冷藏後會有雪糕的口感，放置溫室質感會變軟滑，講番朱古力栗子蛋糕，採用法國Valrhona朱古力、法國栗子蓉內裡是法國Valrhona朱古力海綿蛋糕底，濃郁朱古力微苦帶甜，襯托我杯long black coffee真是絕配，此店咖啡師非常專業，介紹了咖啡之外又幫我配食物，此店的house blend 是哥斯大黎加+危地馬拉+埃塞俄比亞，咖啡的crema 都好多，飲下油香甘醇，味道偏酸 ，沒有苦澀的，也不錯

係fb見到此店聖誕個menu,被佢個小食拼盤吸引左，心諗拼咁多野咩?! 咁正咁嘅，book位啦XD聖誕大餐，$680兩位用，大時大節嚟講已經係抵啦～點知仲要咁好食兼大件，睇下張相，兩個main course 質爆左塊板啦(⊙o⊙)味道仲好好忝，尤其個紅菜頭汁沙律，好味! 意粉個汁好味，個軟硬度恰到好處，食完係唔夠喉嘅☺!甜品唔止賣相得，亦都幾好味!雖則我唔多好甜品的。完。食過一定返尋味(*^ω^*)諗緊幾時再去食🤔

於星期六早上買了一杯coffee,時間緊迫點了外賣杯，坐下了飲一會兒，老闆趕人走。本著支持小店，走到去星巴克都突登過對面馬路支持下小店，可惜，失望而回，$35一杯咖啡比正常份量少，咖啡味道一般，勝在奶泡比starbuck 好一點，服務員對店面不熟悉，整間店裝飾可以，可是沒有咖啡店應有的放鬆和自在感，服務態度惡劣，位置不太方便，又沒有好服務態度，又會趕客的咖啡店都第一次見，不會再回頭。整體性價比略高。

悠長假期中，最適合搵個地方歎下午茶。店子不大，但環境寧靜舒適，係個放空既好地方。下午茶都有幾多選擇，我地就叫左以下三款炸蝦角配芝麻醬沙律蝦角外皮好脆，餡料有粒粒蝦肉，爽口。沙律菜新鮮，配芝麻醬，清新。配抺茶鮮奶好靚既心心拉花，見到心情都靚左。飲落好重抺茶味，奶既比例如果高d 就更好。溫泉蛋辣腸韓國麵辣腸微辣有内汁，溫泉蛋蛋黃有流汁，韓國麵亦煙韌。炸魚柳配沙律有兩塊魚柳，外脆內軟，性價比高。玫瑰荔枝茶味道比較淡，但都算解渴。

新蒲崗呢頭坐得舒服而食物質素又唔錯嘅cafe唔多, 之前行過Mikiki對面見呢間cafe裝修環境都唔錯, 門口雪櫃嘅韓式唧花蛋糕仲相當吸睛於是就入去試吓個午餐!嗰次試咗佢嘅紐西蘭肉眼牛扒飯配紅酒蘑菇汁 ($108), 套餐包埋飲品, 餐湯同沙律. 飲品可以揀幾款即磨咖啡同埋茶等等, 因為眼尾稍到佢哋部咖啡機似係正嘢, 於是就叫咗凍嘅Caramel Macchiato, 味道果然好ok, 夠香滑又唔會好甜....而餐湯係洋蔥湯, 洋蔥味好香都幾好飲~而主角肉眼牛扒煎得幾靚, 聞落好香, 食落肉質幾軟腍, 而且牛味夠濃~除咗塊牛扒, 我都好鍾意佢個紅酒蘑菇汁....兩者味道拿捏得剛好, 有蘑菇味之餘又唔會過濃, 伴碟亦唔馬虎, 有成堆紅蘿蔔椰菜車厘茄粟米嘅雜菜整體感覺好有誠意, 耍讚一讚店員服務亦好有禮貌又細心!!

