Pepper Lunch (德福廣場2期)

營業中

休息中

Food court重開後都無來幫襯過，比以前更大同更多選擇，不過每次去到任何一間有pepper lunch的food court都會被佢吸引住，因為實在太香啦！雖然真係油左啲，但又無法抗拒佢的「味力」～叫左個最普通的黑椒牛肉飯，熱辣辣香噴噴，加點蜜糖燒汁🤤🤤 不過牛肉少左啲，五十蚊，加杯飲品9蚊，粟米好爽，牛肉唔會太靭，還可以。環境方面: 寬敞舒適，比以前好好多~~不過卡位啲櫈唔係鑲實，好易比後面推到。。大家坐時要顧及下後面食飯既人。。😰😰😰

今日一心想食日本燒肉，去到同一商場嘅燒肉店排隊等位點知等到9:00pm截龍, 疫情期間，10點後冇堂食，臨時臨急要搵個地方醫肚。比我見到原來德福二期有pepper lunch. 都係日本餐廳，都係擺舊肉喺鐵板上面燒。咁就當去左食日本燒肉啦。星期日晚上九點人流唔多，唔使等位亦都唔使等買。牛肉飯都係$50，如果要特盛就貴$5多大約2、3塊，不過加飯係唔使錢，大家唔使驚食唔飽。我今次仲加咗隻蛋，生蛋黃撈飯一流俾大家睇吓加左飯嘅份量分別牛肉一上碟係生嘅，視乎大家鍾意嘅生熟程度，如果唔鍾意太生就可以擺喺度用餘溫煮一陣，鍾意生嘅就即刻淋汁炒埋一碟，醬汁喺收銀隔離大家記得攞。雖然見到所有嘢都好普通，烹調亦都唔需要咩技術，牛肉質素亦都只係中規中矩。但係成個package撈埋一齊就絕對好食，可以媲美日本燒肉

久違了Pepper Lunch！今日就嚟試吓menu 有好多選擇！叫咗黑椒牛肉飯！由落order到上菜都唔使太耐！鐵板好夠熱佢有蒜蓉汁及蜜糖汁提供！粉量唔算多而且偏油

今日天氣好凍，最啱搵一間燒肉食下！但因為燒肉確實需要一大班人食會比較好，所以我入咗Pepper Lunch食午餐。雖然唔能夠同日式燒肉直接對比，但係鐵板上燒熱的燒肉的味道確實可以媲美日式燒肉。今日我叫咗一份泡菜胡椒牛肉飯，泡菜配上胡椒牛肉冇諗過係咁夾，非常好味！牛肉經過鐵板的燒熱後，充滿牛香！有少少脆口嘅感覺！我亦有加配到黑松露蘑菇湯及汽水一杯！黑松露蘑菇湯真係好有蘑菇味及濃郁的黑松露味道！感覺價值好高！下次試埋佢隻薯蓉😛

自從「德福廣場」二期的日資百貨公司結業之後，日式鐵板扒餐食店「Pepper Lunch」的「九龍灣」分店一度絕跡，直至美食廣場「Foodeli」出現，「Pepper Lunch」才能夠變成美食廣場版本「Express」回歸。結果我購買了一客，名稱叫做「一口牛扒拼雞扒」的日式鐵板餐，飲品只選擇享用一般紙包「黑加侖子」汁，總價錢其實不算便宜，需要港幣八十三元正。相反地，如果「九龍灣」「Pepper Lunch」有「一口牛腩拼雞扒」日式鐵板餐的話，即使面對港幣八十三元的昂貴價錢，為了完成晚飯目標，當自己食到「牛肉」加「雞肉」加白飯晚餐就算數好了。套餐裡面的紙包「黑加侖子」汁，只是一般坊間都有發售的現成飲品，即使「黑加侖子」汁飲品裡面的味道很甜，畢竟也不屬於「Pepper Lunch」的功勞。至於「一口牛扒拼雞扒」鐵板餐裡面的實際造型，感覺跟我期望的「Pepper Lunch」鐵板餐有點不同，以為我印象中的「Pepper Lunch」鐵板餐，所有食品不是同時擺放在鐵板表面上嗎？現在我購買的「Pepper Lunch Express」「一口牛扒拼雞扒」，白飯被安排另外分開上，需要食客自行把「白飯