Pepperonis Pizza & Cafe

營業中

休息中

招牌pizza($90): 好多料..好好食鐵板雜扒($110): 有司華力腸,豬肋骨,雞扒,炸著真係好食到不得了..佢雞扒好入味,豬肋骨淋淋地 味道好好食由於份量幾大...叫左呢2樣 同男朋友都已經食到飽了

是晚再到這裡食晚餐. 比上次的感覺差了.我和石仔要了個超級漢堡和香辣海鮮意粉.個意粉先來, 好大碟, 醬汁好入味, 海鮮好新鮮, good~食完個意粉, 其實已經飽, 不過點都要食埋個超級漢堡.等左好耐, 終於來了.一上枱真係超開心, 好大個好大個, 仲有好多炸薯角伴碟.不過一食落就好失望了. 塊漢堡扒厚得來唔JUICY, 太實又沒有牛肉味, 口感同中式酒樓的山竹牛肉差不多.結果, 我地真係食唔落, 坐一陣就埋單走了.會再來的, 不過一定不會再叫漢堡了~

看完openrice之後看到Pepperonis Pizza & Cafe 的燒排骨好吸引，又去開西貢所以專程去試一試，有好多款食物，叫了燒排骨同埋pizza,希臘之旅ｐｉｚｚａ（＄１２５）好有水準,不會太厚和不感到油膩,上面仲有水芝士，燒排骨（＄８５）叫左個細，見到果陣好開心好靚，仲有好大份，可以３－４個人食，如果情侶去食，食一個都已經幾飽雖然一早知道不是燒熟是烚再燒，但佢烚得太熟，所以肉質超鞋烚到冇晒似味，薯角仲好食過排骨，敗筆！總結，可以一試，食物有好多款同埋幾好食，不過差在個燒排骨同埋張枱太細

今年情人節我地又避開熱鬧既市區, 黎左香港後花園, 其實都唔少人, 等van仔都等左好耐, 目的地係Pepperonis Pizza & Cafe, 都ok多人喎, 我地被安排上1/F, 見地下氣氛幾好, 1/F氣氛應該唔差呱....點知: 半層都係2人枱, 但就有枱一家三口有個B.....呢度d waiters有本地人又有印巴籍人士, 佢地做野都幾細心, 我話隻杯dirty, 佢就o係o個堆杯入面續隻揀揀完再俾我睇下o唔ok, 極度欣賞呢種服務態度囉!! ^_^ 入正題喇, 呢度d野都好好食同埋好大碟, 不過上菜就慢左d (人地囉, 我地o個d好快黎晒, 都未食完一樣第二樣都凍晒) 我地叫左三樣野(半份ribs, 肉腸pizza同埋蜆肉意粉), 加個茄汁湯and一杯red wine 已經飽到上心口, 夜晚返到屋企o個陣pizza味都仲o係度徘徊梗...真係好好味!!!! =P

情人節晚上同女朋友嚟食dinner, 喺沙田搭299, 去到police station落, 睇過地圖好近, 不過一落車唔識路, 搞到搵咗成3個字= =(其實好近)因為book了位, 所以等咗唔係好耐點了個情人節2人餐, 再叫多咗個肉醬千層意粉2人餐包餐湯, 2個主菜, 甜品餐湯係cream soup, 好重奶油味, 好香主菜選擇了"情侶pizza"同"ribs"pizza好香, 批邊好脆, 好似之前d report咁講好食過pizza hutribs 雖然係佢寫就話半份, 不過其實都好大份.女朋友本身唔太喜歡ribs, 不過我見呢度d人話好好食, 咁就叫咗.好大份多肉, 而且d肉好好肉汁, 女朋友都話好食~ =p仲有個肉醬千層意粉, 係我食過咁多間最好食的一間!!!超正!!!甜品係朱古力cake 同雪糕雪糕無咩特別, 都ok個cake又係好好好食~本身飽到d嘢食唔哂(仲有半份pizza同半份ribs)但係我哋都仲夾手夾腳食咗個cake~ !好似每樣都好好食, 不過d好重芝士, 有點滯2人餐$350+肉醬千層意粉$100左右+加一埋單$49x都ok抵食=p