今日經過Mikiki對面街先知道開咗間Cafe，聽呢度職員講原來開業半年左右 裝修簡約，店內播放著柔和音樂，倍感輕鬆自在煙三文魚炒滑蛋意大利軟包 炒蛋滑身 味道也不錯 玫瑰荔枝紅茶 淡淡玫瑰荔枝花香嘅味道 飲落香香哋又順喉 簡單輕食完下午茶，hea完又要出街做嘢了  

呢間Cafe係大約新開左半年左右，主要係行西餐Cafe，輕鬆路線，鋪面入邊唔算多位都係得四張枱左右，加一張高枱坐四個人，成間鋪頭我諗只係坐得大約少過20人。所以如果下晝想來食午餐嘅大約過咗12點半就一定冇晒位啦，嚟過幾次都摸左門釘。終於搵一次係下午四點鐘左右嚟，先嘆一杯茉莉花茶，再同朋友喺度傾吓計。四點鐘左右來呢度附近就真係冇乜人呀，成間鋪頭都係得我一個，靜靜地又有冷氣涼大熱天時真係唔錯。朋友黎到之後都叫咗一杯熱薄荷朱古力，再加另外一個凍嘅梳打，本身諗住熱飲先有曲奇送點知凍飲都有，認真貼心。但係比較失望嘅事原來喺度飲凍飲全部都係用即棄膠杯，加埋支飲筒，真係好痛心，上次知道之後，今次醒水都係叫佢用非即棄杯比凍飲就得左。希望佢都能夠快啲凍熱飲都係冇膠啦！

平時返工，都會路過，見到櫥窗放住非常漂亮唧韓式唧花蛋糕今日同朋友慶祝生日打算買個做Birthday Cake 🎂查詢下先知原來蛋糕係要訂造，因為蛋糕不放任何防腐劑的感謝師傅今日為我特別新鮮製作1個Cupcake好好味，又睇得，又食得

悠悠閒嘅下午，最啱食個下午茶。今次揀咗一個薯條+炸蝦角嘅tea set。薯條係薄片炸成，雖然係炸物，但因為切得夠薄，感覺一啲都唔膩。最驚喜係個炸蝦角。預佢會好似春卷咁嘅餡再加啲蝦咁上下啦，點知成隻炸蝦角都係蝦(蝦！全部都係蝦！)，仲幾爽口，好有驚喜。正

因為工作需要往新蒲崗，聽說有一新 cafe，坐得舒適，食物精緻，便去試試。果然不錯！Cafe裝修設計清雅，是可以悠閑嘆咖啡的地方，約朋友傾計也是好選擇。點了個下午茶餐，甜點加咖啡$50，比較連鎖咖啡店，淨食一件餅都要＄30啦，價格好ok。甜點是朱古力栗子餅，造型精緻，外面朱古力，包著栗子慕絲，味濃但不太甜，口感食味都很好，配咖啡正好。下次有機會再去試試午餐。

Openrice食評又未有，menu相又冇，就做勇士走過嚟試吓！早餐有7個選擇，由最basic嘅厚多士至韓國拉麵都有！$30至$48不等，包飲品，都幾抵食喎，好過去連鎖快餐店啦！於是就抱住唔好食都係食一次嘅心態走入嚟。泥水色嘅牆身，用嚟做食物相嘅background其實又真係好靚。啱啱入嚟嗰陣都擔心會有油煙味，但原來抽風好勁，四圍又擺咗好多植物，坐落覺得好舒服，會有想繼續坐喺度唔郁嘅感覺厚切多士+炒蛋+雜菜豬骨湯配長通粉或烏冬 ($40)早餐有長通粉？有趣！上菜時都呆咗一呆，個炒蛋靚到我想喊，鮮黃色夠晒艷，仲炒得非常恰當絕對冇過火或過老。平時啲炒蛋最多得手板咁多，都唔知夠邊個食，但呢個係多到由多士上跌咗落碟，食落超滑溜，每一啖多士都有炒蛋陪伴，食到嘴尾都仲可以剩食炒蛋，$40一個set食到有quantity又有quality嘅炒蛋，非常非常滿意！至於長通粉就ok啦，煮得唔爛，不過湯底對我就鹹咗少少Earl grey係用靚靚金字塔茶包，超濃郁，店員仲主動問洗唔洗加水食完嘅時候，店員主動同我傾計，問我好冇食等等，小店果然係親切啲。原來呢間開咗2個月，之前有客人表示佢哋嘅食完偏淡，所以adj