Penthouse (已結業)

大班朋友話要黎呢度食，因為係米芝連推介餐廳，一上到去餐廳就見到成個view唔錯，切合返閣樓既主題，費話少說，講返食物先。先黎份沙律先，係凱薩沙律，沙律菜新鮮之餘食起上黎就非常有口感，加埋牛油果，芝士粒同埋唔少得既大蝦，食落非常吸引，味道豐富之外仲可以食得出食材本身既鮮味。黑松露食得多，白松露好可能係第一次食。呢份白松露拌麵絕不馬虎，白松露用上一片片，唔係用醬或者松露粒，食材已經係贏晒，白松露食落超香，加上流心蛋令口感更加滑溜，配以麵食增強左fusion感覺。主菜之一係Crab cake，將蟹肉拆絲然後整成餅狀，再將塊餅煎成金黃色，蟹肉一啖啖，仲有果份鮮甜味，配以牛油果醬同埋酸甜醬令味道提升去另一層次。最後仲有呢份Baby pig，一食就知肉質相當baby因爲夠晒嫩滑，令我起初以為像食緊雞肉，至於外皮就半脆半滑，脂肪量少，適合keep fit 人仕。整份晚餐都保持高水平，無論環境或食物質素也達米芝連級別的。

米芝蓮推介餐廳～ 想試好內 家姐升職 趁呢個機會賀賀去！環境很好 有一大片落地玻璃 景色不錯。燈光亦很柔和 無論慶祝節日或者談天 都是一個好地方 自家製麵包•香草醬鐘意呢種麵包厚厚老實的質感 有咬口。自家製香草醬 口感柔潤帶點清新香草味 作為晚餐的開始 確實醒胃。Spanish baby pig for two• 皮脆肉滑 ～ 乳豬皮係半煙韌半脆口的質感 唔係港式燒肉既全脆卜卜。肉質好嫩滑 似是慢煮出來的口感。伴碟有烤原粒蒜頭 一口肉 一口蒜 yummy!Hand crafted pasta with red prawn• 大蝦好新鮮 口感一流 爽口彈牙！手工意粉食落有點似拉麵 比較軟身。醬汁帶點辣 配上羅馬椰菜花 蝦粒 香草等炒 惹味～ Valrhona Jivara 40% Milk Chocolate• 賣相精緻 分子料理的概念做出來的甜品！賣點除了是名牌朱古力外 以液態氮做出來的earl grey雪糕都是必試的 好快會在室溫溶掉 所以影相不可以影太內。入口好冰凍 帶有濃濃茶香 脆口但好快就在吞頭上溶掉 很特別的體驗。推介喔！原以為Penthouse已經是頂樓 看見電梯仲有得更

同啊媽食飯，一定要揀間好啲， 費時佢話我錫女朋友唔錫佢。呢間餐廳幾正，午餐係Semi buffet ,襯埋維港嘅景色，真係一流。出面有多款野食選擇，有cheese, ham等等。食物質素相當高，而且任攞唔嬲！抵啊！我最愛上圖cream corn, 唔會太流，又濃粟米味！我主餐叫了wagyu beef burger有牛油果，太陽蛋，再加美味牛肉個牛整得好好，扣得住d肉汁加埋蛋黃，牛油果真心正甜品方面有分子雪糕係泰式奶茶味，超正超滑又夠凍！師傅係即場整ga出面仲有多款甜品選擇細細杯好正，試幾款都得！凍latte作最後點綴好滑，咖啡靚，正！啊媽超級滿意啊！

老友記生日 去佢最鐘意的西餐廳慶祝最好不過吧。Penthouse勝在環境靚 睇到維港景色 空間感足夠 兩個女生傾計既好選擇～Signature crab cake～每次必食！絲絲新鮮蟹肉 煎到金黃 香口。蟹肉都好甜 口感不錯。配上特色醬汁 最鐘意芒果莎莎 牛油果醬 不過有沒有醬都咁好食～慢煮三文魚～ 44度慢煮。我自己好鐘意慢煮既食物 因為可以保留食物營養和口感。三文魚慢煮後再兩面煎香 魚肉甘香 嫩滑 入口即溶。另一創意是配上新鮮蕃茄煮既帶子和粒粒意粉 口感好特別 幾有創意～ 烤雞～二人份量 註明是澳洲雞 食落更安心。初時店員介紹的時候 都有點覺得烤雞可有幾出色 不過女生鐘意食白肉 所以都點了～ 真心。推介！！雞皮烤得香脆 唔會太肥～ 雞肉非常滑 連雞胸部分都有滑溜感 而且雞味香濃 完全冇雪藏味道～ 伴碟的烤蒜好甜 配上雞肉一起食 好match 壽星女表示好滿足 Penthouse食過幾次 有水準之餘 環境絕對加曬分 節日慶祝的好選擇～