學生仔們浩浩蕩蕩嚟寒舍搗亂加拜年，笑聲始起彼落，玩得不亦樂乎^0^天寒地凍，費事落街食。想叫外賣，Pizza Hut ? 千訢咪攪...遠少少去Pepperonis叫，$399一個六人餐，有salad、pizza、spaghetti、招牌ribs、雞翼及春卷，多到夠食兩餐...味道絕對比乜嘢勞什子pizza hut好得多，價錢可能貴少少，但物有所值...pizza餅底雖並唔係傳統嘅thin crust，但都做得不錯，起碼唔會好似枕頭咁厚...marinara spaghetti真的頗辣及惹味...ribs當然份量夠巨，稍微甜咗少少...其他嘢水準不過不失，但一定比其他連鎖店好...

入西貢玩,泊左架車喺滿記斜對上個停車場,行番落嚟時侯見到此店,幾好feel,就坐左門口露天位!可以食番支煙!叫番個Pepperonis Pizza,同埋兩杯house red,d芝士好香，個批邊幾脆,比起pizza仲好食好多!杯house red算ok,一邊食pizza,一邊嘆紅酒,如果天氣唔太凍絕對係享受!

晚餐在西貢的最後一餐，選擇了Pepperonis。時間尚早，我倆六時多已到達，餐廳人不多，可以自行選位就坐。其實大家都不餓，只點了兩個dish︰dinosau ribs(half) & peking duck pizza(small)。但最後又是吃得很飽﹗dinosau ribs ($75)︰雖然只是半份，其實份量並不少，都有六、七條骨的。肉都頗腍的，也是輕輕一切便可把肉和骨分開。另外，肉有燒烤汁的味，吃起來一點都不寡。如果還想濃味一點，就蘸上附上的醬汁，十分惹味。還有伴碟的炸薯角，炸得脆又香口，食到停不了口。我倆都覺得這個價錢很抵食呢。peking duck pizza($85)︰小的size是8寸，分到四塊，對於我倆絕對夠了。這個pizza用的是海鮮醬，甜甜的味道蠻特別的。加上烤鴨、洋蔥等toppings，很有中國味道。可惜餅底不是薄的，但批邊都焗得有點脆口，算是平凡中帶點驚喜吧。服務生會主動提供水，而且服務態度不錯，能夠不時留意到客人的需要，不錯﹗只是七時多已有人等位了，我倆便騰出空位，到外頭散散步去。

經介紹打左去book位, 一聽電話既時候差d 嚇死我...因為係外國人, 於是就用英文book啦~幾好禮貌呀~去到既時候原來冇想像中咁多人, (我原本以為要排好耐, 所以早成3個星期去訂位, 因為係平安夜嘛~), 坐樓上, 冇樓下咁好環境, 不過靜好多同埋暖好多!! 我地四個人叫左新奧爾良pizza, 三文魚濃汁闊面, 海鮮籃, 半份dinosaur ribs, 仲有一個凱撒salad, 好飽~個pizza我地叫薄既, 真係好脆同埋好特別~好好味~~個闊面睇落去唔係好, 但係都幾多, 多過平時食pizza hut~~個海鮮籃冇想像中咁多海鮮, 有好多薯圈, 不過d海鮮真係幾好味, 個salad同ribs本人超喜歡!!~~salad雖然差唔多全部都係菜, 但係好好味好新鮮, 尤其係咁多肉既時候, 個salad中和番, 超正!個ribs我地4個人一人只係食到一條左右, 真係好香好軟, 非常美味!! 總括黎講就係好味呀, 不過就比較熱氣同埋濃味, 同行友人就認為d 野食樣樣都差唔多味...可能係比較濃味啦, 始終同中菜唔同...不過本人認為大時大節或者去慶祝既時候食非常唔錯!!除此之外, 環

長途跋涉來到西貢打算食餐好既,order左一個caesar salad,半份ribs,一個細既pizza havana。等到半個鐘都連salad都未黎,見到隔離枱遲過我地黎,但係D野食都黎齊,拿拿臨搵番同我地落單個個侍應催單。點知同佢講完之後又唔覆番我地,仲要再等多半個鐘先開始有份salad黎,仲要黎錯,唔係我地order個份。真係好嬲,等成粒鐘先有野食,仲要催左幾次單都冇反應。食物質素尚算不俗,但係作為服務性行業,最基本同客人溝通都做唔到,我覺得都幾失望。

