Pepper Lunch Express (屯門市廣場1期)

營業中

休息中

The beef rice with cheese at Pepper Lunch is a delightful combination of flavors and textures. The savory beef pairs perfectly with the rich, gooey cheese, creating a satisfying and indulgent experience. The addition of the honey black pepper sauce adds a sweet and peppery kick, elevating the dish to a whole new level. The overall dining experience at Pepper Lunch is enhanced by the interactive cooking process and the welcoming atmosphere. For cheese and beef enthusiasts, the beef rice with chee

Pepper Lunch 基本上我淨係食牛飯，加蛋加芝士咁今次就喺朋友介紹之下，食咗相對上價錢比較偏貴嘅牛扒餐（$118）-但係你食落真係會超級驚喜，首先佢塊牛嘅質素就已經贏返個價錢，另外佢有一個秘製醬汁，煎住滲入去嗰啲肉入邊，真係非常之出色-所以食完之後，我覺得會再食如果平時食嚟食去都係同一個餐都可以推薦大家試吓呀！

好耐冇食pepper lunch喇～我諗都有一年🤔今日行屯門市廣場黎到food court食啲嘢，發現有pepper lunch😍😍😋呢款蒜香黑椒牛肉飯（$57）係蘑菇最愛😻次次都必食～鐵板滋滋聲好治癒，勾起我嘅食慾🤭鐵板將生牛肉煎熟直至焦香，甜甜的牛油粟米加埋蔥增添香氣，味道好match👍飯係鐵板作用下都有少少焦香，混合醬汁好惹味！蒜片係點睛之筆～唯一缺點就係，感覺份量唔似之前多咁了…😿

Pepper Lunch Express位於屯門屯盛街1號屯門市廣場2樓2253A-2256A美食廣場8號檔. 如若乘輕鐵前往可在杯渡站下車, 入屯門市廣場後步行約五分鐘便可到達美食廣場. 美食廣場在高峰時段其實頗難搵位的, 如不想久候建議六時便入席了. 餐點方便幫襯多次均是點極量黑椒牛肉飯($68), 再加$20 配Set C, 內有飲品一罐及一個雪糕杯. 飲品方面我會選C.C. Lemon, 而雪糕是小杯裝Haagen Dazs, 所以$20是超值的. 說回主角牛肉飯, 上鐵板時是全生的, 自己一手一腳將生牛肉炒熟, 再淋上滋味醬汁, 吃得過癮.

【屯門區】【PEPPER LUNCH】首先祝大家聖誕快樂，雖然都唔係第一次同大家過聖誕，不過今年係有唔同嘅，就係我終於可以喺單身嘅情況之下，喺聖誕節假期嘅期間同啲妙齡少女見面。朋友就話有啲想食 PEPPER LUNCH，我作為一個對女性忠心耿耿嘅一隻舔狗，固然係要諗盡辦法討好同逢迎。話雖如此，自己都其實對呢間嘢有啲興趣，唔係本身反感而因為要迎合女性先委曲求存。不嬲都覺得呢間啲鐵板肉飯幾正，個人最中意佢啲黑椒，所以餐廳名有 PEPPER 呢個字係有佢嘅道理。諗唔到食乜之際，見到聖誕餐，就叫個嚟食吓啦。所謂嘅聖誕餐，誠然個正名係「美國薄切肉眼牛扒二人套餐」，因為佢只係得宣傳單張寫係聖誕餐，然後淨講食物嘅話個餐其實係完全冇聖誕成份喺裡面嘅，都係由兩份平時都叫得到嘅主食所組成，合埋一齊個價錢平咗，咁就叫聖誕餐喇喎。唔緊要嘅，我就醉翁之意不在酒，作為小毒毒，有女陪食已經謝天謝地謝天華。個餐有兩份嘢食，一份係「珍寶黑椒牛肉拼雞肉飯」，而另一份係「美國薄切肉眼牛扒配飯」，當時我同佢兩個都係處於一個有啲飽足嘅狀態，所以後者係走飯嘅。前者係一款佢哋嘅 signature 嘢，如果大家之前係有食過 PEP

#Pepper Lunch Express 味道指數：⭐⭐⭐⭐抵食指數：⭐⭐⭐⭐⭐環境指數：⭐⭐⭐等候時間：10分鐘極量黑椒牛肉飯 $68 +$8（加大）我非常喜歡食 Pepper Lunch。以前，我每星期都要出九龍食一次。但後來很忙碌，已經好多年無食Pepper Lunch 了。但最近，我發現到新大陸，就係屋企附近的 Food Court 開了 Pepper Lunch ，所以第一時間去懷緬一下。今次叫了極量黑椒牛肉飯，等了10分鐘先可以取餐，不過鐵板食物，等十分鐘都叫正常。鐵板外型已經極之吸引，還有炸炸聲，有視覺之餘，還有聽覺的享受。另外，增量牛肉非常有牛肉味，嫩滑又多汁，食完一口又一口，停唔到口😂😂😂

收工約左老友係屯門食晚餐，今日經濟少少係屯市既food count，入面搵食，之前黎過都見到呢間全港都有好多間分店既鐵板飯專門店，主要都開係food count多，今日就一於試試。泡菜黑椒牛肉飯加芝士雞蛋落單後10分鐘左右就有了，牛肉係生牛肉直接放落鐵板度煎熟，食果陣要自己留意下牛肉熟未，鐵板都非常熱，加左芝士同蛋撈埋飯食增加香咪味同口感，建議都加，飯既底部都俾鐵板煎到有飯焦，牛肉既質素就好普通，但勝在黑椒調味得好，泡菜煎一煎都好好送飯，68蚊黎講真係幾ok，岩晒我呢d比較重口味既人。珍寶漢堡扒芝士日式咖哩飯老友食呢個，本身芝士同咖哩汁係分開我影果陣佢已經倒左落去了，我本身對日式咖哩就麻麻地，老友就話唔夠濃味，漢堡扒就幾厚幾大塊食落都有肉味唔會溝好多粉。整體黎講係屯市food count食野就比較經驗d，幾十蚊有個特色鐵板飯食算是平靚正。

食food court果陣，多數都會揀呢間嘅黑椒牛肉飯😋👍🏻啲飯🍚真係好香😆而且加埋🧄汁仲更加吸引，快靚正！不過對於唔食得辣嘅我黎講，佢地啲黑椒牛肉都有啲辣～

今日同住屯門嘅同事一齊去food court食晚飯，估唔到內裡環境咁大咁寬敞，坐得好舒服。餐廳選擇好多，最後揀咗穩穩陣陣嘅pepper lunch。我們叫咗個珍寶黑椒牛肉飯（另加芝士）兩個人分。當然我哋仲有叫其他嘢。鐵板嘅炸炸聲真係好吸引，叫人難以say no。牛肉份量係有增量嘅，牛肉都幾香，肉質都細嫩，加埋黑椒、芝士同蒜汁真係好惹味。但略嫌油太多，食到最底啲油係浸住啲飯的。總括來說，值回票價，一定會再幫襯！