星期一晚放工之後同朋友來呢度晚餐，估唔到星期一都幾多人，餐廳都有成八成full。呢度啲食物質素都唔錯，不愧為米之蓮推介餐廳。同朋友來呢度食飯飲嘢都唔錯，仲有維港夜景睇添。餐前complimentary 嘅麵包，都幾好味！mint & kiwi soda，好refresh!asparagus 好新鮮！ 煮得都OK，但係牛味就唔係幾夠。呢個慢煮三文魚都唔錯

男友之前公司飯試過，覺得點都要帶我黎食一次，咁o岩小妹呢排牛一，就同佢講我想去呢到慶祝生日。咁o岩見到團購有個2人餐，就即刻買左黎試。頭盤揀左帶子 - 鮮甜刺身，不過我個人 唔太鍾意隻汁, 似係d青蘋果酸加牛油果味。蟹餅 - 我見好多朋友食過加好多食評推介必食，咁我地都試下啦，可能期望太高，搞到我食時唔算太有驚喜，口感鬆軟，蟹肉食落冇雪腥味，味道ok.個湯，之前男人飲過，話覺得好飲，所以我地團購係特登買有跟餐湯呢個set,黎試。湯既味道ok, 濃香既菇菌味，而入口都好滑，不過都要視乎返個人口味喜好， 有d人係唔鍾意菇菌味就未必適合。慢煮三文魚一黎到，個侍應都提我地 呢個主菜要趁熱食。切開 係好滑身，好嫩口，不過慢煮完就好似冇左三文魚味，但下面個汁都唔錯，可以幫忙調返魚味。牛扒 5成熟個部長定經理 好好服務咁 係我地面前 幫我地切開埋本身塊扒偏肥， 所以食落都好有肉汁，唔鞋口，重牛味，而且調味適當，個味道夠濃郁，根本唔需要另外再點黃芥辣。附上既燒汁亦好好味今晚最滿意應該係食呢個菜式甜品拼盤一般，冇乜驚喜，不過原本想再加單唔夠飽，但食完甜品後，就覺得足夠，剛剛好！

餐廳裝潢格調時尚，喺未開始食嘢之前已經係一種享受。餐前麵包，麵包口感煙韌，特別鐘意個 pesto 帶有少少嘅酸味，十分開胃醒神。NYC chopped salad，沙律菜極度新鮮，羅馬菜係食得到嘅鮮甜，沙律裏頭有一隻未接觸過嘅食材，叫做棕櫚樹心，個口感有少少似 artichoke，不過腍身少少，大刀闊斧嘅厚切粗碌芝士，夾住帶有少少香草蒜蓉味嘅鮮蝦嚟食，好味。Penthouse crab cake，作為餐廳嘅招牌菜，呢個蟹餅嚴選咗極度新鮮嘅蟹肉製成，每一啖都食得出一絲絲新鮮嘅蟹肉，蟹餅嘅四周被微微煎香，真正做到外脆內軟，喺碟邊嗰三種醬汁，以番茄莎莎最為合襯，一個口感咁豐富嘅蟹餅，值得翻兜。Slow cook Akaroa king salmon steak，見到餐牌寫住呢個慢煮三文魚所用嘅溫度係44度咁刁鑽，即刻對呢味餸充滿興趣，三文魚扒好厚身，一刀切開中間，嗰隻鮮嫩嘅微微粉紅色，絕對係可遇不可求，慢煮嘅嫩滑程度，真係同平時就咁煎嘅差天共地，三文魚扒只係被香草輕輕調味過，並未有落太多嘅鹽份，靚仔嘅侍應細心提醒我哋撈埋下面啲醬汁一齊食，下面嘅醬汁主要係用帶子同埋鮮蟹肉所煮成，裏面仲夾雜咗一

今日我的最愛約左我出銅鑼灣，仲叫我著靚d喎。平時好少會主動約出咁遠，問佢又唔肯講做咩，諗黎諗去又唔係咩紀念日，攪到有d緊張。十一點半出到去，周圍閒逛左一陣，就痛左我上金朝陽中心。嘩！Penthouse…就算冇放獎狀出黎，我都知道係新鮮出爐既米芝連餐廳！高級餐廳果然唔同，服務員都斯文有禮，儀容整齊。餐廳窗邊一整排大玻璃，極度開揚採光，而且仲遠眺維港景色，配上今日既好天氣，美得如一幅圖畫。餐廳裝修以深木色為主，配以啡色皮椅，高貴典雅，旁邊幾張小圓枱被弧型皮梳化包圍住，好有氣派，即刻想像到一大班醫生律師，圍埋飲杯酒傾下偈既情境。自家製餐包配香草醬，果然冇令人失望，餐包都零舍不同，麵包烤焗得好鬆軟，外脆內軟，非常香麵包味，配以微微帶酸既香草醬，清新開胃，一個人都食到大半個麵包。Salad，食食下先記得影相...有魚乾、芝士、蕃茄等，非常足料，沙律菜新鮮爽口，係好有誠意既沙律。石鍋西班牙墨汁海鮮飯，新鮮製作，用石鍋熱辣辣上菜，大蝦爽口彈牙，帶子鮮甜，每粒飯都被墨汁濃濃地包裹住，每一口都鮮味甘香，墨汁意粉已經難煮得好食，呢個仲要係西班牙飯，真係好高水準，難怪可以成為米芝連餐廳。基評分: **味道(