星期六同老婆黎食，其實見咁多好評，上次都想黎但係搵唔到。今次打定電話問定先黎。坐低見人地叫既海鮮籃份量好多，驚食唔晒，所以只叫左個蜆肉意粉同個招牌pizza，個蜆肉意粉蒜味好濃，好香，係好似油多左少少。個pizza唔係薄pizza，味道都唔錯。食完兩樣野都飽。下次黎一定試下佢個海鮮籃或者燒排骨先，不過份量好大，兩個人真係食唔晒。

14/10/2007 (星期日)無聊又愛吃的我, 终於叫我得動本人懶懶的男朋友陪我入西貢搵食。而事前當然係OPENRICE做定RESEARCH先動身, 否則去到先諗食咩實俾男朋友仔”哦”到暈。去到搵到普通道, 但點都唔見間野, 問左人2 次先搵到, 原來普通道都幾迂迴下。去到有D露天茶坐FEEL, 下午2點幾都有幾多人, 因餐廳窗入的位置已坐滿人, 而個日又熱又要一滴風都無不想坐露天位, 所以怕熱的男朋友仔選擇左門口食到正既風口位坐。我地叫左半客RIB, 一客炸海鮮籃, 一個細既PIZZA 同2 杯特飲。PIZZA –因款式太多我地唔知叫邊款好, 所以叫WAITER介紹, 佢介紹左NO.12個款PIZZA俾我地, 好特別, PIZZA底唔厚唔薄但好脆好有口感, 而餡料好特別有香草, 有酸忌廉等不一樣的餡料, 味道亦不錯, 本人因極愛芝士故只厭此批芝士不夠多, haha~~~炸海鮮籃–有青口, 魚柳, 魷魚圈, 蝦, 薯條, 份量十足, 落少許檸檬汁更野味。RIB –好淋, 黎哂肉, 汁好鮮味, 好香口, 比意粉屋好味很多。食完很滿足, 但美中不足既係我地坐左係風口位, D野好快吹到凍哂

爸爸的生晨去了西貢慶祝,一心想去Japas. 大意的我沒有訂位,到處也滿座。唯獨Pepperonis有位,心知不妙,山長水遠食Pepperonis “吾係呀fa”好彩不如所料, Pizza 及Dinosaur Ribs同樣美味.Dinosaur Ribs肉夠tender 又juicy.不足之處: １）飲品太貴, 食pizza又怎可無汔水呢.2)職員欠細心,我們只得三個人也沒有給我們溫馨提示. 其實Dinosaur Ribs可以order 半rack雖然餐牌並沒注明。眼見人地叫半rack 才知自己蠢了.難怪人地話, Japas 西貢好食過中環好多, Pepperonis都係西貢好,不知西貢的McDonald 又係吾係好D呢?

真的坐下來去吃個pizza，我想都有成三四年無試過，通常都係公司一齊食野叫pizza hut，所以難得地今天收工到西貢行下食個出名的pizza﹗Pepperonis Pizza & Cafe就在西貢滿記的上斜轉角位，環境不錯，有露天坐位，不過蚊患嚴重好簡單，就係想食個pizza，點了招牌Pepperonis Pizza，芝士好香，個批邊好脆仲有香草味，料足得好緊要，啖啖都係滿滿的，感覺十分良好﹗不過兩個人食真係飽到......記住叫小批好喇，中批都嫌太飽﹗

食左醬汁肉排炸雞籃同埋炸芝士仲有兩杯野飲(特色咖啡同埋黑牛)肉排好好味~~~~仲可以揀半舊...真係好正....雖然味好濃...不過好好味d肉整到勁林....真係想而家就食多次雞籃.....有d失望....因為冇咩特別...不過分量搭夠.....芝士.....可能一炸出尼即刻食會好d....佢有d似pizza hut 的芝心批的果d芝心特色咖啡唔夠凍但係黑牛應該係因為佢係汽水整出尼的關係所以就夠凍.....一開始冇人serve......要自己get menu.....追單又冇人理....不過除此之外都ok....計起尼....都幾正