Pepper Lunch Express (希慎廣場)

營業中

休息中

I used to like this place, it was tasty, filling and hit the spot when you needed a little something before a workout. It was also a nice novelty to eat off a sizzling plate and mix everything together with the sauces in a vain effort to look like you actually made it yourself and have an ounce of culinary talent.I have found more recently, this place has declined in quality, due to:-The beef is sparse and more fat than meat  -Portion sizes are smaller, but prices are higher -The wait time is re

一個人去開銅鑼灣忽然好想食pepper lunch, 走到希慎個food court已經8點幾，見條隊唔算太長滿心歡喜咁排，點知差唔多排到先至見到收銀旁邊有個牌向住俾緊錢個人，寫住等侯製作時間40分鐘都排到我，而且期待左好奈所以就照買左。但有個小小建議，其實個牌係咪應該要俾條隊中間或隊尾知要等咁奈，等人決定排唔排結果連買飛一共等左差唔多1個鐘，牛少左d，但都好滿足既

食過好幾間 類似都係鐵板咁 炒飯炒鳥冬果d 都覺得好一般 呢個牌子 唯一一個係會 繼續幫襯既鐵板炒飯店配料可以自己選擇 有芝士 粟米等等 依家仲有西蘭花果d 加入埋添 我覺得都幾特別 吾使成日食肉 可以食下菜 😂素食者都可以去食

今日去胡椒午餐食晚餐喔！哈哈～ 大約9點幾到啦food court 都仲係咁多人不過好快就搵到位 好彩好彩！我叫咗最經典嘅大盛牛肉飯加咗檸檬茶 （加8蚊）再加埋2份芝士（加6蚊）肥肥的我好大煙呀 ！覺得都幾好味 可能太耐冇黎食 。可以加下蒜味醬油呀但我覺得唔加都夠哂味我朋友叫咗咖哩雞扒同漢堡扒 佢加咗好多野 又芝士又蛋又粟米 佢就88蚊埋單佢好似都有加埋支茶總捨食到飽飽的 不錯呀 ！唯一唔好嘅係 叫餐果個店員 有點惡。。。。其他都還可以！呢間餐廳都算係一個食飯嘅好選擇

黎到銅鑼灣做野,唔怕佢有點遠,最怕係唔知食咩,好多時人生路不熟😂又怕食野貴,都係去左hysan foodcourt,雖然呢到有好多間餐廳,但講到好食既都係得2間,今日揀左pepper lunch😆叫完餐,搵個位,同朋友搵個位都已經好唔容易,有d學生傾project,有d一早企係隔離等位,等位都等左10分鐘,點知個餐都未有,有無咁多人叫呀😅最後等左大概半個鐘先有,寶寶餓死了😳-可能太肚餓,所以每次都覺得牛肉飯好好食

喺causeway bay做野，冇食到lunch, 下午去左希慎廣場food court食下午茶~ 諗黎諗去都係揀左好香既pepper lunch express!! 佢既香味係成層都聞到，好吸引，流哂口水！行到埋去，收銀話要等10-15分鐘，嘩好耐，但都等🙈 $58有牛肉飯加汽水！都幾抵！ 店員好好，好有禮貌，叫我15分鐘再返黎～等左3分鐘左右，就有得食野！比預期早，幾好👍🏻香噴噴，拎過位都炸炸聲！坐底炒一炒，落埋調味汁都仲係炸炸聲，好正👍🏻👍🏻味道好好味，飯好軟熟，牛肉好新鮮，好薄同好快熟，連栗米食，一流👍🏻👍🏻極推呀～

午餐去左希慎廣場搵野食，本來淨係想飲珍珠奶茶算😊 不過去到Food court，就聞到好香既牛肉味，所以忍唔住過去睇睇！行左一圈，停左喺pepper lunch express度，太香了~ 我叫左黑椒牛肉鐵板！ 招牌！加左檸檬茶 $8～佢呢度可以見到師傅即場整鐵板！見佢一收到order先至拎個鐵板出嚟，真係新鮮滾熱辣～ 等左都有10分鐘，我見住佢好熱咁樣將啲生牛肉放喺鐵板上面，就已經流晒口水！我搵咗個位置坐低，呢度環境好好，位置好闊落，而且見到外面風景！食完身上都唔會有油煙味😊拎嘅時候仲係聽到渣渣聲，我到咗蜜糖豉油落去，炒左一陣，更加香！食咗一啖，感覺呢一間嘅Pepper Lunch比其他有啲分別，除咗食緊嘅時候，鐵板都仲係渣渣聲，佢嘅味道好新鮮，飯係熱辣辣，同埋牛肉好嫩，真係俾個讚，會再幫襯！

晏就過左銅鑼灣搵朋友，同佢食咗個下午茶，去左Hysan Place上面food court，貪佢多野揀，同座位幾企理乾淨~ 我朋友叫我burger，我就叫咗pepper lunch express服務都好快捷~ 好Pro，見師傅明顯幾重質素 因為怕個鐵板退左熱，唔好食 我覺得比其他既pepper lunch分店好好多價錢唔係特別貴，喺銅鑼灣黎講都唔係太貴~ 不過服務員就有啲黑面😅 好彩我order夠快，如果唔係就可能會俾人話🤣🤣等左15分鐘，就拎得啦 牛肉係生既，鐵板仲咋咋聲，拎到埋位都仲咋咋聲，好surprise!! 我將生牛肉整熟後才攪蜜汁蒜既豉油汁，好好味真心食緊既時候，鐵板都仲係熱既🙈好香好入味，好好食～真心推介呢間pepper lunch express