位於銅鑼灣登龍街嘅金朝陽中心二期，貴為新一代美食街， 匯集好多出名嘅食肆，其中包括米芝蓮推介食肆《Penthouse》。呢間《Penthouse》坐擁喺大廈嘅最高層， 可以俯覽銅鑼灣嘅景色， 而且又有180度無敵落地大玻璃，景觀非常開揚。餐廳裝修感覺相當時尚， 地下用特色階磚鋪砌， 亦有各款特色掛燈。一踏出𨋢門， 可以見到兩旁嘅吧枱座位，而且重設有vip房間， 可以俾一大班朋友開下party。一坐低， 就送上自家製嘅麵包，呢個自家製嘅麵包烤得非常香脆， 口感十分煙韌。 最為有特色嘅莫過於係自家製嘅pesto香草醬， 呢個青bb嘅香草醬味道非常清新，皆因落咗青檸汁同羅勒葉，用嚟搽麵包令人更加開胃。由於朋友尚未到齊， 就叫咗杯透心涼嘅Asahi啤酒，一邊食住麵包，一邊享受下輕鬆嘅氣氛。主菜方面叫咗【Spaghetti Red Prawns】$388， 呢個係《Penthouse》嘅特色手做意粉，意粉粗幼適中，口感煙韌彈牙。 由於意粉用上咗西班牙紅蝦，蝦膏溶入喺醬汁之中， 令整個意粉變成色彩鮮艷嘅鮮橙色， 令人食慾大增。 西班牙紅蝦肉質彈牙，而且味道鮮甜，加上用上少少辣椒去調味， 令到紅蝦意

今日放工同一班同事去左銅鑼灣食飯，上到30樓，餐廳既落地玻璃窗令到整間餐廳好醒神，景色不錯，都算好開揚，而且呢間penthouse 榮獲米芝連推介，相信食物質素應該好好！大蝦凱薩沙律呢個沙律有好多配料，有爽口既竹筍、有軟滑香口既牛油果、有焗得好香既青黃椒、有濃郁芝味既芝士、仲有非常特別既棕櫚樹芯，口感好多樣化，當然唔少得新鮮清新爽囗既羅馬菜同用黑椒煎得好香既爽甜大蝦，配上酸酸地dressing ，味道一流，呢個係一個花左好多心思既沙律，正Crab cake Crab cake 係呢間餐廳既signature 之一，屬必點之算，環觀整間餐廳，差不多每枱都有點呢個crab cake ~ 外層煎得好香脆，裏面就好軟滑，而且蟹肉絲好多，蟹肉味好濃，亦都非常鮮甜，食得出廚師既心機，怪不得呢道菜咁受歡迎！白松露自製麵淨係睇個賣相已經非常吸引，一片片既白松露，睇相都聞得到白松露既香味，白松露發出淡淡既松露香，口感好香好滑，加上麵條，味道一流。唯一美中不足之處係個麵比較林，我比較鍾意彈牙既麵質~~ Grilled yellow chicken 好多時食烤雞好多人都唔鍾意雞胸部份，因為呢個部分比較鞋，但

男朋友激嬲咗我，作為吃貨女友緊係要佢帶我食好西先原諒佢咁佢就話係銅鑼灣等我，之後帶咗我黎呢間penthouse因為係高層，個景好靚望到海㗎，我心諗。。。咁實好貴啦睇個menu，如果以semi buffet黎講，又唔貴，因為款式質素絕對拍得上酒店啊佢有各種ham,煙三文魚比你揀！個日我地黎一啲都唔多人，真係任攞任食水牛芝士配蕃茄都勁正 好香芝士味，同蕃茄好夾！哈哈 ham緊係配蜜瓜主菜我選了rib eye一切落去，已經知係會好juicy! 食落去係好滑，加埋鎖扣了的肉汁真心好正！食到我咩怒意都無曬！呢度仲有各類甜品食我最愛mango pudding個味一啲都唔假又香又滑同埋細細杯想試曬都唔會太飽食完呢餐，又點嬲得我男友落 哈哈

