Pepper Lunch Express Plus (麗閣商場) (已結業)

未食過一間pepper lunch係可以咁多油嫁，根本係用油黎浸飯，第一份無倒d油走，屋企人食左面果d就食唔到落去，第二份倒走左d油叫做好少少。間鋪完全唔同夠人做野，得一個小妹妹工作，我屋企人坐輪椅，但小妹妹唔識擺個斜板，攪左好耐，岩岩好推完屋企人上去塊板就跌左落地，想像唔到屋企人係中間跌落黎咁點算😡😡唔明呢間公司點解唔培訓一下員工，但小妹妹已經好盡力幫忙

今日天陰陰，於是去遠少少吃午飯，點了兩餐+set b，漢堡扒配腸仔份量OK，蒜香牛肉份量不多，鐵板內的汁料味道偏濃和有點鹹，加配的胡椒雞粒反而味道清淡，要額外到外面取蜜糖汁和醬油。整體來說都食物質素好，價錢合理。

麗閣商場重新裝修過，成個商場都好有特色，間pepper lunch都特別靚，以前係good court食都唔會留意到pepper lunch係日本餐廳，所有有好多清潔用品俾你用，包括枱面噴噴消毒，毛巾個啲，整體環境好乾淨.下午茶餐絕對唔可以錯過！HKD $39個飯嘅份量同一般午餐無分別，配料可以揀3樣，牛肉/漢堡（超juicy,係厚個款唔係m記個啲）雞肉再配粟米/芝士/煎蛋/西蘭花..味道正常，通常都會再自己加調味，今次加多左黑椒同蜜糖醬汁，熱辣辣炒埋一齊點都會好味！

叫咗個鐵板牛飯小食加咗雞粒我係叫外賣嘅本身諗住送到嚟冇鐵板會凍晒但冇 都好熱 仍然feel到嗰陣熱 唔錯感覺同堂食差唔多不過不失 冇乜特別想食個香口嘅快飯嘅話可以揀呢間

宅在家又想食Pepper Lunch, 現在外賣真的很方便，足不出戶就可以食不同美食。外賣叫了咖喱黑椒芝士牛肉飯和咖喱黑椒芝士雞肉飯。外賣會以黑色膠盒裝上，賣相好似堂食一樣。打開飯盒蓋，芝士鋪在面層，有陣陣黑椒味傳出，好香。飯與芝士仍然夠熱，倒上醬汁，攪拌一下，芝士與飯溶為一體，還有拉絲效果。醬汁令牛肉，雞肉和黑椒飯，味道更突出，黑椒味濃，好惹味，還帶有點點咖哩味。雞肉嫩幼，牛肉好似肥牛味道，兩款味道口感不錯。外賣與堂食分別，外賣少了堂食那種鐵板燒熱辣辣香口感覺。但外賣仍然夠味，黑椒味出。

位於麗閣邨入面既呢間pepper lunch 地方都好新淨，附近既麗閣商場經裝修過之後變得好唔同，外型以仿貨櫃作為設計，而附近既餐廳都變得好新潮，而當中既呢間pepper lunch就係例子啦～而今次係午餐時候黎食，可能比較早左少少既關係，入面都仲有位淨，而午餐時段都係叫套餐，附餐係包一罐汽水或者麵豉湯，而今次就揀左泡菜黑椒牛肉飯配可樂啦～泡菜黑椒牛肉飯（$60），呢款係佢係普通既黑椒牛肉飯上面加左啲泡菜，咁就收多$5，而pepper lunch好既地方就係你可以自己任加佢既蜜糖汁或者黑椒汁，而食個感覺就好似食緊鐵板餐咁，佢既牛肉一如以往都係薄身果款，等你撈埋一齊果時可以快熟啲，而味道都係咁，啲牛肉撈埋啲飯食都幾夾，不過食到底就太多油啦，呢個都係每次食pepper lunch既問題黎😂總結pepper lunch開係food court以外既地方都比較少見，而佢既餐廳環境都好新淨，唔會話好大油煙果啲，呢個係值得一讚既👍🏻

有無人同我一樣每次去美食廣場經過Pepper Lunch ，都會俾佢哋的香味吸引到，之後就決定揀食Pepper Lunch？疫情後，好小出去食飯，已經有點掛住Pepper Lunch的黑椒牛肉飯，今日再去麗閣商場睇下有咩食的時候，見到Pepper Lunch晚市都有得叫外賣，雖然無得自己炒下飯，但試吓都好。第一次外賣Pepper Lunch，佢哋係用膠飯盒裝住，外層再包保鮮紙，可以keep多一陣温度，每個飯再配一小杯醬料，呢個一定要拎，因為外賣的黑椒牛肉飯味道偏淡，要加醬汁攪拌先好味。雖然外賣的黑椒牛肉飯無堂食咁好味，但都可以止到隱，又多個晚市外賣選擇啦！