響誠品打書釘打到唔記得食中午，咁唯有上food court睇下有咩食。希慎food court有好多選擇，我最後揀左pepper lunch。熱辣辣既鐵板，配上芝士，黑椒雞肉，白飯，炒一炒d芝士就溶入晒整個飯，拉晒絲咁。仲有2款醬汁提供，撈埋落d飯去炒，炒到飯焦脆脆，非常好味。食得飽飽，又可以返去打書釘。

牛奶仔今日約左個朋友出黎銅鑼灣見面，大家全日都空肚未食過野，真係好肚餓，於是行左去希慎既 food court睇下有咩好野食，一經過就聞到好香好香既味道，原來係pepper lunch！真係好耐無食過啦！以前讀書果陣成日食，好懷念佢既味道！所以今日既第一餐就決定食佢啦！黑椒三文魚飯（加芝士，加凍檸茶）味道仍然係好好，雖然份量唔算話好多，黑椒香得黎又唔會太嗆，都唔算辣（但我本身都食得辣的）三文魚都幾大片，底下有些少煎脆左既飯焦，好香口，如果冬天食我諗一定好滿足，不過真係太香啦，食完成個身都係pepper lunch既味道如果要問有咩需要改善，我諗唯一比較強差人意既係店員既服務態度（拿！我唔係投訴！）因為其實當時都唔係咩繁忙時段，根本無乜人排隊買飯，但嗌單號既店員，態度比人感覺好似發緊脾氣咁。我都明白做銅鑼灣既 food court，長期要對住咁多內地遊客可能真係會令人好易燥底，加上日日要咁大聲嗌單號都真係幾辛苦，仲要有啲食客係嗌極都唔出現！比著我可能都會嬲！但當時其實又唔係啲咩繁忙時段，如果可以改善下個態度我諗一切都會好好多　：）

Pepper Lunch 我諗大部份香港人都食過🤔佢既香氣大家都好熟悉，諗諗下都好一陣子無食過喇！今日同男朋友買左飛睇戲，但又遲左收工，唯有急急地係短短三十分鍾時間食個晚飯。我嗌左 三文魚雞肉飯加蛋男朋友嗌左 黑椒牛肉飯 加大再加飯呢邊廂比完錢，另一邊廂就已經可以取餐！記得要拎埋佢地兩個必拎既醬汁！一定要撈埋鐵板上既餸同飯一齊食！一邊撈一邊覺得好香噴噴！黑椒牛肉飯💁🏻‍♀️牛肉一開始好似好生，但係鐵板上撈撈下好快就到左個最佳既熟度。仍在水準上，男朋友食得好高興。😇三文魚雞肉飯加蛋💁🏻‍♀️在我而言，加蛋是必須的！🤪對我來講，味道仍然好食，有我愛既粟米，仲大大粒！😋但三文魚份量好似少左，得3/4片仔咁。😔 -簡單黎講：快！靚！正！同男朋友食得好開心

因為想試下新野，所以試下呢個平時都唔會叫既粒粒牛肉餐，加多$15有沙律同飲品。個飯真係好味既，而且中意食牛粒多過牛片$15加個沙律其實可以接受，我覺得幾新鮮，個醬都ok飲品就正常，叫左芒果汁，冇冰既，都ok

想平平地食個午餐，便到附近的Food Court覓食。行到Food Court附近，已聞到Pepper Lunch的香味，二話不說去了Pepper Lunch排隊。我點了個黑椒牛肉鐵板餐，加芝士。今次的牛肉份量比一般少。看著熱騰騰的鐵板把飯上芝士逐少逐少溶化，特別賞心悅目。芝士溶化得七七八八時，我再淋上醬汁，把芝士、牛肉、醬淋三者混和。色、香、味俱全的芝士黑椒牛肉鐵板餐Ready！於銅鑼灣區而言，Pepper Lunch是快食且美味的選擇，不過若牛肉份量多一點，整件會更圓滿。

黎到呢層food court,即刻俾鐵板燒既香味所吸引，再加埋支支聲既鐵板既聲，而且非常吸引到，令人更加肚餓行埋櫃位，點左個黑椒芝士牛肉飯，好快就攞得，鐵板上燒到啲飯牛肉好香，急不及待即時搵位坐低好好咁品嘗岩岩攞到份餐既時候，發現到好多牛肉其實仲未熟，仲係好多紅色，不過唔緊要，塊鐵板真係夠哂熱，自己翻兩翻啲牛肉好快就熟返，啲飯上面鋪滿芝士粒同埋葱粒，撈匀佢，由於鐵板既高溫熱力令芝士溶化繼而令芝士溶入飯粒入面，再加埋啲牛肉，簡直係無得輸

Pepper Lunch永遠都係咁多人食 嗰日吾知食咩好於是又幫襯 今次我坐低等攞個飯 永遠都有人買 有排等 結果個鐵板已經冇曬支支聲 唔夠熱 啲牛肉只熟咗一半。向上個面仲係紅色嘅未熟 都唔知點算後來用朋友個鐵板整熟嘅牛肉 今次算係最差嘅用餐經驗另外希望Pepper Lunch將來可以出多啲小胡椒甚至係冇胡椒嘅餐 令到食客有更多選擇 有啲人真係好唔鍾意食胡椒 但係又好想食鐵板飯喎我都知胡椒味係用嚟蓋住啲肉嘅雪味 但係有時真係想俾貴少少食啲冇胡椒嘅鐵板飯