今晚為友人慶祝25+1生日，選了這間位於mid town高層的penthouse。星期四晚上8時許餐廳不算多人，我們把蛋糕交給staff後就到鄰近窗口的4人枱就坐。點了前菜 NYC chopped salad, 除了基本的生菜、芝士、蕃茄和辣肉腸外，還有三色椒做點綴、為前菜增添幾分色彩。跟住點了lobster & egg, 原來是龍蝦炒蛋，龍蝦鮮甜，配合蛋和其他香料，不太咸，很開胃！推介！之後來了一客 truffle pasta, 看似份量不多，但原來三個人分是剛剛好的，濃濃的黑松露味滲透整碟意粉，但略嫌有點咸。最後還點了pork ribs，ribs燒得剛好，肉汁鮮嫩，推介推介！還試了 lyrics martini, 是荔枝為主打的cocktail, 看似櫻花飄落杯中，賣相和味道都一流最後一提餐廳的staff很friendly, 細心地送上生日蛋糕，又為我們拍即影即有，大讚👍🏻👍🏻

六月正是我的生日月份，而因為這兩個星期比較得閒，所以將會把我的聚餐時間完全集中在這段時間內，今晚和5位朋友相約來到銅鑼灣一試penthouse順便慶祝生日，𨋢門一開店內裝潢不錯，服務員亦很有禮貌，基於今晚大家不算太餓所以只點了5樣野食物。分別是NYC salad ,baked eggplant ,linguini vongole,iberico pork ribs,prime rib-eye steak 12ozbaked eggplant ,linguini vongole,iberico pork ribs,prime rib-eye steak 12oz side dish fries 服務員不時留意桌上情況，食物由沙律前菜至主菜分主次地递上細心周到！不過今晚因為有人太心急好快地將沙律和意粉極速吃了我來不及影相啦。總括地其實大家都覺得味道不錯食得開心，下次有機會都會同朋友回來再食！

話咁快就結婚一週年，遲遲都未諗到食啲咩，就上網睇下blog、團購有無推介，睇岩呢間好岩週年吃，就訂左早少少的枱，和胖蕉老公撐枱腳一入到黎就覺得好熟面口，環境帶著歐美裝潢，有情調和開揚。我們坐在大玻璃前，可望到海景，景觀不錯。果然跟網上說一樣合適慶祝週年紀念。侍應招呼是一般西餐禮儀，會先問開那款水(收費)，然後點餐，打開menu的左手邊見有二人餐，很好沒有困擾選擇困難症的我們，就按二人餐去點菜。二人餐都有麵包和湯，我選擇了牛肝菌濃湯，材料好豐富，啖啖都有咬口，滿滿都是菇菌，又香又滑，如果我奶奶去到應該都會好鍾意。頭盤方面我地選擇咗蟹餅，雖然之前睇網上已經有介紹係必點嘅菜式，加上嚟到喺門口吧枱已經見到佢哋一碟一碟咁樣燒脆表面，不得不試吓呢個招牌。蟹餅上面有兩款醬料伴碟，而蟹餅上面也有綠色嘅醬料，口感上好似越南野會食到嘅醬，口感上配搭不錯，再加上切開蟹餅裏面是一絲絲的蟹肉，味道鮮甜，表面脆口，外面難以食到這樣口感的蟹餅。還有旁邊的沙沙醬混甜的生果醬，酸酸甜甜的更令其可口。而仲有一款好似明太子混千島醬的，增加左蟹餅嘅鮮甜口感。我會較喜愛生果醬的甜美。主菜方面我選擇了碳烤美國肉眼扒（12安士）第

晚上同愛妻去佐銅鑼灣登龍街1-29號金朝陽中心2期Midtown 30樓既Penthouse 晚餐, 去試呢家餐廳有一個原因, 就係因為當晚要去銅鑼灣攞野, 所以係openrice搵飯食我係google打入兩個keywords:"openrice"及"銅鑼灣", 就咁openrice就比佐好多餐廳我, 排係頭幾位既Penthouse出現佐另一個keyword: deviled crab cake, 即時二話不說打去訂位.上到餐廳, 經理推介好幾道佢地既signature dish, 太太就話先叫一個serve既crab cake, 好味可以encore, 如果只係一般就食多兩樣其他餸菜.叫佐第一個crab cake, 賣相唔錯, 肉質又夠厚. 佢地都係用罐頭蟹肉, 但用上蟹身及蟹鉗肉, 而唔係一般餐廳用既蟹腳肉. 個 crab cake當然唔及Grand Haytt既 Crab Cake咁好味, 但都有Haytt既90分美味, 但係價錢就平上好多, 一個serve才$188. 既然好味我地一於encore.main course 係白松露半熟蛋意粉, 白松露夠香, 半熟蛋夠滑, 果然好